14 votes
8 comments
0 shares
Save
3 views
თორნიკე საღლიანი
Tbilisi · 1 year ago

იმედია შევეჩვევი. დიდი სურვილი კი მაქვს 🙃 წარმატებები ქართულს(ყველაფერს)


თორნიკე საღლიანი
Tbilisi · 1 year ago
Similar Posts
Mediamall
Tbilisi · 3 months ago
მეუფე ნიკოლოზი - წირვა აუცილებლად ჩატარდება, რაც შეეხება მრევლის დასწრებას, იმედია, ხალხი დაესწრება
ღმერთმა დაგვიფაროს ისეთი რამ მოხდეს, რომ წირვა არ ჩატარდეს. წირვა აუცილებლად ჩატარდება, რაც შეეხება მრევლის დასწრებას, იმედია რომ დაესწრება ხალხი, აბა, რისთვის ტარდება?! - ამის შესახებ ახალქალაქისა და კუმურდოს მიტროპოლიტმა, მეუფე ნიკოლოზმა (ფაჩუაშვილი) სამების საკათედრო ტაძარში წირვის დასრულების შემდეგ ჟურნალისტებს დასმული კითხვის საპასუხოდ განუცხადა. როგორც მეუფე ნიკოლოზმა აღნიშნა, ვნების შვიდეულის განრიგი უკვე ცნობილია, აღდგომის წირვასთან დაკავშირებით კი, კონკრეტული გადაწყვეტილება სავარაუდოდ, დიდი ხუთშაბათის შემდეგ იქნება მიღებული. „მამა დემეტრემ გამოაცხადა დღეს როგორი არის გეგმა, როგორი არის ჩვენი სურვილი, როგორ აცხადებს ამას ეკლესია და ამას აკეთებს ყოველთვის ბზობის წირვის შემდეგ. ცხადდება ვნების შვიდეულის კვირის განრიგი. ყველაფერი ისე გამოაცხადა, როგორც ადრე ცხადდებოდა, მათ შორის აღდგომის წირვაზე საღამოს 10 საათზე დაიწყება მსახურება და 23:00 საათზე მობრძანდება პატრიარქი. რაც შეეხება უფრო კონკრეტულად, რა როგორ იქნება, დიდი ხუთშაბათის მსახურების შემდეგ იქნება ყველაფერი დეტალურად ცნობილი. ღმერთმა დაგვიფაროს ისეთი რამ მოხდეს, რომ წირვა არ ჩატარდეს. წირვა აუცილებლად ჩატარდება, რაც შეეხება მრევლის დასწრებას, იმედია რომ დაესწრება ხალხი, აბა, რისთვის ტარდება?!“, - აღნიშნა მეუფე ნიკოლოზმა. ამასთან, მეუფე ნიკოლოზმა აღნიშნა, რომ „კომენდანტის საათი“ არ შეიძლება განიხილებოდეს მოსახლეობის საწინააღმდეგო ღონისძიებად. მისივე თქმით, ვერ წამოუდგენია, რომ მთავრობა ხალხს და ეკლესიას დაუპირისპირდეს. „კომენდანტის საათი“ შემოიღო ხელისუფლებამ, რომელიც ამ პანდემიის პირობებში ჯერჯერობით უნაკლოდ მუშაობს. „კომენდანტის საათის“ შემოღება ზღუდავს თავისუფლად გადაადგილებას, კონტაქტებს, მაგრამ არ არის მოსახლეობის საწინააღმდეგოდ, არის პრევენცია. შესაბამისად, თუ ასეთი აუცილებლობა იქნება, რომ ღამე წირვაზე მოვიდნენ ადამიანები, მე ვერ წამომიდგენია, რომ მთავრობა ან ხალხს დაუპირისპირდეს, ან ეკლესიას. რატომ? - მთავრობა გვიცავს. გვიცავს არაჩვეულებრივად. არაჩვეულებრივი მაჩვენებლებითა ვართ დღეს. ეკლესიაში მრევლის მოსვლა კანონს არ არღვევს, კანონს ადგენს ხელისუფლება და ხელისუფლებას მიმართეთ ამ კითხვებით. თუ ჩვენ მოვალთ და წირვას ჩავატარებთ, ე.ი. ჩვენც კანონს ვარღვევთ? ჩვენც უნდა გადავიხადოთ ჯარიმა? საღამოს 9:00 საათზე როგორ მოვალთ და მთელი ღამე ტაძარში როგორ ვიქნებით? რა თქმა უნდა, კონსულტაციებს არ გამოვრიცხავთ. ჩვენ ამ თემაზე ვისაუბრებთ დიდი ხუთშაბათის შემდეგ. დღემდე ხელისუფლებას არავითარი აგრესია, მოსახლეობის მიმართ არ გამოუჩენია, არც ეკლესიის მიმართ. ძალიან კარგია, რომ ყველა თავის ვალდებულებას ასრულებს. მოწოდება არის მოწოდება და აგრესია არის აგრესია. დღევანდელ დღეს არავითარი მიზეზი არ გვაქვს, რომ ჩვენი ხელისუფლების უკმაყოფილო ვიყოთ ამ რთულ ვითარებაში. ამიტომ იმედი მაქვს, არც ახლა ვიქნებით უკმაყოფილო და ცუდად არ მოიქცევიან“, - განაცხადა მეუფე ნიკოლოზმა. მისივე თქმით, ტაძრებში ლიტანიობისას შეეცდებიან, მრევლს შორის დისტანცია დაიცვან. „უმჯობესია, ღამე გახვიდეთ ქალაქში და ნახოთ, რა ხდება, უამრავი ადამიანი მოძრაობს. ჰოდა, რომ აჯარიმებენ, რატომ აჯარიმებენ? აქ კანონის დარღვევაზე კი არ არის საქმე, უსაფრთხოების ზომებს არ იცავენ. ეს არის მთავარი! ღამე რომ ბნელა, არ ჩანს, ვინ რა მანძილზე მიდის ერთმანეთთან, ამიტომ არის მე ვფიქრობ, ეს კანონი. ცოტა აზრიანად უნდა შევხედოთ ყველაფერს. ვეცდებით ლიტანიობისას დისტანცია დავიცვათ. მე არ ვიცი რას ფიქრობს და როგორ ფიქრობს ხელისუფლება, რა მოხდება აღდგომის ღამეს არ ვიცით, მაგრამ სავარაუდოდ, დღევანდელი მონაცემებით, მთავრობა სიკეთის მეტს არაფერს აკეთებს. იმედი მაქვს, უაზრო და არაგონივრული გადაწყვეტილებები არავის მიმართ იქნება მიღებული. ჩვენ ახლა რაზე ვსაუბრობთ, რამდენად იქნება საფრთხე ტაძარში აღდგომის წირვაზე შეკრება საფრთხე ეპიდემიის გავრცელებისთვის. არ გავრცელდება ეპიდემია! როგორ უნდა მოვიდეს ღამით მრევლი, ეს კითხვა მე არ მეხება, არ ვიცი. თქვენ გგონიათ მორწმუნე ადამიანები დასაქოქი თოჯინები არიან? მრევლი არის ჩვეულებრივი ადამიანები ამ ქვეყნის, სავარაუდოდ ზრდასრული ადამიანები, მოაზროვნეები, განათლებულები და მიიღებენ თავის გადაწყვეტილებას ისევე, როგორც მე მივიღებ ჩემს გადაწყვეტილებას“, - განაცხადა მეუფე ნიკოლოზმა.
