კომპანია "ზეგის" პროგრამების მენეჯერმა ნიკა გეჯაძემ მიიღო "წერილი მომავლიდან", რომელიც შესაძლოა თამარ ბაჩალიაშვილს გამოეგზავნა. "ძვირფასო მე, გწერ 2020 წლის 4 აპრილიდან. თუ არ წაგიკითხავს უკეთესია, მართალია ჩემს თავს დავპირდი რომ აღარასოდეს მოგწერდი, მაგრამ ეს უნდა გავაკეთო. თუნდაც იმიტომ, რომ საკუთარი თავი აღარ დავადანაშაულო. ნეტა იცოდე რამდენ რამეს გადავაბიჯე ეს რომ მომეწერა. პირველი, რაც მინდა იცოდე ისაა, რომ არასდროს განზრახ ცუდად არ მოვქცეულვარ, გულშიც კი არ გამივლია შენთვის რაიმე ცუდის გაკეთება, არასდროს, არც შეგნებულად და არც შეუგნებლად. პირიქით, იმას უფრო ვუშვებდი, რომ ჩემი თავისთვის დამეშავებინა რამე, ვიდრე შენთვის. არ ვიცი რას როგორ აღიქვამდი ან როგორ მიიღე, რა მოგიყვა ან როგორ ჩაგაწვეთა, მაგრამ მერწმუნე, არასდროს განგებ ცუდის ჩადენა არც კი მიფიქრია. ვიცი, რომ ძალიან ბევრ რამეში მადანაშაულებ და არც თუ უსაფუძვლოდ, მაგრამ ახლა თავის მართლებას არ ვაპირებ. მხოლოდ იმაზე მინდა იფიქრო, როდესაც ჩამოხვედი სულ ცოტა ყურადღება რომ გამოგეჩინა, სულ ცოტატი მაინც, რომ დაინტერესებულიყავი ჩემი არსებობით, ძალიან ბევრი რამე, ძალიან სხვანაირად იქნებოდა. მაგრამ მესმის, როგორი რთული იქნებოდა ეს შენთვის, შენ ხომ ასე ძალიან იყავი დაკავებული (ახსენებს კონკრეტულ ადამიანს)... მახსოვს ის სიცივე და იგნორი შენი მხრიდან, ამის ფონზე კი შენი დაცვის იმედით გათამამებული შენი მეგობარი როგორ მამცირებდა. არ ერიდებოდა არც მორალურ საზღვრებს და არც არაფერს.. იქნებ ერთადაც გადაწყვიტეთ ასე, რომ ყოველი დღე კოშმარად ქცეულიყო ჩემთვის. შურისძიება გინდოდა, მოახერხე, კმაყოფილი ხარ თუ არა? უფრო მეტად რომ გახანგრძლივებულიყო სიამოვნება გეტყვი, რომ თვითმკვლელობაზე ვიფიქრე არაერთხელ, შენზე ფიქრის გარეშე არ გადამიდგამს არც ერთი ნაბიჯი," - წერს ანონიმური წერილის ავტორი ნიკა გეჯაძეს. წერილში გამოძიების მასალებში დევს, თუმცა, მოყვანილი ფაქტობრივი უზუსტობების გამო, ნიკოლოზ გეჯაძე არ ვარაუდობს, რომ ის თამარ ბაჩალიაშვილის დაწერილია.

გარდაცვლილი თამარ ბაჩალიაშვილის მეგობარი დეა კაპანაძე ჟურნალისტ ელისო კილაძესთან ინტერვიუში თამართან ურთიერთობის დეტალებს უყვება. მისი თქმით, მან იცოდა, რომ თამარი ფსიქოლოგთან დადიოდა, თუმცა გადატვირთული გრაფიკის გამო გაუჩინარების წინა დღეებში ის არ უნახავს. "ვიცოდი, რომ ფსიქოლოგთან დადიოდა. ჩემთან ისიც აქვს ნათქვამი, რომ როცა რაღაცას განიცდიდა ფსიქოლოგი ახერხებდა მის დარწმუნებას, რომ არ ღირდა ამაზე ნერვიულობა. ფსიქოლოგთან სიარული არ ნიშნავს, რომ ადამიანი თავის მოკვლას აპირებდა. თამარს არასოდეს უხსენებია, რომ მის სიცოცხლეს საფრთხე ემუქრება, ან თავის მოკვლას აპირებდა. არც მისი სამსახური იყო რამე განსაკუთრებული კიბერ სპეციფიკის და არ ვიცი რაში შეეძლო შეეღწია. ერთხელ ვარ მის სამსახურში ნამყოფი, მანქანის გასაღები აიღო და წამოვედით მალევე. თამარი ბოლოს ვნახე 10 რიცხვში, ხოლო ბოლოს მინაწერი მაქვს 12 ში. საბაკალავრო ნაშრომის დაცვა ჰქონდა 20-ში და იყო ძალიან დატვირთული, ამიტომ არ მინდოდა ზედმეტად შემეწუხებინა. ზოგადად, ძალიან მიზანსწრაფული ადამიანი იყო და ყოველთვის ძალიან გადატვირთული გრაფიკი ჰქონდა. ამიტომ ისე დაემთხვა, რომ ბოლო დღეებში აღარ შევხმიანებივარ. თამარს არ ეტყობოდა, რომ უბედური იყო, მაგრამ ჩვენ რეალურად არ ვიცით რა ხდება ადამიანის შინაგან სამყაროში. რაც შეეხება ბაჩანას, თამუნას ჰყავდა ერთი შეყვარებული, რომელიც ვიცი და თვითონ გამაცნო, ეს არ არის ბაჩანა ლობჟანიძე. იმ ბიჭს 2018 წელს დაშორდა და ურთიერთობა აღარ აღუდგენია. თამარის გარდაცვალების შემდეგ, ბაჩანამ რომ მომწერა, გიფები და სურათები ჩამიყარა გამიკვირდა, მეთქი ვინ ხარ შენ... შემიძლია მასთან მიმოწერა გავასაჯაროვო. საერთოდ რა შუაშია ის ხალხი, ვისაც ბაჩანა ასახელებს," - განაცხადა დეა კაპანაძემ.

თემქის მოსახლეობა რამდენიმე წუთის წინ აფეთქებას გადაურჩა, - ინფორმაციას თბილისი ენერჯი ავრცელებს. "თბილისი ენერჯის ცხელ ხაზზე - 114 შეტყობინება შევიდა, რომ თემქის მე-11 მიკრო რაიონის ერთ-ერთ კორპუსში ძლიერი გაზის სუნი იდგა. ადგილზე თბილისი ენერჯის სწრაფი რეაგირების ჯგუფის მისვლის შემდეგ, ძლიერი დაგაზიანება აღმოჩნდა მთელს სადარბაზოში. გაზის სუნი ერთ-ერთი ბინიდან გამოდიოდა, რომელიც სამი დღეა დაკეტილია, ბინაში მაცხოვრებლები კი ქალაქიდან არიან გასულები. აღმოჩნდა რომ სახლიდან გასვლის წინ ბინის მეპატრონემ გაზქურის ონკანი გახსნილი დატოვა საიდანაც გაზი ჟონავდა, თავად კი ქალაქიდან გავიდა. ამ ფაქტის გამო კორპუსში ძლიერი დაგაზიანება დაიწყოდა სამი დღის განმავლობაში გაზი ბინასა და სადარბაზოში გროვდებოდა. ეს შემთხვევა კი აუცილებლად გამოიწვევდა დიდ აფეთქებას. კონკრეტული მობინადრის უყურადღებობას კი ადამიანების სიცოცხლე შეეწირებოდა. აღნიშნული ბინის გაზის ქსელის შემოწმებისას ასევე აღმოჩნდა კუსტარულად დამონტაჟებული აკრძალული, მკვლელი ღია კამერიანი წყლის გამაცხელებელი. რომელიც ქსელიდან ჩაიხსნა. თბილისი ენერჯი კატეგორიულად გაფრთხილებთ სახლიდან გასვლის წინ გადაკეტეთ ონკანები და თქვენი უყურადღებობით ნუ შეუქმნით ოჯახის წევრების და მეზობლების სიცოცხლეს საფრთხეს. კომპანია მადლობას უხდის მოქალაქეს, რომელმაც ოპერატიულად დარეკა და ფაქტის შესახებ შეგვატყობინა," - აღნიშნულია კომპანიის მერ გავრცელებულ ინფორმაციაში.

