134
Followers
3
Following
3988
Posts
18K
Mth. views
Latest
ლევან კობერიძე ვაკეში - ბადრი ჯაფარიძე საბურთალოზე - "ლელოს" მაჟორიტარობის კანდიდატები ცნობილია
პოლიტიკურმა გაერთიანება "ლელომ" მაჟორიტარი დეპუტატების კანდიდატები წარადგინა. "ლელოს" კანდიდატების სია ასე გამოიყურება: 1. ბადრი ჯაფარიძე - საბურთალოს რაიონის მაჟორიტარობის კანდიდატი; 2. ანა ნაცვლიშვილი - ქუთაისის მაჟორიტარი დეპუტატობის კანდიდატი. 3. გრიგოლ გეგელია - რუსთავისა და გარდაბნის რაიონის მაჟორიტარი დეპუტატობის კანდიდატი. 4. გიგლა მიქაუტაძე - გლდანის რაიონის მაჟორიტარი დეპუტატობის კანდიდატი. 5. ირაკლი კუპრაძე - ბათუმის მაჟორიტარი დეპუტატობის კანდიდატი. 6. ფიქრია ჩიხრაძე - სამგორის რაიონის მაჟორიტარი დეპუტატობის კანდიდატი. 7. კახა კოჟორიძე - ხაშურისა და ქარელის მაჟორიტარი დეპუტატობის კანდიდატი. 8. მურად მურადოვი -მარნეულისა და გარდაბნის რაიონების მაჟორიტარი დეპუტატობის კანდიდატი. 9. ლევან კობერიძე - ვაკის რაიონის მაჟორიტარი დეპუტატობის კანდიდატი. 10. ეკა ქვლივიძე - გურჯაანის, საგარეჯოს, სიღნაღისა და დედოფლისწყაროს მაჟორიტარი დეპუტატობის კანდიდატი. 11. საბა ბუაძე - მთაწმინდა - კრწანისის რაიონის მაჟორიტარი დეპუტატობის კანდიდატი. 12. სოსო (მალხაზ) ვახტანგაშვილი - მცხეთის, დუშეთის, თიანეთისა და ყაზბეგის რაიონების მაჟორიტარი დეპუტატობის კანდიდატი. 13. გიორგი სიორიძე - ოზურგეთის, ლანჩხუთისა და ჩოხატაურის რაიონების მაჟორიტარი დეპუტატობის კანდიდატი. 14. ლევან სამუშია -დიდუბე-ჩუღურეთის რაიონის მაჟორიტარი დეპუტატობის კანდიდატი. 15. ალექსანდრე ახვლედიანი - ზუგდიდის რაიონის მაჟორიტარი დეპუტატობის კანდიდატი. 16. ლანა გალდავა -ისნის რაიონის მაჟორიტარი დეპუტატობის კანდიდატი. 17. ჯამბულ ხოზრევანიძე - ხელვაჩაურის, ქედის, შუახევისა და ხულოს რაიონების მაჟორიტარი დეპუტატობის კანდიდატი. 18. ნიკოლოზ ჩერქეზიშვილი - ნაძალადევის რაიონის მაჟორიტარი დეპუტატობის კანდიდატი.
6 reads
ლევან კობერიძე ვაკეში - ბადრი ჯაფარიძე საბურთალოზე - "ლელოს" მაჟორიტარობის კანდიდატები ცნობილია
ამირან გამყრელიძე და შალვა ნათელაშვილი, ბიძინა ივანიშვილზე მეტად კეთილგანწყობით სარგებლობენ-IRI
საერთაშორისო რესპუბლიკური ინსტიტუტის მიერ ჩატარებული ახალი ეროვნული მასშტაბის კვლევის შედეგების მიხედვით, გამოკითხულთა კეთილგანწყობით „ქართული ოცნების" თავმჯდომარეზე ბიძინა ივანიშვილზე, მეტი დაავადებათა კონტროლის ხელმძღვანელს ამირან გამყრელიძესა და „ლეიბორისტული პარტიის" ლიდერი შალვა ნათელაშვილს აქვთ, IRI-ის კვლევის თანახმად გამოკითხულთა 74 % ამირან გამყრელიძეზეა დადებითად განწყობილი, შალვა ნათელაშვილზე 42% ხოლო ბიძინა ივანიშვილზე მხოლოდ 41%.
6 reads
ამირან გამყრელიძე და შალვა ნათელაშვილი, ბიძინა ივანიშვილზე მეტად კეთილგანწყობით სარგებლობენ-IRI
მოსახლეობაში ყველაზე მაღალი სანდოობით პატრიარქი სარგებლობს - IRI
საერთაშორისო რესპუბლიკური ინსტიტუტის მიერ ჩატარებული ახალი ეროვნული მასშტაბის კვლევის შედეგების მიხედვით, გამოკითხულთა ყველაზე მეტის, 89%-ის კეთილგანწყობით საქართველოს კათალიკოს-პატრიარქი ილია II სარგებლობს, ყველაზე ნაკლების, 13%-ის კი პარტია "გირჩის" ლიდერი ზურაბ ჯაფარიძე. ილია II-ს მიმართ ნეგატიური დამოკიდებულების გამოკითხულთა მხოლოდ 6%-ს აქვს. კეთილგანწყობის მიხედვით პატრიარქის შემდეგ პროცენტულობა შემდეგია: ამირან გამყრელიძე 74% გიორგი გახარია 63% კახა კალაძე 57% დავით ბაქრაძე 53% შალვა ნათელაშვილი 42% ბიძინა ივანიშვილი 41% გრიგოლ ვაშაძე 41% გიორგი ვაშაძე 40% დავით უსუფაშვილი 37% ნიკა მელია 36% ალეკო ელისაშვილი 34% არჩილ თალაკვაძე 34% გიგი უგულავა 32% სალომე ზურაბიშვილი 32% ირაკლი ოქრუაშვილი 30% ირმა ინაშვილი 28% მამუკა ხაზარაძე 27% ნინო ბურჯანაძე 25% ეკა ბესელია 17% ბადრი ჯაფარიძე 14% ზურაბ გირჩი ჯაფარიძე 13% კვლევა ჩატარდა საერთაშორისო რესპუბლიკური ინსტიტუტის კვლევების ცენტრის სახელით, ბალტიის კვლევებისა და გელაპის ორგანიზაციის წარმომადგენლის დოქტორი რასა ალიშაუსკინეს მიერ, 2020 წლის 4 ივნისი - 2 ივლისის პერიოდში. საველე სამუშაოები ჩატარდა „აიფიემის“ მიერ. მონაცემები შეგროვდა სტრატიფიცირებული მრავალსაფეხურიანი შემთხვევითი შერჩევის მეთოდის გამოყენებით, პირისპირ ინტერვიუს გზით. შერჩევა მოიცავდა საარჩევნო ხმის უფლებისა და ასაკის მქონე 1500 რესპონდენტს. მონაცემები შეწონილ იქნა ასაკის, გენდერის, რეგიონისა და დასახლების ზომის შესაბამისად. ცდომილების ზღვარი წარმოადგენს +/- 2.5 პროცენტს, გამოპასუხების მაჩვენებელი - 66 პროცენტი. კვლევის განხორციელება შესაძლებელი გახდა ამერიკელი ხალხის მხარდაჭერით, აშშ-ის საერთაშორისო განვითარების სააგენტოს მეშვეობით.