Marneuli Daily
Kachaghani · 1 month ago
სულ მქონდა სურვილი, რომ ქართული ენა მესწავლებინა - ნარმინა გუსეინოვა
საქართველო არის მრავალფეროვანი ქვეყანა, სადაც სხვდასხვა ეთნოსები ცხოვრობენ. ერთი-ერთია აზერბაიჯანელები, რომლებიც ძირითადად ქვემო ქართლში არიან დასახლებულნი. მოსახლეობა ძირითადად სოფლის მეურნეობითაა დაკავებული, რაც ქვეყნის ეკონომიკაში მნიშნელოვან როლს თამაშობს. მაგრამ ქვეყნის სოციალურ და პოლიტიკურ სფეროში ნაკლებ არიან ინტეგრირებული. ამის ერთ-ერთ მიზეზს წარმოადგენს ქართული ენის ბარიერი. ჩნდება კითხვა , თუ რამ გამოიწვია ეს პრობლემის ? ამ და სხვა კითხვების პასუხები თუ გაინტერესებთ, აქტიური ახალგაზრდა ნარმინა გუსეინოვას " Marneuli Daily-თან ინტერვიუს წარმოგიდგენთ. ახალგაზრდა აქტივისტი, რომელიც თავისი ინიციატივით "Youtube " -ის არხიდან ქართული ენის გაკვეთილებს ატარებს და ამით ეხმარება ახალგაზრდებს ისწავლონ სახელმწიფო ენა. მოდით გავიცნოთ 25 წლის ნარმინა. "მე ვარ ნარმინა გუსეინოვა, 25 წლის. ვცხოვრობ რუსთავში. მაქვს ბაკალავრის ხარისხი სოციოლოგიაში ილიას სახელმწიფო უნივერსიტეტიდან, ხოლო მაგისტრის ხარისხი იმავე უნივერსიტეტიდან განათლების ადმინისტრირებაში მომენიჭა. თითო-თითო სემესტრი საზღვარგარეთ, ავსტრია და ირლანდიაში ვისწავლე " - გვეუბნება ნარმინა. ნარმინა ამბობს, რომ "YouTube"-ის არხის მეშვეობით ქართული ენის გაკვეთილების ჩატარების ბევრი მიზეზი არსებობდა და გადაწყვიტა ამ პრობლემის მოგვარებაში თავისი წვლილი შეიტანოს. "სულ მქონდა სურვილი, რომ ქართული ენა მესწავლებინა. როდესაც გარშემო ვხედავდი ადამიანებს, რომლებიც ერთმანეთთან ვერ საუბრობდნენ, ვერ უზიარებდნენ განცდებს, პრობლემებს, სიხარულსა თუ მოგონებებს მხოლოდ იმ მიზეზით, რომ არ საუბრობენ საერთო ენაზე. დაბრკოლებაა, როდესაც ადამიანებს არ აქვთ ერთმანეთთან კომუნიკაცია"-აცხადებს ნარმინა. ნარმინას Youtube-არხზე ძირითადად საშუალო დონის ქართულს ასწავლის, თუმცა, დაწყებითი დონეც ინტეგრირებულია, მაგალითად, ვიდეოს ბოლოს მსმენელს ახსენებს უცხო სიტყვებს, რომლებიც ვიდეოს განმავლობაში შეხვდათ. აღსანიშნია, რომ ნარმინას არაერთი თხოვნა მოუვიდა ენის დაწყებითი დონიდან სწავლასთან დაკავშირებით და ამიტომ, ფიქრობს, მალე ანბანიდან, დაიწყებს ვიდეოების გადაღებასა და ენის სწავლებას. "ზოგს ხომ ჰგონია, რომ ეთნიკური უმცირესობების წარმომადგენლებს არ უნდათ ენის სწავლა, აი, ამ მოსაზრების სიმცდარეში დავრწმუნდი ჩემი ვიდეობის შემდეგ. იცით, რამხელა მხარდაჭერა, სიხარული და მოტივაცია დავინახე? ადამიანებს იმედი მიეცათ, მწერენ, რომ აიღეს ცალკე რვეული და ჩემი ვიდეობიდან ამოღებულ წინადადებებს იწერენ და სწავლობენ. იმაში დავრწმუნდი, რომ ადრე სურვილის მიუხედავად ვერ სწავლობდნენ, რადგან ამის პირობები არ იყო. მედია საშუალებებისგან წამოვიდა მხარდაჭერა, ყველამ შეძლებისდაგვარად გაავრცელა, დაწერა, გააშუქა. რიგითი ადამიანები დამეხმარნენ, ზოგმა პოსტერი დამიმზადა, ზოგმა იდეა მომაწოდა, ზოგმა ტექნიკურ საკითხებში დახმარება შემომთავაზა"-ამბობს ინიციატორი. ნარმინას აზრით, არქართულენოვან მოსახლეობას შორის ქართული ენის ბარიერის არსებობის უკან ბევრი მიზეზი დგას, სწორედ ამიტომ საჭიროა ახალი მეთოდების დამუშავება. " არსებობის ბევრი მიზეზი. ბარიერის გადასალახად სკოლებში უნდა შემოვიდეს ახალი მეთოდები. ჩვენ მიერ ჩატარებულმა სოციოლოგიურმა კვლევამ საინტერესო ფაქტებიც აჩვენა. მოსწავლეები ამბობდნენ, რომ მოსწონთ ეთნიკურად ქართველი მასწავლებლების მუშაობა სკოლებში, თუმცა, მათი აზრით, პრობლემას ის წარმოადგენს, რომ ამ პედაგოგებმა არ იციან ადგილობრივი თემის ენა, მასწავლებელი მხოლოდ ქართულად ხსნის და ხშირად ეს გაუგებარიც კი არის მოსწავლეებისთვის. მათი აზრით, საუკეთესო ვარიანტში პედაგოგი უნდა ფლობდეს ორივე ენას. სახელმწიფოს მხრიდან ასეთი მიდგომა გასაგები და სრულიად მისაღებია, რადგან თემის ენაზე საუბარი, ალბათ, შეანელებდა სწავლის პროცესს. თუმცა, აქ ჩანს, რომ მეთოდები გვაქვს შესაცვლელი. ასწავლოს და ახსნას მასწავლებელმა თუნდაც მხოლოდ ქართულ ენაზე, თუმცა, გამოიყენოს ისეთი მეთოდები, რომლებიც მოსწავლეს სწავლის პროცესს გაუადვილებს". ნარმინა ამბობს , რონ მომავალში ვიდეოების გადაღებას აუცილებლად გააგრძელებს. მისი თქმით , შეიძლება, საკუთარი გეგმებისა და პროფესიონალურად განვითარების გამო დროის პრობლემა შეექმნას,, მაგრამ კვირაში სულ ცოტა ერთ ვიდეოს მაინც ატვირთავს ენის სწავლის მსურველთათვის.#ინიციატივა #უმცირესობები #ქართული ენა #marneulidaily
Tbilisi Daily
Tbilisi · 3 weeks ago
19 ივნისის ასტროლოგიური პროგნოზი
