📌ცნობილია, რომ გრიპი მძიმედ გადააქვთ ბავშვებსა და ხანდაზმულებს, 60 წელზე მეტი ასაკის ადამიანებს. მათთან დიდია გართულებების განვითარების რისკი. რისკის ჯგუფში ასევე შედიან ადამიანები, რომელთაც აქვთ ფილტვების ქრონიკული (ბრონქული ასთმა, ფქოდი და სხვა), გულსისხლძარღვთა სისტემის (გულის თანდაყოლილი მანკები, გულის იშემიური დაავადება, გულის უკმარისობა), ღვიძლის (ციროზი), თირკმელების დაავადებები, იმუნოდეფიციტური მდგომარეობა. გრიპი საშიში დაავადებაა ორსულებისთვის.
📌გრიპი ადვილად ვრცელდება ჰაერ-წვეთოვანი გზით და დაბინძურებული ხელებით. გრიპით ინფიცირებაზე მეტყველებს: მაღალი ტემპერატურა, შემცივნება, საერთო სისუსტე, თავის, კუნთების (ფეხის, წელის კუნთების) ტკივილი, მადის დაქვეითება (გულისრევა, ღებინება). როგორც წესი, ზოგადი
ინტოქსიკაციის სიმპტომები ნარჩუნდება 5 დღის განმავლობაში. თუ ტემპერატურა უფრო გახანგრძლივდა, ეს სავარაუდოდ, გართულების მანიშნებელია. გრიპის ინფექციისას შეიძლება განვითარდეს პნევმონია, ენცეფალიტი, მენინგიტი, ორსულობის გართულება, ნაყოფის პათოლოგიები, ქრონიკული დაავადებების გამწვავება.
📌ექიმები მუდმივად გვაფრთხილებენ, რომ გრიპით დასნებოვნებისას არ შეიძლება ანტიბიოტიკების მიღება. აღნიშნული პრეპარატები არ მოქმედებენ ვირუსზე, მაგრამ ანადგურებენ ორგანიზმში არსებულ სასარგებლო ბაქტერიებს და ასუსტებენ იმუნურ დაცვას.
📌ანტიბიოტიკების დანიშვნა უნდა მოხდეს მხოლოდ ექიმის მიერ, გართულებების განვითარების შემთხვევაში, რაც გამოწვეული შეიძლება იყოს თანდართული ბაქტერიული ინფექციით.
#news #opinion #health #forhealt
Tbilisi