ქობულეთის მეორე საჯარო სკოლაში ორ მოსწავლეს კორონავირუსი დაუდასტურდა

ქობულეთის მეორე საჯარო სკოლაში ორ მოსწავლეს კორონავირუსიდაუდასტურდა. ინფიცირებულები არიან მეექვსე და მეათე კლასის მოსწავლეები. ორივე კლასი სწავლების დისტანციურ რეჟიმზე გადავიდა. ადმინისტრაციის ინფორმაციით, სკოლაში სასწავლო პროცესი ჩვეულ რეჟიმში გრძელდება. მე-10 კლასისმოსწავლე მშობელთან ერთად მკურნალობის კურსს სამედიცინო დაწესებულებაში გადის, მეექვსე კლასის მოსწავლე კი ბინაზე მკურნალობს. ''ორშაბათსდაახლოებით 12 საათზე ჩვენთვის ცნობილი გახდა, რომ მეათეკლასის მოსწავლეს და მშობელს დაუდგინდათ კოვიდინფექცია.ეს კლასი სწვლობს მეორე ცვლაში, ამიტომ დავუკავშირდით საზოგადოებრივი ჯანდაცვის ცენტრს და მივიღეთ ინფორმაცია, რომ კლასი უნდა გადასულიყო იზოლაციაში. გუშინ საღამოს კიდევ ერთი შემთხვევის შესახებ გახდა ცნობილი. საუბარია უკვე მეექვსე კლასის მოსწავლესა და მის მშობელზე. კლასი დღეიდან გადავიდა იზოლაციაში. სკოლა არ იხურება, მხოლოდ ორი კლასი ისწავლის დისტანციურად. დღეს გეგმიური ტესტირებაც ტარდება და ამის შემდეგ გაირკვევა არის თუ არა რომელიმე პედაგოგი ინფიცირებული. ამ ეტაპზე არცერთ მათგანს არანაირი სიმპტომი არ აქვს'' - განაცხადა დირექტორის მოვალეობის შემსრულებელმა. ქობულეთის რესურსცენტრის ხელმძღვანელი ამბობს, რომ მოსწავლეებს სკოლასთან ბოლო კონტაქტი პარასკევს ჰქონდა.მადონა გოგიტიძის თქმით, კლასებში ჩატარდა დეზინფექცია. მეორე სკოლაში 1209 მოსწავლე და 66 მასწავლებელია.