ვერძი. შეეცადეთ რ მოახდინოთ რეაგირება საკუთარ პრობლემებზე. ბედი თავად მიუჩენს თავიანთ ადგილს ყველაფერს, თქვენ კი მოთმინებისათვის დაჯილდოვდებით. ვერძების ცხოვრებაში მოსალოდნელია გარკვეული ცვლილებები როგორც ფინანსურ სფეროში, ასევე პირად ცხოვრებაში. შეეცადეთ არ წახვიდეთ სტუმრად და ნურც თქვენთან მოიწვევთ მათ. ერიდეთ ალკოჰოლურ სასმელებს. კურო. კიდევ ერთი არასასიამოვნო დღე ელით კუროებს. შესაძლოა შეჯახება მოგიხდეთ აგრესიასა და დევნასთან. ძლიერმა ემოციებმა, ან სხვისმა გავლენამ შესაძლოა მთლიანად შეგიპყროთ. შეცდომების თავიდან ასაცილებლად შეეცადეთ სიფრთხილე, თავშეკავება და გონიერება გამოიჩინოთ. არ ღირს ღამით სეირნობა და ახალი ნაცნობობის გაჩაღება. ტყუპები. თქვენ დღეს ბედის უნებლიე მძევალი აღმოჩნდებით. არაა გამორიცხული, რომ მანქანა გაფუჭდეს, ან თქვენი გეგმები ბუნებაში დასვენებაზე, ერთბაშად დაინგრეს. კირჩხიბი. საყვარელ ადამიანთან ურთიერთობაში წარმატებები გარდაუვალია. კირჩხიბებისთვის დღეს შესანიშნავი შესაძლებლობა გაიხსნება მყარი ოჯახის შესაქმნელად. ლომი. თქვენ ძალიან ბევრს ფიქრობთ. სეეცადეთ ადამიანებსაც და საგნებსაც უფრო მარტივად მიუდგეთ. დიდი უბედურება არაა თუ ყველაფერი ისე არ გამოვიდა, როგორც გინდოდათ. შეეცადეთ გაიუმჯობესოთ ცხოვრება და არ დასვათ კითხვები – „რატომ?” „რისთვის?” გათავისუფლდით სინდისის ქენჯნისგან. ქალწული. ამ ნიშნის წრმომადგენლები სავარაუდოდ არასასიამოვნო ამბავს შეიტყობენ, რაც წონასწორობიდან გამოიყვანს და დარტყმას მიაყენებს მათ განწყობასა და მდგომარეობას. შეეცადეთ არ გამოავლინოთ ძლიერი ემოციები და ნუ მიიტანთ გულთან ახლოს. იზრუნეთ საკუთარ ჯანმრთელობაზე. სასწორი. ძალიან ხელსაყრელი დღეა. ზოგიერთ ამ ნიშნის წარმომადგენელს მრავალი სიურპრიზი ელის. სამწუხაროდ ყოველი მათგანი სასიამოვნო არ იქნება, მაგრამ ბედი დაგეხმარებათ ამასთან გამკლავებაში. საქმიან სასწორებს მოუწევთ პაპრტნიორებთან ფინანსურ საკითხებზე უთანხმოების მოგვარება. ამ დღეს შეგიძლიათ საკუთარი თავიცა და ახლობელი ადამიანებიც გაანებივროთ ახალი რაღაცეებით. მორიელი. თქვენ, ისე როგორც არავის, შეგიძლიათ ასიამოვნოთ სხვები. სიურპრიზი, რომელსაც საყვარელ ადამიანს გაუკეთებთ, კიდევ უფრო მეტად დაგაახლოვებთ. ეს დღე თქვენთვის ურთიერთგეგებითა და სიყვარულით იქნება აღსავსე. მშვილდოსანი. პარტნიორებთან და ხელმძღვანელობასთან ურთიერთობაში უკიდურესად თავშეკავებულობა გმართებთ. მოუსმინეთ გამოცდილი ადამიანების რჩევებს. თქვენი კარიერა მომავალში სწორედ მათზე იქნება დამოკიდებული. თხის რქა. ამ დღეს თხის რქებს სასიამოვნო სიურპრიზი ელის საყვარელი ადამიანისაგან. ის გაიძლებთ მომავალზე დაფიქრდეთ. არ იქნებოდა ურიგო შვებულებზე დაფიქრებულიყავით, სად შეიძლებოდა ერთობლივად გამგზავრებულიყავით. სასიყვარულო ურთიერთობა უფრო მყარი იქნება. წარმატეული პერიოდია კომერციული გარიგებებისთვის. შემოსავლები გაიზრდება და დასტაბბილურდება. მერწყული. ვარსკვლავები აძლევენ შანსს მერწყულებს რადიკალურად შეცვალონ თავიანთი ცხოვრება. მოუსმინეთ ახლობელი ადამიანების რჩევებს და ცვლილებები დაიწყეთ გარდერობითა და ვარცხნილობით. ზოგირთი ამ ნიშნის წარმომადგენელი შორეული, დიდი ხნის წინ დავიწყებული ნათესავის ან მეგობრისგან ამბავს შეიტყობს. შეეცადეთ არ მიიღოთ ალკოჰოლური სასმელები და ერიდეთ ღამით სეირნობას. თევზები. შეეცადეთ ამ დღეს ძალიან ემოციურად რეაგირება არ მოახდინოთ პრობლემებზე. ბედი თავდ მიუჩენს ყველაფერს თავის ადგილს და თქვენ კი მოთმინებისათვის დაჯილდოვდებით. ყველა თქვენი დაგეგმილი შეხვედრა წარუმატებლად წარიმრთება. საქმეები კი დროისა და ენერგიის მაქსიმალური ხარჯვის შედეგად მოგვარდება.
Giorgi Kekelidze
Tbilisi · 4 months ago
ემიგრანტთა გამო
ჰოდა, ამ ერთმანეთის გამხნევების ჟამს, თუნდაც ასე, სიმბოლურად, ნუ დაგვავიწყდება ათასობით ჩვენი თანამოქალაქე, იტალიაში რომ ცხოვრობს და წლებია გვარჩენს. დიახ, გვარჩენს. დიდი წვალებით, მოთმინებით და გაუსაძლისი მონატრებით. ასე მოხდა, რომ აქამდე ექვს იტალიურ ქალაქში მოვაწყვეთ პატარა სამკითხველო. და ცოტა რამ უფრო ახლოს, უფრო შიგნიდან დავინახე. ერთხელ დავწერე და გავიმეორებ: რაღაც გაუგებარი და უცნაური სიყვარულით გვიყვარს ჩვენ ეს ხალხი. უცნაურად გვიყვარს და უცნაურადვე გვახსოვს: პირველი – ,,ევროპაშია, მაგრად არის'' მეორე – ცოტა ზიზღნარევია ან ყალბშეცოდებანრევი, ცოტა მორალის მარილითაც – ,,იქ მომვლელებად და მრეცხავებად მუშაობენ, აბა, აქ შესთავაზოს ვინმე მაგდაგვარი სამუშაო. ისედაც, უმეტესობა იპარავს, კაცო!’’ და მესამე ყალბთანგრძნობანარევი, ცოტა გამორჩენის სურვილით ნაკარნახევი – ,,ეს მელოდია ჯულიარდ ჯიქანაძისგან ეძღვნება ქართველ ემიგრანტებს’’. საზღვარსგამცდარი ქართველი ბევრია, Youtube - ზე ნახვებიც – შესაბამისი. ეს არის და ეს. გვარიანი სიუცხოვე ან უგვანო სიმღერები. ერთმა კარგმა ნაცნობმა, ალაგ–ალაგ არცთუ ცუდმა კაცმა, განათლებულმა და დავარცხნილმა, მითხრა: ,,უფ, ეს ემიგრანტი ქართველები განსაკუთრებული ბნელები არიან, წუხელ დავყევი და ყველა წავშალე Facebook-დან’’. ჯერ ერთი, რომ ასე გაზოგადება ყველა ემიგრანტზე ცოტა კომიკურია და მეორე – ცხადია, ნება მისია, საიდანაც უნდა, იქიდან წაშლის და აღადგენს, გინდ ქსელიდან და გინდ გონებიდანაც, მაგრამ ეგებ ერთხელ მაინც გვეკითხა ვინმესთვის, ვინც ბნელად მივიჩნიეთ, მხოლოდ მავნებლები ხომ არ ელაპარაკებიან, მხოლოდ მათსას ხომ კითხულობენ და ისმენენ? ჩვენ, ინტელექტუალური იერით ერთამენთს ვუჩურჩულებთ, ეს ჩურჩული უვიწროეს წრეში იტრიალებს, ორას მოწონებას მოაგროვებს და მერე, თქვენი მოწონებული, ისე დავიძინებთ. ის სამყარო, დანარჩენი, ჩვენ მიღმა არსებობს და არ ვიმჩნევთ. და იოლად ვჩემპიონდებით ტრადიციულ, ეროვნულ სპორტში, ილია რომ ებრძოდა და ,,სპორტსმენებმა’’ მორიგი ,,გარბენისას’’ გადაქელეს. ერთმეთთან სათქმელის არმიტანაა ეს სპორტი. ხელოვნური კასტურობა და ვერგატანა. დიახ, ქართველი ემიგრანტები კრიმინალებიც არიან. და ასე ხუთი–ექვსი კულტურის ვარსკვლავი. ვიცით ეს. მაგრამ მგონი მარტო ეს ვიცით. არადა, ქართველი ემიგრანტები არიან სტუდენტები, დღეგამოშვებით რომ პატიოსნად მუშაობენ. არიან ძალიან, ძალიან ნიჭიერი ადამიანები, რომელთაც უკვე ბევრს მიაღწიეს, მაგრამ ამ ფარდიდან ძნელად მოჩანს, არიან მომვლელები და მრეცხავები, შაბათობით პატარებს ქართულს და მათემატიკას რომ ასწავლიან საკვირაო სკოლაში. დიდები და პატარები. ეს ხალხი ღონისძიებაზე კატორღული სამსახურიდან ერთი საათით შემოირბენს და ამაოდ მალავს დიდ დაღლას და სევდას. არ იმჩნევს და არ გამჩნევინებს. ,,გავიქეცი ახლა ჩემს ბებოსთან მოსავლელად’’ – ნაძალადევი მხიარულებით მითხრა ერთხელ ერთმა ქალმა ქალაქ ბარიში და მძიმე ნაბიჯებით წავიდა. ამ ადამიანებმა, განსაკუთრებით ქალებმა გადაარჩინეს საქართველო ფიზიკურად და ახლაც როდი აქვთ მცირე წვლილი. დანარჩენი ჩატეხილი ხიდის ამბავია. 26 მაისს, რომის მთავარ ბიბლიოთეკაში ქართული წიგნის კუთხის გახსნა იგეგმებოდა. არ ვიცი, მოხერხდება თუ არ. იმედი მაქვს რომ კი. ჩემი სოლიდარობა იტალიელ ხალხს და რა გასაკვირია, რომ განსაკუთრებით, იქ მცხოვრებ, ჩვენგან მივიწყებულ ქართველებს. კორონა წავა მალე! #გიორგიკეკელიძე #giorgikekelidze
Black Catmeowl
Tbilisi · 1 month ago
ვუდუ და წყევლა
ვუდუ – წარმოადგენს აფრიკული სპირიტულ-ამინისტური რელიგიის ტრადიციებს და ევროპული კათოლიციზმის სინთეზს. (ანიმიზმი ეს არის სულისა და სულიერების არსებობის რწმენას. ანუ სული ამოძრავებს სხეულს და ასევე სწამთ, რომ რწმენით უსულო საგანსაც აამოძრავებენ სულის შთანერგვით).. ვუდუს მიმდევრები რიტუალის დროს იყენებენ შინაურ ფრინველებს, როგორიცაა შავი მამალი ან ინდაური, თხის სათესლე ჯირკვლებს და სისხლს. ასევე ხარსაც სწირავენ. ეს სპირიტული რიტუალი საშუალებას აძლევთ დაუკავშირდნენ ნებისმიერი ადამიანის სულს, მოიპოვონ მისი მართვა და შესაბამისი კონტროლი. როგორც ზემოთ ნახსენები იყო ეს არის ანიმისტური რიტუალი, რომელიც საშუალებას აძლევთ უსულო საგანსაც კი “მიაბან” ვინმეს სული. ობიექტად იყენებენ ხელნაკეთ თოჯინას, რომელიც ხშირ შემთხვევაში არის ცვილის. ასევე თოჯინას აკეთებენ ბამბისგან. ცდილობენ ცვილის თოჯინა მიამსგავსონ იმ პიროვნებას მეტი რწმენისთვის და თავდაჯერებულობისთვის. სპეციალური შელოცვისა და რიტუალის შემდეგ შეუძლიათ ადამიანს ფიზიკური ზიანი მიაყენონ ვუდუ თოჯინის გამოყენებით. თოჯინის შექმნისას უნდა გამოიყენონ მსხვერპლის თმა, ფრჩხილი ან ტანისამოსი. მაგალითად: თუ შემლოცველს უნდა, რომ ადამიანმა ვერ გაიაროს, ამისათვის იღებენ 2 ცალ ქინძისთავს და უყრიან თოჯინას მუხლში ან კოჭის მიდამოებში.ნამდვილად მოქმედია ვუდუს თოჯინაზე შელოცვა და მისით ადამიანის მანიპულირება. დიდი ხნის ტრადიცია დახვეწილი და გამოცდილია წლების მიერ. სპეციალური შელოცვის დროს მან უნდა გაითვალისწინონ ისიც, რომ თოჯინა არ შემობრუნდეს, რადგან თუ ვუდუს თოჯინა შელოცვისას მლოცველისკენ შებრუნდა, წყევლა მასზე გადადის… არსებობს ასევე ვუდუს ზომბი და “გრი გრი”. ვუდუს ზომბი, ეს არის გაცოცხლებული მიცვალებული, რომელსაც აზროვნების უნარი არ გააჩნია და მხოლოდ მისი მბრძანებლის დავალებით მოქმედებს. “გრი გრი” კი არის ვუდუს თილისმა, რომელიც მფლობელს იცავს ავი სულისგან. “გრი გრი” ეს არის ქისა, სადაც მოთავსებულია თმა, ძვლები, ბალახი, ზეთი და ასევე საფლავის მიწაც. მას თან არავინ არ ატარებს, რადგან ის სახიფათოა. ვუდუ არის სპირიტული რელიგია. რელიგია, რომელიც თავისი რიტუალით ჯადოქრობასაც ითვალისწინებს რომლის მიმდევრები არიან ჰაიტიზე, ბრაზილიასა და ა.შ.შ.-ში. ასევე გვხვდებიან მთელს მსოფლიოში და მისი მიმდევარი მილიონობით ადამიანია... რა არის წყევლა? წყევლა ეს არის გამიზნული დარტყმა ადამიანზე, გარკვეული ნეგატიური ენერგიების ერთობლიობით, ჩენს ცხოვრებაში ხშირად ვხვდებით წყევლის ფაქტებს, როდესაც ადამიანის ბრაზი პიკს აღწევს, ნუ როგორც იტყვიან "თუ გულიდანაა წყევლა წარმოთქმული" ძალიან დიდი გავლენა აქვს ადამიანზე და ძნელი სამართავია, წყევლის სიტყვების წარმოთქმა გავს ცუდ წერილს, რომელიც უნდა მივიდეს ადრესატამდე, მაგრამ წერილი როდი მიდის ყოველთვის ადრესატთან. სიტყვა უბრალო ბგერები არ არის, რომელიც წარმოითქმება და ჰაერში გაიფანტება, წავა, უკვალოდ გაქრება, როგორც ამას, სამწუხაროდ, ბევრი ფიქრობს. მას უდიდესი დატვირთვა აქვს, ამიტომ რეკომენდებულია თავი ანებოთ უბრალო წყევლას მიუხედავათ იმისა, რომ ამას ექნება დიდი მოტივაცია თუ არა. პრაქტიკაში უფრო ხშირია მომენტები, როცა წყევლა მოქმედებს როგორც ფარული ნაღმი, რომელიც შიგნიდან ნელ-ნელა ეტაპობრივად "ჭამს" ადამიანს სრული ამ სიტყვის მნიშვნელობით, ასევე არსებობს მომენტები, როდესაც წყევლა თავის დროს ელოდება და ადამიანს ყველა ბედნიერ მომენტში ატყდება თავს, ყველაფერი დამოკიდებულია ადამიანზე, რომელიც გასცემს ამ ცუდ ენერგიას(დარტყმას), დამოკიდებულია კონკრეტულ წყევლის ტექსტზე. მოკლედ ძალიან ბევრ შემთხვევას შეხვდებით და გაიგებთ თუ დაინტერესდებით. ზემოთ ვახსენე და შევეხები კიდევაც თემას რატომ არ სრულდება ყოველთვის წყევლა? ამის მიზეზი(ხშირ შემთხვევაში) გახლავთ მოტივაციის ნაკლებობა მაგალითად ადამიანი, რომელიც ყველა მცირედ სიბრაზეზე იწყევლება "ჯანდაბა თქვენ"", სიკვდილი და არ გადარჩენა" და ა.