http://pirveliradio.ge/?newsid=142140
ბრაზილიაში, ბოლო ერთი დღის განმავლობაში კორონავირუსით გარდაცვალების რეკორდულად მაღალი მაჩვენებელი დაფიქსირდა. ქვეყანაში ბოლო 24 საათის განმავლობაში „კოვიდ-19“-ით ინფიცირებული 407 ადამიანი გარდაიცვალა.
შესაბამის მონაცემებს ქვეყნის ჯანდაცვის სამინისტრო ავრცელებს.
ბოლო დღე-ღამეში ქვეყანაში კორონავირუსი 3 375 ადამიანს დაუდასტურდა.
სამინისტროს ცნობით, ქვეყანაში სულ გამოვლენილია კორონავირუსით ინფიცირების 49 492 შემთხვევა, მსხვერპლთა საერთო რიცხვმა კი, 3 313 შეადგინა.
ბრაზილიაში კორონავირუსის გავრცელების ეპიცენტრს სან-პაულუს შტატი წარმოადგენს.