5 reads
მოსახლეობაში ყველაზე მაღალი სანდოობით პატრიარქი სარგებლობს - IRI
ოცნება 33%, ოპოზიცია 37% - IRI-ის კვლევა
საერთაშორისო რესპუბლიკურმა ინსტიტუტის IRI-ის კვლევის თანახმად, კვირას რომ საპარლამენტო არჩევნები ტარდებოდეს, გამოკითხულთა 33% ხმას ქართულ ოცნებას მისცემდა. გაერთიანებულ ოპოზიცია - ნაციონალურ მოძრაობას გამოკითხულთა 16%-მა უჭერს მხარს. მესამე ადგილზე ევროპული საქართველო იმყოფება, პარტიას გამოკითხულთა 5%-ი უჭერს მხარს. მეოთხე და მეხუთე ადგილს 3-3%-ით ახალი საქართველო - სტრატეგია აღმაშენებელი და პატრიოტთა ალიანსი იკავებენ. 2-2% აქვთ ლეიბორისტულ პარტიას, სამოქალაქო მოძრაობას, ლელოს და გირჩს. კითხვაზე პასუხის გაცემაზე უარი თქვა 11%-მა, ხოლო 17%-მა არ იცის ვის მისცემს ხმას.
5 reads
ოცნება 33%, ოპოზიცია 37% - IRI-ის კვლევა
,,ოცნება" გურიაში ჩიგოგიძის კანდიდატურას ცვლის?
,,პირველი რადიოს" ინფორმაციით, ,,ქართული ოცნება" გურიაში მაჟორიტარობის კანდიდატის ვასილ ჩიგოგიძის ჩანაცვლებას განიხილავს. როგორ ჩვენთვის პარტიის გურიის ორგანიზაციიდან გახდა ცნობილი, ჩიგოგიძეს წინასწარი მონაცემებით მხარის სამივე რაიონში არ აქვს სათანადო მხარდაჭერა. უფრო მეტიც, ოზურგეთის, ლანჩხუთის და ჩოხატაურის რაიონულ ორგანიზაციებში მას თავად პარტიის წევრების მხარდაჭერა არ აქვს და შესაბამისად, ოცნების ცენტრალურ ოფისში მის ჩამნაცვლებელს ეძებენ. ჯერჯერობით უცნობია, ვინ ჩაანაცვლებს ჩიგოგიძეს. არსებული ინფორმაციით, ჩიგოგიძე მაჟორიტარად ივანიშვილს და პარტიას ვანო ჩხარტიშვილმა შესთავაზა და ეს კანდიდატურა რაიონულ ორგანიზაციებთან შეთანხმებული არ ყოფილა. შეგახსენებთ, რომ გასულ საპარლამენტო არჩევნებზე ,,ოცნებამ" გურიაში ჩოხატაურისა და ლანჩხუთის რაიონებში წარდგენილი კანდიდატი თემურ ჭკუასელი ჩაანაცვლა და მის ნაცვლად ნინო წილოსანი დააყენა.
12 reads
,,ოცნება" გურიაში ჩიგოგიძის კანდიდატურას ცვლის?
საქართველოში, სოფელ ფარავანთან მეორე მიწისძვრა დაფიქსირდა
დედამიწის შემსწავლელ მეცნიერებათა ინსტიტუტი-სეისმური მონიტორინგის ეროვნული ცენტრის ინფორმაციით, საქართველოში, სოფელ ფარავანთან დღევანდელი თარიღით მიწისძვრა ორჯერ დაფიქსირდა. "დღეს, თბილისის დროით 23:57 საათზე, სოფელ ფარავანთან მოხდა 3.4 (ML) მაგნიტუდის სიდიდის მიწისძვრა. დღევანდელი თარიღით მოცემულ ლოკაციაზე მეორე მიწისძვრა დაფიქსირდა. პირველი მიწისძვრა თბილისის დროით 23:21 საათზე მოხდა", - ნათქვამია ინფორმაციაში.
34 reads
საქართველოში, სოფელ ფარავანთან მეორე მიწისძვრა დაფიქსირდა
თოფაძემ განმარტა, რომ დანა ან მსგავსი საგანი მას პირადად არ დაუნახავს-ადვოკატი
თოფაძემ განმარტა, რომ დანა ან მსგავსი საგანი მას პირადად არ დაუნახავს-განაცხადა ლევან თოფაძის უფლებადამცველმა გიორგი ანთაძემ, გამოკითხვის შემდეგ. ადვოკატის თქმით, გამოკითხვაზე თოფაძემ გამომძიებლებს უთხრა, რომ მასსა და ბუსა ჟვანიას შორის შელაპარაკება ჯერ ტელეფონით მოხდა, რასაც შემდეგ ფიზიკური დაპირისპირება მოჰყვა. "ლევან თოფაძემ გამომძიებლებს მიაწოდა იმ გარემოებების შესახებ ინფორმაცია, რის შემსწრე და მონაწილეც იყო. მან აღნიშნა, რომ ბუსა ჟვანიასთან შეხლა-შემოხლის დროს მიიღო დაზიანებები, თუმცა განმარტა, რომ დანა ან მსგავსი საგანი მას პირადად არ დაუნახავს. ლევან თოფაძე აცხადებს, რომ ფიზიკურ დაპირისპირებამდე ბუსა ჟვანიასთან მხოლოდ ნაცნობობა აკავშირებდა. დაპირისპირება მოხდა სატელეფონო საუბრის შედეგად, რომლის დროსაც ერთმანეთს მიაყენეს შეურაცხყოფა", - განაცხადა ანთაძემ.
28 reads
თოფაძემ განმარტა, რომ დანა ან მსგავსი საგანი მას პირადად არ დაუნახავს-ადვოკატი
ყალიბდება ლარსის კლასტერი - გამყრელიძე
ყალიბდება ლარსის კლასტერი -აღნიშნული განცხადება დაავადებათა ეროვნული ცენტრის ხელმძღვანელმა ამირან გამყრელიძემ გააკეთა. მისივე თქმით, ყაზბეგში ეპიდემიოლოგთა ჯგუფი იმყოფება და ინფიცირებულების კონტაქტების გამოკვლევა მიმდინარეობს. "დღეს, ასევე გარკვეულად ერთი კლასტერი ყალიბდება, რომელიც დაკავშირებულია ლარსის საბაჟოსთან. იქ არის 5 შემთხვევა და მიმდინარეობს კონტაქტების კვლევა. ერთი ჯგუფი უკვე ყაზბეგშია", - განაცხადა ამირან გამყრელიძემ.
