Everything about Kutaisi Daily life / ყველაფერი ქუთაისის ყოველდღიური ცხოვრების შესახებ
215
Followers
51
Following
477
Posts
257K
Mth. views
Cover photo
Latest
ქუთაისში ჩემი კონკურენტი იქნება ივანიშვილი და არა ლომინაძე - ოთარ კახიძე
"ევროპულმა საქართველომ" ქუთაისში მაჟორიტატი დეპუტატობის კანდიდატად პარტიის ერთი-ერთი აქტიური წარმომადგენელი, საპარლამენტო ფრაქციის ლიდერი დაასახელა. რაც უკვე ნიშნავს, რომ პარტია ქუთაისის მანდატისათვის ბრძოლას მნიშვნელოვნად მიიჩნევს და არც თუ უსაფუძვლოდ, ქუთაისში წინ მას ადვილი არჩევნები არ ელოდება. როგორც ოთარ კახიძე აცხადებს, ის წარმოშობით იმერეთიდან, კერძოდ კი, თერჯოლიდან არის, თუმცა მისმა წინაპარმა მომავალი თაობის განვითარების მიზნით თბილისში გადასვლა ამჯობინა. კახიძე აღნიშნავს, რომ მისი პოლიტიკური გუნდის მიზანია, ქუთაისს დაუბრუნდეს საპარლამენტო სტატუსი და იმერეთის და ქუთაისის მოსახლეობა უკეთესი მომავლის შექმნის მიზნით ქალაქს არ ტოვებდეს და განვითარების პერსპექტივის მიზნით სხვაგან არ მიდიოდეს. "ეს ქალაქი არ უნდა განიხილებოდეს როგორც მეორეხარისხოვანი და პროვინციული ქალაქი, არამედ როგორც დასავლეთ საქართველოს ცენტრი, ისე რომ იმერეთიდან თუ დასავლეთ საქართველოდან თბილისში არ უნდა მიდიოდნენ ახალგაზრდები უკეთესი მომავლისათვის" -აცხადებს კახიძე. რაც შეეხება კონკურენტებს, მმართველი პარტიის კანდიდატს ის კონკურენტად არ განიხილავს. „ზაზა ლომინაძე იქნება თუ სხვა, 41-ის გასწვრივ, იქნება ივანიშვილის წარმომადგენელი, ჩემი კონკურენტი იქნება ამ არჩევნებში ივანიშვილი და მისი პარტია და ვის წარადგენს ის კანდიდატად, არავითარი მნიშვნელობა არ აქვს. ივანიშვილს ისეთი სისტემა აქვს ქვეყანაში დანერგილი, რომ ინდივიდუალურ პოლიტიკოსებს არავითარი წონა არ აქვთ, არც მინისტრებს და არც პრემიერ-მინისტრს, ის არის ერთპიროვნული მმართველი და მისი მითითებით ხდება ყველაფერი, ამიტომ მე არ განვიხილავ ლომინაძეს კონკურენტად", - განაცხადა ოთარ კახიძემ. წინა საპარლამენტო არჩევნებში მან კენჭი თერჯოლა-ტყიბულის ოლქში იყარა და დაახლოებით 30 პროცენტამდე მხარდაჭერა მიიღო, თუმცა სახელისუფლებო კანდიდატთან - ელგუჯა გოცირიძესთან დამარცხდა. ________________ თქვენ ამ სტატიას კითხულობთ პლატფორმა Feedc -ზე. Feedc არის ახალი მედია პლატფორმა, სადაც შეგიძლიათ გაეცნოთ ჩვენს სტატიებს.#სიახლე #პოლიტიკა #ახალიამბები#kutaisidaily #პოლიტიკა
46 reads
ქუთაისში ჩემი კონკურენტი იქნება ივანიშვილი და არა ლომინაძე - ოთარ კახიძე
იმერეთის რეგიონში დამატებით ორი სოფელი გაზიფიცირდა
ეკონომიკისა და მდგრადი განვითარების მინისტრი ნათია თურნავა და იმერეთში სახელმწიფო რწმუნებული ზვიად შალამბერიძე სოფლებში, შიმშილაქედსა და სადგურ სვირში იმყოფებოდნენ, სადაც ცოტა ხნის წინ გაზიფიცირების პროცესი დასრულდა. ისინი პირადად გაეცნენ შესრულებულ სამუშაოებს და სოფლის მოსახლეობას შეხვდნენ. ცენტრალური და ადგილობრივი ხელისუფლების წარმომადგენლებმა სოფლის მოსახლეობას გაზიფიცირების სამუშაოების დასრულება პირადად მიულოცეს და ის სახელმწიფო პროგრამები გააცნეს, რომლებშიც მონაწილეობა შეუძლიათ, მათ შორის, პროგრამის „აწარმოე საქართველოში“ ფარგლებში. “გაზიფიკაციის 3 - წლიანი მასშტაბური სამთავრობო პროგრამის ფარგლებში, საქართველოს 400 - მდე დასახლებული პუნქტი ჩაერთვება გაზიფიკაციის ერთიან ქსელში და დამატებით 100,000 - მდე ოჯახი მიიღებს ბუნებრივ აირს. კორონავირუსის პანდემიის მიუხედავად, არც ერთი დღით არ შეჩერებულა გაზიფიცირების დიდი პროგრამა, მათ შორის, იმერეთის რეგიონში“. - განაცხადა მინისტრმა. დღესვე, ნათია თურნავამ და ზვიად შალამბერიძემ ადგილობრივ მოსახლეობასთან ერთად, ოჯახებში გაზის ანთების სიმბოლურ ცერემონიალში მიიღეს მონაწილეობა. გაზის ტრანსპორტირების კომპანიის ორგანიზებით, ღონისძიების ფარგლებში, სოფელ ახალ სვირში მცხოვრებ სოციალურად დაუცველ, მარტოხელა დედას, ინგა ბასილაძისა და სოფელ შიმშილაქედში მცხოვრებ მელანო ქუტიძის ოჯახებს საჩუქრად გაზქურები გადაეცათ. აღსანიშნავია, რომ 2019 - 2021 წლების გეგმის ფარგლებში იმერეთის რეგიონის 7 მუნიციპალიტეტში: ბაღდათში, ხარაგაულში, ვანში, საჩხერეში, ტყიბულში, ზესტაფონსა და თერჯოლაში 26 სოფლის გაზიფიცირებისთვის საჭირო სამშენებლო სამუშაოები დასრულდა. პროექტის ფარგლებში, ჯამურად აშენდა 374,408 გრძივი მეტრი გაზსადენი, ხოლო 4 819 აბონენტი ბუნებრივი აირით სარგებლობას შეძლებს. ________________ თქვენ ამ სტატიას კითხულობთ პლატფორმა Feedc -ზე. Feedc არის ახალი მედია პლატფორმა, სადაც შეგიძლიათ გაეცნოთ ჩვენს სტატიებს.#სიახლე #გაზიი #kutaisidaily #პოლიტიკა #ახალიამბები
49 reads
იმერეთის რეგიონში დამატებით ორი სოფელი გაზიფიცირდა
რამდენი ადამიანი მკურნალობს კოვიდ 19 - ზე ქუთაისში?
