Արմեն Սարգսյանն ընդունել է լիտվացի բուժաշխատողների խմբին

Նախագահ Արմեն Սարգսյանն այսօր հյուրընկալել է լիտվացի բուժաշխատողների խմբին, որը Հայաստանում է՝ օգնելու հայ գործընկերներին կորոնավիրուսի համավարակի դեմ պայքարում:  Արմեն Սարգսյանը շնորհակալություն է հայտնել բժիշկներին՝ օգնության ձեռք մեկնելու համար: «Հանուն մեզ օգնելու վտանգում եք ձեր կյանքն ու առողջությունը», - ասել է նա: Նախագահի աշխատակազմի փոխանցմամբ` հանդիպմանը ներկա են եղել նաև Հայաստանում Եվրամիության պատվիրակության ղեկավար, դեսպան Անդրեա Վիկտորինը, Lիտվայի դեսպանը, Շվեդիայի գործերի հավատարմատաը, առողջապահության նախարարի տեղակալ Անահիտ Ավանեսյանը: Դեսպան Անդրեա Վիկտորինը տեղեկացրել է, որ առաջիկա օրերին Իտալիայից և Գերմանիայից նույնպես խմբեր կժամանեն: Լիտվացի բժիշկները ներկայացրել են իրենց փորձն ու առաջարկությունները համավարակի դեմ առավել արդյունավետ պայքարելու եղանակների վերաբերյալ:   https://www.azatutyun.am/a/30698309.html #Լուրեր #Կորոնավիրուս