მადლიერება!!!

ByMy VisionGeorgia25 Nov, 2021
11
მადლიერება ერთ-ერთი უდიდესი სათნოებაა, რომელსაც ყოველდღე უნდა გამოვხატავდეთ უფლის და ადამიანების წინაშე❣️🙏❣️🙏 თუნდაც თვითეული გათენებული დღისთვის რაც მოგვეცა, თუმცა დღესასწაულს რომელსაც 26 ნოემბერს ამერიკის შეერთებულ შტატებსა და კანადაში აღნიშნავენ ძალიან მომწონს, მახსოვს
 მახსოვს რამდენიმე წლის წინ ამივიკითხე ერთ -ერთ  გვერდზე  ამერიკელი ბავშვის თვალით დანახული და განცდილი მადლიერების გრძნობა  რომელიც დღესაც ემოციურია ჩემთვის ❤️❤️❤️           მოთხრობილი იყო მასწავლებელ ქალზე, რომელმაც  ბავშვებს თხოვა დაეხატათ ფურცელზე ის, ვინც ან რაც მათში იწვევდა მადლიერების გრძნობას
სანამ ბავშვები ხატავდნენ, მასწავლებელი დამწუხრებული ფიქრობდა იმაზე, თუ რა ცოტა მიზეზი გააჩნიათ ამ ბავშვებსუღარიბესი ოჯახებიდან იმისთვის, რომ იყვნენ მადლიერები.
მან იცოდა,   რომ ბავშვების უმრავლესობა დახატავდა რაიმე საკვებს და ცოტა არ იყოს შეცბუნდა, როცა დუგლასმა მიაწოდა თავისი ფურცელი, რომელზეც ხელის მტევანი იყო გამოსახული.
„ეს რა ხელია?“ კლასი საგონებელში ჩააგდო ამ აბსტრაქტულმა ნახატმა. 
– ეს ალბათ ღვთის ხელია, რომელიც საჭმელს გვაძლევს, – თქვა ერთმა.
– არა, ეს ფერმერის ხელია, – თქვა მეორემ – იმიტომ რომ მას მოჰყავს მოსავალი.
და ასე ყველა გაიძახოდა თავის ვერსიას.
ბოლოს, როცა კლასი დაწყნარდა, მასწავლებელმა ჰკითხა ბიჭს, თუ რა იყო ეს.
– ეს თქვენი ხელია, მასწავლებელო, – თქვა ჩუმად დუგლასმა.
და მასწავლებელს გაახსენდა თუ როგორ ჩასჭიდებდა ხოლმე ხანდახან, შესვენებების დროს, ხელს ამ პატარა, მუდამ მოწყენილ ბიჭუნას და მზრუნველად მიაცილებდა მას კლასამდე. ის ასე ექცეოდა ყველას, მაგრამ დუგლასისთვის ეს აღმოჩნდა ძალზე მნიშვნელოვანი. 
მასწავლებელი სულით ხორცამდე შესძრა მადლიერების  ამ ჟესტმა. შეიძლება ეს იყო საერთო მადლიერების გამოხატვა არა იმ მატერიალური სიკეთისთვის, რომელიც ჩვენ გვეძლევა, არამედ  შესაძლებლობისთვის, გავცეთ თუნდაც მცირედი ნაწილი ჩვენი ადამიანური სითბოსი და სიყვარულისა…“
მადლობა ღმერთს თვითეული დღისთვის🙏🙏🙏
Happy Thanksgiving 🍁🍂🍁🍂🍁🍂🍁
ByMy VisionGeorgia25 Nov, 2021
11