საქართველოში კორონავირუსის შემთხვევების რაოდენობა 9-თ გაიზარდა. ჯამში ვირუსის 1206 შემთხვევა დასტურდება. გამოჯანმრთელდა 13 პაციენტი და ჯამში გამოჯანმრთელებულების რაოდენობამ 987 შეადგინა. კარანტინის რეჟიმში 7071, ხოლო სტაციონარში მეთვალყურეობის ქვეშ 294 პირი რჩება. გარდაცვლილია 17 ადამიანი. რაც შეეხება ქუთაისს, ინფექციურ საავადმყოფოში ვირუსით კვლავ ერთი ადამიანი მკურნალობს. კლინიკაში აცხადებენ, რომ პაციენტს ტესტი მომავალ კვირაში ჩაუტარდება. ________________ თქვენ ამ სტატიას კითხულობთ პლატფორმა Feedc -ზე. Feedc არის ახალი მედია პლატფორმა, სადაც შეგიძლიათ გაეცნოთ ჩვენს სტატიებს.#სიახლე #ახალიამბები #კორონავირუსი #კოვიდ19 #kutaisidailyწყარო - radiodk.ge #ახალიამბები
68 reads
რამდენი ადამიანი მკურნალობს კოვიდ 19 - ზე ქუთაისში?
,,ტორპედოსა" და ,,თელავის" ფეხბურთელები რუსულ ოკუპაციას გააპროტესტებენ
,,ჩვენი ქვეყნის 20% ოკუპირებულია რუსეთის მიერ" - ამ წარწერიანი მაისურებით ,,ტორპედოსა" და ,,თელავის" გუნდები მატჩზე გამოვლენ. ამას გარდა მაისურებზე იმ გმირების სახელები და გვარები იქნება დატანილი, რომლებიც აგვისტოს ომს შეეწირნენ. ,,მატჩის დღეს, ტორპედოს ინიციატივით, ორივე გუნდი მოედანზე სპეციალური მაისურებით გამოვა. ,,ტორპედო" და ,,თელავი" კიდევ ერთხელ იტყვიან ხმამაღლა, რომ ჩვენი ქვეყნის 20% ოკუპირებულია რუსეთის მიერ. მაისურის მეორე მხარეს იმ გმირი ჯარისკაცების სახელები და გვარები იქნება, რომლებიც აგვისტოს ომს შეეწირნენ. ერთმანეთს აუცილებლად დავიბრუნებთ!"- აცხადებენ ,,ტორპედოში". მატჩი 6 აგვისტოს, რამაზ შენგელია სახელობის სტადიონზე, 21 საათზე დაიწყება და დასწრება თავისუფალია. აგვისტოს ომიდან 12 წელი გავიდა. დიღუპა 412 ადამიანი, მათ შორის, 169 ჯარისკაცი; დაიჭრა - 1 747; 130 ათასი ადამიანი იძულებული გახდა სახლები დაეტოვებინა, ამათგან 30 ათასი დღესაც დევნილობაში ცხოვრობს; განადგურდა 35 ათასი სახლი; მიწასთან გასწორდა 53 ქართული სოფელი; რუსეთის მიერ დამატებით ოკუპირებულია 5 ხეობა და 125 სოფელი; საქართველოს მოქალაქეები დღემდე ცხოვრობენ მავთულხლართების მიღმა. ________________ თქვენ ამ სტატიას კითხულობთ პლატფორმა Feedc -ზე. Feedc არის ახალი მედია პლატფორმა, სადაც შეგიძლიათ გაეცნოთ ჩვენს სტატიებს.#ახალიამბები #პოლიტიკა #ოკუპაცია #ოკუპირებულიტერიტორია #აგვისტოსომი #kutaisidailyწყარო - radiodk.ge #სპორტი #პოლიტიკა #ახალიამბები
43 reads
,,ტორპედოსა" და ,,თელავის" ფეხბურთელები რუსულ ოკუპაციას გააპროტესტებენ
ვინ არის ქუთაისელი აბიტურიენტი,რომელმაც ბიოლოგიაში უმაღლესი ქულა მიიღო?
ნევროლოგია და კარდიოლოგია – ესაა იმ ქუთაისელი აბიტურიენტის ინტერესები, რომელმაც 2020 წლის ერთიან ეროვნულ გამოცდებზე ბიოლოგის საგანში უმაღლესი შეფასება მიიღო. მერი ცუცქირიძე შპს გოქაძის #1 სკოლის მოსწავლეა, მანამდე ის ქუთაისის მე-12 საჯარო სკოლაში სწავლობდა. როგორც აბიტურიენტი “მეგა ტვ”-თან საუბრისას ამბობს მასწავლებლებმა მის წარმატებაში დიდი წვლილი შეიტანეს. მერი ცუცქირიძე თავისი შედეგის, ინტერესებისა და გამოცდების სირთულეზე გვესაუბრა: “პედაგოგებმა თავისი წვლილი შეიტანეს ჩემს წარმატებაში, თუმცა განსაკუთრებით მადლიერი ჩემი ბიოლოგიის ბოლო მასწავლებლის მაკა გუგუნავასი ვარ. სიმართლე გითხრათ, მაღალ ქულას ველოდი, თუმცა უმაღლესს არა, ძალიან გამახარა ამ შედეგმა. ვიგრძენი, რომ ჩემს შრომას ტყუილად არ ჩაუვლია. რაც შეეხება პანდემიას, თავისებური გავლენა იქონია, რა თქმა უნდა, სწავლის პროცესზე, მაგრამ არა რადიკალური. ეროვნულების წერისას, მე პირადად , დისკომფორტი არ შემქმნია. იყო მშვიდი, მოწესრიგებული გარემო, რამაც ხელი შემიწყო გამომევლინა ჩემი შესაძლებლობები. სამედიცინოზე ვაბარებ თბილისის სახელმწიო სამედიცინო უნივერსიტეტში და ერთი სული მაქვს როდის შევდგამ ამ უნივერსიტეტში ფეხს. ზუსტად არ გადამიწყვეტია რომელი განხრით განვავითარებ ჩემს ცოდნას, თუმცა ნევროლოგია და კარდიოლოგია მაინტერესებს ძალიან, ვნახოთ რა იქნება. დასასრულს, მინდა ყველა ჩემს თანატოლს წარმატება ვუსურვო.” ________________ თქვენ ამ სტატიას კითხულობთ პლატფორმა Feedc -ზე. Feedc არის ახალი მედია პლატფორმა, სადაც შეგიძლიათ გაეცნოთ ჩვენს სტატიებს.#გამოცდები #ეროვნულიგამოცდები #ბიოლოგია #ექიმი #აბიტურიენტები #ახალიამბები #ჯანსაღიცხოვრება #ახალიამბებიწყარო - megatv.ge
35 reads
ვინ არის ქუთაისელი აბიტურიენტი,რომელმაც ბიოლოგიაში უმაღლესი ქულა მიიღო?