ჩვენ ვაკეთებთ პროგრამულ უზრუნველყოფას, მათ შორის ზრდასრული საიტებისთვისაც გაგვიკეთებია ეს მომსახურება, - ეს ინფორმაცია კომპანია "ზეგის" წარმომადგენლებმა დაადასტურეს. "ჩვენი საქმიანობა აქაც და იქაც (ამერიკაში) არის ლეგალური და არანაირი შეხება კანონგარეშე საქმიანობასთან არ გვაქვს. ჩვენი კომპანია პროგრამულ უზრუნველყოფას უწევდა საიტებს, მათ შორის პორნოგრაფიულ საიტებს. ჩვენთვის ყველასთვის ცნობილი იყო, ამაზე მუშაობა რომ დავიწყეთ. მათ შორის, თამარისთვისაც იყო ცნობილი რასაც ვაკეთებდით. ჩვენ ვწერდით მხოლოდ პროგრამულ კოდებს და არანაირი შეხება პორნოგრაფიასთან და ვიდეოკონტენტთან შეხება არ გვქონია. ეს ინფორმაცია არის კომერციული საიდუმლოება და ამაზე საჯაროდ ხალხში საუბარი არ ჩაგვითვლია საჭიროდ," - განაცხადა კომპანია ზეგის წარმომადგენელმა "მთავარი არხის" ეთერში. ცნობისთვის, ბაჩანა ლობჟანიძემ, რომელიც თავს თამარ ბაჩალიაშვილის შეყვარებულს უწოდებს, განაცხადა, რომ კომპანია "ზეგ" სადაც თამარ ბაჩალიაშვილი მუშაობდა, ასრულებდა ისეთი დამკვეთის დავალებებს, რომელიც არაკანონიერი ვიდეოკონტენტის წარმოებით და გადაყიდვით არის დაკავებული.

ბაჩანა ლობჟანიძე, რომელიც თავს გარდაცვლილი 23 წლის პროგრამისტის თამარ ბაჩალიაშვილის შეყვარებულს უწოდებს, ბაჩალიაშვილის ოჯახს ბოდიშს უხდის იმ დიალოგისთვის, რაც მასსა და ბაჩალიაშვილის დედას, თეონა თამაზაშვილს შორის შედგა. ლობჟანიძე ასევე აცხადებს, რომ ის არავისგან „მოგზავნილი“ არ არის. „მინდა მობოდიშებით დაწყება და ცხადია, არც მოგზავნილი და არც საცოდავი არსება არ ვარ, როგორც თავად, ქალბატონმა თეონამ მითხრა.... მე და ქალბატონ თეონას თავიდან ასეთი ურთიერთობა არ გვქონია, "ფეისბუქზე" მომწერა, ვიცნობდი, თუ არა მის შვილს და ასე გავაგრძელეთ ურთიერთობა. არანაირი ნეგატიური ფონი არ ყოფილა. ეს დაიწყო მას შემდეგ, რაც მესენჯერში მომწერა, რომ საელჩოსთან აქციას აპირებდა... ალბათ, უნდა დავფიქრებულიყავი, რას ვეტყოდი და რას მივწერდი, ალბათ, უფრო მეტად უნდა მეფიქრა ჩემ სიტყვებზე. ეს სიტყვები ახლა, შეიძლება, ერთგვარი მობოდიშებაც იყოს ჩემგან. ქალბატონ თეონას ვუთხარი, რომ FBI "ეიფლთან" კავშირში არ იყო... თურმე, თამარი გავიტყუე თეთრიწყაროში და ჩემი გაუჩინარებულია. როცა თამარი გაუჩინარდა, დეიდასთან ვიყავი და ის დაადასტურებს, რომ იქ ვიყავი. ჩემ ტირილზე გაიღვიძეს სახლში და ამას ჩემი დეიდაშვილიც დაადასტურებს. ქალბატონი თეონა მოითხოვს ჩემ ფსიქიკურ დასკვნას, მე შემიძლია, გავესინჯო ექიმს", - აცხადებს ლობჟანიძე. მისივე განმარტებით, ბაჩალიაშვილის დედის მხრიდან მასზე ფსიქოლოგიური ზეწოლა ხორციელდება და რატომ არ ფიქრობენ, რომ მანაც შესაძლოა, ამის ფონზე თვითმკვლელობაზე იფიქროს. „სახლში მარტო რომ ვიყო, შეიძლება, სუიციდის მცდელობის სურვილი გამიჩნდეს, ასეთი ზეწოლის ფონზე. როცა სახლში შევდივარ, შუქს ვანთებ და ისე შევდივარ. ეს მას შემდეგ ხდება, რაც თამარი მანქანაში გარდაცვლილი იპოვეს", - განაცხადა ლობჟანიძემ. ლობჟანიძის თქმით, მას თეონა თამაზაშვილმა ადვოკატ მიხეილ რამიშვილზეც ჰკითხა, იყო თუ არა „მოგზავნილი“. ამასთან, ლობჟანიძე განმარტავს, რომ მან ბაჩალიაშვილის ახლო მეგობრისგან თამარის დაკრძალვის შემდეგ გაიგო, რომ მას წარსულში თვითმკვლელობის მცდელობა 3-ჯერ ჰქონია. „თამარი მშობლებზე ნაკლებად საუბრობდა, მაგრამ როცა საუბრობდა, ნეგატიური დამოკიდებულება არ ჰქონია. თამარის მეგობარმა დაკრძალვის შემდეგ მითხრა, რომ თამარმა 3-ჯერ სცადა თვითმკვლელობა და ვიღაცებმა გადაარჩინეს… საგამოძიებო უწყებას ვენდობი, მაგრამ ინფორმაცია არაა სანდო. გარანტია არ მაქვს, რომ მისი ბრაუზერიდან სხვამ აკრიფა ის სიტყვები, იქნებ შეღწევა მოხდა მის ლეპტოპში”, - აცხადებს ლობჟანიძე. მისივე განმარტებით, ის რომ თამარ ბაჩალიაშვილს გარკვეული რაოდენობის თანხა ჰქონდა, ეს თავად თამარისგან გაიგო. ლობჟანიძის თქმით, ის გეგმავდა აზროვნების აკედემიის გახსნას, სადაც ერთ-ერთი მენტორი თამარი იქნებოდა.

თელავი ყვარლის დამაკავშირებელ გზაზე ავარის დროს ორი ადამიანი დაშავდა. გოლფის მარკის მანქანის მძღოლმა საჭე ვერ დაიმორჩილა და ხეს შეეჯახა. დაშავებულები თელავის რეფერალურ საავადმყოფოში გადაჰყავთ. ადგილზე პოლიცაა მობილიებული.

