ბათუმის საოლქო საარჩევნო კომისიასთან დაპირისპირებაა

დაპირისპირება და ხმაური ბათუმის 79-ე ოლქთან მიმდინარეობს, სადაც საპარლამენტო არჩევნების შედეგების განხილვა 21 საათზე უნდა დაწყებულიყო. საოლქოსთან იმყოფებიან ოპოზიციის მხარდამჭერები მოძრაობა „იმოქმედე“ და ორგანიზაცია „ალტერნატივას' წევრები, რომლებმაც სირცხვილის კორიდორი მოაწყვეს. ადგილზე ისმის შეძახილები - „მონებო“ და საყვირების ხმა. დაპირისპირების შედეგად ფიზიკური დაზიანება მიადგა ' ერთიანი ნაციონალური მოძრაობის' მაჟორიტარი დეპუტატობის კანდიდატ გიორგი კირთაძეს. ადგილზე მობილიზებულია სამართალდამცავები.