გორის მუნიციპალიტეტის შინდისის, ვარიანისა და ნიქოზის ადმინისტრაციულ ერთეულებში შემავალ სოფლებში მესაკუთრეებს ყველა მიწის ნაკვეთი უსასყიდლოდ დაურეგისტრირდებათ. ამის შესახებ ინფორმაციას გორის მერია ავრცელებს.
პრეს-სამსახურის ცნობით, ინფორმაცია გორის მერს, კონსტანტინე თავზარაშვილს საჯარო რეესტრის ეროვნული სააგენტოს თანამშრომლებმა გააცნეს. სამუშაო შეხვედრას ესწრებოდნენ ასევე, მერის წარმომადგენლები შესაბამის ადმინისტრაციულ ერთეულებში და გორის მუნიციპალიტეტის საკრებულოს მაჟორიტარი წევრები.
სააგენტოს წარმომადგენლების განცხადებით, საჯარო რეესტრის ეროვნული სააგენტო მოქალაქეების მომართვის გარეშე ნაკვეთის რეგისტრაციისთვის საჭირო ყველა პროცედურას (საკადასტრო აგეგმვა/აზომვითი ნახაზების მომზადება, საკუთრების უფლების დამადასტურებელი დოკუმენტაციის მოძიება-ანალიზი და ნაკვეთების დარეგისტრირება) საკუთარი ინიციატივით და უფასოდ განახორციელებს.
შედეგად ქვემო ნიქოზში, ზემო ნიქოზში, ზემო ხვითში, ქვემო ხვითში, შინდისში, ფხვენისში, ყელქცეულში, კოშკებში, ვარიანის მეურნეობაში, საქაშეთში, ახალდაბაში, არაშენდასა და ვარიანში მცხოვრები მოსახლეობა შეძლებს რეგისტრირებული საკუთრების ეფექტურად განკარგვასა და ეკონომიკური სარგებლის მიღებას.
მიწის სისტემური რეგისტრაცია მსოფლიო ბანკის მიერ დაფინანსებული პროექტის "ირიგაციისა და მიწის ბაზრის განვითარება" - ს ფარგლებში ხორციელდება.
________________
თქვენ ამ სტატიას კითხულობთ პლატფორმა Feedc -ზე.
Feedc არის ახალი მედია პლატფორმა, სადაც შეგიძლიათ გაეცნოთ ჩვენს სტატიებს.
აპლიკაციის გადმოსაწერად დააჭირეთ ამ ბმულს: download.feedc.com
#სიახლე
#goridaily
წყარო -shidaqartli.ge
#ახალიამბები