ბუსა ჟვანია წინასწარი დაკავების იზოლატორშია

ბუსა ჟვანია საავადმყოფოდან გაწერეს, რის შემდეგაც ის შინაგან საქმეთა სამინისტროს თანანმშრომლებმა წინასწარი დაკავების იზოლატორში გადაიყვანეს. მისი ჯანმრთელობის მდგომარეობის გათვალისწინებით, პირველი სასამართლო წარდგენის სხდომა სასამართლოში ჩატარდება. სწორედ ბრალდებულის მსუბუქი დაზიანებები გახდა იმ ეჭვის საფუძველიც, რომ სავარაუდოდ, დაზიანებები ყოფილი პრემიერ-მინისტრის შვილმა თავად მიიყენა. ამ დაზიანებების წარმომავლობას ახლა გამოძიება სწავლობს. ბუსა ჟვანიამ 2 აგვისტოს, ურთიერთშელაპარაკების ნიადაგზე, ლევან თოფაძეს მისსავე საკუთარ საცხოვრებელ სახლში, ცივი იარაღით სხეულზე რამდენიმე ჭრილობა მიაყენა. დაჭრილი თოფაძე საავადმყოფოში გადაიყვანეს, სადაც ოპერაცია ჩაუტარდა. სამართალდამცველებმა ჟვანია მომხდარიდან რამდენიმე საათში, ცხელ კვალზე დააკავეს. 2020 წლის 03 აგვისტოს მას ბრალი სისხლის სამართლის კოდექსის 19,108-ე მუხლით წარედგინა, რაც სასჯელის სახედ და ზომად 7 დან 15 წლამდე თავისუფლების აღკვეთას ითვალისწინებს. #ახალიამბები