როგორ ცხოვრობს სტალინის შვილიშვილი, რომელიც საკუთარ ბაბუას უარყოფს?

0
48 წლის კრის ევანსი (Chris Evans) იოსებ ბესარიონის ძე სტალინის შვილიშვილია, ცხოვრობს აშშ–ის ქალაქ პორტლენდში (შტატი – ორეგონი), ბოჰემური ცხოვრებით, საკუთარი წარმოშობის წყვდიადი წარსულიდან ძალზედ შორს, ეთაყვანება საკუთარ პიროვნულ თავისუფლებას, დედის შესახებ მოგონებებს და არ აფიშირებს საკუთარ გენეტიკურ კავშირს ნახევარი მსოფლიოს ოდინდელ ხელთ/მპყრობელთან.
1918 წლიდან მისი მეორე მეუღლე, ქართველი ბოლშევიკის და სტალინური რეჟიმის ერთ–ერთი წამყავნი ფიგურის (და იგივე რეჟიმის მიერ ცოფიანი ძაღლივით მიხვრეტილის), აბელ ენუქიძის ნათლული, მამით ნახევრად ბოშა და დედით – გერმანელი, ნადეჟდა ალილუევა 1932 წელს გარდაიცვალა. ნადეჟდას 2 შვილი დარჩა ობლად – ვასილი და სვეტლანა.
ვასილიმ ახალგაზრდობის წლებში საბჭოთა კავშირის ავიაციის მოწინავე ჩინებამდე მიაღწია. 1960 წელს გადასახლებული იქნა ყაზანში, ალკოჰოლიზმის და საბჭოთა სამხედროსთვის შეუფერებელი საქციელის ბრალდებით, სადაც აღესრულა კიდეც, 1962 წელს. სვეტლანა ალულიევა მესამედ და უკანასკნელად გათხოვილი იყო ამერიკელ არქიტექტორ უილიამ უესლი პიტერსზე (William Wesley Peters) და სწორედ მასთან შეძენილ სამ შვილთაგან უმცროსია ჩვენი მოთხრობის გმირი, კრის (დაბადების სახელით – ოლგა) ევანსი.
აღსანიშნავია, რომ თვით სვეტლანა ალილუევასაც ჰქონდა გვარ/სახელი შეცვლილი და ლანა პიტერსად (Lana Peters) იწოდებოდა. დედას და შვილს ძალზედ მოსიყვარულე და ფაქიზი დამოკიდებულება ჰქონიათ ერთმანეთთან და ერთი მშვენიერი ჰობიც – ხშირად მოგზაურობდნენ მსოფლიოს გარეშემო. კრისის თქმით: „დედაჩემი ყველაფერი იყო ჩემთვის. ერთად სუპერ წყვილი ვიყავით. ხან ის იყო ჩემი დედა და ხან მე – მისი. ცხადია, არ ეთანხმებოდა მამამისის მიერ ჩადენილს და ამიტომ, არ უნდოდა, მეც რაიმე კავშირი მქონოდა ბაბუას წარსულთან. ერთი პერიოდი ხალხი მას იმდენად მკაცრად აკრიტიკებდა, რომ საკუთარი თავის დადანაშაულებაც კი დაიწყო, მაგრამ მე ყველანაირად მარიდებდა ყველაფერ ამას, რის გამოც, თუ არ ჩავთვლით ინგლისსა და ამერიკაში ადაპტაციის პერიოდს და 1984 წლის წარუმატებელ დაბრუნებას საბჭოთა კავშირში, როდესაც დედა დასავლეთიდან გააძევეეს, შეიძლება ითქვას, რომ ნორმალური, ფიზიოლოგიური ბავშვობა მქონდა“.
ამჟამად სტალინის შვილიშვილი, რომელსაც ბრიტანული განათლება აქვს მიღებული, პორტლენდში ანტიკვარიატის პატარა მაღაზიის მფლობელია და ინტენსიური და ლაღი ცხოვრებით ცხოვრობს, რაშიც Facebook –ის მისი გვერდის იოლი თვალგადავლებითაც ვრწმუნდებით. ის კი არა და, ამაყობს, რომ როდესაც არჩევანი მიეცა, სახელმწიფო მოხელესა (სამოქალაქო შემოსავლის განყოფილების თანამშრომლის ვაკანსია) და კერძო მესაქმეობას შორის, ბიზნესი აირჩია და თავისი საყვარელი საქმე გააგრძელა – „პირველი საქმე ენთუზიაზმს უნდა დამყარებოდა, მეორე კი – უბრალოდ, ძალიან „მაგარი“ რამ იყო და ამიტომ, მეორისკენ გადავიხარე“ – სიცილით ამბობს კრისი და შემდეგ ისევ დედის შესახებ მოგონებას უბრუნდება – „არასოდეს მქონია არსებითი კავშირი ჩემს ფესვებთან. დედამ დამიცვა ამისგან. არასოდეს დაუძახია ჩემთვის „რუსი“, პირიქით, სულ იმას მიმეორებდა, ისეთივე ნაღდი ამერიკელი ხარ, როგორიც ვაშლის ღვეზელიაო!“
________________ თქვენ ამ სტატიას კითხულობთ პლატფორმა Feedc -ზე. Feedc არის ახალი მედია პლატფორმა, სადაც შეგიძლიათ გაეცნოთ ჩვენს სტატიებს. აპლიკაციის გადმოსაწერად დააჭირეთ ამ ბმულს:
#ისტორია
#პიროვნება
#სტალინი
#goridaily
#პოლიტიკა
#ახალიამბები
0