შ (ნუ მოკლედ აღარ დავკონკრეტდები მიხვდით ალბათ რასაც ვგულისხმობ), არ სრულდება. სიკვდილის წინ დანატოვარი წყევლა ასეთი წყევლა ყოველთვის ძლიერია ვიდრე სხვა, მოდით ცოტა ახლოდან შევხედოთ ამ საკითხს, ეს გავს ვულკანურ ამოფრქვევას სიტყვაზე მოხდა შემდეგი სიტუაცია : პირველმა პიროვნებამ დიდი ზიანი მიაყენა მეორე პიროვნებას, მოუკლა ნათესავი, საყვარელი ადამიანი, ოჯახის წევრი, სიტუაცია ასე განვითარდა : მეორე პიროვნება მძიმედ გახდა ავად და სიკვდილის პირას მივიდა, დარჩა დამუთავრებელი საქმე ეძია შური მკვლელზე მაშინ ის მთელი ძალით ნანობს და ცდილობს რამეთი ზიანი მიაყენოს მკვლელს, გამოყოფს ძლიერ ემოციურ ნაკადს, ნეგატიურ ენარგიას და კონკრეტულად მიმართავს პირველ ადამიანზე, ასეთ დროს ადრესატს კარგი დღე არ დაადგება და იმის ნაკლები შანსია, რომ წყევლა "დაიკარგოს". როგორც იტყვიან მომაკვდავის სიტყვა კანონია. ამგვარი წყევლის დროს ვერავინ დაგეხმარებათ ვერც ვერანაირი "მჯღიბავი", ყველაფერს ჯობს საკუთარ ცხოვრებას გაუფრთხილდეთ. "ჯადოქრის" წყევლა წარმოიდგინეთ შავი დღისთვის გადანახული ფული, იგივე პრინციპია, როდესაც ჯადოქარი ინახავს თავის წყევლას შავი დღისთვის, უხეშად, რომ ვთქვათ ზრდის მას და აწრთობ ამოქმედების დროს კი "უშვებს" ადრესატთან, არავის გაუკვირდება თუ ვიტყვით, რომ ჯადოქარს შეუძლია კავშირი დაამყაროს ზებუნებრივ ქმნილებასთან რითი დახმარებითაც ის შეძლებს განახორციელოს დარტყმა მტრისკენ. წარმატებები სულ ეს იყო მგონი რაღაც წარმოდგენა შეგექმნათ. არავინ იფიქროს ჯადოქარი გახვდები და ქალაქს მიწაში ჩავიტანო, რადგანაც "მუქთა" არაფერი არ არის და ბუნებაში არაფერი იკარგება.
Tbilisi Daily
Tbilisi · 6 days ago
რას წერს შაქარაშვილის გარდაცვალების საქმის მოწმე ფოტოგრაფის დედა?
ჩემი შვილი ხომ ერთადერთი იყო, ვინც სამართალდამცავებს დახმარებისთვის მიმართა? დაფიქრდით, 19 წლის ბიჭი რომ ასეთ ვითარებაში მოახერხებს უშველოს თავს და დარეკოს პოლიციაში, მერე რატომ წაშლის რამეს, თუკი აქვს გადაღებული? , - ამის შესახებ სოციალურ ქსელში 19 წლის ფეხბურთელის გიორგი შაქარაშვილის გარდაცვალების საქმის ერთ-ერთი მოწმის, ფოტოგრაფ იაკობ ბრეგვაძის დედა წერს. როგორც ფოტოგრაფის დედა აღნიშნავს, ინციდენტის ღამეს ბრეგვაძეს არც მისთვის და არც ნინო გიორგობიანისთვის არ დაურეკავს. იაკობ ბრეგვაძის დედის პოსტს უცვლელად გთავაზობთ. „უპირველესად, მინდა, მივუსამძიმრო გარდაცვლილი გიორგი შაქარაშვილის ოჯახს. მე, 7 შვილის დედა და 6 შვილიშვილის ბებია ვარ, 18 წლის წინ მეუღლე გარდამეცვალა, რომელიც სასულიერო პირი იყო და ამხელა ოჯახს მარტო ვუძღვები. წარმოდგენაც არ მინდა იმ ტკივილის, რასაც ახლა გარდაცვლილის ოჯახი გრძნობს. ეს ენით აღუწერელი ტრაგედიაა და სანუგეშო სიტყვებიც არ მაქვს! არავის ვუსურვებ მსგავს უბედურებას... ამავდროულად, როგორც იაკობის დედა, თავს ვალდებულად ვთვლი, ატეხილი აჟიოტაჟის გარშემო განმარტება გავაკეთო. ამ პოსტს არ ვწერ მათთვის, ვინც ისედაც ტყუილებს ავრცელებს და სიმართლე არ აინტერესებს, ამ დღეებში კი ტყუილი ნამდვილად ბევრი ითქვა. შემაძრწუნებელია, რომ ასეთ ფაქიზ თემას ზოგიერთი მედია ისე აშუქებს, რომ არც გარდაცვლილის ოჯახზე ფიქრობენ, არც დაზარალებული არასრულწლოვნების ფსიქიკაზე და არც ეთიკა გააჩნიათ. არაფერი მაქვს დასამალი და მზად ვარ, ყველა გაჩენილ დამატებით კითხვას ვუპასუხო. უპირველესად, საქართველოში ვცხოვრობთ, სადაც ყველა ყველას ნათესავია. ნინო ჩემი ბიძაშვილია და ეს მეამაყება. რაც შეეხება იმ საბედისწერო ღამეს, იაკობმა არამცთუ ნინოს, მეც არ დამირეკა, მომხდარის შესახებ მხოლოდ რამოდენიმე დღის მერე გავიგე, თუმცა, ასეთ მძიმე ფაქტთან თუ გვქონდა საქმე, ნამდვილად არ ვიცოდი. იცით, რომ ფოტოგრაფი კამერის გარეშე ვერ იმუშავებს და ტელეფონის გარეშე ვერ დაუკავშირდებიან დამკვეთები, არადა, ეს მისთვის დღეს შემოსავლის ერთადერთი წყაროა და თავს შეკვეთებით ირჩენს. ბუნებრივია, ვრეკავდი ყველასთან, ვისთანაც ხელი მიმიწვდებოდა, რომ დაებრუნებინათ ტელეფონი და კამერა , მათ შორის დავრეკე ნინოსთანაც. ნინო ჩამეკითხა, თუ რატომ ჰქონდა ჩემს შვილს ისინი ჩამორთმეული და გაუკვირდა, რომ ამ საქმეში ჩემი შვილი ფიგურირებდა, დიდი ხანია არ შევხმიანებივართ და იაკობისა და მისი საქმიანობის შესახებაც მისთვის არაფერი იყო ცნობილი. მიპასუხა, რომ ტელეფონი და კამერა მნიშვნელოვანი ნივთმტკიცებულებაა და სანამ გამოძიება არ დამთავრდებოდა, ვერავინ ვერაფერს დაგვიბრუნებდა. ამ ფაქტის გადამოწმება ძალიან მარტივად არის შესაძლებელი და ვინც დაინტერესებულია სიმართლით, შეუძლიათ ჩვენი საუბრის ამონაწერიც ამოიღონ, მე ამის პრობლემა არ მაქვს, პირიქით! 