რა უპირატესობა აქვს ავტობუსით მგზავრობას და რა უნდა გავითვალისწინოთ

რა უპირატესობა აქვს ავტობუსით მგზავრობას. 1. იაფია 2. ქვეყანას სხვა კუთხით უყურებ – აღმოაჩენ შენთვის უცნობ უამრავ ადგილს ავტობუსის ფანჯრის მიღმა. 3. ახალი ნაცნობების შეძენის ალბათობა მანამ, კი სანამ ავტობუსით გრძელვადიან მგზავრობას გადაწყვეტთ, გირჩევდით ამ საკითხების გათვალისწინებას.

ეს, ერთერთი უმნიშვნელოვანესი დეტალია. დარწმუნდით, რომ ყველა ელექტრონული მოწყობილობა, რომლის გამოყენებასაც გეგმავთ დატენილია. მოიმარაგეთ საკვები და წყალი, იმ შემთხვევისთვის თუკი არ გსურთ ავტოსადგურებზე გაბერილი ფასებში დახარჯოთ ფული. გაითვალისწინეთ დროის ცვლილება და სინამდვილეში რომელ საათზე ჩახვალთ დანიშნულების ადგილზე. ასევე, თან იქონიეთ წინასწარ ადგილობრივი ვალუტა. აუცილებლად დაგჭირდებათ საპირფარეშოებსა თუ სხვა მიზნებისთვის, რადგან შუალედურ გაჩერებებზე დოლარის, მით უფრო ლარის გადახურდავება ზოგჯერ წარმოუდგენელ რეალობას ჰგავს.

როდესაც დანიშნულების ადგილას მიხვალთ, უმეტესად ან დილაუთენიაა ან შუაღამე. ამიტომაც, იმის ცოდნა თუ სად ხართ ზუსტად, დაგეხმარებათ გადაწყვეტილების მიღებაში საით წახვიდეთ და როგორ.

ზოგ ავტობუსს კონდიციონერი მაქსიმუმზე აქვს ჩართული და ძალიან ცივა (ან ცხელა), ზოგიერთს საერთოდ არ აქვს კონდიციონერი და არც ფანჯრები ეღება. მიუხედავად, თქვენი ქვეყნის ტემპერატურისა მოემზადეთ სრულიად სხვა კლიმატისთვის – ჩაიცვით მოხერხებულად. იქონიეთ თბილი ჯემპრი ახლოში.

შუალედურ გაჩერებებზე, მითუფრო თუკი ღამისთევით გიწევთ მზგავრობა, აუცილებლად დაგჭირდებათ კბილის პასტა, დეოდორანტი და სხვა ნივთები. ასე რომ, თქვენთვის საჭირო ნივთები გქონდეთ თავ ავტობუსში – რადგანაც საბარგულს არავინ გაგიხსნით.

კომფორტულია “კაპიუშონიანი” ზედები, რადგან ძილის დროს ქუდს თავზე წამოიხურავთ და აღარც შუქი შეგაწუხებთ და აღარც ვინმეს მზერა. გაითვალისწინეთ ასევე, რომ ჯინსი არც ისე კომფორტულია ასეთი მზავრობის დროს. ასევე, თუკი შუქზე დაძინება გიჭირთ თან იქონიეთ თვალის ნიღაბი და ბარემ სამგზავრო ბალიში.

ეს საქმეს გაგიმარტივებთ, რადგან ზოგიერთი ავტობუსი კი გვთავაზობს WIFI სერვისს, მაგრამ სიხშირე იმდენად დაბალია, რომ მის გამოყენებას აზრიც არ აქვს.

#მოგზაურობა

##რჩევები

##ავტობუსი

##travelwithme