17 reads
ყალიბდება ლარსის კლასტერი - გამყრელიძე
საქართველოში კორონავირუსით ინფიცირების 14 ახალი შემთხვევა დაფიქსირდა
საქართველოში კორონავირუსით ინფიცირების 14 ახალი შემთხვევა გამოვლინდა. ინფორმაციას stopcov.ge-ზე ცოტა ხნის წინ განახლდა. რაც შეეხება გამოჯანმრთელებულთა რიცხვს, კორონავირუსისგან კიდევ 4 აციენტი განიკურნა. ბოლო მონაცემებით, ქვეყანაში კორონავირუსის 1278 შემთხვევა ფიქსირდება, მათგან გამოჯანმრთელებულია 1058 პაციენტი, გარდაცვლილია - 17.
18 reads
საქართველოში კორონავირუსით ინფიცირების 14 ახალი შემთხვევა დაფიქსირდა
კორონავირუსით ინფიცირებულთა რაოდენობა ჩაკეტილ მესტიაში შესაძლოა გაიზარდოს-ვიბლიანი
კორონავირუსით ინფიცირებულთა რაოდენობა ჩაკეტილ მესტიაში შესაძლოა გაიზარდოს-აღნიშნულ ინფორმაციას ზემო სვანეთის გუბერნატორის მოადგილე, ნინო ვიბლიანი ავრცელებს. მისი თქმით, ამის ვარაუდის საფუძველს ის იძლევა, რომ ტესტირების ჩატარების პერიოდში იყვნენ ადამიანები, რომლებსაც საეჭვო სიმპტომები აღენიშნებოდათ. რეგიონში შესაძლოა საკარანტინო სივრცეების დამატებაც გახდეს საჭირო, რადგან აქ არსებული 20-ვე საკარანტინო ზონა უკვე შევსებულია და ახლა ვიზიტორების ნაწილის გადაყვანა ქუთაისსა და თბილისში გახდა საჭირო. "ფართო გავრცელებას ვერ ვიტყვი, მაგრამ, სავარაუდოდ, ინფიცირების რაოდენობა გაიზრდება. ვნახოთ, რა იქნება. 150-მდე ადამიანი გადმოჰყავთ იმერეთსა და თბილისში. მესამე კოლონა მზადდება და იმათაც გადმოიყვანენ", - განაცხადა ვიბლიანმა.
18 reads
კორონავირუსით ინფიცირებულთა რაოდენობა ჩაკეტილ მესტიაში შესაძლოა გაიზარდოს-ვიბლიანი
თამარ ბაჩალიაშვილის ოჯახის წევრები შსს-ში იმყოფებიან
თამარ ბაჩალიაშვილის ოჯახის წევრები და ადვოკატი შინაგან საქმეთა სამინისტროში იმყოფებიან. ადვოკატ მიხეილ რამიშვილის განმარტებით, რადგანაც გუშინ სამხარაულის ექსპერტიზის ბიუროში გარდაცვლილის ელექტრონულ ფოსტასა და სოციალურ ქსელში შესვლა ვერ მოხერხდა, ოჯახმა საქმეში დაჩქარებული წესით გამოძიების ფედერალური ბიუროს ჩართვა მოითხოვა. როგორც რამიშვილი განმარტავს, უწყებაში გარდაცვლილი გოგონას ელექტრონულ ფოსტასა და სოციალურ ქსელში შესვლის პროცედურების გასაგრძელებლად დაიბარეს. „მოგეხსენებათ, ბევრჯერ იყო მცდელობა ექსპერტების მიერ თამუნას ელექტრონულ ფოსტაში, მის „ფეისბუქში“, მის „ჯიმეილში“ შესვლის, თუმცა ვერანაირად ვერ შევძელით. გუშინ ვიყავით სამხარაულის ექსპერტიზის ბიუროში, სადაც ასევე ვერ მოხერხდა შესვლა. გუშინ გვიან დამიკავშირდნენ, რომ აღნიშნული პროცედურები უნდა გაგრძელებულიყო შსს-ში. ამ საკითხთან დაკავშირებით მოგვიწვიეს. ზუსტად არ ვიცი, რა უნდა განხორციელდეს, ვინ არიან მოწვეული. თუ შევალთ „ფეისბუქში“, „მესენჯერში“, ვნახავთ ინფორმაციას, გადავამოწმებთ, მიწერ-მოწერებს, ვნახავთ, ვისთან ჰქონდა კომუნიკაცია. მე არ ვიცი, რა ფორმით უნდა შევიდეთ, ვინ იქნებიან, რომელი ექსპერტები იქნებიან, რა აპარატურა იქნება და რა კოდები ექნებათ. კოდებით, რომლითაც უკვე სცადეს შესვლა, ეს ვერ მოახერხეს“, - აცხადებს მიხეილ რამიშვილი.
49 reads
თამარ ბაჩალიაშვილის ოჯახის წევრები შსს-ში იმყოფებიან
ქობულეთის მუნიციპალიტეტმა ჯამში 76,000 ლარი გამოყო ნაგვის ურნების შესაძენად-ფლანგვის დეტექტორი
ქობულეთის მუნიციპალიტეტმა ჯამში 76,000 ლარი გამოყო ნაგვის ურნების შესაძენად-აღნიშნულ ინფორმაციას ფლანგვის დეტექტორი ავრცელებს. მათივე ცნობით, შპს ელიტ ტექნოლოჯის პოსტპანდემიურ პერიოდში 152,000 ლარზე მეტის ტენდერები აქვს მოგებული. "ტენდერში გამარჯვებულად შპს ელიტ-ტექნოლოჯი გამოცხადდა, რომელიც 65,699 ლარად მუნიციპალიტეტს 80 ცალ ურნას მიაწვდის და თითოეული ურნა 821 ლარი დაჯდება. გამარჯვებული კომპანიის 100 %-იანი წილის მფლობელი გიორგი მამადაშვილი მიკროსაფინანსო ორგანიზაცია „კრედიტსერვისი +“-ის ყოფილი მეწილეა, თუმცა სამეთვალყურეო საბჭოს წევრად დღემდე რჩება მისი მეუღლე - თამარ კანდელაკი. შპს ელიტ ტექნოლოჯის პოსტ პანდემიურ პერიოდში ჯამში 152 ათას ლარზე მეტის ტენდერი აქვს მოგებული."-აცხადებენ ფლანგვის დეტექტორში.