112 -ის ჩანაწერებითაც ჩანს, თუ როდის ვის და ვისთან აქვს დარეკილი. რაც შეეხება "დაქირავებულ ფოტოგრაფს"- დაეკითხეთ მოწმეებს, ვინმეს თუ დაუნახავს წვეულებაზე, რომ იაკობს კამერა ეჭირა ხელში და იღებდა? ჩემი შვილი იქ სტუმრად იყო, და დღეს პირიქით, ნანობს კიდეც რომ არაფერი გადაიღო, ნეტა გადამეღოო…იუბილართან მეგობრობს და მან დაპატიჟა, სხვებს არ იცნობდა... ხიდზე, ვიდეოშიც ჩანს, რომ ბიჭები სულაც არ მოელოდნენ საფრთხეს, მშვენიერ ხასიათზე იყვნენ და როდესაც გაჩერდა მანქანა და რკინის ჯოხით გადმოვიდა თავდამსხმელი, მანდ უკვე გადაღებაზე კი არა, სიცოცხლის გადარჩენაზე ფიქრობდა იაკობი. მადლობა ღმერთს, რომ შეძლო იმ შენობისთვის თავი შეეფარებინა, თორემ, რა მოხდებოდა, წარმოდგენაც არ მინდა! ნეტა, გიორგიც გადარჩენილიყო... მრჩება შთაბეჭდილება, რომ ზოგიერთ მედიასაშუალებას მაყურებლის ყურადღება სხვა მიმართულებით შეგნებულად გადააქვს, რომ ნამდვილი დამნაშავე არ გამოიკვეთოს. ვინც ეხლა განსჯის იაკობს და ტყუილებს უვრცელებენ, ვურჩევ, დაფიქრდნენ და გაანალიზონ, ვის აწყობს ეს ყველაფერი და რატომ ატყდა ასეთი ამბავი ერთ ზარზე პოლიციაში? ჩემი შვილი ხომ ერთადერთი იყო, ვინც სამართალდამცავებს დახმარებისთვის მიმართა? დაფიქრდით, 19 წლის ბიჭი რომ ასეთ ვითარებაში მოახერხებს უშველოს თავს და დარეკოს პოლიციაში, მერე რატომ წაშლის რამეს, თუკი აქვს გადაღებული? ის დაზარალებულია და მაინტერესებს, რატომ აძლევენ თავს უფლებას რომ აბულინგონ ჩემი შვილი და მკვლელი ეძახონ? იაკობი გარდა იმისა, რომ ამ საქმის დაზარალებულია, ის დღეს უკვე ზოგიერთი მედიასაშუალებებისა და საზოგადოების ჯგუფების მხრიდან ფსიქოლოგიური ზეწოლის მსხვერპლია... ეს დაუშვებელია! იმედია, ყველაფერი მალე დასრულდება და სიმართლეს ფარდა აეხდება!“- წერს ფოტოგრაფის დედა სოციალურ ქსელში.
M Mea
Málaga · 1 year ago
ქალი, როგორც ასეთი 🤗 პირველი პოსტი ახალ სოც. ქსელში 🙄 წარმატებები ყველაფერს ქართულს! 🇬🇪
Pirveliradio Ge
Tbilisi · 3 months ago
უნდა შევიგნოთ, რომ არც დაბადების დღის, არც სამწუხაროდ, ქელეხისა და ქორწილის გადახდის დრო არ არის
საქართველოს პრეზიდენტი სოციალურ ქსელ "ფეისბუქზე" გავრცელებულ ვიდეომიმართვაში საზოგადოებას დაბადების დღის მოლოცვისთვის მადლობას უხდის და აღნიშნავს, რომ კორონავირუსის გავრცელების პრევენციის მიზნით, პირადი მაგალითის საფუძველზე, საქართველოს მოსახლეობას დაბადების დღეებსა თუ თავყრილობებზე შეკრებების თავშეკავებისაკენ მოუწოდებს. ის აცხადებს, რომ კორონავირუსით შექმნილი ვითარება ქვეყნისათვის დიდი გამოწვევაა, რომელსაც ერთად უნდა გავუმკლავდეთ. „მე მინდა, დიდი მადლობა გადაგიხადოთ ყველას, ვინც დღეს გამიხსენეთ და გაიხსენეთ ჩემი დაბადების დღე. დიდი მადლობა, რომ ასეთ მდგომარეობაში შეგიძლიათ გაიხსენოთ სხვა ადამიანები, ეს არის ჩვენი სიძლიერე. ტრადიციულად, ჩემს დაბადების დღეს ჩემს ქალიშვილთან ერთად ვიხდი, რომელიც 24 მარტსაა დაბადებული, ის ამერიკაშია და სამწუხაროდ, იქიდან ვერ ჩამოდის; მეორე შვილი, თეიმურაზი, პარიზშია, ისიც ვერ ჩამოდის და ამიტომ ვერ მოვახერხეთ, რომ ერთად, ოჯახურად გადამეხადა ეს დაბადების დღე. მაგრამ ეს დღევანდელ დღეს ბევრის ხვედრია. ვიცი, რომ ბევრი თქვენგანის ოჯახის წევრები სხვადასხვა ქვეყნებში არიან: იტალიაში, ესპანეთში, საფრანგეთსა და გერმანიაში, სადაც ძალიან მძიმე პერიოდია. ვიცი, რომ თქვენ ყველა ფიქრობთ და სწუხხართ მათზე. მათი ნაწილი ჩამოვა ალბათ, ყველაფერს ვეცდებით, რომ ვისაც ჩამოსვლის სურვილი ექნება, საშუალებაც ჰქონდეს; მაგრამ ეს ძალიან მძიმე პერიოდია ყველასათვის. მე ამას გიზიარებთ და მესმის, რომ ჩვენ ეს უნდა გადავიტანოთ. ეს არის ის გამოწვევა, რომელსაც ერთად, თუმცა დისტანციურად უნდა გავუმკლავდეთ. ამ მიმართვით მინდოდა იმის მაგალითი მომეცა, რომ მე დღეს სახლში მეგობრებთან ერთად არ აღვნიშნავ დაბადების დღეს. უნდა შევიგნოთ, რომ არც დაბადების დღის, არც სამწუხაროდ, ქელეხისა და ქორწილის გადახდის დრო არ არის. ეს ყველაფერი ცოტა ხნით უნდა გადავდოთ და შემდეგ უფრო ბევრად სხვაგვარად გადავიხდით ყველაფერს. დღეს არა! დღეს არც მეგობრებთან არ უნდა შევიკრიბოთ! ეს არის ჩვენი ვალდებულება ჩვენი მეგობრების მიმართ, რათა მათ არ შევუქმნათ საფრთხე, რადგან დღეს ნებისმიერი ჩვენგანი, ისე რომ შეიძლება არც ვიცოდეთ, ვიყოთ ვირუსის გადამტანი, ასე რომ ძალიან უნდა გავუფრთხილდეთ ჩვენს ახლობლებს, ოჯახს, მეზობლებსა და ჩვენი ქვეყნის ყველა მკვიდრს, ჩვენ ყველაზე ვართ პასუხისმგებელნი – მე, პირველ რიგში და თქვენ, ჩემთან ერთად! მინდა ყველას, კიდევ ერთხელ, მადლობა გადაგიხადოთ, გაგამხნევოთ, ეს მხოლოდ დროებითია, მაგრამ ის დრო რაც გასავლელია, ძალიან მნიშვნელოვანია! ჩვენ ძლიერები გამოვალთ იმ განსაცდელისგან, თუკი ამ საკითხს, როგორც ინდივიდუალური და ისე, კოლექტიური პასუხისმგებლობით მივუდგებით. ხვალინდელ დღეზე პასუხისმგებლობა კი ყველას ეკისრება, ეს უნდა შევიგნოთ და ეს ტვირთი ყველამ ერთად უნდა ვატაროთ! ძნელია, მომავალ დღეებში კიდევ უფრო რთული იქნება, მაგრამ საბოლოო გამარჯვება ჩვენი იქნება, თუ ერთად შევძლებთ მოვიქცეთ, როგორც ცივილიზებული ქვეყანა, უაღრესად ცივილური და პასუხისმგებლიანი ერი! მე ეს მჯერა, მჯერა თქვენი და საკუთარი თავის! ერთად ჩვენ შევძლებთ!“ – განაცხადა საქართველოს პრეზიდენტმა მიმართვაში, რომელიც სოციალური ქსელით გაავრცელა.
