საქართველოში სეზონური გრიპის ვირუსი დაფიქსირდა

საქართველოში სეზონური გრიპის ვირუსი გამოჩნდა. დაავადებათა კონტროლის ეროვნული ცენტრის საიტზე გამოქვეყნებული მონაცემების თანახმად, გასულ კვირაში B ტიპის ვირუსი მიმდინარე სეზონზე პირველად დაფიქსირდა. A ტიპის ვირუსის ცირკულირება კი ჯერჯერობით არ დაფიქსირებულა. დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელი ამირან გამყრელიძე მოსახლეობას გრიპის ვაქცინით აცრისკენ მოუწოდებს. გამყრელიძის ინფორმაციით, ქვეყანაში გრიპის ვაქცინის 65 ათასამდე დოზაა.