პაატა შარაშენიძე სოციალურ ქსელში ავრცელებს საგანგაშო პოსტს და წერს, რომ იაშვილის კლინიკაში ბათუმიდან გადმოყვანილი 17 მცირეწლოვანი წევს, მათ შორის – 4 უმძიმეს ვითარებაში. ,,ბათუმში ნაწლავური ჩხირი “Escherichia coli”! მეგობრებო, ამას ვწერ რადგან გუშინ დავბრუნდი იაშვილის კლინიკიდან, სადაც 17 მცირეწლოვანი წევს, საიდანაც 4 უმძიმეს მდგომარეობაშია – გაჩერებული აქვთ ორივე თირკმელი, უკეთებენ დიალიზს ყოველდღიურად, მაღალ სიცხეებს ვერ არეგულირებენ ანტიბიოტიკებით, სხვა სირთულეებთან ერთად. ყველა ბავშივ ან ბათუმის მკვიდრია, ან მშობლებთან ერთად დასასვენებლად იყო ბათუმში. ყველას ორგანიზმშია ნაწლავური ჩხირი “Escherichia coli”, როგორც ლუგარის ლაბორატორიიდან მოვიდა პასუხი, ეს ჩხირი ბავშვების ორგანიზმში წყლის საშუალებით შევიდა, ზღვა თუ დასალევი წყალი, ეს არ ვიცით. ბავშვები 3 წლიდან 11 წლამდეა და მართალია, იაშვილის კლინიკაში ყველაფერს აკეთებენ ამ ბავშვებისათვის და მათი ორგანიზმიდან ბაქტერიის გამოსადევნად, მაგრამ ჯერჯერობით ამაოდ. ეს ბავშვები ექიმებთან ერთად ყოველ წუთს ებრძვიან ამ საჩინელ ჩხირს, რომ იცოცხლონ. 17 ბავშვიდან 1 ჩემი დეიდაშვილის შვილია, 3 წლის ალეკუნა, მე არ გთხოვთ დახმარებას ფინანსურად, მხოლოდ იმას გთხოვთ, რომ გააზიაროთ პოსტი, რომ სხვა ბავშვები ლ, რომლებიც ბათუმში ცხოვრობენ, ან დასასვენებლად იმყოფებიან, ან ჩავლენ, მოარიდონ დასალევ წყალს ყველა გზით, რომ ისინი მაინც ავაცილოთ ამ საშინელ ვირუსს თუ ჩხირს, აღარ ვიცი, რა დავარქვა. საწყისი სიმპტომებია: მუცლის ღრუში ტკივილი, დიარეა და სიცხე. ამ სიმპტომების დროს ნუ ენდობით ექიმს, რომელიც გეტყვით, რომ უბრალო გადასხმით განკურნავს ბავშვს, გთხოვთ, მაშინვე მიმართეთ იაშვილის კლინიკას, რადგან ყველა გასული დღე ამძიმებს ბავშვის მდგომარეობას და ხელს უწყობს ვირუსული ჩხირის განვითარებას. მართალია, იაშვილის კლინიკამ უკვე 3 დღეა მიაწოდა ბათუმის ჯანდაცვას ინფორმაცია, მაგრამ სამწუხაროდ მათგან ჯერჯერობით რეაგირებას ვერ ვხედავთ მოქალაქეების ინფორმირების კუთხით, სწორედ ამიტომ გთხოვთ თქვენ დახმარებას მეგობრებო. ყველას მშვიდობას და ჯანმრთელობას გისურვებთ და გთხოვთ გააზიაროთ ეს ინფორმაცია”. „ხელში გვეჭირა ბავშვი, რომელსაც სიცოცხლე ტოვებდა, ბავშვს სიცხე ჰქონდა 42, 2 და მთელი სხეული მუქი ლურჯი!..“

ანანურთან ავტოსაგზაო შემთხვევას ორი ადამიანის სიცოცხლე ემსხვერპლა. შემთხვევისას სატვირთო ავტომობილის მძღოლმა საჭე ვერ დაიმორჩილა, გადავიდა გზის მარჯვენა მხარეს, მიეჯახა სავაჭრო ობიექტებს და გადაბრუნდა. არსებული ინფორმაციით, გარდაცვლილია სატვირთო ავტომობილის მძღოლი და სავაჭრო ობიექტში დასაქმებული ქალი. ქალი საავადმყოფოში მიყვანის შემდეგ გარდაიცვალა, სატვირთო ავტომობილის მძღოლი კი გარდაცვლილი ავტომობილში იპოვეს. როგორც „ინტერპრესნიუსს“ შინაგან საქმეთა სამინისტროში განუცხადეს, მომხდარზე გამოძიება სისხლის სამართლის კოდექსის 276-ე მუხლის მე-6 ნაწილით დაიწყო, რაც ტრანსპორტის მოძრაობის უსაფრთხოებისა და ექსპლუატაციის წესების დარღვევას გულისხმობს.

შინაგან საქმეთა სამინისტროს განცხადებით, 23 წლის თამარ ბაჩალეიშვილის მანქანაში აღმოჩენილ მცირე ზომის ფურცელზე არსებული ჩანაწერი: „ანაბარზე თანხაა, გამოიყენეთ“, თავად თამარ ბაჩალიაშვილის მიერ არის შესრულებული. როგორც უწყების განცხადებაშია ნათქვამი, შესაბამის საკითხზე ექსპერტიზის დასკვნა 5 აგვისტოს მიიღეს. „გვსურს, საზოგადოებას მივაწოდოთ ინფორმაცია თამარ ბაჩალიაშვილის საქმის გამოძიების მიმდინარეობასთან დაკავშირებით. 2020 წლის 5 აგვისტოს ლევან სამხარაულის სახელობის სასამართლო ექსპერტიზის ეროვნული ბიუროდან მიღებულ იქნა ხელწერის ექსპერტიზის დასკვნა, რომლის თანახმადაც, შემთხვევის ადგილზე ავტომანქანის დათვალიერებისას აღმოჩენილ მოცისფრო, პატარა ზომის ფურცელზე არსებული ტექსტობრივი ჩანაწერი: „ანაბარზე თანხაა, გამოიყენეთ“ - შესრულებულია თამარ ბაჩალიაშვილის მიერ. შემთხვევის ადგილზე ნანახი, თამარ ბაჩალიაშვილის კუთვნილი ავტომანქანა იყო დაკეტილ მდგომარეობაში. ავტომანქანის გასაღები კი მოთავსებული იყო უკანა სავარძელზე, რის გამოც ავტომანქანის გაღება მოხდა ოჯახის წევრების მიერ წარმოდგენილი სათადარიგო გასაღებით. ასევე, გადამოწმდა თამარ ბაჩალიაშვილის კუთვნილი ანგარიშები. ერთ-ერთ ბანკში თამარ ბაჩალიაშვილის ანაბარზე ირიცხება 75 000 ლარი. თამარ ბაჩალიაშვილის საქმეზე ინტენსიურად გრძელდება გამოძიება, მიმდინარეობს ექსპერტიზები. სამინისტრო აქტიურ კომუნიკაციაშია ოჯახთან. აღნიშნულ საქმესთან დაკავშირებით პერიოდულად მოხდება საზოგადოების ინფორმირება“, - ნათქვამია შსს-ს განცხადებაში.

1 აშშ დოლარის ოფიციალური ღირებულება 3.0737 ლარი გახდა. ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად აშშ დოლარის ღირებულებამ 3.0737 ლარი შეადგინა. კურსი, რომელიც დღეს მოქმედებდა, 3.0739 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0002 შეადგინა. რაც შეეხება ევროს, მისი კურსი 3.6402 ლარია. მაშინ, როცა დღეს მოქმედი კურსი 3.6398 ლარს შეადგენდა. შესაბამისად, ევროს ცვლილებამ 0.0004 ლარი შეადგინა. დღევანდელი ვაჭრობის შედეგად მიღებული კურსები ძალაში ხვალ შევა.

