«Իսլամական պետության» զինյալները Աֆղանստանում հարձակվել են բանտի վրա

Աֆղանստանում Նանգարհարի նահանգի Ջալալաբադի քաղաքի բանտից լայնածավալ զինված բախումից հետո փախուստի են դիմել մեծ թվով կալանավորներ: Այդ բանտում պահվող մոտ 2 հազար կալանավորների թվում կան ոչ միայն քրեական հանցագործներ, այլև թալիբներ և «Իսլամական պետություն»  զինյալ շարժման մարտիկներ: Գրոհը բանտի վրա «Իսլամական պետությունն» է նախաձեռնել: Գրոհի ընթացքում սպանվել է առնվազն 29 մարդ՝ խաղաղ բնակիչներ, բանտի պահակներ, ինչպես նաև իսլամիստ զինյալներ: «Նանգարհարի բանտի վրա հարձկման արդյունքում զոհվել են խաղաղ բնակիչներ, այդ թվում երեխաներ, կա ավելի քան 40 վիրավոր»,- ասել է Նանգարհարի նահանգի վարկակազմի խոսնակ Աթաուլահ Խուջանին: Ոստիկաններին օգնելու համար երեկ Նանգարհարի նահանգ են մեկնել Աֆղանստանի բանակի ստորաբաժանումները: https://www.azatutyun.am/a/30764129.html #Լուրեր