46 reads
ქობულეთის მუნიციპალიტეტმა ჯამში 76,000 ლარი გამოყო ნაგვის ურნების შესაძენად-ფლანგვის დეტექტორი
დაზარალებული ოჯახი მოითხოვს, დამნაშავეების უმკაცრესად დასჯას - ნიკოლაძე
გიორგი შაქარაშვილის ბიძის, მირიან ნიკოლაძეის განცხადებით, შაქარაშვილის ოჯახი ბრალდებული პირების უმკაცრსად დასჯას ითხოვს. როგორც მირიან ნიკოლაძემ სპეციალურად გამართულ ბრიფინგზე განაცხადა, ოჯახი თვალყურს მიადევნებს პროცესს, რომ არ მოხდეს მკვლელობაში ბრალდებულის ვადაზა ადრე პირობით, ან შეწყალებით გათავისუფლება. "დაზარალებული ოჯახი მოითხოვს, დამნაშავეების უმკაცრესად დასჯას და ოჯახი ბოლომდე თვალყურს მიადევნებს აღნიშნულ პროცესებს როგორც სასამართლოს მიმდინარეობისას, ასევე სასჯელის მოხდის პერიოდში რომ არ მოხდეს ისეთი გაუთვალისწინებელი შემთხვევები, როგორიც ჩვენ არაერთხელ ვიხილეთ, ვგულისხმობ პირობით ვადაზე ადრე გათავისუფლებას, შეწყალებას და ა.შ,"-განაცხადა სპეციალურ ბრიფინგზე გიორგი შაქარაშვილის ბიძამ, ადვოკატმა მირიან ნიკოლაძემ.. გიორგი შაქარაშვილის საქმეზე, დღეს "ტოიოტა ქამრის" მგზავრებს, ვახტანგ ჩიქოვანს, არჩილ გაგნიძეს, ნიკოლოზ რევაზიშვილს და 2 არასრულწლოვანს ბრალი განზრახ მკვლელობის მუხლით ბრალი დაუმძიმდა.
38 reads
დაზარალებული ოჯახი მოითხოვს, დამნაშავეების უმკაცრესად დასჯას - ნიკოლაძე
პროკურატურამ "ტოიოტა ქამრის" მგზავრებს ბრალი დაუმძიმა - საგანგებო განცხადება
ექსპერტიზით დადგინდა, რომ გიორგი შაქარაშვილის სხეულზე არსებული დაზიანებები განვითარებულია რაიმე მკვრივი-ბლაგვი მატრავმირებელი საგნების ზემოქმედებით, როგორიცაა ხელკეტის მსგავსი საგანი, ფეხი, ქვა, მუშტი, - ამის შესახებ გიორგი შაქარაშვილის საქმეზე პროკურატურის მიერ საგანგებოდ გავრცელებულ განცხადებაშია ნათქვამი. პროკურატურის მიერ გავრცელებული ინფორმაციის თანახმად, სასტიკად ნაცემი გიორგი შაქარაშვილი თავდამსხმელებმა გადააგდეს მდინარე არაგვში, რის შედეგადაც ეს უკანასკნელი გარდაიცვალა. "ფორმულა" პროკურატურის განცხადებას უცვლელად გთავაზობთ: "საქართველოს პროკურატურის და შინაგან საქმეთა სამინისტროს მიერ ერთობლივად წარმოებული გამოძიების შედეგად მოპოვებული მტკიცებულებების საფუძველზე, დადგენილ იქნა, რომ 2020 წლის 18 ივნისს, დაახლოებით 23:00 საათზე, მცხეთაში მდებარე აგარაკზე, დაბადების დღის აღსანიშნავად გამართულ წვეულებაზე მყოფ სტუმრებს შორის დაწყებული ურთიერთშელაპარაკება ფიზიკურ დაპირისპირებაში გადაიზარდა, რა დროსაც წვეულებაზე სცემეს და ჯანმრთელობის დაზიანებები მიაყენეს ვ.ჩ.-ს. ვ.ჩ., თვლიდა რა საკუთარ თავს კონფლიქტში დაჩაგრულად, მოწინააღმდეგე მხარეზე შურისძიებისა და ანგარიშსწორებისათვის დამატებითი ფიზიკური ძალის მობილიზების მიზნით, დაბრუნდა თბილისში, ნაძალადევის რაიონში. წვეულების ადგილზე დარჩა ვ. ჩ.-ს ორი მეგობარი, რომლებიც პერიოდულად აწვდიდნენ ინფორმაციას მოწინააღმდეგე მხარის ადგილსამყოფელის შესახებ. თბილისში დაბრუნებისთანავე, ვ.ჩ. დაუკავშირდა მის მეგობრებს და 19 ივნისის დაახლოებით 00:30 საათისათვის, მერსედესის მარკის და ვ.ჩ.-ს კუთვნილი ტოიოტა ქამრის მარკის ავტომანქანებით გაემართნენ მცხეთის მიმართულებით. მომხდარი ფიზიკური დაპირისპირების გამო, დაბადების დღეზე მყოფი სტუმრების უმრავლესობამ დატოვა აგარაკის ტეორიტორია. მათ შორის იყო გიორგი შაქარაშვილიც, რომელიც წვეულებაზე მყოფ სხვა პირებთან ერთად, ფეხით გაემართა თბილისის მიმართულებით. მათ ფეხდაფეხ მიჰყვებოდა და უთვალთვალებდა ვ.ჩ.-ს ზემოხსენებული ორი მეგობარი. მათი მითითებით, მერსედესის მარკის ავტომანქანით ნაძალადევის რაიონიდან მცხეთაში ჩასული პირები გაემართნენ გიორგი შაქარაშვილის და მასთან ერთად ავტობანზე ფეხით მოძრავი პირებისაკენ. დაახლოებით 00:47 საათზე, არაგვის ხიდთან მდებარე ავტო-სამრეცხაოს მიმდებარე ტერიტორიაზე, მერსედესის მარკის ავტომაქანაში მყოფი პირები თავს დაესხნენ გიორგი შაქარაშვილს და მის თანმხლებ პირებს. თავდამსხმელებს ასევე შეუერთდნენ ვ. ჩ.-ს ზემოხსენებული ორი მეგობარი. ავტომანქანიდან გადმოსულმა პირებმა ფიზიკური შეურაცხყოფა მიაყენეს გიორგი შაქარაშვილთან ერთად მყოფ პირებს, ხოლო გიორგი შაქარაშვილმა გაქცევით დააღწია თავი ძალადობას. ფიზიკური ძალადობა გაგრძელდა რამდენიმე წუთი, რის შემდგომაც თავდამსხმელებმა ავტომანქანით დატოვეს შემთხვევის ადგილი. პარალელურად, ტოიოტა ქამრის მარკის ავტომანქანით ვ.ჩ.