„ქრონიკამ“ მოიპოვა დოკუმენტაცია, სადაც აღწერილია თამარ ბაჩალიაშვილის ჯანმრთელობის მდგომარეობა. დასკვნა ექიმ ხათუნა ჩაფიძის მიერ, 2012 წელს არის შედგენილი. ექიმი დეტალურად აღწერს, რა მდგომარეობაში იმყოფებოდა თამარ ბაჩალიაშვილი მასთან მისვლის დროს. როგორც ექიმი განმარტავს, ის საკმაოდ მძიმე ფსიქოლოგიურ მდგომარეობაში იმყოფებოდა, ხშირ შემთხვევაში იყო უკონტაქტო, გამოირჩეოდა აგრესიულობით. მედიკოსი ამბობს იმასაც, რომ სავარაუდოდ, ეს ფონი ოჯახური მდგომარეობით იყო განპირობებული. უფრო ზუსტად, გარდაცვლილის მამა, ჯუმბერ ბაჩალიაშვილი გამოირჩეოდა აგრესიულობით, ხშირად ეტანებოდა ალკოჰოლს და ამის გამო კონფლიქტი ჰქონდა მეუღლესთან. ექიმის თქმით, ამ ყველაფრის გამო თამარ ბაჩალიაშვილის მაშინდელი ფსიქიკური მდგომარეობა საკმაოდ მძიმე იყო. „ფსიქიკური პრობლემები შეექმნა დაახლოებით ბოლო ორი თვეა. მშობლებს დიდი ხანია აქვთ კონფლიქტური ურთიერთობა, ხშირია ოჯახში ჩხუბი, ყვირილი. მამა გამოირჩევა ფეთქებადობით, აღგზნებადობით, ეტანება ალკოჰოლს. ყოველივე ზემოთ აღნიშნულს პაციენტი ძალიან განიცდიდა, თუმცა ამაზე ხმამაღლა არ საუბრობდა. დაახლოებით ორი თვის წინ, ოჯახში მორიგი კონფლიქტის შემდეგ, დედამ გამოიძახა უბნის ინსპექტორი. აღნიშნული პაციენტმა ძალიან განიცადა. იყო გაჩუმებული, ხან გაღიზიანებული. ხშირად მოულოდნელად კრთებოდა, უკანკალებდა ხელები, ყვიროდა - მომბეზრდა ყველაფერი. 5.01.2012-ში, დედის გადმოცემით, ჟვანიას სახელობის კლინიკაში მიიყვანეს კოლაფტოიდურ მდგომარეობაში. მეორე დღეს გაეწერა სახლში, სადაც კვლავ იყო დათრგუნული. ბოლო ერთი დღეა არ უჭამია საჭმელი, ამის შემდეგ მოიყვანეს ჩვენს კლინიკაში“, - ნათქვამია ექიმის 2012 წლის დასკვნაში. 23 წლის თამარ ბაჩალიაშვილი თეთრიწყაროს ტყეში გარდაცვლილი იპოვეს. ბაჩალიაშვილის საქმეზე გამოძიება თავისუფლების უკანონო აღკვეთის მუხლით დაიწყო, შემდეგ კი ბრალდების კვალიფიკაციას თვითმკვლელობამდე მიყვანის მუხლი დაემატა. თბილისში, ქვემო ფონიჭალაში მცხოვრები თამარ ბაჩალიაშვილი ვიდეოკამერებმა ბოლოს სოფელ ხაიშთან დააფიქსირეს. გოგო ნაცრისფერი ჰუნდაის მარკის მანქანით გადაადგილდებოდა.

აგვისტოს ბოლომდე საბერძნეთის მიმართულებით მინიმუმ ერთი ფრენა შესრულდება, – ამის შესახებ ეკონომიკისა და მდგრადი განვითარების მინისტრმა, ნათია თურნავამ მთავრობის სხდომის დასრულების შემდეგ განაცხადა. მინისტრის თქმით, მოლაპარაკებები „ეგეოსის ავიახაზებთან“ საკმაოდ დიდი ხნის განმავლობაში წარმოებდა. „დავასრულეთ გარკვეული მოლაპარაკება და შემიძლია გითხრათ, რომ სავარაუდოდ, აგვისტოს ბოლო დეკადაში, ათენსა და თბილისს შორის მინიმუმ ერთი ფრენა შესრულდება. ეს არის ის ოპტიმალური რაოდენობა და შესაძლებლობა, რაც ჩვენს ქვეყნებში ეპიდემიოლოგიური ვითარებიდან გამომდინარე, მისაღებია როგორც საბერძნეთისთვის, ასევე საქართველოსთვის“, – აღნიშნა ნათია თურნავამ. მან ასევე მადლობა გადაუხადა საბერძნეთის მთავრობას, რომ მთელი ამ პერიოდის განმავლობაში ძალიან აქტიური კომუნიკაცია იყო საბერძნეთის ტურიზმის, ეკონომიკისა და ტრანსპორტის სამინისტროებთან ისევე, როგორც ევროპის სხვა სახელმწიფოს პარტნიორ სამინისტროებთან. „ვფიქრობთ, სწორედ ამ კომუნიკაციის შედეგად ჩვენ დღემდე ვართ ევროკავშირის მიერ გამოქვეყნებული უსაფრთხო ქვეყნების სიაში“, – აღნიშნა ნათია თურნავამ. ეკონომიკის მინისტრის თქმით, საქართველოსა და საბერძნეთის ეკონომიკური, ტურისტული და პოლიტიკური ურთიერთობები არის ძალიან მყარი, პოზიტიური და მას არანაირი ჩრდილი არ მიადგება მიუხედავად იმისა, რას იტყვის რომელიმე არაკეთილგანწყობილი ოპოზიციონერი.

''ერთიანი ნაციონალური მოძრაობა'' აჭარის სოფლის მეურნეობის სამინისტროს თანხების არამიზნობრივ ხარჯვაში ადანაშაულებს. პარტიაში ირწმუნებიან, რომ სამინისტროს მიერ განხორციელებული პროგრამებით მხოლოდ მმართველი გუნდის პარტიული აქტივისტები და ჩინოვნიკები სარგებლობენ. გია აბულაძე აუდიტის სამსახურს მოუწოდებს დაინტერესდეს საკითხით. დეპუტატი, ასევე, მიმართავს არასამთავრობო ორგანიზაციებს შეაფასონ ქობულეთში პოტენციური ამომრჩევლების შესაძლო მოსყიდვის ფაქტები, კერძოდ, საუბარია რეგიონში დარიგებულ კიტრსა და პომიდორზე. "რეგიონში სოფლის მეურნეობაში დაიხარჯა 100 მილიონ ლარამდე და ხელისუფლება ვერ გვეტყვის სოფლის მეურნეობის ვერცერთ მიმართულებას, რომელიც განვითარდა. რეალურად თანხები ისე ქრება, რომ მოსახლეობამდე არ აღწევს. ჩვენ გვინდოდა ბოლო რამდენიმე წლის პრორგამების შემოწმება, რამდენად მიზნობრივად იხარჯება თანხები, თუმცა სოფლის მეურნეობის სამინისტრო არ გვაწვდის ინფორმაციას კონკრეტული პირების, ვისაც მიაწოდეს საქონელი და მომსახურება, ეს კიდევ ერთხელ ამყარებს ეჭვებს, რომ პროგრამებით ძირითადად სარგებლობენ ქართული ოცნების ჩინოვნიკები, აქტივისტები და მათი ნათესავები. სწორედ ამიტომ არ გვაწვდიან მოთხოვნილ ინფორმაციას" - განაცხადა რეგიონის უმაღლესი საბჭოს ოპოზიციონერმა დეპუტატმა.#ახალიამბები