AstroGeorgia
Tbilisi · 6 days ago
მალხაზ გველუკაშვილი - აზრები
1. არაფერი ხდება შემთხვევით, ყველა შემთხვევითობა კანონზომიერია. ყოველი მარცხი ჩვენი არასწორი არჩევანის და ყოველი უბედურება - ჩვენი გაურკვევლობის შედეგია. ამიტომ, უნდა გამოვიკვლიოთ საგანთა არსი. არსში წვდომა საშუალებას მოგვცემს - გავაკეთოთ სწორი არჩევანი (ჰო, ან არა). გამოირიცხება შემთხვევითობა და წარმატება გარდუვალი გახდება. 2. ცხოვრება ომია, რომელშიც უნდა გამოვიწრთოთ, თუ გვინდა რომ ბიჯით წავიწიოთ წინ. გამარჯვება თავისით არ მოდის, ის უნდა მოვიპოვოთ. 3. იმისათვის რომ გაიმარჯვო, ჯერ უნდა გაძლიერდე. იმისათვის რომ გაძლიერდე, აუცილებელია რომ გაათავისუფლო ნება მონობისაგან, გონება პირობითობებისაგან და რწმენა კერპებისაგან. თუ შენი ბრძოლა სამართალიანია და გჯერა რომ გაიმარჯვებ, აუცილებლად გაიმარჯვებ, რადგან ბოლო სიმართლისაა... და ბოლოს, ნუ გეშინია, რადგან შიში და სიკვდილი მეგობრები არიან... 4. ყველა განუხორციელებელი მიზანი - ცარიელი მიზანია. მოქმედება მხოლოდ მაშინ იქცევა მოქმედებად, როცა მას განსაზღვრავს ნება. ამიტომ ამბობენ ძველი წმინდა და საკრალური წიგნები, რომ ადამიანები განისჯებიან არა თავიანთი აზრებითა და მიზნებით, არამედ მათი საქმეების მიხედვით. იმისათვის რომ ვიყოთ, უნდა ვიმოქმედოთ. 5. ნებისმიერი ფენომენის (ადამიანის, საგნის, სიცოცხლის და თუნდაც ზოგადად პროცესის) არსებობა პირდაპირ ან ირიბად კავშირშია სხვა ფენომენის წარსულთან, აწყმოსთან და მომავალთან. შეგრძნება იმისა, რომ ისინი დამოუკიდებლად არსებობენ და მათ შორის არანაირი კავშირი არ არის, დაფუძნებულია ან არასრულფასოვან ცოდნაზე, ან ფენომენთა არსში წვდომის უუნარობაზე. 6. ლაო ძიმ ბრძანა - სახელებმა დასაზღვრეს საგანთა საზღვრებიო. სახელი დეფინიციაა. ამიტომ ყველაფერს დაარქვით თავის სახელი და ის თავის საზღვრებში მოექცევა... ვეღარ გადმოკვეთავს თქვენს მიერ გავლებულ წითელ ხაზს. ნუ მოგერიდებათ!.. და ჩინელი ბრძენკაცის კიდევ ერთ ფრაზას გაგახსენებთ - უწოდე სნეულებას სნეულება და გაგეცლება სნეულება. 6. გაგება, გაცნობიერება, ცოდნა იძლევა კონტროლის საშუალებას. რაც მეტია ცნობილი ობიექტის შესახებ, მით უფრო იოლია მასზე კონტროლის განხორციელება. ცოდნაა ჭეშმარიტი ძალაუფლება. 7. გააცნობიერეთ საკუთარი "მე". ვერ იქნებით სხვისთვის ბოროტი, თუ გააცნობიერებთ რა საშინელების მოტანა შეუძლია ამა თუ იმ ბოროტებას თქვენთვის... ამიტომაა ნათქვამი - შეიცან თავი შენი. 8. ტრანსცენდენტალური სიყვარული ეს არის შესაქმის პირველადი იმპულსი და მიზეზი. სიყვარული, თავისი არსით, ზეგრძნობადია და მისი ნებისმიერ ასპექტში განხორციელება გამოვლინებაა სასიცოცხლო და შემოქმედებითი ენერგიებისა. ტრანსცენდენტალური სიყვარული, როგორც ბინერი, წინააღმდეგობათა ერთიანობაა, რაც მის ნეიტრალურ სახეს განსაზღვრავს. მასში აქტიური და პასიური ელემენტები გაწონასწორებულ მთლიანობაში გვხვდებიან. ე.ი. სამყაროში არსებობს მხოლოდ სიყვარული და მას არ გააჩნია არანაერი და არავითარი წინააღმდეგობა. რაც შეეხება ისეთ გრძნობებს, როგორიცაა სიძულვილი და ვნება, ადამიანთა დაცემული ნების, იგივე ნებელობის შედეგნი არიან. ისინი სიყვარულის საპირწონე (დაპირისპირებულ) მცნებებად ვერ გამოდგებიან: რაც უფრო მოიცავს ადამიანის სამშვინველს სიყვარული, მით უფრო ღრმაა (ინტელექტუალურია) ადამიანი. აკი თქვა კიდეც არისტოტელემ - მთავარია სიღრმე და არა სიფართოვეო. P.S. როცა ვახსენებ ინტელექტს, მე არ ვგულისხმობ მწიგნობრობას,.. მე ვგულისხმობ ღმერთისა და სამყაროს შეგრძნებასა და ხედვას. ამას სიბრძნე ეწოდება. ჩემს ახალგაზრდობაში ბევრი მოხუცი მინახავს, თავის სოფელს რომ არ გასცდენია და არც არანაირი წიგნი რომ არ წაუკითხავს, სიყვარულითა და სიბრძნით იყვნენ სავსე. სწორედ ისინი იყვნენ ნამდვილი ინტელექტუალები. მათ იცოდნენ ავისა და კარგის გარჩევა. ისინი არც ზოგიერთი თანამედროვე ფილოსოფოსივით, მიწაზე პირქვედამხობილნი რომ ცდილობენ ზეცის დანახვას, და არც თანამედროვე ფანატი-სექტანტებივით, ცაში გულაღმა რომ კიდიან და მიწას ვერ ხედავენ, არ იქცეოდნენ... ისინი ფეხზე იდგნენ, თავს ასწევდნენ და ზეცას ხედავდნენ, დაწევდნენ და მიწას... ისინი არც მატერიალისტები იყვნენ და არც იდეალისტები, ისინი რეალისტები იყვნენ... და ისინი ასეთები იყვნენ იმიტომ, რომ მათ უყვარდათ ღმერთი და სამყარო, ოჯახი და სამშობლო... ისინი იყვნენ ისეთები, როგორიც უნდა იყოს კაცი იდეაში... და როცა კაცი კაცია, მაშინ ქალიც ქალია... ხოლო კაცი, რომელსაც ქალი არ უყვარს, არც სამყარო უყვარს... 