იაპონიის მთვარის მისიაში მგორავი რობოტიც არის

• Futurism-ის თანახმად, იაპონია ამ ყოველივეს ჩოგბურთის ბურთის ფორმის როვერის დახმარებით განახორციელებს.

იაპონიის კოსმოსურმა სააგენტო JAXA-მ ზონდი SLIM-ი კოსმოსში გასულ კვირას გაუშვა, რომელსაც თან ახლავს უცნაური რობოტი სახელწოდებით Lunar Excursion Vehicle 2 (LEV-2).

მას შემდეგ, რაც ლენდერი უსაფრთხოდ მიაღწევს მთვარის მტვრიან ზედაპირს და დაჯდომამდე დარჩენილი იქნება 182 სანტიმეტრი, ხომალდი გაათავისუფლებს 250-გრამიან კოსმოსურ რობოტს, რომელიც თავის ორივე ნახევარს ერთმანეთისგან დამოუკიდებლად ამოძრავებს, რათა რეგოლითზე გადაადგილება შეძლოს.

რობოტის კონცეფცია დაფუძნებულია ბავშვთა სათამაშოების დიზაინზე.

LEV-2-ს ბატარეები საშუალებას აძლევს მას აწარმოოს კვლევა მხოლოდ ორი საათის განმავლობაში.

თუმცა, მისი უჩვეულო ფორმის სარგებელი მნიშვნელოვანია და შეიძლება შთამაგონებელი აღმოჩნდეს მომავალი მარსმავალებისთვის.

JAXA გაერთიანდა სათამაშოების მწარმოებელ TOMY-სთან და Doshisha University-სთან, რათა შეემუშავებინათ რობოტების დიზაინი.

იაპონურმა ტექ-გიგანტმა Sony-მ შეიმუშავა საკონტროლო დაფა და სტაბილიზირებული კამერა, რომელიც მოთავსებულია რობოტის ორ ნახევარსფერულ "ფეხს" შორის.

სანამ LEV-2 მთვარის კვლევას დაიწყებს, JAXA რთული ამოცანის წინაშე დგას: მისი ზონდი მთვარის ორბიტაზე უნდა შეიყვანოს და ზედაპირზე უსაფრთხოდ დასვას.

ეს არის შემზარავ გზაზე მოგზაურობის ეტაპი, რომელსაც ზოგიერთმა ქვეყანამ ვერ გაუძლო.

Image via JAXA