თავდაცვის სამინისტრომ ჯარისკაცზე ორიენტირებული ახალი სოციალური პოლიტიკის ფარგლებში, მორიგი პროექტი წარადგინა. თავდაცვის მინისტრის ირაკლი ღარიბაშვილის განცხადებით, სამინისტრო უმაღლეს სასწავლებლებში ჩარიცხული სამხედროებისა და მათი ოჯახის წევრებისთვის სწავლის საფასურის 50%-იან თანადაფინანსებას უზრუნველყოფს. მისივე თქმით, მაღალი აკადემიური მოსწრების სტუდენტები დამატებით სემესტრულად 750 ლარის ოდენობით „მინისტრის სტიპენდიას” მიიღებენ. „განათლება თავდაცვის ძალებში მიმდინარე რეფორმებისა და ტრანსფორმაციის პროცესის ერთ-ერთი მთავარი მიმართულებაა. ჩვენ გვჯერა, რომ განათლებული და მაღალი კვალიფიკაციის სამხედრო ნიშნავს კიდევ უფრო ძლიერ და თანამედროვე თავდაცვის ძალებს, რაც ავტომატურად ნიშნავს კიდევ უფრო ძლიერ სახელმწიფოს. დღეს ჩვენი სამინისტროსა და უნივერსიტეტის წარმომადგენლებმა ნაყოფიერად იმუშავეს ჩვენ შორის თანამშრომლობის მექანიზმის შემუშავებაში, რაც ინდივიდუალურად გაფორმებულ მემორანდუმებში აისახება. განსაკუთრებული მადლობა მინდა გადავუხადო განათლების, მეცნიერების, კულტურისა და სპორტის მინისტრს, მიხეილ ჩხენკელს. ჩვენ ერთად უნდა დავაფასოთ ჩვენი სამხედროები და ვიზრუნოთ მათ ოჯახებზე, რადგან ისინი, ვინც თავიანთი სიცოცხლის ფასად იცავენ ჩვენი და ჩვენი შვილების მომავალს და უსაფრთხოებას და ზრუნავენ ქვეყნის მომავალზე, ჩვენი ვალია, რომ ვიზრუნოთ ანალოგიურად მათი შვილების მომავალზე”,- აღნიშნა ირაკლი ღარიბაშვილმა. განათლების მინისტრის, მიხეილ ჩხენკელის განცხადებით, სამხედროებისთვის და მათი ოჯახის წევრებისთვის განათლების მიღების ხელშეწყობა მნიშვნელოვანია. „ჩვენი ქვეყნის განვითარების, მოქალაქეთა უსაფრთხოების და კეთილდღეობის უზრუნველსაყოფად, სამხედრო ძალებს საკვანძო მნიშვნელობა აქვს. ის გამოწვევები, რომელთა წინაშეც დღეს საქართველო დგას, გულისხმობს მრავალმხრივ განვითარებულ, თანამედროვე ცოდნაზე დაფუძნებულ ჯარს, სამხედრო მოსამსახურეებს, რომლებიც სამხედრო საქმეში მომზადებასთან ერთად გამოირჩევიან მაღალი სამოქალაქო შეგნებით, ღრმად აცნობიერებენ სახელმწიფოსა და მსოფლიოს მშვიდობიანი განვითარების ამოცანებს. ამავე დროს, ეს გულისხმობს სამხედრო მოსამსახურეთა ოჯახებისადმი სახელმწიფოს თანადგომას. საზოგადოების, განსაკუთრებით ახალგაზრდების ცნობიერების ამაღლებას, შეიარაღებული ძალების როლისა და მნიშვნელობის შესახებ. მივესალმებით თავდაცვის მინისტრის ინიციატივას, რომელიც ჯარისკაცზე ორიენტირებულ ახალ სოციალურ პოლიტიკას დაუდებს სათავეს”,- განაცხადა მიხეილ ჩხენკელმა.