-სთან ერთად მყოფი პირები კონფლიქტში მონაწილე მოწინააღმდეგე მხარის წარმომადგენელთა მოძიების მიზნით გაემართნენ აგარაკისაკენ. ვინაიდან მათ აგარაკზე მოწინააღმდეგეთაგან არავინ დახვდა, ტოიოტა ქამრი გამოემართა თბილისის მიმართულებით. გიორგი შაქარაშვილი და მასთან ერთად მყოფი პირები, რომლებიც ჯგუფური ძალადობის ორგანიზატორთათვის ასოცირდებოდნენ მოწინააღმდეგე მხარის წარმომადგენლებთან, ფეხით განაგრძობდნენ გზას თბილისისაკენ, რა დროსაც მათ გზა გადაუჭრა აგარაკიდან წამოსულმა, ვ.ჩ.-ს კუთვნილმა ტოიოტა ქამრის მარკის ავტომანქანამ, რომელსაც მისი მეგობარი ვ.მ. მართავდა. გაჩერებისთანავე, ავტომანქანიდან, ვ.ჩ.-სთან ერთად გადმოვიდნენ ვ.მ., ნ.რ., ა.გ., ზ.ხ., ა.ქ. და გაეკიდნენ გიორგი შაქარაშვილს და მისი თანმხლებ პირებს, პარალელურად აყენებდნენ სიტყვიერ შეურაცხყოფას. მოსალოდნელი ძალადობისგან თავის დაღწევის მიზნით, გიორგი შაქარაშვილი და მასთან ერთად მყოფი პირები გაიქცნენ ავტობანზე არაგვის ხიდისკენ დასავლეთის მიმართულებით, გადაირბინეს არაგვის ხიდი, გადაკვეთეს საავტომობილო გზა და სირბილი განაგრძეს დასავლეთის მიმართულებით. გიორგი შაქარაშვილის თანმხლები პირი გ.ქ., რომელიც იყო ნაცემი, თავდამსხმელებისაგან თავის დაღწევის მიზნით, საავტომობილო გზაზე მოწყობილი ბეტონის გამყოფი ზოლის გადაკვეთის შემდეგ, დაიმალა გამყოფ ზოლში არსებულ ნარგავებში. ამავდროულად, საავტომობილო გზა გადაკვეთეს, მეორე მხარეს გადავიდნენ და გიორგი შაქარაშვილის და მასთან ერთად მყოფი პირების დევნა განაგრძეს თავდამსხმელებმა ვ.ჩ.-მ, ა.ქ.-მ და ზ.ხ.-მ. დასავლეთის მიმართულების საავტომობილო გზის ნაპირზე არსებული ფერადი შენობის მიმდებარე ტერიტორიასთან მიახლოებისას, გიორგი შაქარაშვილმა და მასთან ერთად მყოფმა ვ.ა.-მ სირბილი განაგრძეს გზის მარჯვენა მხარეს ხიდის ქვეშ გამავალ მეორეხარისხოვან გზაზე, ხოლო გიორგი შაქარაშვილის მეგობარი გ.ა. გაიქცა ზემოაღნიშნული შენობის მიმართლებით და დაიმალა მის უკან არსებულ ბუჩქებში. გიორგი შაქარაშვილს და ვ.ა.-ს იმავე მიმართულებით გაეკიდნენ ვ. ჩ., ა. ქ. და ზ.ხ., ხოლო ა. გ.-მ და ნ. რ.-მ, რომლებიც იმყოფებოდნენ აღმოსავლეთის მიმართულების საავტომობილო გზის მხარეს, განაგრძეს სირბილი გზის მარცხენა მხარეს არსებულ მეორეხარისხოვან გზაზე იმ მიზნით, რომ პირისპირ დახვედროდნენ იმავე გზაზე საპირისპირო მხრიდან გამოქცეულ პირებს და გზა გადაეღობათ მათთვის. ვ.ა. მეორეხარისხოვან გზაზე სირბილისას დაიმალა გზის პირად არსებულ ბუჩქებში, გიორგი შაქარაშვილმა კი განაგრძო გადაადგილება. როდესაც გიორგი შაქარაშვილი მიუახლოვდა მეორეხარისხოვანი გზის იმ მონაკვეთს, რომელიც არაგვის ხიდის ბურჯებს შორის გადის, საპირისპირო მიმართულებიდან მას გზა გადაუღობეს ა. გ.-მ და ნ. რ.-მ. გაქცევისას, გიორგი შაქარაშვილი ორივე მხრიდან მოექცა თავდამსხმელებს შორის, რამაც მას მოუსპო თავისუფალი გადაადგილების შესაძლებლობა და გარდაუვალი ანგარიშსწორების თავიდან აცილების მიზნით იძულებული გახდა ჩასულიყო გზის მარცხენა მხარეს არსებულ ხევში, სადაც მას ჩაჰყვა ხუთივე თავდამსხმელი. ხევში არსებული ბილიკის ბოლოს გიორგი შაქარაშვილი მივიდა მდინარე არაგვის ნაპირთან და ვინაიდან ცურვის არცოდნის გამო აღმოჩნდა მისთვის გადაულახავი ბუნებრივი წინაღობის - მდინარის წინაშე, ვეღარ შეძლო გაქცევა. ამ ვითარებით ისარგებლეს თავდამსხმელებმა და გიორგი შაქარაშვილს მიაყენეს დაზიანებები თავის, ორივე თვალბუდის, ზედა და ქვედა ტუჩების მიდამოებში, მარჯვენა იდაყვის სახსრისა და მარჯვენა წინამხრის მიდამოებში, აგრეთვე მუცლის, საზარდულის, ბოქვენის, წელისა და ორივე დუნდულოს მიდამოებში. სასტიკად ნაცემი გიორგი შაქარაშვილი თავდამსხმელებმა გადააგდეს მდინარე არაგვში, რის შედეგადაც ეს უკანასკნელი გარდაიცვალა. სასამართლო-სამედიცინო ექსპერტიზის შუალედური დასკვნით გამოირიცხა გიორგი შაქარაშვილის სხეულზე არსებული დაზიანებების ასფალტირებულ გზაზე, ჩანთის აღმოჩენის ადგილამდე ფერდობზე მიმავალ ბილიკზე, მდინარის კალაპოტის მონაკვეთზე დაგორება - დაცურებით, წაქცევა-დაცემით ან რაიმე მკვრივ-ბლაგვ საგანზე ხახუნით ან თრევით, ასევე დაახლოებით 15.../25... მეტრი სიმაღლის ხიდიდან თავისუფალი ვარდნის შემდეგ, წყალზე დაცემის ან წყალში ჩავარდნის შედეგად, ერთობლივად განვითარების შესაძლებლობა. ექსპერტიზით დადგინდა, რომ გიორგი შაქარაშვილის სხეულზე არსებული დაზიანებები განვითარებულია რაიმე მკვრივი-ბლაგვი მატრავმირებელი საგნების ზემოქმედებით, როგორიცაა ხელკეტის მსგავსი საგანი, ფეხი, ქვა, მუშტი. გარდა აღნიშნულისა, გამოძიების მიერ ექსპერტიზის წინაშე დასმული საკითხების დადგენის მიზნით, აქტიურად