რას გულისხმობს მმართველი პოლიტიკური გუნდის მიერ შემუშავებული ანტიკრიზისული გეგმა
(მცირე ამონარიდი შემოთავაზებული პაკეტებიდან):
• ოფიციალურად დასაქმებული პირები, რომლებმაც დაკარგეს სამსახური, ან გაუშვეს უხელფასო შვებულებაში, დახმარების სახით მიიღებენ 1200 ლარს 6 თვის განმავლობაში - თვეში 200 ლარს;
• ყოველ შენარჩუნებულ სამუშაო ადგილზე დამსაქმებელი მიიღებს სახელმწიფო სუბსიდიას. 6 თვის განმავლობაში 750 ლარის ოდენობის ხელფასი სრულად გათავისუფლდება საშემოსავლო გადასახადისგან. 1500 ლარამდე ხელფასი კი, 750 ლარის ოდენობით გათავისუფლდება საშემოსავლო გადასახადისგან;
• არაფორმალურ სექტორში დასაქმებულები ან თვითდასაქმებულები შემოსავლის დაკარგვის დასაბუთების შემთხვევაში მიიღებენ ერთჯერად დახმარებას - 300 ლარს;
• ყველა ფიზიკურ და იურიდიულ პირს 2012 წლიდან სარწყავი წყლის დაგროვილი დავალიანება ჩამოეწერება;
• 6 თვეში დამატებით საშუალოდ 600 ლარიან დახმარებას მიიღებენ ოჯახები, რომელთა სოციალური სარეიტინგო ქულა 65 000-დან 100 000-მდე ფარგლებშია. ოჯახები, რომელთა სოციალური სარეიტინგო ქულა 0-დან 100 000-მდე ფარგლებშია და ყავთ 3 და მეტი 16 წლამდე ასაკის შვილი; მკვეთრად გამოხატული შეზღუდული შესაძლებლობის მქონე პირები, ასევე შშმ ბავშვები;
• ტურიზმთან დაკავშირებულ ბიზნესსუბიექტებს ქონების და საშემოსავლო გადასახადი 3 თვით 2020 წლის 1-ელ ნოემბრამდე გადაუვადდა;
• ამოქმედდება დღგ-ს ავტომატური დაბრუნების მექანიზმი და გაორმაგდება დღგ-ის ზედმეტობის დაბრუნება - წელს ბიზნესი დამატებით მიიღებს 600 მილიონ ლარს;
• 30 ათას ლარამდე იზრდება სოფლად მცხოვრები იმ პირების დაფინანსება, ვინც მცირე ბიზნესის წარმოებას აპირებს;
2021 წლიდან გაიზრდება პენსია.
ქვეყანა კრიზისული მენეჯმენტისთვის 3 მილიარდ 500 მილიონ ლარს დახარჯავს.
27 აპრილიდან მსუბუქი ავტომობილების გადაადგილება, ტაქსების ოპერირება, ონლაინ ვაჭრობა, მიტანის სერვისები და ღია აგრარული ბაზრების საქმიანობა ნებადართული იქნება.