კომპანია „მადაგონი“ ქსელის გაფართოებას გეგმავს და სექტემბერში ქალაქ გორში მასშტაბურ სუპერმარკეტს ხსნის. ახალი საშუალო ზომის სუპერმარკეტები გაიხსნება თბილისსა და ზესტაფონშიც.
გორის სუპერმარკეტი 700 კვადრატულ მეტრ ფართობზე გაიხსნება და წარმოდგენილი იქნება სურსათისა და საოჯახო პროდუქციის სრული ასორტიმენტი.
როგორც „მადაგონში“ განმარტავენ, ქალაქში მსგავსი მასშტაბის სუპერმარკეტი ამ დრომდე არ ფუნქციონირებს და გორის მცხოვრებლებისთვის ის დამატებით კომფორტს შექმნის.
გარდა ამისა, კომპანია დასავლეთ საქართველოს ბაზრის ათვისებას გეგმავს, რასაც იმერეთის რეგიონიდან იწყებს.
"მადაგონი“ საქართველოს ბაზარზე უკვე მე-11 წელია ოპერირებს და მართავს 10 სუპერმარკეტსა და 6 რესტორანს, რომელიც როგორც თბილისში, ისე რუსთავშია თავმოყრილი. ამასთან, „მადაგონის“ ერთგული მომხმარებლისთვის კარგად არის ცნობილი მისი ლუდსახარში, სადაც, არაპასტერიზებული, ნატურალური ლუდი მზადდება და კომპანიის რესტორნებსა და პაბებში საკმაოდ ხელმისაწვდომ ფასად არის წარმოდგენილი.
ცნობილია მისი გემოვნური თვისებებიც: იმის გამო, რომ „მადაგონის“ ლუდს კონსერვანტები და სხვა დანამატები არ აქვს და ნატურალურ ინგრედიენტებზეა დამზადებული, ინარჩუნებს განსაკუთრებულ გემოვნურ თვისებებს.
________________
თქვენ ამ სტატიას კითხულობთ პლატფორმა Feedc -ზე.
Feedc არის ახალი მედია პლატფორმა, სადაც შეგიძლიათ გაეცნოთ ჩვენს სტატიებს.
აპლიკაციის გადმოსაწერად დააჭირეთ ამ ბმულს: download.feedc.com
#სიახლე
#სუპერმარკეტი
#მადაგონი
#goridaily
#ბიზნესი
#კულინარია
#ხელოვნება
#ახალიამბები