ორგანიზაცია "უკეთესი მომავლისათვის" აცხადებს კონკურსს აქტიური ახალგაზრდების შესარჩევად შემდეგ ლოკაციებზე სამუშაოდ:
1.წეროვანი
2.ფრეზეთი
3.ხურვალეთი
4.შავშვები
5. ოძისი
პროექტის მიზანია:
ომით დაზარალებული ახალგაზრდების (როგორც დევნილთა დასახლებებში, ასევე სასაზღვრო სოფლებში) ცნობიერების ამაღლება დემოკრატიული პოლიტიკური პროცესების შესახებ. განსაკუთრებით კი იმ სისტემურ პროცესებთან დაკავშირებით, რომელიც აქტიური საზოგადოებრივი ჩართულობით არსებულ მმართველობის ფორმებს თანამედროვე დემოკრატიულ მოდელად გარდაქმნის.
პროექტის ამოცანებია:
• ახალგაზრდებისათვის იმ საჭირო უნარების განვითარება, რაც მათ შემდგომში დაეხმარებათ აქტიური როლი შეასრულონ ადგილობრივი თემის განვითარების პროცესში;
• წეროვანის, ფრეზეთის, შავშვებისა და ხურვალეთის დევნილთა დასახლებებში, ასევე სასაზღვრო სოფელ ოძისში ახალგაზრდებისათვის დემოკრატიული პრინციპების სწავლება;
• ახალგაზრდებისათვის საჯარო გამოსვლის, პროექტის დიზაინისა და მენეჯმენტის, პოლიტიკური და დემოკრატიული იდეოლოგიის, ადამიანის უფლებებისა და მშვიდობის მშენებლობის პრინციპების სწავლება;
• პროექტის განხორციელების პირველ ეტაპზე - მოხდება მენტორების შერჩევა და გადამზადება;
• პროექტის განხორციელების მეორე ეტაპზე - ჩატარდება გაერთიანებული ტრენინგი მენტორებისა და თემის აქტიური ახალგაზრდებისათვის;
• პროექტის განხორციელების მესამე ეტაპზე - გამოცხადდება საგრანტო კონკურსი თითოეულ ლოკაციაზე;
• პროექტის განხორციელების მეოთხე ეტაპზე - პროექტის გავლენის შეფასების ტრენინგი;
პროექტის შედეგად:
მონაწილეებს პროექტის მიმდინარეობისას აქტიური კომუნიკაცია ექნებათ ადგილობრივ თუ საერთაშორისო ექსპერტებთან და შესაძლებლობა ექნებათ გამოსცადონ თავი ლიდერებად, მიიღონ თეორიული ცოდნა და პრაქტიკული გამოცდილება, რაც მნიშვნელოვანი იქნება სამომავლოდ პროფესიული განვითარებისათვის. პროექტის შედეგად ისინი შეძლებენ განივითარონ პროექტის წერის, მართვის, კომუნიკაციის, ლიდერობის, დემოკრატიული პროცესების შეფასების თეორიული და პრაქტიკული გამოცდილება და იყვნენ პოზიტიური ცვლილებების მომტანნი ადგილობრივ დონეზე.
პროექტის განხორციელების მეორე ეტაპზე ორგანიზაცია შეარჩევს აქტიურ ახალგზარდებს ტრენინგებსა და საგრანტო კონკურსში მონაწილეობის მისაღებად.
ახალგაზრდები უნდა აკმაყოფილებდნენ შემდეგ კრიტერიუმებს:
• იყვნენ 15-35 წლის ასაკის;
• ჰქონდეთ მოტივაცია, აქტიური მონაწილეობა მიიღონ ადგილობრივ დონეზე პოზიტიურ ცვლილებებში;
• მზად იყვნენ გუნდურად სამუშაოდ ადგილობრივი პრობლემების გადასაჭრელად;
• იზიარებდნენ პროექტის მიზნებს, ამოცანებსა და საჭიროების მნიშვნელობას;
პროექტში მონაწილეობის მისაღებად ახალგაზრდებს უნდა გააჩნდეთ შემდეგი უნარ-ჩვევები
• პასუხისმგებლობის გრძნობა
• პუნქტუალურობა
• გუნდური მუშაობის უნარი
• დეტალებზე ორიენტირების უნარი
• მზად იყოს პროექტში მიღებული გამოცდილება გაუზიაროს ახალგაზრდებს პროექტის დასრულების შემდეგაც.
პროექტში მონაწილეობის მსურველებს შეგიძლიათ ეწვიოთ ორგანიზაციის ფეისბუქ გვერდს.
#კონკურსი
#დევნილები
#goridaily