ქუთაისის მერიის მხარდაჭერით SOS ბავშვთა სოფლის „ქუთაისის“ აღსაზრდელები დენდროლოგიურ პარკს ესტუმრნენ
ქუთაისის მერიის მხარდაჭერით SOS ბავშვთა სოფლის „ქუთაისის“ აღსაზრდელები შეკვეთილის დენდროლოგიურ პარკს ესტუმრნენ. ბავშვებმა დაათვალიერეს ახლადგახსნილი პარკი, გაეცნენ ფლორის და ფაუნის ეგზოტიკურ წარმომადგენლებს. ბავშვთა სოფლის ბენეფიციარებთან ერთად შეკვეთილში იმყოფებოდა ქუთაისის მერიის ადმინისტრაციული სამსახურის უფროსი პეტრე ადამაძე. „ ეს ღონისძიება განკუთვნილი იყო SOS ბავშვთა სოფელ „ქუთაისის“ პროგრამის ალტერნატიული ზრუნვის ბენეფიციარებისთვის. გვინდოდა, ბავშვებისთვის გვეჩუქებინა ლამაზი, დასამახსოვრებელი დღე. ამასთანავე, ხელი უნდა შევუწყოთ ადგილობრივი , შიდა ტურიზმის განვითარებას.“ - განაცხადა პეტრე ადამაძემ. „ძალიან გვიხარია, რომ დღევანდელი დღე აჩუქა ქუთაისის მერიამ ჩვენს ბავშვებს, რომლებსაც დიდი ხანია უნდოდათ დენდროლოგიური პარკის დათვალიერება. ბავშვების სოციალიზაციისათვის უმნიშვნელოვანესია ასეთი ღონისძიებები. აღფრთოვანებულები არიან ნანახით, ემოციებს და შთაბეჭდილებებს ვერ მალავენ. დიდი მადლობა ჩვენი ქალაქის მერიას ამ საჩუქრისთვის“- ამბობს ხათუნა გოგიძე, SOS ბავშვთა სოფელ „ქუთაისის“ განათლების პროგრამის კოორდინატორი. შეკვეთილის დენდროლოგიური პარკი, თავისი უნიკალური კოლექციით და ორიგინალური განაშენიანებით, საუკეთესო გარემო აღმოჩნდა იმისთვის, რომ ბავშვებს ბიომრავალფეროვნება კარგად შეეგრძნოთ და ეს ერთი დღე საინტერესოდ და სასიამოვნოდ გაეტარებინათ. ________________ თქვენ ამ სტატიას კითხულობთ პლატფორმა Feedc -ზე. Feedc არის ახალი მედია პლატფორმა, სადაც შეგიძლიათ გაეცნოთ ჩვენს სტატიებს.#სიახლე #kutaisidaily #მოგზაურობა #ხელოვნება #ახალიამბები
48 reads
ქუთაისის მერიის მხარდაჭერით SOS ბავშვთა სოფლის „ქუთაისის“ აღსაზრდელები დენდროლოგიურ პარკს ესტუმრნენ
რატომ დააკავეს 55 წლის მამაკაცი ?
ქუთაისში, აღმაშენებლის გამზირზე სპეცოპერაცია ჩატარდა. 55 წლის მამაკაცი სამართალდამცველებმა დააკავეს – ინფორმაციას “ნიუპრესი” ავრცლებს. სავარაუდოდ, დაკავებული მეტადონის პროგრამით სარგებლობდა და მან მედიკამენტები შენობიდან გაიტანა. როგორც დაკავებული აცხადებდა, მას ნარკოტიკული საშუალება თან ქონდა. ადგილზე რამდენიმე სამართალდამცველის რამდენიმე ჯგუფი იმყოფებოდა. ________________ თქვენ ამ სტატიას კითხულობთ პლატფორმა Feedc -ზე. Feedc არის ახალი მედია პლატფორმა, სადაც შეგიძლიათ გაეცნოთ ჩვენს სტატიებს.#სიახლე #სიახლეები #ახალიამბები #სპეცოპერაცია #kutaisidaily #ახალიამბები
3579 reads
რატომ დააკავეს 55 წლის მამაკაცი ?
ვინ იყო კაცი, რომელიც სიყვარულის გამო მოსკოვიდან ქუთაისში ფეხით ჩავიდა?
დავით ნიკოლოზის ძე აბდუშელიშვილი და მისი მეუღლე, ეკატერინე ლოლუა-აბდუშელიშვილისა დაახლ. 1875 წელი, ქუთაისი დავით აბდუშელიშვილი ქუთისის ცნობილი ნოტარიუსი იყო და ხშირად იხსენიება იმდროინდელ ქართულ და რუსულ პრესაში ("ივერია", "კვალი", "დროება", "ცნობის ფურცელი", "კავკაზი"). მან განათლება ჯერ ქუთაისის კლასიკურ გიმნაზიაში, შემდეგ კი მოსკოვის უნივერსიტეტში მიიღო. ახლობლების გადმოცემით ის იმდენად რომანტიკული და ცნობისმოყვარე პიროვნება ყოფილა, რომ სწავლის დასრულების შემდეგ ფეხით ჩამოსულა მოსკოვიდან ქუთაისამდე. გარდაიცვალა 1919 წელს. დავითს ოთხი ქალიშვილი ჰყავდა, მათ შორის ცნობილი პიანისტი ანასტასია აბდუშელიშვილი-ვირსალაძისა. ________________ თქვენ ამ სტატიას კითხულობთ პლატფორმა Feedc -ზე. Feedc არის ახალი მედია პლატფორმა, სადაც შეგიძლიათ გაეცნოთ ჩვენს სტატიებს. აპლიკაციის გადმოსაწერად დააჭირეთ ამ ბმულს: download.feedc.com#ისტორია #პიროვნება #ქუთაისი #kutaisidaily #მოგზაურობა #ხელოვნება
3709 reads
ვინ იყო კაცი, რომელიც სიყვარულის გამო მოსკოვიდან ქუთაისში ფეხით ჩავიდა?
