ხარკოვის მერი: რუსეთის რაკეტა საცხოვრებელ სახლს მოხვდა

რუსეთის ორი რაკეტა დაეცა ქალაქ ხარკოვის ცენტრში, ერთ-ერთი მოხვდა საცხოვრებელ სახლს - იუწყებიან ადგილობრივი ოფიციალური პირები 5 თებერვალს.  "რაკეტა მოხვდა ქალაქის ცენტრში მდგომ საცხოვრებელ სახლს, დაიწყო ხანძარი. ჯერჯერობით ცნობილია სამი მსხვერპლის შესახებ - 54 წლის ქალის და 51 და 55 წლის ასაკის ორი მამაკაცის" - ამბობს ხარკოვის გუბერნატორი, ოლეჰ სინეჰუბოვი. მისი თქმით, ქალი საავადმყოფოში იყო გადაყვანილი. სააგენტო როიტერსი ცნობების დამოუკიდებლად გადამოწმებას ვერ ახერხებს.  https://www.radiotavisupleba.ge/a/32256305.html