ლეგენდარული ალფრედ ჰიჩკოკის მუზა, გრეის კელი ერთ-ერთი ის მსახიობია, რომელიც 50-იანი წლების ჰოლივუდის გამოკვეთილ სახედ იქცა. 26 წლის გრეისი, რომელიც სამსახიობო კარიერის ზენიტში იყო, მონაკოს პრინცის ცოლი გახდა. პრინცესას სტატუსმა ის და ჰოლივუდი ერთმანეთს დააშორა. მიუხედავად ჰოლივუდურ კინოში აქტიურად მოღვაწეობის ხანმოკლე პერიოდისა, გრეისი დღემდე ერთ-ერთ ყველაზე ცნობილ პერსონად მიიჩნევა. გრეისის ქარიზმა, სტილის შეგრძნება და ელეგენტურობა განსაკუთრებით კარგად ჩანს უნიკალურ ფოტოებში, რომელიც სხვადასხვა ცნობილი ფოტოგრაფის, მოდური ჟურნალის თუ პირად კოლექციებში ინახება. გრეის კელი 1929 წლის 12 ნოემბერს ფილადელფიაში დაიბადა. მამამისს აგურის ბიზნესი ჰქონდა, რისი წყალობითაც გრეისის ოჯახი საკმაოდ შეძლებულად ცხოვრობდა. სკოლის დამთავრების შემდეგ, გრეისი საცხოვრებლად ნიუ-იორკში გადავიდა, სადაც ფოტომოდელად დაიწყო მუშაობა. გრეისი ნიუ იორკში სამახიობო ხელოვნებასაც ეუფლებოდა და როლი რამდენიმე სპეკტაკლშიც მიიღო. 1949 წელს კი, კელის დებიუტი ბროდვეიზე შედგა. გასული საუკუნის 50-იანი წლების დასაწყისში, რამდენიმე სატელევიზიო შოუშიც გამოჩნდა. მიუხედავად რამდენიმე შედარებით ადრეული ფილმისა, გრეისს განსაკუთრებული სამსახიობო ცნობადობა ალფრედ ჰიჩკოკთან თანამშრომლობამ მოუტანა. 1954 წლის ფილმმა სახელწოდებით Dial M for Murder კელი კინოინდუსტრიის ვარსკვლავად აქცია. იმავე წელს, 1954-ში კინოთეატრების ეკრანებზე გამოვიდა ჰიჩკოკის კიდევ ერთი წარმატებული ფილმი სახელწოდებით Rear Window, სადაც მაყურებელმა გრეისის შთამბეჭდავი ლუქები იხილა. სწორედ გრეისის ჩაცმულობა გახდა მთავარი მიზეზი იმისა, რომ დღემდე კადრებს ამ დეტექტივიდან ხშირად იხსენებს მოდური პრესა. ამას მოჰყვა კიდევ რამდენიმე დასამახსოვრებელი კინო როლი, მათ შორის, ასევე ჰიჩკოკის 1955 წლის რომანტიკული ტრილერი, სახელწოდებით To Catch a Thief, რომელშიც კელის პარტნიორობას კერი გრანტი უწევს. გრეისის ბიოგრაფიის მნიშვნლოვანი მომენტი, რამაც მისი ცხოვრება რადიკალურად შეცვალა, მონაკოს პრინცთან ქორწინებაა. რენიე III გრეისმა 1955 წელს, კანის კინოფესტივალზე ამერიკული დელეგაციის ხელმძღვანელობის დროს გაიცნო. ამ დროს კელი 26 წლის იყო. ჟურნალმა სახელწოდებით Paris Match ამერიკის ერთ-ერთ ულამაზეს მსახიობად აღიარებული ქალის და ევროპელი მონარქის ერთობლივი ფოტოსესიაც მოაწყო. 1956 წლის 19 აპრილს რენიე და გრეისი დაქორწინდნენ. ამ ცერემონიას ხშირად “ზღაპრული ქორწილის” სახელით მოიხსენებენ. საერთაშორისო პრესამ ქორწინებაში ორივე მხარისათვის სასარგებლო შეთანხმება დაინახა - გრეის კელი ქორწინებით სამეფო სტატუსს იღებდა, ხოლო რენიე იმ პერიოდის ულამაზეს ქალზე ქორწინდებოდა, რომელიც მემკვიდრეს გაუჩენდა. როდესაც გრეისი საქორწინო ცემემონიაზე მიემართებოდა, მას ფოტოს 1500-ზე მეტი ფოტოგრაფი უღებდა. სამეფო ქორწინებით გრეის კელის კარიერა ჰოლივუდში საბოლოოდ დასრულდა. ამასთან ერთად, გრეისიც საკმაოდ ნეგატიურად განეწყო ჰოლივუდის მიმართ და მედიასთან საუბრისას, კინოსამყაროს ხშირად ცინიკურად მოიხსენებდა. 1982 წლის 13 სექტემბერს გრეისი 17 წლის ქალიშვილთან ერთად, მონაკოში მიემგზავრებოდა. კელი ავტომობილს თავად მართავდა, თუმცა, მოულოდნელად საჭე ვერ დაიმორჩილა და ღმა ხევში გადავარდა. შემთხვევიდან მეორე დღეს, 1982 წლის 14 სექტემბერს, გრეის კელი 52 წლის ასაკში საავადმყოფოში გარდაიცვალა.