მიმ­დი­ნა­რე კვი­რის ყვე­ლა­ზე ხმა­უ­რი­ა­ნი ამ­ბა­ვი, რო­მელ­მაც თით­ქმის ყვე­ლა პო­ლი­ტი­კუ­რი პრო­ცე­სი და პან­დე­მი­აც კი გა­და­ფა­რა, გოგი თო­ფა­ძის შვი­ლიშ­ვი­ლის, ლე­ვან თო­ფა­ძის დაჭ­რის საქ­მე აღ­მოჩ­ნდა. თე­მას რე­ზო­ნან­სუ­ლო­ბა იმა­ნაც შე­მა­ტა, რომ ბრალ­დე­ბუ­ლი გარ­დაც­ვლი­ლი პრე­მი­ერ-მი­ნის­ტრის ზუ­რაბ ჟვა­ნი­ას ვაჟი ბუსა (ბე­სა­რი­ონ) ჟვა­ნია გახ­ლავთ, რო­მე­ლიც ამ ეტაპ­ზე უკვე და­კა­ვე­ბუ­ლია. ბუსა არ ყო­ფი­ლა პირ­ვე­ლი პო­ლი­ტი­კო­სე­ბის შვი­ლე­ბი­დან, რომ­ლებ­საც სხვა­დას­ხვა დროს კა­ნონ­თან პრობ­ლე­მე­ბი შე­ექ­მნათ. შე­გახ­სე­ნებთ ყვე­ლა­ზე რე­ზო­ნან­სულ საქ­მე­ებს, რო­მელ­შიც ცნო­ბი­ლი ქარ­თვე­ლი პო­ლი­ტი­კო­სე­ბის შვი­ლე­ბი მო­ნა­წი­ლე­ობ­დნენ: თა­რაშ კან­დე­ლა­კი - გი­ორ­გი კან­დე­ლა­კის ვაჟი რამ­დე­ნი­მე კვი­რის წინ პო­ლი­ცი­ამ გორ­ში ჯან­მრთე­ლო­ბის გან­ზრახ მძი­მე და­ზი­ა­ნე­ბის ფაქ­ტზე, მოკ­რი­ვე გი­ორ­გი კან­დე­ლა­კის შვი­ლი თა­რაშ კან­დე­ლა­კი და­ა­კა­ვა. რეს­ტო­რან "ჯო­ზეფ­ში" ახალ­გაზ­რდებს შო­რის ჩხუ­ბის დროს თა­რაშ კან­დე­ლაკ­მა 2001 წელს და­ბა­დე­ბულ ე.თ.-ს ფი­ზი­კუ­რი შე­უ­რა­ცხყო­ფა მი­ა­ყე­ნა. მძი­მედ და­შა­ვე­ბუ­ლი ე.თ. სა­მე­დი­ცი­ნო და­წე­სე­ბუ­ლე­ბა­ში გა­და­იყ­ვა­ნეს. გა­მო­ძი­ე­ბა სა­ქარ­თვე­ლოს სის­ხლის სა­მარ­თლის კო­დექ­სის 117-ე მუხ­ლის 1-ლი ნა­წი­ლით მიმ­დი­ნა­რე­ობს, რაც ჯან­მრთე­ლო­ბის გან­ზრახ მძი­მე და­ზი­ა­ნე­ბას გუ­ლის­ხმობს. ამ ეტაპ­ზე თა­რაშ კან­დე­ლა­კი და­კა­ვე­ბუ­ლია. ჩა­დე­ნი­ლი და­ნა­შა­უ­ლი 3-დან 6 წლამ­დე თა­ვი­სუფ­ლე­ბის აღ­კვე­თას ით­ვა­ლის­წი­ნებს. "კან­დე­ლა­კე­ბის ოჯა­ხის საზ­რუ­ნა­ვი ახლა ერეკ­ლე თედ­ლი­აშ­ვი­ლის ჯან­მრთე­ლო­ბის მდგო­მა­რე­ო­ბაა" - თა­რაშ კან­დე­ლა­კის ად­ვო­კა­ტი. თორ­ნი­კე კო­პა­ლე­იშ­ვი­ლი - ხა­ტია დე­კა­ნო­ი­ძის ვაჟი "ნა­ცი­ო­ნა­ლუ­რი მოძ­რა­ო­ბის" ერთ-ერთი ლი­დე­რის ხა­ტია დე­კა­ნო­ი­ძის შვი­ლის საქ­მე ორი წლის წინ საპ­რო­ცე­სო შე­თან­ხმე­ბით დას­რულ­და. კო­პა­ლე­იშ­ვილს ბრა­ლად ნარ­კო­ტი­კუ­ლი სა­შუ­ა­ლე­ბის შე­ძე­ნა-შე­ნახ­ვა-ტა­რე­ბა ედე­ბო­და, პო­ლი­ტი­კო­სის ვაჟი მა­შინ 18 წლის გახ­ლდათ და ამი­ტომ მას­ზე გავ­რცელ­და არას­რულ­წლო­ვან­თა მარ­თლმსა­ჯუ­ლე­ბის კო­დექ­სი. აღ­სა­ნიშ­ნა­ვია ისიც, რომ ბრალ­დე­ბულ­მა ბრა­ლი აღი­ა­რა.და­ვით კო­ბა­ლა­ძე - კობა კო­ბა­ლა­ძის ვაჟი რე­ზო­ნან­სუ­ლი აღ­მოჩ­ნდა "ქარ­თუ­ლი ოც­ნე­ბის" დე­პუ­ტა­ტის, კობა კო­ბა­ლა­ძის შვი­ლის, და­ვით კო­ბა­ლა­ძის საქ­მეც. ახალ­გაზ­რდას გა­მო­ძი­ე­ბა 24 ივ­ნისს, 5 თა­ნამ­ზრახ­ველ­თან ერ­თად, ახალ­გაზ­რდა მა­მა­კა­ცის ცე­მა­სა და მის­თვის მძი­მე და­ზი­ა­ნე­ბე­ბის მი­ყე­ნე­ბას ედა­ვე­ბა. პარ­ლა­მენ­ტა­რის შვილს ბრა­ლი და­ნა­შა­უ­ლის ჩა­დე­ნი­დან 17 დღე­ში, მე­დი­ით გა­სუ­ლი ანონ­სის შემ­დეგ წა­უ­ყე­ნეს. გა­მო­ძი­ე­ბა და­ვით კო­ბა­ლა­ძის წი­ნა­აღ­მდეგ სის­ხლის სა­მარ­თლის კო­დექ­სის 126-ე მუხ­ლით და­ი­წყო, რაც ჯგუ­ფურ ძა­ლა­დო­ბას გუ­ლის­ხმობს. პრო­კუ­რა­ტუ­რის ინ­ფორ­მა­ცი­ით, კო­ბა­ლა­ძე და მას­თან ერ­თად მყო­ფი კი­დევ 5 ადა­მი­ა­ნი, შუ­რის­ძი­ე­ბის მიზ­ნით, თავს და­ეს­ხა 23 წლის ახალ­გაზ­რდა მა­მა­კაცს და სცე­მა. 6 თავ­დამ­სხმე­ლი­დან ოთხი - 23 წლის ახალ­გაზ­რდას ფი­ზი­კუ­რად გა­უს­წორ­და, ორმა კი და­ზი­ა­ნე­ბე­ბი ცივი ია­რა­ღით მი­ა­ყე­ნა. და­ვით კო­ბა­ლა­ძე 20 წლი­საა. რატი მი­ლო­რა­ვა - ეკა ბე­სე­ლი­ას ვაჟი რატი მი­ლო­რა­ვას პო­ლი­ცი­ას­თან ურ­თი­ერ­თო­ბა არა­ერ­თხელ გამ­ხდა­რა სკან­და­ლის მი­ზე­ზი, თუმ­ცა პო­ლი­ტი­კო­სი დედა ამ ფაქ­ტებს ყო­ველ­თვის მის პო­ლი­ტი­კურ საქ­მი­ა­ნო­ბას უკავ­ში­რებ­და. ბე­სე­ლია ამ­ბობ­და, რომ მის შვილს სა­ა­კაშ­ვი­ლის ხე­ლი­სუფ­ლე­ბა სწო­რედ დე­დის მი­მართ ან­გა­რიშს­წო­რე­ბის მიზ­ნით აკა­ვებ­და. რა­ტის სა­ხელს სხვა­დას­ხვა დროს ხში­რად უკავ­ში­რებ­დნენ ამა თუ იმ გახ­მა­უ­რე­ბულ საქ­მეს. რას ყვე­ბა ეკა ბე­სე­ლი­ას ვაჟი დაჩი დარ­ჩი­ას მკვლე­ლო­ბის დღე­ზე: "ჩემი ერ­თა­დერ­თი "და­ნა­შა­უ­ლია", რომ ეკას შვი­ლი ვარ" რატი მი­ლო­რა­ვა 2013 წელს "სქაი ბარ­ში" მომ­ხდარ ინ­ცი­დენ­ტში ფი­გუ­რი­რებ­და, რო­მე­ლიც მა­რი­კა ვე­რუ­ლაშ­ვი­ლის ქა­ლიშ­ვი­ლის და­ბა­დე­ბის დღე­ზე მოხ­და. შემ­თხვე­ვის დროს ერთ-ერთი ახალ­გაზ­რდა და­იჭ­რა, რო­გორც მოგ­ვი­ა­ნე­ბით რატი მი­ლო­რა­ვამ გა­ნა­ცხა­და, ის უბ­რა­ლოდ ჩხუ­ბის გაშ­ვე­ლე­ბა­ში მო­ნა­წი­ლე­ობ­და. რატი მი­ლო­რა­ვა სა­მარ­თალ­დამ­ცა­ვებ­მა 2009 წელს ქო­ბუ­ლეთ­ში და­ა­კა­ვეს. ეს ფაქ­ტი სა­სა­მარ­თლოს მიერ ოფი­ცი­ა­ლუ­რად დას­ტურ­დე­ბა. შემ­თხვე­ვა 2009 წელს ქო­ბუ­ლეთ­ში, აღ­მა­შე­ნებ­ლის ქუ­ჩა­ზე მდე­ბა­რე ერთ-ერთ რეს­ტო­რან­ში მოხ­და. ეკა ბე­სე­ლი­ას ვაჟი და ეკას ძმა, სერ­გო ბე­სე­ლია ხუ­ლიგ­ნო­ბის ბრალ­დე­ბით და­ა­კა­ვეს. და­კა­ვე­ბუ­ლებს ბრა­ლი პო­ლი­ცი­ის­თვის წი­ნა­აღ­მდე­გო­ბის გა­წე­ვის მუხ­ლით წა­უ­ყე­ნეს. ძმე­ბი გაგა და რატი გა­ჩე­ჩი­ლა­ძე­ე­ბი - ლე­ვან გა­ჩე­ჩი­ლა­ძის ვა­ჟე­ბი სხვა­დას­ხვა დროს კა­ნონ­თან და­პი­რის­პი­რე­ბა მო­უხ­დათ ლე­ვან გა­ჩე­ჩი­ლა­ძის ორი­ვე ვაჟს. ლე­ვან გა­ჩე­ჩი­ლა­ძის უმ­ცრო­სი ვაჟი, გაგა გა­ჩე­ჩი­ლა­ძე 2012 წელს და­ა­კა­ვეს. გა­ჩე­ჩი­ლა­ძეს ბრა­ლი სის­ხლის სა­მარ­თლის კო­დექ­სის 239-ე მუხ­ლის მე­სა­მე ნა­წი­ლით წა­უ­ყე­ნეს, რაც ია­რა­ღის გა­მო­ყე­ნე­ბით ხუ­ლიგ­ნო­ბას ით­ვა­ლის­წი­ნებს. საქ­მე ეხე­ბა 2012 წლის 27 ოქ­ტომ­ბერს გრი­ბო­ე­დო­ვის ქუ­ჩა­ზე მდე­ბა­რე კაფე "გა­ლე­რე­ა­ში" მომ­ხდარ ჩხუბს, რომ­ლის დრო­საც კაფე "გა­ლე­რე­ას" დაც­ვის ერთ-ერთი თა­ნამ­შრო­მე­ლი ირაკ­ლი ცინ­დე­ლი­ა­ნი და­იჭ­რა. მა­შინ სო­ცი­ა­ლურ ქსელ­ში ინ­ცი­დენ­ტის ამ­სახ­ვე­ლი ვი­დე­ოც გავ­რცელ­და. დაც­ვის თა­ნამ­შრო­მე­ლი საჯ­დო­მის ნერვში იყო დაჭ­რი­ლი. გავ­რცე­ლე­ბუ­ლი ინ­ფორ­მა­ცი­ით, შე­ლა­პა­რა­კე­ბა იმ დროს მოხ­და, რო­დე­საც გა­ჩე­ჩი­ლა­ძე კლუბ­ში შეს­ვლას მე­უღ­ლეს­თან ერ­თად ცდი­ლობ­და. რატი გა­ჩე­ჩი­ლა­ძის ამ­ბა­ვი უფრო სკან­და­ლუ­რი აღ­მოჩ­ნდა ძმის­გან გან­სხვა­ვე­ბით, რად­გან მან ორი წლის წინ "და­ი­ნინგ რუმ­ში" ტე­ლე­წამ­ყვა­ნი და ტე­ლე­კომ­პა­ნი­ის დი­რექ­ტო­რი ნიკა გვა­რა­მია სცე­მა. რო­გორც ლე­ვან გა­ჩე­ჩი­ლა­ძის ვა­ჟის ად­ვო­კა­ტი აცხა­დებ­და, და­ნა­შა­უ­ლის მო­ტი­ვი პო­ლი­ტი­კუ­რი იყო. შემ­თხვე­ვის დროს ნიკა გვა­რა­მი­ას­თან ერ­თად და­ვით დო­ი­აშ­ვი­ლი, მა­რი­ნა ბე­რი­ძე და მისი სხვა მე­გობ­რე­ბი იმ­ყო­ფე­ბოდ­ნენ. რატი გა­ჩე­ჩი­ლა­ძემ და­ნა­შა­უ­ლი თა­ვად აღი­ა­რა და სო­ცი­ა­ლურ ქსელ­ში და­წე­რა. რის შემ­დე­გაც ის სა­მარ­თალ­დამ­ცა­ვებ­მა და­ა­კა­ვეს და 5000 ლა­რი­ა­ნი გი­რა­ოს სა­ნაც­ვლოდ, სა­სა­მარ­თლო დარ­ბა­ზი­დან გა­ა­თა­ვი­სუფ­ლეს. სწო­რედ ამ ინ­ცინ­დენ­ტის დროს თქვა ტე­ლე­ვი­ზი­ას­თან კო­მენ­ტარ­ში მა­რი­ნა ბე­რი­ძემ ცნო­ბი­ლი ფრა­ზა: "იქ იჯდა თფი­ლი­სი..." ნუგ­ზარ წე­რე­თე­ლი - გიგი წე­რე­თე­ლის ვაჟი 2013 წელს ოქ­რო­ყა­ნის გზა­ზე მომ­და­რი ავა­რი­ის დროს 20 წლის ბა­ი­კე­რი ბექა სეხ­ნი­აშ­ვი­ლი და­ი­ღუ­პა. ოქ­რო­ყა­ნის გზა­ზე სა­პი­რის­პი­რო მი­მარ­თუ­ლე­ბით ავ­ტო­მო­ბი­ლი გა­და­ჭარ­ბე­ბუ­ლი სიჩ­ქა­რით მოძ­რა­ობ­და, რა დრო­საც შე­ჯა­ხე­ბა მოხ­და. გავ­რცე­ლე­ბუ­ლი ინ­ფორ­მა­ცი­ით, ავ­ტო­მო­ბილ­ში გიგი წე­რეთ­ლის ვაჟი იჯდა. 20 წლის ბა­ი­კე­რი ად­გილ­ზე გარ­და­იც­ვა­ლა. ფაქტთან და­კავ­ში­რე­ბით მოგ­ვი­ა­ნე­ბით კო­მენ­ტა­რი გა­ა­კე­თა გიგი წე­რე­თელ­მაც, რო­მე­ლიც უარ­ყოფ­და ინ­ფორ­მა­ცი­ას იმის თა­ო­ბა­ზე, რომ მისი შვი­ლი იჯდა სა­ჭეს­თან და არც იმას ადას­ტუ­რებ­და, რომ ის ნას­ვა­მი იყო. გუკა რჩე­უ­ლიშ­ვი­ლი - ვახ­ტან რჩე­უ­ლიშ­ვი­ლის ვაჟი გარ­დაც­ვლი­ლი პო­ლი­ტი­კო­სის ვაჟს ბოლო წლე­ბის მან­ძილ­ზე სა­მარ­თალ­დამ­ცა­ვებ­თან პრობ­ლე­მე­ბი არა­ერ­თხელ შე­ექ­მნა. პირ­ვე­ლად ლელა კი­ლა­ძე­ზე ახ­ლად­და­ო­ჯა­ხე­ბუ­ლი გუკა გი­სო­სებს მიღ­მა აღ­მოჩ­ნდა, მა­შინ რჩე­უ­ლიშ­ვილს ცენ­ტრ პო­ინ­ტის საქ­მე­ზე და­ა­კა­ვეს. თუმ­ცა მოგ­ვი­ა­ნე­ბით საპ­რო­ცე­სო გა­რი­გე­ბით გა­ა­თა­ვი­სუფ­ლეს. მე­ო­რედ აღ­მოჩ­ნდა გი­სო­სებს მიღ­მა რამ­დე­ნი­მე თვის წინ გუკა რჩე­უ­ლიშ­ვი­ლი. ამ­ჯე­რად მე­ო­რე მე­უღ­ლის სა­ჩივ­რის სა­ფუძ­ველ­ზე. ლელა კი­ლა­ძემ ქმარს შე­მა­კა­ვე­ბე­ლი ორ­დე­რის დარ­ღვე­ვის გამო უჩივ­ლა. ამ­ჟა­მად გუკა რჩე­უ­ლიშ­ვი­ლი ექ­ვსთვი­ან სას­ჯელს იხ­დის.