ქუთაისელი ჰირო 4 წლის იუბილეს ხორცის ტორტით შეხვდა
”დღეს ჩემი ჰირო 4 წლის გახდა❤️. ზეიმია ოჯახში😊🥂🥞. ვღებულობთ მილოცვებს:))” – წერს ჟურნალისტი ხვიჩა ვაშაყმაძე ფეისბუკზე და თავისი ძაღლის ფოტოებს გვიზიარებს, რომელსაც იუბილე ხორცის ტორტით, მეგობართან ერთად აღუნიშნა. ________________ თქვენ ამ სტატიას კითხულობთ პლატფორმა Feedc -ზე. Feedc არის ახალი მედია პლატფორმა, სადაც შეგიძლიათ გაეცნოთ ჩვენს სტატიებს. აპლიკაციის გადმოსაწერად დააჭირეთ ამ ბმულს: download.feedc.com#სიახლე #სახალისო #ძაღლი #kutaisidailyწყარო - #ახალიამბები
51 reads
ქუთაისელი ჰირო 4 წლის იუბილეს ხორცის ტორტით შეხვდა
ვოცნებობთ მოედანზე – რას ითხოვენ ბავშვები ?
კახაიანოურის ადმინისტრაციულ ერთეულში რამდენიმე ქუჩაზე – ნიკო მარის, ჯორჯიაშვილისა და ევდოშვილის ქუჩებზე მაცხოვრებელი ბავშვების ერთადერთ გასართობ ადგილს წარმოადგენს, თუმცა მოედანი ამორტიზებულია. ბავშვების თქმით, აქ უმეტესად საღამოობით გადიან სათამაშოდ, თუმცა განათება არაა. შესაბამისად გართობას ფაქტიურად ვერ ახერხებენ. “სკოლის დარაჯი გვინათებს ხოლმე მოედანს, რომ ვითამაშოთ“ – ამბობენ ბავშვები. ბავშვებთან ერთად პრობლემის მოგვარებასა და გადაჭრას ითხოვენ მოზრდილებიც. მათი თქმით პატარებს გასართობი სჭირდებათ. ევდოშვილის ქუჩაზე ამისათვის შესაბამის ადგილად საბავშვო ბაღის უკანა ტერიტორიას მოიაზრებენ. ფართობი ამ ეტაპზე ბალახადაა წასული, თუმცა როგორც ჩანს, აქ ადრე მოედანიც იყო და სხვა გასართობი ატრაქციებიც. ________________ თქვენ ამ სტატიას კითხულობთ პლატფორმა Feedc -ზე. Feedc არის ახალი მედია პლატფორმა, სადაც შეგიძლიათ გაეცნოთ ჩვენს სტატიებს. აპლიკაციის გადმოსაწერად დააჭირეთ ამ ბმულს: download.feedc.com#სიახლე #საფეხბურთომოედანი #ბავშვები #kutaisidailyწყარო - megatv.ge #ჯანსაღიცხოვრება #სპორტი #ახალიამბები
57 reads
ვოცნებობთ მოედანზე – რას ითხოვენ ბავშვები ?
ზურაბ გორგილაძის ლექსი ქუთაისის 37- ე სკოლის კედელზე განათავსეს
პროექტის, "ლექსი კედელზე" ფარგლებში, ქუთაისის 37- ე სკოლის კედელზე მე-20 საუკუნის დიდი ქართველი პოეტის ზურაბ გორგილაძის ლექსი, ,,ჩაუმქრალი სანთლები" იგივე ,,ჰოიდა ნანა" გაიხსნა. ლექსი კალიგრაფიულად ახალგაზრდა რუსთაველმა კალიგრაფმა ვაჟა ერემეიშვილმა გადაწერა. ღონისძიება თურქეთში მცხოვრები ჩვენებურების ქართული ენის მასწავლებლის მერი დიასამიძის მეცენატობით გაიმართა. შალვა კამლაძის საავტორო პროექტი ,,ლექსი კედელზე" მეოთხე წელია არსებობს. ქართული კალიგრაფით შესრულებული ნამუშევრების ნახვა ქუთაისში რამდენიმე ქუჩაზეა შესაძლებელი. ,,ჰოიდა ნანა" პროექტის ფარგლებში გახსნილი მე -9 კალიგრაფიული ნამუშევარია, რომელიც პირველად საჯარო საგანმანათლებლო დაწესებულების კედელზე განთავსდა. ________________ თქვენ ამ სტატიას კითხულობთ პლატფორმა Feedc -ზე. Feedc არის ახალი მედია პლატფორმა, სადაც შეგიძლიათ გაეცნოთ ჩვენს სტატიებს. აპლიკაციის გადმოსაწერად დააჭირეთ ამ ბმულს:#სიახლე #ლექსი #პოეზია #kutaisidaily წყარო - #ახალიამბები
40 reads
ზურაბ გორგილაძის ლექსი ქუთაისის 37- ე სკოლის კედელზე განათავსეს
რა დამსახურება მიუძღვის ქუთაისელ ფემინისტ - კატო მიქელაძეს?
კატო მიქელაძე 1878 წლის 18 სექტემბერს დაიბადა სოფელ კულაშში. დედის ნაადრევი გარდაცვალების შემდეგ, მამა სახლიდან წავიდა და პატარა გოგონა მოხუცი ნათლიის იმედად რჩება. დაწყებითი განათლება მან წმინდა ნინოს სასწავლებელში მიიღო. 1900 წელს კატომ დაამთავრა საბებიო ინსტიტუტი და სამუშაოდ ცხინვალში გაემგზავრა. აქვე იგი უახლოვდება მესამედასელთა საზოგადოებას და ერთვება რევოლუციურ მოძრაობაში. 1903 წელს ქართველთა შორის წერა-კითხვის გამავრცელებელი საზოგადოება (მარიამ დემურიას და ნატო გაბუნიას რეკომენდაციით) კატოს მოსკოვში აგზავნის პედაგოგიურ კურსებზე სასწავლებლად, მაგრამ იქიდან 1906 წელს, სოფიო ამირეჯიბისა და ალექსანდრე ხახანაშვილის დახმარებით, ევროპაში მიემგზავრება. ბრიუსელის სოციალურ-პოლიტიკურ მეცნიერებათა ფაკულტეტის დამთავრების შემდეგ კატო პარიზში დასახლდა, სადაც 1915 წლამდე დარჩა და საფუძვლიანად გაეცნო ქათა მოძრაობის ევროპულ გამოცდილებას. 1916 წელს სამშობლოში დაბრუნებულ იკატო მიქელაძე იწყებს თანამოაზრეთა შემოკრებას და ქალის სამოქალაქო-პოლიტიკური უფლებებისათვის ბრძოლას. 