სომხეთის პრეზიდენტი ჰოსპიტალიზებულია

საავადმყოფოში გადაიყვანეს სომხეთის პრეზიდენტი არმენ სარქისიანი, რომელსაც COVID-19 აქვს. პრეზიდენტის ოფისის ინფორმაციით, სარქისიანის დაავადებამ მძიმე ფორმა მიიღო და მას მაღალი ტემპერატურა და ორმხრივი პნევმონია აქვს. 3 იანვარს, არმენ სარქისიანს ფეხზე ოპერაცია გაუკეთეს ლონდონის ერთ-ერთ კლინიკაში. 5 იანვარს სომხეთის პრეზიდენტის ოფისმა განაცხადა, რომ ოპერაცია წარმატებული იყო, თუმცა, სარქისიანს კორონავირუსი დაუდასტურდა. 8 იანვარს, პრეზიდენტის ადმინისტრაციაში განაცხადეს, რომ არმენ სარქისიანი შეძლებისდაგვარად მუშაობს დისტანციური რეჟიმით და მდგომარეობის სტაბილიზაციისთანავე ერევანში დაბრუნდება. რომელ კლინიკაში გადაიყვანეს სომხეთის პრეზიდენტი, მისი ოფისი არ აკონკრეტებს. https://www.radiotavisupleba.ge/a/31044504.html #ახალი_ამბები #twitter #covid19_-_ახალი_ამბები