მთავ­რო­ბა სა­ქარ­თვე­ლოს მო­ქა­ლა­ქე­ებს კო­მუ­ნა­ლურ გა­და­სა­ხა­დებს ნო­ემ­ბრის, დე­კემ­ბრის, იან­ვრი­სა და თე­ბერ­ვა­ლის თვე­შიც აუ­ნა­ზღა­უ­რებს. შე­სა­ბა­მი­სი გან­ცხა­დე­ბა სა­ქარ­თვე­ლოს პრე­მი­ერ-მი­ნის­ტრმა, გი­ორ­გი გა­ხა­რი­ამ მთავ­რო­ბის სხდო­მა­ზე გა­ა­კე­თა. „იმის­თვის, რომ ჩვე­ნი მო­ქა­ლა­ქე­ე­ბის ოჯა­ხე­ბის შე­მო­სავ­ლე­ბის კლე­ბა, ან სა­მუ­შაო ად­გი­ლე­ბის და­კარ­გვა და­ვა­კომ­პენ­სი­როთ, მთავ­რო­ბამ მი­ი­ღო გა­და­წყე­ტი­ლე­ბა კო­მუ­ნა­ლუ­რი გა­და­სა­ხა­დე­ბის მხარ­და­ჭე­რის თვალ­საზ­რი­სით ეს პროგ­რა­მა გაგ­რძელ­დეს ზამ­თრის 4 თვის გან­მავ­ლო­ბა­ში. ეს იქ­ნე­ბა ნო­ემ­ბე­რი, დე­კემ­ბე­რი, იან­ვა­რი და თე­ბერ­ვა­ლი. იგი­ვე პრინ­ცი­პით რო­გორც აქამ­დე იყო - 200 კი­ლო­ვატ სა­ა­თი ელექტრო­ე­ნერ­გი­ის და 200 კუ­ბუ­რი მეტ­რი გა­ზის მოხ­მა­რე­ბა იქ­ნე­ბა მთავ­რო­ბის მიერ კომ­პენ­სი­რე­ბუ­ლი. ჩვენს შე­და­რე­ბით შეძ­ლე­ბულ მო­ქა­ლა­ქე­ებს ექ­ნე­ბათ პროგ­რა­მუ­ლად შე­საძ­ლებ­ლო­ბა ასეთ დახ­მა­რე­ბა­ზე თქვან უარი“,- გა­ნა­ცხა­და გა­ხა­რი­ამ. ამას­თან, ყვე­ლა თვით­და­საქ­მე­ბუ­ლი, ვინც მთავ­რო­ბას 300-ლა­რი­ა­ნი დახ­მა­რე­ბის­თვის მი­მარ­თა, მათ შო­რის ისი­ნი, ვინც წარ­სად­გე­ნი დო­კუ­მენ­ტა­ცი­ის შე­სა­ხებ მო­თხოვ­ნე­ბი ვერ და­აკ­მა­ყო­ფი­ლა, 300-ლა­რი­ან დახ­მა­რე­ბას მი­ი­ღებს. რო­გორც პრე­მი­ერ-მი­ნის­ტრმა გი­ორ­გი გა­ხა­რი­ამ მთავ­რო­ბის დღე­ვან­დელ სხდო­მა­ზე გა­ნა­ცხა­და, ყვე­ლა თვით­და­საქ­მე­ბულს, ვი­საც პან­დე­მი­ის გამო პრობ­ლე­მე­ბი შე­ექ­მნა, დახ­მა­რე­ბა სექ­ტემ­ბრამ­დე ჩა­ე­რი­ცხე­ბა. პრე­მი­ე­რის გან­მარ­ტე­ბით, აღ­ნიშ­ნუ­ლით თვით­და­საქ­მე­ბუ­ლე­ბის დახ­მა­რე­ბის პროგ­რა­მა სრულ­დე­ბა. „სა­ნამ და­ვი­წყებ­დეთ მო­ქა­ლა­ქე­ე­ბის კრი­ზის­ში დახ­მა­რე­ბის სო­ცი­ა­ლუ­რი პროგ­რა­მის მე­სა­მე ეტაპს, მინ­და გარ­და­მა­ვა­ლი კომ­პო­ნენ­ტი დღეს­ვე დავ­ხუ­როთ და ეს პროგ­რა­მა და­ვას­რუ­ლოთ. ეს გახ­ლავთ თვით­და­საქ­მე­ბუ­ლე­ბის მხარ­და­ჭე­რა. ეს პროგ­რა­მა რამ­დე­ნი­მე თვის წინ და­ვი­წყეთ და მთავ­რო­ბას 250 000-მა სა­ქარ­თვე­ლოს მო­ქა­ლა­ქემ მო­მარ­თა. თხოვ­ნით ერთჯე­რად 300-ლა­რი­ან დახ­მა­რე­ბას­თან და­კავ­ში­რე­ბით. ეს დახ­მა­რე­ბა 170 000-მა მო­ქა­ლა­ქემ მი­ი­ღო, ვი­საც სრუ­ლად ჰქონ­და დო­კუ­მენ­ტა­ცია შევ­სე­ბუ­ლი, თუმ­ცა სა­ნამ შემ­დეგ ეტაპ­ზე გა­და­ვალთ, გა­დავ­წყვი­ტეთ ყვე­ლა იმ დარ­ჩე­ნილ 80 000 მო­ქა­ლა­ქეს, რო­მელ­მაც სრუ­ლად ვერ და­აკ­მა­ყო­ფი­ლა მო­თხოვ­ნე­ბი დო­კუ­მენ­ტე­ბის შეგ­რო­ვე­ბის თვალ­საზ­რი­სით, თხოვ­ნა და­უკ­მა­ყო­ფილ­დეს და და­ე­რი­ცხოს ეს ერთჯე­რა­დი 300 ლარი. ამით ეს პროგ­რა­მა დას­რულ­დე­ბა“, - გა­ნა­ცხა­და გა­ხა­რი­ამ.