1917-18 წლებში მან უკვე ჩამოაყლიბა რეგიონული ქსელი „ქალთა ლიგა“, რომელიც დასავლეთ საქართველოს ყველა რაიონის წარმომადგენელ ქალს აერთიანებდა. ამავე პერიოდში იგი გამოსცემდა და რედაქტორობდა გაზეთს `ხმა ქართველი ქალისა~, სადაც კონსოლიდირებული იყო ქალთა განმათავისუფლებელი მოძრაობისათვის საჭირო დასავლური გამოცდილება და ქართული პრობლემებისი მთელი პალიტრა. „არსებულ უსამართლობასთან საბრძოლველად საჭიროა ქალებისათვის არა მამაკაცების კუდში დევნა, არამედ თავიანთი ინდივიდუალურობის განვითარება, რომ პოულობდნენ სულიერ კმაყოფილებას თავიანთი პიროვნული სიმაღლით, რათა ორთავე სქესის აზროვნებისა და აქტიურობის განვითარებით შესაძლო იყოს იმ სიცარიელეს აღმოვსება, რომელიც ერთი სქესის გონებრივმა და სულიერმა მოქმედობამ წარმოშვა. და როდესაც ჩვენ უფლებებისათვის მებრძოლი ქალები მოვითხოვთ ეროვნულსა და მოქალაქეობრივ ყოველ უფლებას და ვებრძვით ქალთა ადამიანური უფლების მტრებს, ჩვენ ვებრძვით არა ადამიანს მამაკაცის სახით, არამედ იმ ტრადიციულ უსამართლობას, რომელიც მამაკაცთა უმრავლესობას შეუთვისებია და რომელსაც მიყავს ერის ნახევარი ნაწილი გონებრივ და სულიერ გამოფიტულობამდე. ჩვენ არ გვსურს ამ დუხჭირ მდგომარეობაში კვლავ დარჩენა და რაც არ უნდა მოხდეს, თავი უნდა განვითავისუფლოთ მისგან. ჩვენ მოვითხოვთ სამართალს და არა შურისძიებას. ამ შემთხვევაში ჩვენ გვჭირია თითეული პატიოსანი და სამართლიანი მამაკაცის გაგება და თანაგრძნობა და არა იმის ყიჟინი, ვითომ სუფრაჟისტ ქალებს მამაკაცები გვძულდეს და მათგან გათიშვას მოვითხოვდეთ, როგორც ამას გაიძახიან ანტისუფრაჟისტების ამყოლი ბრბო. სუფრაჟისტ ქალებში არსებობენ მრავალი დედები, ცოლები, შვილები და დები მამაკაცებისა, რომელთ გულშიაც ბუდობს უკეთესი გრძნობა-სურვილები უკანასკნელთადმი, მაგრამ რომელთაც ამავე დროს არ ავიწყდებათ თავიანთი ადამიანური პიროვნებაც და მოითხოვენ მისთვის შესაფერ უფლებასაც. ჩვენ ვიცით, რისთვის ვიბრძვით და ვიცით აგრეთვე ფასი და მისწრაფება ჩვენი უფლების მტერთა, რომ მათმა ცილის წამებამ შეგვაკრთოს, რასთვისაც დაჟინებით მოვითხოვთ ქალთა კავშირის სიძლიერესა და სიმტკიცეს ქალთა თვით მოქმედებისა და აქტიურობის აღსადგენათ.“ (გაზეთი „ხმა ქართველი ქალისა“, 1918, N32). სამწუხაროდ, პირველი რესპუბლიკის პერიოდში გაზეთი დაიხურა. ბოლშევიკური ტერორის ეპოქამ კი კატო მიქელაძე და თანასწორობის ერთგული სხვა ქალთა იდეები „ისტორიის ნაგავსაყრელზე“ მოისროლა, როგორც „ბურჟუაზიული გარყვნილების“ მაგალითი. კატო მიქელაძე განსაკუთრებულ პატივს სცემდა ეკატერინე გაბაშვილის მოღვაწეობას, მის ამაგს ქალთა ემანსიპაციისა და მათი განათლების უფლების მოპოვების საქმეში. ამიტომ ხშირად სტუმრობდა მას და ეთათბირებოდა 10-იანი წლების საქართველოში ქალთა მოძრაობის გასაფართოებლად. 30-იან წლებში კატო მიქელაძე უკიდურეს გაჭირვებაში ცხოვრობდა, იგი 1942 წელს გადაიცვალა. პროცესიას სულ რამდენიმე ადამიანი მიუყვებოდა: ირინე და ნიკოლო იუშკოვები, პოეტი ანდრო თევზაძე და მარიამ გარიყული. კატოს საფლავი დაკარგულია. ________________ თქვენ ამ სტატიას კითხულობთ პლატფორმა Feedc -ზე. Feedc არის ახალი მედია პლატფორმა, სადაც შეგიძლიათ გაეცნოთ ჩვენს სტატიებს. აპლიკაციის გადმოსაწერად დააჭირეთ ამ ბმულს:#ფემინიზმი #ფემინისტი #საზოგადოება #kutaisidailyწყარო - #პოლიტიკა
39 reads
რა დამსახურება მიუძღვის ქუთაისელ ფემინისტ - კატო მიქელაძეს?
,,სოციალურად დაუცველები კოვიდ 19-ის პანდემიის დროს დახმარების გარეშე დატოვეს"
"ლეიბორისტულმა პარტიამ" ქუთაისის მერიის წინ პერფორმანსი გამართა და ის წერილები გამოფინა, რომლითაც მერიამ მოქალაქეებს პანდემიის დროს დახმარებაზე უარი უთხრა. პარტიის ქუთაისის ორგანიზაციის წარმომადგენლის, სამსონ გუგავას თქმით, პანდემიის პერიოდში, მაისის თვიდან მოყოლებული დახმარების გარეშე 2 000-მდე სოციალურად დაუცველი დარჩა. გუგავას განცხადებით, ხელისუფლებამ ადამიანები შიმშილისთვის გაიმეტა. "ეს არის ის წერილები, რომლითაც სოციალურად დაუცველები კოვიდ 19-ის პანდემიის დროს დახმარების გარეშე დატოვეს. სპეციალურად გაიმეტეს ადამიანები სასიკვდილოდ. ერთ შემთხვევაში განსაცდელში ადამიანის მიტოვება არის სისხლის სამართლის დანაშაული, ხოლო მეორე შემთხვევაში ეს არის უზნეო დამოკიდებულება, როდესაც მილიონებს ხარჯავენ მივლინებებში, პრემიებსა და დანამატებში. ადამიანებს კი 100 ლარითაც არ დაეხმარნენ, რაც მათ გადარჩენის საშუალებას მისცემდა. არჩევნების შემდეგ ხელისუფლება აუცილებლად უნდა წავიდეს,"-განაცხადა სამსონ გუგავამ. ________________ თქვენ ამ სტატიას კითხულობთ პლატფორმა Feedc -ზე. Feedc არის ახალი მედია პლატფორმა, სადაც შეგიძლიათ გაეცნოთ ჩვენს სტატიებს. აპლიკაციის გადმოსაწერად დააჭირეთ ამ ბმულს: download.feedc.com#სიახლე #სოცდაუცველები #ფული #kutaisidaily #ახალიამბები
45 reads
,,სოციალურად დაუცველები კოვიდ 19-ის პანდემიის დროს დახმარების გარეშე დატოვეს"
ვის აქვს ყველაზე ლამაზი კარ-მიდამო?
