პროფესიული გადამზადების პროგრამა - „ისწავლე და დასაქმდი“ დაიწყო

თბილისის მერიამ სახელმწიფო პროფესიულ კოლეჯებთან ერთად პროფესიული გადამზადების მასშტაბური პროგრამა - „ისწავლე და დასაქმდი“ დაიწყო. პროგრამის მიზანი შრომის ბაზარზე მოთხოვნად სპეციალობებში სამსახურის მაძიებელი მოქალაქეების გადამზადება და დასაქმების ხელშეწყობაა. პროგრამა ტურიზმის, მომსახურებისა და სამშენებლო სექტორში თბილისში რეგისტრირებული მოქალაქეებისთვის მოკლევადიანი პროფესიული გადამზადების კურსების განხორციელებას ითვალისწინებს. სასწავლო კურსებს თბილისის მერია სრულად აფინანსებს. თითოეულ სპეციალობაზე სწავლის ხანგრძლივობა ორ თვეს შეადგენს. სასწავლო პროცესუ როგორც თეორიულ, ისე პრაქტიკულ მეცადინეობებს მოიცავს. შერჩევისას უპირატესობა მიენიჭება: სოციალურად დაუცველებს, იძულებით გადაადგილებულ პირებს, ომის ვეტერანის ოჯახის წევრებს, მარჩენალდაკარგულებს, დედით ან მამით ობოლ პირებს, მრავალშვილიანი ოჯახის წევრებს. პროგრამის კურსდამთავრებულებზე გაიცემა ორენოვანი სერტიფიკატი. პროგრამებზე რეგისტაცია მიმდინარეობს როგორც ელექტრონულად (პროგრამაში მონაწილე კოლეჯების ვებგვერდებზე), ისე კოლეჯებში. რეგისტრაციის ვადები: 2020 წლის 9 მარტიდან 30 მარტის ჩათვლით. რეგისტრაციისთვის და დამატებითი ინფორმაციისთვის ეწვიეთ პროგრამაში მონაწილე პროფესიულ კოლეჯებს: სპექტრი - http://www.spectri.org მის: ბესარიონ ჭიჭინაძის ქ N10; ტელ: 2 40 16 87; 577 752 474; 577 17 16 76; იკაროსი - http://www.icarus.ge მის: მარშალ გელოვანის გამზ. N4; ტელ: 032 2 37 39 81; 577 200 742; 577 500 441; მერმისი - მის: დ. გურამიშვილის ჩიხი N 9/ა; ტელ: 2 14 78 87; 577 504 474; გლდანის პროფესიული მომზადების ცენტრი - www.profgldani.ge მის: გლდანი მე-5 მკ/რ, ხიზანიშვილის ქუჩა (ახალი საცურაო აუზის მიმდებარედ). ტელ: 032 2 14 03 14; 570 50 30 01” #თბილისისმერია #ისწავლედადასაქმდი #პროფესიულიგადამზადება #კოლეჯი #tbilisidaily