პრემიერ-მინისტრმა, გიორგი გახარიამ შერიგებისა და სამოქალაქო თანასწორობის საკითხებში ახალი სახელმწიფო მინისტრი წარადგინა. როგორც გახარიამ მთავრობის სხდომაზე განაცხადა, სახელმწიფო მინისტრის თანამდებობა თეა ახვლედიანმა დაიკავა, რომელიც აქამდე ჯანდაცვის მინისტრის მოადგილე იყო. „დღეს ჩვენ გვყავს ჩვენი გუნდის ახალი წევრი, ქალბატონი თეა ახვლედიანი. შერიგებისა და სამოქალაქო თანასწორობის საკითხებში ახალი სახელმწიფო მინისტრი. მინდა მას მივულოცო ეს საპასუხისმგებლო თანამდებობა. ის ყოველთვის იყო ჩვენი გუნდის სრულფასოვანი წევრი, მაგრამ უკვე იჯდება ამ მრგვალ მაგიდასთან. მოგეხსენებათ, ქალბატონი თეა აქამდე ჯანდაცვის სამინისტროში შრომობდა, მინისტრის მოადგილის პოსტზე, მას დიდი გამოცდილება აქვს ჩვენი დიპლომატიური გუნდის წარმომადგენლობაში“,-განაცხადა გახარიამ.

ავტოსაგზაო შემთხვევა მახინჯაურში. დაშავებულია სამი ადამიანი. ერთმანეთს ორი მსუბუქი ავტომობილი შეეჯახა. მათ შორის ერთი ტაქსია. სასწრაფო დახმარების ბრიგადებმა დაშავებული პაციენტები კლინიკა მედალფაში გადაიყვანეს. პირველადი ინფორმაციით, მათ საშუალო სიმძიმის დაზიანებები აქვთ. ადგილზე იმყოფებიან სამართალდამცველები. შინაგან საქმეთა სამინისტრომ გამოძიება, სისხლის სამართლის კოდექსის 276-ე მუხლით დაიწყო. მახინჯაურის ცენტრალურ გზაზე ავტომობილების გადაადგილება შეფერხებული იყო.

დღეს შეგვიძლია ვთქვათ, რომ ვირუსის მართვის თვალსაზრისით, ანტიკრიზისულმა გეგმამ გაამართლა და შეიძლება ითქვას, რომ საქართველო აკონტროლებს ვირუსის გავრცელების რისკებს, თუმცა ასევე ნათელია, რომ ვირუსი არსად წასულა, – ამის შესახებ საქართველოს პრემიერ-მინისტრმა, გიორგი გახარიამ მთავრობის დღევანდელ სხდომაზე განაცხადა. როგორც გიორგი გახარიამ აღნიშნა, არის უამრავი ქვეყანა, რომელიც ვირუსის გამოწვევებს მძიმედ ებრძვის. „ჩვენ თავიდანვე ვამბობდით და ვაცხადებდით, რომ ძირითადი მიზანი არის ბრძოლა და გამარჯვება, ორ ფრონტზე. პირველ რიგში, რა თქმა უნდა, ჯანმრთელობა და სიცოცხლე ჩვენი მოქალაქეებისა, ამასთან, რა თქმა უნდა, ეკონომიკური კრიზისი და ჩვენი მოქალაქეების სოციალური მდგომარეობა. ჩვენ პირველივე ეტაპზე, გამოვაცხადეთ სოციალური დახმარების კონკრეტული გეგმა, რომელიც, როგორც გახსოვთ, მოიცავდა კომუნალური გადასახადების კომპენსირებას სახელმწიფოს მხრიდან. ამ პროგრამით საქართველოს 1.200 მილიონმა მოქალაქემ. ამასთან ერთად, ჩვენ გადავდგით შემდეგი ნაბიჯი და ეს არის 600 ათასი ჩვენი მოქალაქისთვის ვალის გადავადების კომპონენტი. გარდა ამისა, ეკონომიკური სექტორის ყველაზე დაზარალებული ტურიზმისა და ტურიზმის პირდაპირი მხარდაჭერის კონკრეტული ნაბიჯები გადავდგით. ეს იყო ანტიკრიზისული გეგმის პირველი ეტაპი თუმცა, სულ მალე, ნათელი გახდა, რომ ეს არის ზღვაში წვეთი და ეს ჩვენს მოქალაქეებს ვერ დააკმაყოფილებდა, არ იყო საკმარისი. ამის შემდეგომ დაიწყო სოციალური მხარდაჭერის ფართო პროგრამა, რომელიც ყველა იმ ადამიანის მხარდაჭერას ითვალისწინებდა, რომელმაც სამსახური ოფიციალურად დაკარგა. მათი მხარდაჭერა იყო 1200 ლარი ექვსი თვის განმავლობაში და თვითდასაქმებულების მხარდაჭერა, რომელიც ამ ქვეყანაში არასდროს არ განხორციელებულა. ჩვენ თვითდასაქმებულების მხარდასაჭერად ერთჯერადად 300 ლარი გამოვყავით“, – განაცხადა გიორგი გახარიამ. მისივე თქმით, ასევე იყო კონკრეტული მიმართულებების შშმ პირების, მრავალშვილიანი ოჯახების დახმარების პროგრამები. „სულ მალე ნათელი გახდა, რომ ესეც არ არის საკმარისი. ჩვენ ყოველთვის ვაცხადებდით და ვამბობდით, რომ ეს შეიძლება იყოს მძიმე, ხანგრძლივი კრიზისი და საქართველოს მთავრობა მისი მწირი ეკონომიკური შესაძლებლობების გათვალისწინებით, ყველაფერს გააკეთებს, რათა დაეხმაროს თითოეულ ქართულ ოჯახს“, – განაცხადა გიორგი გახარიამ.#პოლიტიკა #ახალიამბები

კორონავირუსის კიდევ ერთი ახალი შემთხვევა დადასტურდა აჭარაში. რეგიონის ჯანდაცვის სამინსიტროს ინფორმაციით, ინფიცირებულია სატვირთო ავტომანქანის მძღოლი, რომელიც უცხო ქვეყნის მოქალაქეა. ის ბათუმის რესპუბლიკურ საავადმყოფოში მოათავსეს. ბოლო 24 საათში აჭარაში ერთი პაციენტი გამოჯანმრთელდა. ამ დროისთვის ბათუმის რესპუბლიკურ საავადმყოფოში 20 კოვიდპაციენტს მკურნალობენ.