სამტრედიის 150 წლის იუბილესთან დაკავშირებით, მუნიციპალიტეტის მერია კონკურსს აცხადებს. მერიის ინფორმაციით, გამოვლინდება "საუკეთესო კარ-მიდამოს მფლობელი".​ პირველი ადგილის მფლობელს 1000, მეორე ადგილზე გასულს 800, ხოლო მესამეზე 600 ლარი გადაეცემა. კონკურსანტებმა უნდა წარმოადგინოთ კარ-მიდამოს 3 ფოტო-სურათი, მიუთითოთ მისამართი და საკონტაქტო ნომერი. გამარჯვებულს გამოავლენს ჟიური. რეგისტრაციის ვადა 31 ივლისიდან 15 აგვისტომდეა. ________________ თქვენ ამ სტატიას კითხულობთ პლატფორმა Feedc -ზე. Feedc არის ახალი მედია პლატფორმა, სადაც შეგიძლიათ გაეცნოთ ჩვენს სტატიებს. აპლიკაციის გადმოსაწერად დააჭირეთ ამ ბმულს: download.feedc.com #სიახლე #კონკურსი #სილამაზე #kutaisidailyწყარო - radiodk.ge #ჯანსაღიცხოვრება #ხელოვნება #ახალიამბები
138 reads
ვის აქვს ყველაზე ლამაზი კარ-მიდამო?
სასტუმროში შეხვედრია ქუთაისელი გოგო , უთხოვია , ჩემებს გააგებინეთ რომ აქ ვარო
ნათია გიორგიძე ერთ-ერთია იმ უგზო-უკვლოდ გაუჩინარებულ 19 ქართველს შორის, რომელიც უკვე წლებია ინტერპოლმაც ვერ იპოვა. 1991 წლის 2 ოქტომბერს დაბადებული ნათია გიორგიძე 2010 წლის 31 ოქტომბერს, ქუთაისიდან გაუჩინარდა. ქუთაისის ავტოქარხნის დასახლებაში მცხოვრები გოგონა სახლიდან მეგობრის შესახვედრად გავიდა. ის უკანასკნელად სათვალთვალო კამერამ პუშკინის ქუჩის ჩიხთან დააფიქსირა. შებინდებისას იმავე ჩიხიდან გამოვიდა შავი X5-ის მარკის ავტომობილი, რომლის სანიშნე ნომერი კამერაზე არ ჩანს. ნათია დედა, რუსუდან გიორგიძე ეჭვობს, რომ გოგონა სწორედ იმ ავტომობილით გაიტაცეს… იმის გამო, რომ ჩიხი მდინარე რიონთან ჩადის, სამართალდამცველებმა­ გამოძიება თვითმკვლელობამდე მიყვანის მუხლით აღძრეს. გაუჩინარებიდან ერთი თვის შემდეგ რიონის პირას ნათიას პირადობის მოწმობა იპოვეს. თუმცა, ორი წლის შემდეგ, 2012 წლის ივლისში ბაღდათელი ქალი, აზა მინდელი, სხვა პირებთან ერთად, საბე­რ­ძ­ნ­ეთში არალეგალურად მიეგზავრებოდა.­ ისინი გზად, თურქეთ-საბერძნეთის საზღვარ­ზე, ედირნეს ოლქში, სასტუმრო "მერჯანში" გაჩერდნენ. სასტუმროდან აზამ მეუღლეს დაურეკა და შეშფ­ოთებულმა­ უთხრა, რომ იმ სასტუმროში­ ცუდი ამბები ხდება, თუ აქედან გამოვაღწიე, ბევრს ცუდად წაუვა საქმეო. აქ სასტუმროში ქართველი გოგონა, ნათია გიორგიძე ჰყავთო. საუბრის დროს, ქმარმა ყვირილი გაიგონა და საუბარიც­ შეწყდა. როგორც ჩანს, ქალს ტელეფონი­ წაართვეს. მას შემდეგ კოტე მინდელი მეუღ­ლ­ეს ვეღარ დაუკავშირდა და დახმარება პოლიციას სთხოვა. რამდენიმე დღეში კი შეატყობინეს, რომ ქალმა თავი მოიწამლა და გარდაიცვალა. ნათია გიორგიძის დედა ერთ-ერთ გამოცემასთან ჰყვება: "იმ ავადსახსენებელ დღეს შინიდან დღის 12 საათზე გავიდა. ერთ საათში დავურეკე. ტელეფონი გათიშული ჰქონდა. ყველგან მოვიკითხეთ და ვერსად რომ ვერ მივ­აგენით, პატრული გამოვიძახეთ. იმავე საღ­ამოს, დაახლოებით 23 საათზე, ნათიას ტელეფონი ჩაირთო და მალევე გაითიშა. ნათია 31 ოქტომბერს დაიკარგა, 21 ნოე­მბერს ამავე ჩიხში მცხოვრებმა მისი პირადობის მოწმობა იპოვა. უცნაურია, მოწმობა მთელი თვე ეგდო მიწაზე და შელახულიც არ იყო. სამაშველო სამსახურმა გაუჩინარებიდან 48 საათის შემდეგ იქაურობა დაათვალიერა, რამდენჯერმე რიონიც დააშრეს და მაშინ საბუთი ვერავინ ნახა? სათვალთვალო კამერებმა დააფიქსირეს, ნათია როგორ შედის ჩიხში. პირადობის მპოვნელმა განაცხადა, რომ საბუთში მითითებ­ული გვარ-სახელის ძებნა სოციალურ­ ქსელში დაუწყია. ბაღდ­ათში მოუძებნია ვიღაც ნათია გიორგიძე და მისთვის უკითხავს, პასპორტი ხომ არ დაგიკარგავსო. მოგვიანებით სამარშრუტო ტაქსით ბაღდათში გავემგზავრე. ტაქსიში ორი ქალბატონის საუბარს მოვკარი ყური. ჰყვებოდნენ, საბერძნეთში სამუშაოდ მიმავალ ბაღდათელ აზა მინდელს თურქეთ-საბერძნეთის­ საზღვართან სასტუმროში ქუთაისელი გოგონა,­ ნათია გიორგიძე შეხვედრია, რომელსაც უთხ­ოვია, იქნებ ჩემებს გააგებინოთ, რომ აქედან გამაღწევინონო. ეს ყველაფერი აზას ქმრისთვის უთქვამს ტელეფონით. როგორც ქალების საუბრიდან შევიტყვე, რამდენიმე დღეში აზას მეუღლეს შეატყობინეს, თქვენმა მეუღლემ თავი მოიწამლა და საავადმყოფოშიაო. ბოლოს გაირკვა, რომ ქალბატონი გარდაიცვალა… ამ ქალბატონებს