მაშველებმა ახალგაზრდა გოგო გადაარჩინეს, რომელიც ბარათაშვილის ხიდიდან მტკვარში გადახტა. ინფორმაციას საგანგებო სიტუაციათა მართვის სამსახური ავრცელებს. „შინაგან საქმეთა სამინისტროს საზოგადოებრივი უსაფრთხოების მართვის ცენტრ „112“-ში შემოვიდა შეტყობინება, რომ ახალგაზრდა გოგო ბარათაშვილის ხიდიდან გადახტომას აპირებდა. ადგილზე უმოკლეს დროში გამოცხადდნენ საპატრულო პოლიცია, სამაშველო და სასწრაფო სამედიცინო დახმარების სამსახურის ჯგუფები. წყალზე სამაშველო სამსახურის წარმომადგენლების ოპერატიული მუშაობის შედეგად, მალევე მოხერხდა გოგოს წყლიდან უვნებლად ამოიყვანა. ის თავს კარგად გრძნობს და მის სიცოცხლეს საფრთხე არ ემუქრება.“ – ნათქვამია განცხადებაში. სოციალურ ქსელში, ჟურნალისტმა შოთა ნოზაძემ სამოყვარულო კამერით გადაღებული ვიდეო გაავრცელა, რომელშიც ახალგაზრდა გოგონას გადახტომის კადრებია ნაჩვენები.#ახალიამბები

კახეთის გზატკეცილზე მდებარე, ყავის ქართული კომპანია „მეამას“ სათავო ოფისის შენობამ Architizer A+Awards-ის სამ ნომინაციაში გაიმარჯვა. აღსანიშნავია, რომ „მეამას“ შენობის კონკურენტები იყვნენ ისეთი ცნობილი კომპანიების სამუშაო სივრცეები, როგორიცაა: Jaguar, TikTok, Warner Music Group, John F.Kennedy Center for the Performinf Arts და სხვა. Architizer A+Awards მსოფლიო არქიტექტურის კუთხით, ყველაზე მასშტაბური კონკურსია, რომელიც მიზნად ისახავს მსოფლიოში წლის საუკეთესო, მნიშვნელოვანი, საინტერესო და გამორჩეული არქიტექტურული პროექტების პოპულარიზაციას. მასზე წარდგენილ ნამუშევრებს ეცნობა გლობალური აუდიტორია, დაახლოებით, 400 მილიონზე მეტი ადამიანი. „მეამას“ შენობა წარდგენილი იყო სამ კატეგორიაში: 25 000კვ. მეტრზე ნაკლები სამუშაო სივრცე – ; ოთხსართულიანი სამუშაო სივრცე – ; არქიტექტურა და ბეტონი – . ქართული ყავის კომპანია მეამას სათავო ოფისის შენობა, რომლის არქიტექტურა და დიზაინი გიორგი ხმალაძეს ეკუთვნის, ჟიურის გადაწყვეტილებით, სამი ნომინაციის ფინალში გადავიდა. ეს ნომინაციებია: ინტერიერის დიზაინი, დაბალსართულიანი სამუშაო სივრცე და არქიტექტურა და ბეტონი. სამივე კატეგორიაში ქართული პროექტი თავიდანვე ლიდერობდა და კენჭისყრის დასრულების შემდეგ, 4 აგვისტოს, უკვე გამარჯვებულადაც გამოცხადდა. „მეამას“ ქარხნის მშენებლობა 2017 წელს დაიწყო. პროექტმა თავიდანვე დიდი ინტერესი გამოიწვია და 2019 წელს საერთაშორისო კონკურსშიც გაიმარჯვა. სინტერესო და დახვეწილია შენიბის ინტერიერიც, გამოყოფილი სამუშაო სივრცეებით, მაღალი ჭერით, ინტერიერში შემოსული სიმევანითა და გეომეტრიული ხასიათით. “მეამას” ყავის ქარხანა უდაოდ ერთ-ერთი საუკეთესო თანამედროვე ქართული პროექტია. პროექტი: Khmaladze Architects ფოტოები: NakaniMamasakhlisi Photo Lab წყარო: ____________ პოსტის ავტორი - მარიამ თოფურია / მომო#ხელოვნება #არქიტექტურა #არქიტექტორი #დიზაინი #ინტერიერისდიზაინი #თანამედროვედიზაინი #ქართულიარქიტექტურა #პროექტი #გამარჯვებული #ნომინაცია #საუკეთესო #მეამა #ყავა #ყავის #ქარხანა #გეგმარება