გრძელდება კომპლექსური საექსპერტო კვლევები. ხუთივე თავდამსხმელის მიმართ სისხლისსამართლებრივი დევნა დაიწყო სისხლის სამართლის კოდექსის 109-ე მუხლის მეორე ნაწილის „ე“ ქვეპუნქტით გათვალისწინებული დანაშაულის ჩადენისათვის, რაც სასჯელის სახედ და ზომად 13-დან 17 წლამდე თავისუფლების აღკვეთას ითვალისწინებს. გამოძიებით დადგენილია, რომ დაბადების დღის აღსანიშნავად გამართულ წვეულებაზე განვითრებულ კონფლიქტთან დაკავშირებით, 19 ივნისის ღამით, თბილისიდან მცხეთის მიმართულებით გაემართა სულ 8 ავტომანქანა, მათგან სამი საბურთალოს რაიონიდან, ხოლო ხუთი - ნაძალადევის რაიონიდან. ჩატარებული გამოძიების შედეგად მოპოვებული ვიდეოჩანაწერების და მობილური კავშირგაბმულობის ოპერატორებისაგან გამოთხოვილი ინფორმაციის შესწავლის შედეგად უტყუარად დგინდება, რომ გიორგი შაქარაშვილის განზრახ მკვლელობის დროს, შემთხვევის ადგილზე იმყოფებოდა ტოიოტა ქამრის მარკის ავტომანქანა და დანაშაულის ჩადენაში მისი მგზავრები მონაწილეობდნენ. გიორგი შაქარაშვილის საქმის გამოძიების პროცესში ჩატარდა ათასზე მეტი საპროცესო მოქმედება, საგამოძიებო ჯგუფის მიერ დამუშავებულ და შესწავლილ იქნა დეტალური ინფორმაცია საქართველოში მოქმედი მობილური ოპერატორების მეშვეობით განხორციელებული ათიათასობით ზარის, მოკლე ტექსტური შეტყობინების და ინტერნეტ აქტივობის შესახებ, გამოკვლეულ იქნა საჯარო და კერძო დაწესებულებების კუთვნილი გარე მეთვალყურეობის კამერების ჩანაწერები, რომელთა საერთო ხანგრძლივობა შეადგენს რამდენიმე ასეულ საათს, დაკითხულ იქნა ასეულობით მოწმე, ჩატარდა სასამართლო-სამედიცინო, ბიოლოგიური, ტრასოლოგიური, კომპიუტერული და კომპლექსური ექსპერტიზები, ამოღებულ იქნა კონფლიქტში მონაწილე პირთა ტანსაცმელი, საკომუნიკაციო და სატრანსპორტო საშუალებები, აღებულ იქნა ანაწმენდები და სხვადასხვა სახის ნიმუშები, მოწმეთა ჩვენებების და საგამოძიებო ვერსიების შემოწმების მიზნით ჩატარდა არაერთი საგამოძიებო ექსპერიმენტი, ბრალდებულთა ამოცნობები და სხვა სახის საგამოძიებო მოქმედებები, სამართლებრივი დახმარების აღმოჩენის მიზნით მიემართა ამერიკის შეერთებული შტატებისა და ისრაელის სახელმწიფოს კომპეტენტურ ორგანოებს. გვსურს საზოგადოებას შევახსენოთ, რომ იმ ხუთი პირის გარდა, რომელთა მიმართ სისხლისსამართლებრივი დევნა გიორგი შაქარაშვილის დამამძიმებელ გარემოებებში განზრახ მკვლელობის ბრალდებით დაიწყო, ჯგუფური ძალადობის, ჯგუფური ძალადობის ორგანიზების და ამავე ძალადობაში მონაწილეობის, ასევე, ჯგუფურად თავისუფლების უკანონო აღკვეთის ფაქტებზე დაკავებულია 12 პირი, რომელთაც აღკვეთის ღონისძიების სახით შეფარდებული აქვთ პატიმრობა. მათ მიმართ წარდგენილი ბრალდება სასჯელის სახით თავისუფლების აღკვეთას ოთხიდან ათ წლამდე ითვალისწინებს", - ნათქვამია განცხადებაში.
42 reads
პროკურატურამ "ტოიოტა ქამრის" მგზავრებს ბრალი დაუმძიმა - საგანგებო განცხადება
„ლელოს“ გუნდს დეპუტატი ლევან კობერიძე შეუერთდა
“ლელო“ გუნდს ახალი წევრი ჰყავს. პოლიტიკურ გაერთიანებას დამოუკიდებელი დეპუტატი - ლევან კობერიძე შეუერთდა, რომელიც დღეს ბრიფინგზე „ლელოს“ თავმჯდომარემ, მამუკა ხაზარაძემ წარადგინა. მამუკა ხაზარაძის თქმით, „ლელო“ ფართოვდება ერთ-ერთი მთავარი მიზნისთვის, რომელიც ქვეყნის განვითარებას ეკონომიკის, ჯანდაცვისა და სხვა მიმართულებებით ეხება. „ლელო“ იზრდება მთელი საქართველოს მასშტაბით და მას უერთდებიან გამორჩეული ლიდერები. ამ წლების განმავლობაში ისინი ამტკიცებენ, რომ არიან სამართლიანები და უკომპრომისოები, სწორედ ასეთია ლევან კობერიძე. მინდა, მას ვუსურვო წარმატება და ყველა იმ იდეის განხორციელება, რომელიც აღელვებს თითოეულ ჩვენგანს. ჩვენ გვინდა, ეს ქვეყანა იყოს წარმატებული, სამართლიანი და მივაღწიოთ ყოველდღიური გამარჯვების სერიას - ეკონომიკაში, მედიცინაში და სხვა სფეროებში,“- განაცხადა მამუკა ხაზარაძემ. „დღეს ქვეყანას სჭირდება ახალი ალტერნატიული ცენტრი რათა ქვეყანაში დავასრულოთ ორპოლუსიანობა,“ - ამის შესახებ დამოუკიდებელმა დეპუტატმა და „ლელოს“ წევრმა ლევან კობერიძემ ბრიფინგის დროს განაცხადა. „იმისათვის, რომ ეს ცენტრი იყოს რაც შეიძლება წარმატებული, ისევ ჩვენი მოქალაქეებისთვის უნდა დავდგეთ ერთად. ეს ალტერნატივა უნდა იყოს „ლელოსთან“ ერთად. მე დიდხანს ვაკვირდებოდი ამ გუნდს და აღმოვაჩინე, რომ გვაქვს საერთო ღირებულებები. ჩვენ უნდა გავაძლიეროთ ერთმანეთი, ეს არის ჩვენი ვალდებულება და ყველას აქვე მოვუწოდებ, ყველა იმ პოლიტიკურ ძალას თუ ინდივიდუალურ პოლიტიკურად