ლატვიამ აკრძალა თავის ტერიტორიაზე Russia Today-ს მაუწყებლობა კომპანიის ხელმძღვანელის მიმართ საერთაშორისო სანქციების გამო

ლატვიამ აკრძალა თავის ტერიტორიაზე Russia Today-ს (RT) შვიდი არხის გავრცელება რუსეთის ამ სახელმწიფო ტელეკომპანიის ხელმძღვანელის, დმიტრი კისელიოვის მიმართ მოქმედი საერთაშორისო სანქციების გამო. ლატვიის მედიაზე ზედამხედველობის ორგანომ, NEPLP-მა, აკრძალა RT-ის ყველა არხი, რომელიც ბალტიის ამ ქვეყანაში გადაიცემა. NEPLP-ის ხელმძღვანელმა ივარს აბოლინსმა ტელეარხების აკრძალვის მიზეზად დაასახელა ის, რომ მათ ხელმძღვანელობს და აკონტროლებს დმიტრი კისელიოვი, რომელზეც ევროკავშირის სანქციები ვრცელდება უკრაინის დემოკრატიისა და ტერიტორიული მთლიანობის დარღვევისკენ მრავალგზის მოწოდებისთვის. NEPLP-მა ასევე განაცხადა, რომ თავის პროგრამებში RT ცდილობდა ლატვია წარმოედგინა, როგორც შეუმდგარი სახელმწიფო. NEPLP-ის თქმით, მისი გადაწყვეტილება მიმდინარე კვირაში განხორციელდება. https://www.radiotavisupleba.ge/a/30700558.html #ახალი_ამბები #twitter