მინდელების მისამართი გამოვართვი… მისმა მეუღლემ, კოტე მინდელმა დამიდასტურა­ ეს ინფორმაცია, თუმცა­ მოგვ­იანებით უარყო… მივმართე სამართალდამცველებს, მიპასუხეს, - ეს საკმარისი მტკიცებულება არ არისო," - აცხადებს რუსუდან გიორგაძე. იმის მიუხედავად, რომ ცნობილია ქვეყანა, ოლქი, სოფელი, სასტუმრო, სადაც გოგონა იმყოფებოდა 2012 წელს, ასევე ცნობილი გახდა, რომ გოგონას პირადი მობილური ტელეფონი იმავე ღამეს ჩაირთო რამდენიმე წამით, ცნობილია სავარაუდო გადამყვანის სახელი­ (ქეთინო), ნათიას შესახებ დღემდე არანაირი ინფორმაცია არ მოიძებნა და ის უგზო-უკვლოდ დაკარგულად ითვლება. ________________ თქვენ ამ სტატიას კითხულობთ პლატფორმა Feedc -ზე. Feedc არის ახალი მედია პლატფორმა, სადაც შეგიძლიათ გაეცნოთ ჩვენს სტატიებს. აპლიკაციის გადმოსაწერად დააჭირეთ ამ ბმულს: download.feedc.com#ისტორია #პიროვნება #kutaisidailyწყარო - presa.ge #ახალიამბები
7362 reads
სასტუმროში შეხვედრია ქუთაისელი გოგო , უთხოვია , ჩემებს გააგებინეთ რომ აქ ვარო
ქუთაისის მაჟორიტარობისთვის "ევროპული საქართველოდან" ოთარ კახიძე იბრძოლებს
"ევროპულმა საქართველომ" მაჟორიტარობის კანდიდატები დაასახელა. ქუთაისის მაჟორიტარობისათვის ოთარ კახიძე იბრძოლებს. "ჩემთვის დიდი პატივია, რომ ვიყო ქუთაისის მაჟორიტარობის კანდიდატი. ივანიშვილის მმართველობის ფონზე, ქვეყანა რომ უკან წავიდა ეს ქუთაისსაც შეეხო. შეეხო იმით, რომ დღემდე დაუსრულებელია ავტობანი, საპარლამენტო ქალაქის ფუნქცია წაართვეს. შეეხო იმით, რომ აეროპორტის განვითარების ნაცვლად "ვიზ ეარი" გავიდა. ზოგადად დაამუხრუჭეს ამ ქალაქის განვითარება. ჩვენი ამოცანა ამ არჩევნებზე არის არა მხოლოდ ივანიშვილის შეცვლა, არამედ, აუცილებელია ამ მავნებელი, არაკომპეტენტური ხელისუფლების გაშვება,"-განაცხადა ოთარ კახიძემ. ტყიბულის, თერჯოლის, ზესტაფონისა და ბაღდათის მაჟორიტარულ ოლქში პარტიამ გიგი წერეთელი წარადგინა. საჩხერის, ჭიათურისა და ხარაგაულის მაჟორიტარ კანდიდატად სერგო რატიანი დასახელდა. რაც შეეხება წყალტუბოს, ვანისა და ხონის ოლქს, აქ "ევროპული საქართველოს" მაჟორიტარობის კანდიდატი აკაკი ბობოხიძეა. მაჟორიტარობის კანდიდატების სია დანარჩენი საარჩევნო ოლქების მიხედვით ასე გამოიყურება: ზუგდიდი - გიგი უგულავა; ფოთი, ხონი, სენაკი - გიგა ბოკერია; ​თბილისი, ვაკე - ელენე ხოშტარია; თბილისი, მთაწმინდა, კრწანისი - შალვა შავგულიძე; აჭარა, ხელვაჩაური, ქედი შუახევი - ტარიელ ნაკაიძე; რუსთავი და გარდაბანი - ირმა ნადირაშვილი; კახეთი - თელავი, ახმეტა, ყვარელი, ლაგოდეხი - ზურაბ ჭიაბერაშვილი; ​კახეთი - გურჯაანი, საგარეჯო, დედოფლისწყარო, სიღნაღი - გიორგი ღვინიაშვილი; ოზურგეთი, ლანჩხუთი, ​ჩოხატაური - ხათუნა გოგორიშვილი; მარნეული, გარდაბანი - ახმედ იმამკულიევი; ​ახალქალაქი, ნინოწმინდა -არსენ კარაპეტიანი; წალენჯიხა, ჩხოროწყუ, მარტვილი, აბაშა - ლელა ქებურია. ________________ თქვენ ამ სტატიას კითხულობთ პლატფორმა Feedc -ზე. Feedc არის ახალი მედია პლატფორმა, სადაც შეგიძლიათ გაეცნოთ ჩვენს სტატიებს. აპლიკაციის გადმოსაწერად დააჭირეთ ამ ბმულს: download.feedc.com#სიახლე #მაჟორიტარულიოლქი #kutaisidaily #პოლიტიკა წყარო - radiodk.ge #პოლიტიკა #ახალიამბები
56 reads
ქუთაისის მაჟორიტარობისთვის "ევროპული საქართველოდან" ოთარ კახიძე იბრძოლებს
როგორ გარდაიცვალა 4 წლის ბავშვი?
ჭიათურის მუნიციპალიტეტის სოფელ ნავარძეთში 2 აგვისტოს ღამით 4 წლის ბავშვი დენის დარტყმის შედეგად გარდაიცვალა. როგორც ცნობილია, უბედური შემთხვევა მაშინ მოხდა, როდესაც დაღუპულის მამა ელექტროშედუღების აპარატით რკინის საქანელას ამზადებდა, ბავშვი კი დენის სადენებს მოულოდნელად შეეხო. უცნობია მომხდარზე რომელი მუხლით დაიწყო გამოძიება. ________________ თქვენ ამ სტატიას კითხულობთ პლატფორმა Feedc -ზე. Feedc არის ახალი მედია პლატფორმა, სადაც შეგიძლიათ გაეცნოთ ჩვენს სტატიებს. აპლიკაციის გადმოსაწერად დააჭირეთ ამ ბმულს: download.feedc.com#სიახლე #სიკვდილი #ჭიათურა #kutaisidailyწყარო -resonancedaily.com #ახალიამბები
7616 reads
როგორ გარდაიცვალა 4 წლის ბავშვი?
ქუთაისის პროფესიული სახელმწიფო დრამატული თეატრი კვლავ გამარჯვებულია!
