კანადა გახდა რიგით მეორე სახელმწიფო, რომელმაც კომპანია Moderna-ს მიერ შექმნილი კორონავირუსის საწინააღმდეგო ვაქცინა დაამტკიცა.
მანამდე, დეკემბრის დასაწყისში, კანადის ხელისუფლებამ „მწვანე შუქი აუნთო“ Pfizer/BioNTech-ის ვაქცინას, რომლის გამოყენება, პირველ ეტაპზე პრიორიტეტულ ჯგუფებზე - მედიცინის მუშაკებზე და ხანდაზმულებზე დაიწყეს. დღეისთვის კანადამ მოთხოვნილი 76 მლნ. აუცილებელი დოზის მცირე ნაწილი მიიღო.
კომპანია Moderna-ს ვაქცინა გასულ კვირას შეერთებულ შტატებშიც დამტკიცდა.
პრემიერ-მინისტრ ჯასტინ ტრუდოს 15 დეკემბრის განცხადებით, ოფიციალურმა ოტავამ ხელი მოაწერა შეთანხმებას ამავე თვის ბოლოსთვის 168 000 ერთეული დოზა ვაქცინის შეძენაზე, შესაბამისი პროცედურების გავლის შემდეგ.
მომზადებულია რატი ერისთავის მიერ.
#Canada #COVID19 #vaccine #Moderna #interworld