საქართველოს საფეხბურთო კლუბებისთვის უეფას 2020-2021 წლების ევროსეზონი საკვლიფიკაციო ეტაპზე დასრულდა. ევროპის რანგით მეორე საკლუბო ტურნირს - ევროპა ლიგას ბათუმის „დინამოსა“ და თბილისის „საბურთალოსს“ შემდეგ, თბილისის „ლოკომოტივი“ და „დინამო თბილისიც“ გამოეთიშნენ.
„ლოკომოტივი“ ესპანეთში დაუპირისპირდა „გრანადას“ და ანგარიშით 0:2 დამარცხდა. საქართველოს მოქმედმა ჩემპიონმა „დინამო თბილისმა“ კი ასევე სტუმრად, ექვსი გოლი გაუშვა ფარერის კუნძულების „ჩემპიონ“ კლაკსვიკთან და მხოლოდ ერთი გაიტანა - 1:6.
კორონავირუსის პანდემიის გამო, უეფა მიმდინარე სეზონში, ევროპა ლიგის საწყის ეტაპებზე მხოლოდ თითორაუნდიან ბრძოლებს ატარებს, ტრადიციული ორმატჩიანი დაპირიპირისპირებების ნაცვლად და ტურნირს შემორჩენილ საქართველოს ბოლო ორ კლუბს, მესამე ეტაპზე სტუმრად მოუხდათ თამაში.
https://www.radiotavisupleba.ge/a/30856521.html