,,ქუთაისის ლადო მესხიშვილის სახელობის პროფესიული სახელმწიფო დრამატული თეატრი კვლავ გამარჯვებულია! საქართველოს თეატრალური საზოგადოების მთავარი პრიზი – წლის საუკეთესო სპექტაკლისთვის სწორედ ჩვენს თეატრს გადაეცა. ვულოცავ მესხიშვილელებს ქვეყნის უმაღლეს თეატრალურ ჯილდოს! ვულოცავ გამარჯვებული სპექტაკლის „ ქარი ქრის ვერხვებში'' რეჟისორს ნინო მაღლაკელიძეს, მსახიობებს- ზვიად სვანაძეს, სულხან გოგოლაშვილს, დავით როინიშვილს ამ დიდ წარმატებას!" წერს - ქუთაისის მერის მოვალეობის შემსრულებელი დავით ერემეიშვილი ________________ თქვენ ამ სტატიას კითხულობთ პლატფორმა Feedc -ზე. Feedc არის ახალი მედია პლატფორმა, სადაც შეგიძლიათ გაეცნოთ ჩვენს სტატიებს. აპლიკაციის გადმოსაწერად დააჭირეთ ამ ბმულს: download.feedc.com#სიახლე #თეატრი #kutaisidaily #ხელოვნება #ახალიამბები
59 reads
ქუთაისის პროფესიული სახელმწიფო დრამატული თეატრი კვლავ გამარჯვებულია!
,,ვინც დაიკვეთს არა ნაკლებ 20 ბოთლისა ქუთაისში მიტანას ფირმა კისრულობს"
ფილიპე ჭელიძემ ლიქიორ–არყის წარმოება გიორგი ბოლქვაძის ლიქიორ–არყის საწარმოში შეისწავლა, სადაც 12 წელი დაჰყო. ამის შემდეგ, შამპანური ღვინის წარმოებას დაუფლებია ფრანგ შამპანისტ ვიქტორ ტიებოსთან, რომელიც ქუთაისში ოლდენბურგის ღვინის ქარხანაში მუშაობდა. ფილიპე ჭელიძემ, როგორც პრაქტიკანტმა, ამ საწარმოშიც რამოდენიმე წელი დაჰყო. ამის შემდეგ, მან ტიებოსაგან სპეციალური დანადგარები შეიძინა და მიწის ნაკვეთიც იყიდა. 1895 წელს ააშენა ქარხანა ლიქიორისა და ღვინის საწარმოებლად, ხოლო ქარხნის მიმდებარედ მაღაზია მოაწყო, სადაც თავის პროდუქციას ყიდდა. ფილიპე ჭელიძის ფირმამ "კოლხიდა", რომელიც უახლესი მანქანა–დანადგარებით იყო აღჭურვილი, დიდ წარმატებას მიაღწია – ყოველწლიურად, 15 000–მდე ლიტრ იმერულ შამპანურ ღვინო "თამარ მეფე"–ს, 100 000–მდე კასრ სუფრის ღვინოებს და 15 000–მდე კასრ ლიქიორს აწარმოებდა. საფირმო პროდუქცია, გარდა კავკასიის ქვეყნებისა, რუსეთშიც იგზავნებოდა – უმეტესად, ციმბირსა და შორეულ აღმოსავლეთში. ფილიპე ჭელიძის ფირმას საერთაშორისო გამოფენაზე 11 ჯილდო და არერთი მედალი აქვს მიღებული. ________________ თქვენ ამ სტატიას კითხულობთ პლატფორმა Feedc -ზე. Feedc არის ახალი მედია პლატფორმა, სადაც შეგიძლიათ გაეცნოთ ჩვენს სტატიებს. აპლიკაციის გადმოსაწერად დააჭირეთ ამ ბმულს: download.feedc.com#ისტორია #პიროვნება #შამპანიური #kutaisidaily #ხელოვნება #პოლიტიკა #ახალიამბები
93 reads
,,ვინც დაიკვეთს არა ნაკლებ 20 ბოთლისა ქუთაისში მიტანას ფირმა კისრულობს"
ქუთაისის მშენებარე უნივერსიტეტთან წულაიამ ბოქლომი და ჯაჭვი მიიტანა
პარტია "თავისუფალი საქართველოს" თანათავმჯდომარემ გოგი წულაიამ ქუთაისის საერთაშორისო უნივერსიტერთან მორიგი პერფორმანსი გამართა. წულაიამ უნივერსიტეტთან ბოქლომი და ჯაჭვი მიიტანა. მისი თქმით, ხელისუფლებამ ქუთაისიდან ყველა უწყება წაიღო და ქუთაისი მხოლოდ მშენებარე უნივერსიტეტის იმედად დატოვა. წულაიას თქმით, ის ბოქლომსა და ჯაჭვს ივანიშვილს გაუგზავნის, რათა ქუთაისი საბოლოოდ დაკეტოს. პარტია "თავისუფალი საქართველოს" თანათავმჯდომარის თქმით, "ოცნება" უნივერსიტეტს პარლამენტის საპირწონედ აშენებდა, თუმცა, ტერიტორიაზე სამუშაოები დასრულებული არ არის და არც დაპირებული ჭაობი დააშრეს, რომელიც ახლა მწერების ბუდედაა ქცეული. "უნივერსიტეტი თავდაპირველად 60 000 სტუდენტიანი უნდა ყოფილიყო, შემდეგ გახადეს 3 000 სტუდენტიანი. ქუთაისში იყო სემეკი, კონტროლის პალატა, აუდიტის სამსახური, საგზაო დეპარტამენტი, პარლამენტი, აეროპორტი-ამ ყველაფერს მოკიდეს ხელი და წაიღეს თბილისში. ქუთაისში იყო პარლამენტი, თურმე, რომლის საპირწონეთაც უნივერსიტეტი შენდებოდა. ქუთაისი დატოვეს ამ უნივერსიტეტის იმედად, რომელიც არავინ იცის როდის დასრულდება. აქ მაქვს ბოქლომი და ჯაჭვი და მოვუწოდებ ივანიშვილს, დაადოს ქალაქს და დაისვენებს მოსახლეობაც და ივანიშვილიც, რადგან მან ქალაქს განვითარების სხვა გზა არ დაუტოვა,"-განაცხადა გოგი წულაიამ. ________________ თქვენ ამ სტატიას კითხულობთ პლატფორმა Feedc -ზე. Feedc არის ახალი მედია პლატფორმა, სადაც შეგიძლიათ გაეცნოთ ჩვენს სტატიებს. აპლიკაციის გადმოსაწერად დააჭირეთ ამ ბმულს: download.feedc.com #სიახლე #გოგიწულაია #ქუთაისი #kutaisidailyწყარო - radiodk.ge #პოლიტიკა #ახალიამბები
39 reads
ქუთაისის მშენებარე უნივერსიტეტთან წულაიამ ბოქლომი და ჯაჭვი მიიტანა