ნახევარზე მეტი ვაკანტური ადგილი მარნეულის საჯარო სკოლებში
143 Views
Marneuli Daily
Marneuli · 3 months ago

მარნეულის მუნიციპალიტეტის საჯარო სკოლებში, ამ ეტაპზე, 1657 თავისუფალი ადგილია დარჩენილი. მუნიციაპალიტეტის მასშტაბით საჯარო სკოლებში სულ 3 182 ადგილია. მონაცემები განათლების სამინისტროს ოფიციალურ ვებ-გვერდზეა გამოქვეყნებული.

არის ისეთი სკოლები, სადაც მოსწალეთა მიღების ლიმიტი უკვე შევსებულია: სოფელ საიმერლოს საჯარო სკოლა (25 მოსწავლე - ქართული სექტორი), მარნეულის მუნიციპალიტეტის N2 საჯარო სკოლა (60 მოსწავლე - ქართული და რუსული სექტორი), მარნეულის N5 საჯარო სკოლა (75 მოსწავლე - ქართული სექტორი), მარნეულის N6 საჯარო სკოლა (150 მოსწავლე - ქართული და რუსული სექტორი), თაქალოს საჯარო სკოლა (30 მოსწავლე - აზერბაიჯანული სექტორი).

მარნეულის მასშტაბით სულ 74 საჯარო სკოლა ფუნქციონირებს

რეგისტრაცია განხორციელდება სსიპ განათლების მართვის საინფორმაციო სისტემის ოფიციალურ ვებგვერდზე registration.emis.ge. ელექტრონულ რეგისტრაციას უზრუნველყოფს მშობელი/კანონიერი წარმომადგენელი. დადგენილ ვადებში ჩასარიცხად აუცილებელი დოკუმენტაციის წარუდგენლობის შემთხვევაში, რეგისტრაცია ავტომატურად გაუქმდება.

IV ეტაპზე პირველკლასელთა რეგისტრაცია და დოკუმენტაციის წარდგენა 20 აგვისტოს დაიწყება და 10 სექტემბრის ჩათვლით გაგრძელდება.

ამ ეტაპზე გამოთავისუფლებულ/ვაკანტურ ან დარჩენილ თავისუფალ ადგილებზე მოხდება იმ მოსწავლეთა რეგისტრაცია, რომლებიც I, II და III ეტაპებზე ვერ დარეგისტრირდნენ ან სურთ რეგისტრაციის შეცვლა.

მოსწავლის რეგისტრაციას მეოთხე ეტაპზე უზრუნველყოფს საჯარო სკოლა მშობლის/კანონიერი წარმომადგენლის მიერ წარდგენილი აუცილებელი დოკუმენტაციის საფუძველზე.

#სკოლა #ვაკანტურიადგილი #მარნეული #MarneuliDaily

წყარო: რადიო მარნეული

#ახალიამბები
Marneuli Daily
Marneuli · 3 months ago
Write a comment