ჩაპლინის გენიალური სიტყვები ფილმიდან "დიდი დიქტატორი" იმედი მაქვს მოგეწონებათ გახმოვანება #citata #movie #movies #filmi #kino #kinocitata #ხელოვნება

...აქ დილა ჩიტების ჭიკჭიკით იწყება. მერე საქონელს ეზოდან გადმოდენის ბიჭი. ვიდრე მზე შუბისტარზე დადგება, ჩიტების ხმას გადაფარავს დინჯი ნადური. ცვარი მარგალიტებივით ადევს მცენარეებს, ლაკადის მიდამოებს ნისლი ეფარება, თანდათან იწყება სოფლის გამოღვიძება და ასე, ამ ლამაზ ფონს სოფლის ბავშვების ჟრიამულიც ემატება. ყველა სოფელს თავისი უნიკალური თავგადასავალი აქვს. აქ იბადება სიმღერა, მითი, ლეგენდა, ლექსი... იბადებიან ადამიანები, რომლებიც ქმნიან ქვეყნის საგმირო და კულტურულ ისტორიას. სოფელი ინახავს ამ ადამიანების სიყვარულს და პატივისცემას, უყვართ სტუმარი და საინტერესო ამბების თხრობა. ვინიცის რამხელა ისტორიაა აქვს ჩემს სოფელს. რამდენი ჭირ-ვარამი გამოუვლია. სწორედ წარსულითა და მისაბაძი ადამიანებით ვამაყობთ და ვცდილობთ, რომ ყველას გავაცნოთ ეს დიდი ოჯახი. ჩვენ კი ის მომავლის თაობა ვართ, ვისი მეოხებითაც უნდა დაიწეროს ახალი და უფრო საამაყო ისტორია, რომელიც შემდგომ თაობასაც მისცემს სიამაყის საშვალებას. Jgali#მოგზაურობა #ხელოვნება #ახალიამბები

რატომ? პირველ რიგში , თქვენი საყვარელი მუსიკა შეგიქმნით კარგ განწყობას , რაც დაგეხმარებათ დღის მნიშველოვანი ნაწილის პოზიტიურად გატარებაში. ჩვენი საყვარელი მუსიკა ისაა , რაც გვამხნევებს და გვაძლიერებს . მოწყენილობას გვიკლვს ან პირიქით , შესაძლოა სევდიანობის ჟამს უფრო მეტად დაგვანაღვლიანოს,თუმცა ეს არაფერს ცვლის. უკვე აღავინ დავობს იმაზე, რომ მუსიკას ადამიანზე ძალიან დიდი გავლენა აქვს. რომ აღარაფერი ვთქვა ჩვეულებრივ მუსიკასა და მის მოყვარულებზე, აქვე არსებობენ ადამიანები , რომლებიც მანტრების დახმარებით ცდილობენ სასურველი მიიღონ ცხოვრებაში. #ჯანსაღიცხოვრება #ხელოვნება #ახალიამბები