აქტიურ მოქალაქეს, ვისაც უნდა, რომ ქვეყანაში იყოს სიახლე, იყოს ალტერნატიული ძლიერი პოლიტიკური ცენტრი, ჩვენ გავაძლიეროთ ერთმანეთი, ვითანამშრომლოთ და ჩვენ ასე მივაღწევთ წარმატებას - იმ ორპოლუსიანობის დამარცხებას, რომელზეც ჩვენ დიდი ხანია ყველანი ვლაპარაკობთ. მე ვიძლევი იმის პირობას, რომ აუცილებლად ყველაფერს გავაკეთებ ამ გუნდში,“- აცხადებს კობერიძე. „ლელო“ ახალი გუნდის წევრის შემოერთებას პოლიტიკური გაერთიანების გენერალური მდივანი ბადრი ჯაფარიძეც ეხმაურება და იმ საერთო ღირებულებებზე საუბრობს, რომელიც პარტიასა და ლევან კობერიძეს აქვს. „კმაყოფილი ვარ, რომ ლევან კობერიძე დღეს ჩვენს რიგებშია და ჩვენ გვაქვს საერთო ღირებულება, რაც გვინდა გავუზიაროთ ჩვენს მოსახლეობას - ხედვები, რომლებიც ყალიბდება ერთმანეთთან მსჯელობაში , ხედვები, რომლებიც ეხება საქართველოში ყველა სფეროს მოდერნიზაციას, ყველა სფეროში რეფორმას. ლევანს აქვს ძალიან საინტერესო შეხედულებები, რომლებიც ბევრ რამეში ჩვენსას ემთხვევა. ჩვენ გავაგრძელებთ იმაზე შრომას, რომ მოსახლეობას გავაცნოთ ჩვენი გეგმები და ის მოსაზრებები, რომლებიც ხელს შეუწყობს ჩვენი ქვეყნის განვითარებას,“- აცხადებს ბადრი ჯაფარიძე. შეგახსენებთ, რომ რამდენიმე დღის წინ პოლიტიკურ გაერთიანებას „თავისუფალი დემოკრატების“ ყოფილი წევრი - ლევან სამუშია შეუერთდა.
27 reads
„ლელოს“ გუნდს დეპუტატი ლევან კობერიძე შეუერთდა
შაქარაშვილის საქმეზე დაკავებულ 5 პირს ბრალი დაუმძიმდა
გიორგი შაქარაშვილის საქმეზე დაკავებულ 5 პირს ბრალი დაუმძიმდა. ამის შესახებ გენერალურ პროკურატურაში გამართულ ბრიფინგზე პროკურორმა, ამირან გულუაშვილმა განაცხადა. 5 ბრალდებულს გამოძიება დამამძიმებელ გარემოებაში განზრახ მკვლელობასაც ედავება. მათ 13-დან 17 წლამდე პატიმრობა ემუქრებათ. უფრო კონკრეტულად ბრალი დაუმძიმდა "ტოიოტა ქემრის" მგზავრებს: ვახო ჩიქოვანს, აკაკი ქვრივიშვილს, არჩილ გაგნიძეს, ნიკა რევაზიშვილს და არასრულწლოვან ზ.ხ.-ს. 19 წლის ფეხბურთელის გარდაცვალების საქმეზე, შსს-მ ჯგუფური ძალადობის ორგანიზების, მასში მონაწილეობის, თავისუფლების უკანონო აღკვეთისა და ორი ან მეტი პირის მიმართ ჯგუფური ძალადობის ბრალდებით, 26 ივნისს 17 ადამიანი დააკავა. მოგვიანებით პროკურატურამ ვიდეომასალა გაავრცელა, რომელშიც ფეხბურთელის სიცოცხლის ბოლო საათები და საბედისწერო ღამეს მომხდარი რამდენიმე ინციდენტია ასახული. მცხეთის რაიონულმა სასამართლომ 17-ვე ბრალდებულს აღკვეთის ღონისძიების სახით პატიმრობა შეუფარდა. შეგახსენებთ, 19 ივნისს, საღამოს, კლუბ „საბურთალოს" ფეხბურთელის, გიორგი შაქარაშვილის დაკარგვის შესახებ ოჯახმა შინაგან საქმეთა სამინისტროს მიმართა.
24 reads
შაქარაშვილის საქმეზე დაკავებულ 5 პირს ბრალი დაუმძიმდა
ოპოზიციის ლიდერმა, სვეტლანა ტიხანოვსკაიამ, ბელარუსი დატოვა
ბელარუსის ოპოზიციის ლიდერმა, სვეტლანა ტიხანოვსკაიამ, ქვეყანა დატოვა და ლიტვაში იმყოფება. ამის შესახებ ინფრომაციას BBC ლიტვის საგარეო საქმეთა მინისტრის, ლინას ლინკევიჩუსზე დაყრდნობით ავრცელებს. ოპოზიციის მთავარმა ლიდერმა ბელარუსი სამოქალაქო პროტესტის გააქტიურებიდან მეორე დღეს დატოვა. ტიხანოვსკაიას გუნდის ცნობით, ის პროტესტს "შესაძლო პროვოკაციების" გამო არიდებს თავს. ბელარუსის საპრეზიდენტო არჩევნების შედეგების მიხედვით, ქვეყნის მოქმედმა პრეზიდენტმა, ალექსანდრ ლუკაშენკომ ხმების 80.23% მიიღო, თუმცა სვეტლანა ტიხანოვსკაია ამ შედეგებს არ აღიარებს.
29 reads
ოპოზიციის ლიდერმა, სვეტლანა ტიხანოვსკაიამ, ბელარუსი დატოვა
გოგი თოფაძის შვილიშვილს, ლევან თოფაძეს სამართალდამცველები დღეს გამოკითხავენ
დაჭრილ ლევან თოფაძეს სამართალდამცველები დღის მეორე ნახევარში გამოკითხავენ. გოგი თოფაძის შვილიშვილი საავადმყოფოდან სამი დღის წინ გაწერეს და ის მკურნალობას სახლში განაგრძობს. "ლევან თოფაძის მდგომარეობა, მიუხედავად იმისა, რომ სახლში გაწერეს მაინც არასახარბიელოა. იგეგმება მისი გამოკითხვა, მაგრამ იქიდან გამომდინარე, რომ მან ექიმებთან შესაბამისი რეაბილიტაციის კურსები უნდა გაიაროს, სავარაუდოდ სამართალდამცველები დღის მეორე ნახევარში გამოკითხავენ, უკიდურეს შემთხვევაში კი ზეგ,"- განაცხადა ლევან თოფაძის ადვოკატმა გიორგი ანთაძემ. 22 წლის ახალგაზრდას დანით 4 ჭრილობა ჰქონდა მიყენებული. მას ორი ოპერაცია დასჭირდა. დანაშაულში ბრალდებული, ყოფილი პრემიერის შვილი, ბუსა ჟვანიაა. მას განზრახ მკვლელობის მცდელობას ედავებიან. ჟვანიას სასამართლომ წინასწარი პატიმრობა შეუფარდა. ინციდენტი 2 აგვისტოს თოფაძის სახლში მოხდა.
