წალენჯიხის მერიის დაკავებულ თანამშრომლებს პატიმრობა შეეფარდათ

ქრთამის აღების ფაქტი - დაკავებულ წალენჯიხის მერიის ყოფილ თანამშრომლებს პატიმრობა შეეფარდათ.

ბრალდების მხარემ სასამართლოს  თემურ მებონიასა და ბესარიონ ძაძამიასთვის პატიმრობის შეფარდების შუამდგომლობით მიმართა. ადვოკატმა კი სასამართლოს 5 000- 5 000 ლარიანი გირაო შესთავაზა.

წალენჯიხის მერიის თანამშრომლები 26 თებერვალს დააკავეს. გამოძიების ცნობით, მათ 1550 კვ.მ მიწის ნაკვეთის აუქციონზე გატანის სანაცვლოდ, მოქალაქეს ქრთამის სახით მოსთხოვეს და გამოართვეს 20 000 ლარი.

დაკავებულების წინააღმდეგ გამოძიება სისხლის სამართლის კოდექსის 338-ე მუხლის მე-2 ნაწილის „ბ“ და „გ“ (მოხელის მიერ წინასწარი შეთანხმებით ჯგუფურად დიდი ოდენობით ქრთამის აღება) ქვეპუნქტებით მიმდინარეობს, რაც სასჯელის სახედ და ზომად 7-დან 11 წლამდე თავისუფლების აღკვეთას ითვალისწინებს.