ლატვიამ სოლოვიოვს თავის ტერიტორიაზე შესვლა აუკრძალა ჰიტლერის თაობაზე გამოთქმული მოსაზრების გამო

ლატვიის საგარეო საქმეთა მინისტრმა, ედგარ რინკევიჩმა განაცხადა, რომ რუსი ტელეწამყვანი, ვლადიმირ სოლოვიოვი, შეყვანილია არასასურველ პირთა სიაში. „ლატვიისათვის მიუღებელია ნაციზმის განდიდება ნებისმიერი ფორმით“, - დაწერა რინკევიჩმა. ამ დღეებში ტელეარხ „როსია 1“-ზე გასულ თავის საავატორო გადაცემაში „საღამო ვლადიმირ სოლოვიოვთან ერთად“, წამყვანმა „გაბედულ კაცად“ მოიხსენა ადოლფ ჰიტლერი, რომელიც „ალმაცერად არ უყურებდა არმიას“ და „სახელოვნად იბრძოდა პირველი მსოფლიო ომის დროს“. ამასთან სოლოვიოვმა ჰიტლერს შეადარა ალექსეი ნავალნი, რომელსაც წამყვანმა უწოდა „ანტისემიტიზმით ცხოველურად“ შეპყრობილი „გულფიკფიურერი“.  ვლადიმირ სოლოვიოვმა სააგენტო „რია ნოვოსტის“ უთხრა, რომ ადვოკატთან ერთად განიხილავს ლატვიაში შესვლის აკრძალვის სასამართლოში გასაჩივრების საკითხს. ალექსეი ნავალნის მიერ ჩატარებული გამოძიების შემდეგ, 2 წლის წინ კრემლთან დაახლოებულმა სოლოვიოვმა დაადასტურა, რომ მას აქვს უძრავი ქონება და ბინადრობის უფლება იტალიაში.  https://www.radiotavisupleba.ge/a/31109939.html #ახალი_ამბები #twitter