Սուրբ Սոֆիայի տաճարի քրիստոնեական սրբապատկերներն ու որմնանկարները նամազի ժամանակ ծածկվելու են

Մզկիթի վերածված բյուզանդական Սուրբ Սոֆիայի տաճարի քրիստոնեական սրբապատկերներն ու որմնանկարները մահմեդական նամազի ժամանակ ծածկվելու են։ Այդ մասին ասել է Թուրքիայի իշխող  կուսակցության մամուլի խոսնակ Օմեր Չելիքը։ «Չնայած Այա Սոֆիան մզկիթ է դառնալու, այն նախկինի պես բաց է մնալու այցելուների, տեղացիների ու զբոսաշրջիկների համար։ Տաճարի սրբապատկերներն ու որմնանկարները  պահպանվելու են։ Աղոթքի ժամանակ պլանավորվել է դրանք ծածկել վարագույրով կամ հատուկ լուսավորության միջոցով»,- ասել է նա։ Բյուզանդական տաճարին թանգարանի կարգավիճակից զրկելն ու մզկիթի վերածելու Թուրքիայի իշխանությունների որոշումը բացասաբար է ընդունվել միջազգային հանրության կողմից։ https://www.azatutyun.am/a/30726028.html #Լուրեր