27 reads
გოგი თოფაძის შვილიშვილს, ლევან თოფაძეს სამართალდამცველები დღეს გამოკითხავენ
საქართველოს ბანკის მხარდაჭერით ხულოში ავეჯის საწარმო გაიხსნა
11 აგვისტო, 2020- საქართველოს ბანკი ბიზნესის მხარდაჭერის ფარგლებში პროექტების ფინანსურ მხარდაჭერას აგრძელებს. ბანკის ჩართულობით შპს ტექნოჯორჯიამ ხულოში ავეჯის საწარმო გახსნა. კომპანია გარდა სტანდარტული ავეჯის წარმოებისა, მომხმარებელს პრემიუმ სეგმენტის სუფთა და მახალხარისხიანი ხის ავეჯსაც სთავაზობს. შპს ტექნოჯორჯია პროდუქციის რეალიზაციას ახდენს ადგილობრივ ბაზარზე. კომპანია ფლობს 2 საწარმოს. ერთი მათგანი ბათუმშია, მეორე კი ხულოში. კომპანია წარმოებულ პროდუქციის რელიზაციას მის საკუთრებაში არსებულ სამ მაღაზიაში ახდენს. კომპანია კორპორატულ და მსხვილ სამშენებლო კომპანიებს უწევს მომსახურებას. კომპანიას დასაქმებული ყავს 35 ადამიანი. პროექტის საინვესტიციო მოცულობა 135 000 ევროა. „მოხარული ვართ, რომ ჩვენი ფინანსური თანამონაწილეობით ხულოში შპს ტექნოჯორჯიას კიდევ ერთი საწარმო გაიხსნა. კომპანიას ბაზარზე საკმაოდ დიდი გამოცდილება აქვს და მომხმარებელს პრემიუმ ხარისხის პროდუქტს სთავაზობს. მოგვაჩნია რომ რეგიონში ბიზნესების წახალისება კიდევ უფრო მნიშვნელოვანია, რადგან ის ხელს უწყობს ადგილობრივი მოსახლეობის დასაქმებასა და ეკონომიკურ კეთილდღეობას“,-განაცხადა მერაბ ახვლედიანმა, საქართველოს ბანკის საცალო ბიზნესის საბანკო მომსახურების დეპარტამენტის დირექტორმა.
21 reads
საქართველოს ბანკის მხარდაჭერით ხულოში ავეჯის საწარმო გაიხსნა
„ჯუსოს მეღვინეობამ“ თიბისის მხარდაჭერით სოფელ შილდაში ვენახები გააშენა
ლაშა ხვედელიძე საოჯახო მარანს პაპის ტრადიციების დაცვით და თანამედროვე მოთხოვნების შესაბამისად უძღვება. „ჯუსოს მეღვინეობა“ არტიზანულ, ნატურალურ ქვევრის ღვინოს აწარმოებს ქართული ტრადიული წესით და მომხმარებელს რამდენიმე სახის ღვინოს სთავაზობს, მათ შორის არის რქაწითელი, მწვანე, საფერავი და ცოლიკოური. 3 წელიწადში „ჯუსოს მეღვინეობის“ ასორტიმენტი კიდევ უფრო მრავალფეროვანი გახდება და ჩამონათვალს წითელი ბუდეშურისგან და ქისისგან დამზადებული ქვევრის ნატურალური ღვინო დაემატება. სწორედ ყურძნის აღნიშნული ჯიშები გააშენა „ჯუსოს მეღვინეობამ“ ყვარლის რაიონის სოფელ შილდაში თიბისის შეღავათიანი აგროსესხის ფარგლებში. სოფელ შილდაში ვენახები 4.5 ჰა ფართობზე გაშენდა. „ძალიან მნიშვნელოვანია ხარისხიანი ქვევრის ღვინის წარმოება. ჩვენს მცირე მარანში წლიურად 10-13 ტონამდე ყურძენი იწურება და ქვევრში ღვინის დაყენების მთლიანი პროცესი, დაწურვიდან ბოთლში ჩამოსხმამდე, ჩემი, ჩემი ძმის და ჩვენი მთავარი მეღვინის გიორგი ბარისაშვილის მნიშვნელოვანი ჩართულობით წარიმართება. ჩვენთვის მნიშვნელოვანია ნატურალური ქვევრის ღვინის დაყენება და რაც მთავარია ხარისხი და არა რაოდენობა. მსურს გამოვარჩიო “ჯუსოს მეღვინეობის” კოსტაფეს (რქაწითელი-ქისი-მწვანე-ბუერა) ჩამოსხმა, რომელიც ჩვენი პაპის ჯუსო მეზვრიშვილის 60 წლის წინ გაშენებული ვენახებიდან მოდის,“ - ამბობს „ჯუსოს მეღვინეობის“ დამფუძნებელი და დირექტორი ლაშა ხვედელიძე. გარდა კომპანიის სახელისა, ჯუსო პაპისგან ბევრი ისტორიაც დარჩათ, რომლითაც ოჯახი ამაყობს. მაგალითად, ის რომ ჯუსო მეზვრიშვილი საგარეჯოს რაიონში სახელგანთქმული მეღვინე იყო და მას საბჭოთა კავშირში ცნობილი ქართული ღვინის „მშობლიური 8 ნომერის“ დამზადების ისტორია უკავშირდება. ჯუსოს მარანი მოიცავს 18 ქვევრს (ჯამში 17 ტონის) და სადეგუსტაციო სივრცეს სტუმრებისათვის. ყოველწლიურად 7-დან 10 ათასმდე ბოთლ ღვინოს ასხამენ, რომელიც წარმატებით გადის ექსპორტზე აშშ-ში, გერმანიასა და იაპონიაში. ახალგაშენებული ვენახებიდან ყურძნის მოსავლის მიღების შემდეგ „ჯუსოს ღვინის“ წარმადობა და შესაბამისად, საექსპორტო ქვეყნების ჩამონათვალიც გაიზრდება. მანამდე კი, ვისაც ჯერ არ გაგისინჯავთ, „ჯუსოს ღვინოების“ შეძენა სხვადასხვა ღვინის მაღაზიებსა და ღვინის ბარებშია შესაძლებელი.
15 reads
„ჯუსოს მეღვინეობამ“ თიბისის მხარდაჭერით სოფელ შილდაში ვენახები გააშენა