რუსეთის ხელისუფლებამ ქვეყანაში შესვლა 200 ამერიკელს აუკრძალა, მათ შორის არიან აშშ-ის პრეზიდენტის ჯო ბაიდენის ნათესავები

რუსეთის ფედერაციის საგარეო საქმეთა სამინისტრომ აშშ-ის ორას მოქალაქეს აუკრძალა რუსეთში შესვლა, მათ შორის აშშ-ს პრეზიდენტის ჯო ბაიდენის ძმებს, ჯეიმსს და ფრენსის და დას, ვალერი ბაიდენ ოუენსს, - ნათქვამია სამინისტროს პრესსამსახურის მიერ გავრცელებულ ცნობაში. რუსეთში კერძოდ აეკრძალათ შესვლა რამდენიმე გენერალს, უკრაინის მიმართულებაზე მომუშავე სპენტაგონის მრჩევლებს, სენატორებს, შეერთებული შტატების იუსტიციის მინისტრის მოადგილეს, თავდაცვითი წარმოების ხელმძღვანელებს და ასევე თეთრი სახლის პრესმდივან კარინ ჟან-პიერს.   ეს ზომები, როგორც ეს მითითებულია რუსეთის საგარეო საქმეთა სამინისტროში, შემოღებულია ჯო ბაიდენის ადმინისტრაციის მიერ არა მხოლოდ რუსი ჩინოვნიკების, არამედ კრემლის მხარდამჭერი ბიზნეს-საზოგადოების წარმომადგენლების და კულტურის მოღვაწეების მიმართ "მუდმივად განახლებადი“ სანქციების საპასუხოდ. უკრაინის წინააღმდეგ დაწყებული ფართომასშტაბიანი ომი შემდეგ აშშ-მა და დიდმა ბრიტანეთმა რუსეთის წინააღმდეგ რამდენჯერმე შემოიღეს სანქციები. სულ ბოლო მას შემდეგ, რაც მოსკოვში ხელი მოეწერა უკრაინის ოთხი რეგიონის რუსეთისთვის მიერთების ხელშეკრულებებს. აშშ-ის სანქციების სიაში ასევე არიან ვიცე-პრემიერი ალექსანდრ ნოვაკი, ცენტრალური ბანკის ხელმძღვანელის პირველი მოადგილე ოლგა სკორობოგატოვა და ფედერაციის საბჭო. სახელმწიფო დუმის წევრთაგან სანქციები გავრცელდა სერგეი მირონოვზე, ანდრეი კლიშასზე, კონსტანტინ კოსაჩევზე, ელენა მიზულინაზე, ლიუდმილა ნარუსოვაზე, ლეონიდ სლუცკისა და სხვებზე. გარდა ამისა, სიაშია მოხვდნენ პრემიერ-მინისტრ მიხაილ მიშუსტინის, ფედერაციის საბჭოს თავმჯდომარე ვალენტინ მატვიენკოს, თავდაცვის მინისტრ სერგეი შოიგუს, ეროვნული გვარდიის ფედერალური სამსახურის დირექტორის, ვიქტორ ზოლოტოვის, უშიშროების საბჭოს თავმჯდომარის მოადგილის, დმიტრი მედვედევის, მოსკოვის მერის, სერგეი სობიანინის, სანქტ-პეტერბურგის გუბერნატორ ალექსანდრ ბეგლოვის ოჯახის წევრები. https://www.radiotavisupleba.ge/a/32127139.html