9. ღმერთი უსასრულო სიკეთე და სიყვარულია. მთელი სამყარო ლაპარაკობს მასზე და მის შესახებ; მაგრამ ყველაზე უკეთ მასზე მისი სიმშვიდე და სიჩუმე მეტყველებს. 10. ადამიანურობის ერთერთი არსობრივი საფუძველი თანაგრძნობაა. თუ ნაგავში ცხოვრობ და ნაგვის სუნი არ გაწუხებს, თავადაც ნაგავი ხარ! თუ შენს გარშემო ბოროტება ზეიმობს და შენ ეს არ გაწუხებს, უზნეო ხარ! თუ შენს გარშემო ხალხი შიმშილით იხოცება და შენ ყოველდღე სავსე სუფრასთან თუნდაც სიყვარულის, ანდა სიკეთის სადღეგრძელოს ამბობ, ნაძირალა ხარ!... ჰოდა, ეცადე იყო ადამიანი! 11. ყველაზე საშიში სამართლიანი მძვინვარებაა,.. განსაუთრებით მაშინ, თუ ეს მძვინვარება საყოველთაოა... ამიტომ უფრთხილდით სამართლიან მძვინვარებას! 12. თუ ნებისმიერ ორ "სიმრავლეს" აქვთ ერთი ან რამდენიმე საერთო ელემენტი, მაშინ ეს "სიმრავლეები"ერთმანეთზე ზემოქმედებენ ამ საერთო ელემენტის (ან ელემენტთა) მეშვეობით. ასე, რომ ერთი "სიმრავლის" მართვა გვეხმარება მეორე "სიმრავლის" მართვაში,.. მართვის ხარისხი დამოკიდებულია საერთო ელემენტთა რაოდენობაზე. p.s. ეძებეთ დღევანდელ ე.წ. საპარლამენტო პოზიციას და ოპოზიციას შორის საერთო ელემენტები და შეძლებთ როგორც რეალობის შეფასებას, ასევე პროცესების მართვას. 13. ყოველი სიტყვა თავის მოქმედების არეალში ჰქმნის იმას, რასაც ამტკიცებს. 14. ანტიქრისტე ჰიპერფიზიკური სუბსტანციაა, რომელიც თავის თავში ატარებს მკაცრად უარყოფით და დამანგრეველ პოტენციალს, მატერიალურ სამყაროში გამოვლენის შესაძლებლობით... ფრთხილად, მას ჩვენ უკვე ჩვენს ყოველდღიურობაში ვხვდებით!.. ის ყოველდღე ცდილობს სხვადასხვა გზებით ჩვენს განადგურებას,.. ხოლო როცა გკლავენ და თავს არ იცავ, თვითმკვლელი ხარ!.. ჩვენ თუ არ გვინდა, ჩვენ თუ არ დავთანხმდით, ჩვენ ვერავინ მოგვერევა!.. სიყვარულისთვის ბრძოლა კურთხეულია... 15. ერთი და იგივე ქმედება, ერთსა და იმავე პირობებში, ერთსა და იმავე შედეგს იძლევა... გამოიკვლიეთ, რომელი ცვლილებები უფრო აუცილებელია და როგორ უნდა შეინარჩუნოთ იგი (სამუდამოდ თუ არა, რაც შეიძლება დიდხანს მაინც) - ესაა წარმატების ფორმულა. 16. კაცი რომ მოკვდება ქართველები ვიტყვით - გარდაიცვალაო, ანუ გადავიდა არსებობის ერთი მდგომარეობიდან მეორეში... საუბედუროდ, ჩვენს ცნობიერებაში ამ სიტყვამ თავისი სიღრმული შეგრძნება დაკარგა,.. "გარდაცვალება" და "სიკვდილი" სინონიმებად იქცნენ. იშვა სიკვდილი და თან მოიტანა "შიში"... შიში და სიკვდილი ერთმანეთის პროპორციული მცნებებია. სიკვდილის შეგნება ბადებს შიშს და ნებისმიერი შიში - სიკვდილის შიშია. სიკვდილის შიში კლავს რწმენას, რწმენას სულის მარადიულობის შესახებ. იქმნება ილუზია არსობის ამაოებისა. რწმენის სიკვდილი სიყვარულის სიკვდილია და ამდენად შიში კლავს სიყვარულს. სიყვარულის სიკვდილი ბადებს ბოროტებას და აქედან, უსიყვარულოდ ადამიანი იქნება ეს თუ საზოგადოება,ბოროტია. ასე რომ, შიში ურწმუნოებისა და ბოროტების საფუძველია. 17. სოდომის ცოდვა, ყველა ტრადიციის მიხედვით, ყველაზე დიდი ცოდვაა... ჩემის ღრმა რწმენით, ეს არის სვლა სამყაროს კანონების წინააღმდეგ... ამ კანონთა წინააღმდეგ ომში კი ჯერ არავის გაუმარჯვია... უფალი გვასწავლის: "რასაც მიწაზე შეკრავთ, ზეცაშიც შეკრული იქნება, და რასაც გახსნით მიწაზე, გახსნილი იქნება ზეცაშიც" /მათე 18.18/. დიახ, "ვისაც ყური აქვს, ისმინოს"... არსებობს ტრანცენდენტალური ეთიკა (მორალი, ზნეობა...), და მას ვერავინ გაექცევა... ტრანცენდენტალური სამართლისა და სასამართლოს (ოკულტურ მეცნიერებათა მიხედვით, იგივე - უმაღლესი სასამართლო) წინაშე ყველანი ვართ პასუხისმგებელნი, და ისე ნუ ვიზამთ, რომ მთელი სამყარო თავზე დაგვემხოს... ერთიანი მსოფლიური (იგულისხმება, როგორც ფიზიკურ, ასევე ასტრალურ და მენტალურ სივრცეთა ერთიანობა) ველის დაბინძურების უფლებას არავინ მოგვცემს, რადგან ეს იქნება ტრანსცენდენტალური სიყვარულისა და ტრანცენდენტალური სიცოცხლის რღვევის დასაწყისი.სასიცოცხლო ენერგია მხოლოდ ბინერში (ბინერი - წინააღმდეგობათა ერთიანობაა: აქტიური და პასიური, ჰო და არა, მამაკაცი და დედაკაცი, და ა.შ.) იქმნება, და ჩვენ ამ კანონის დარღვევას არ გვაპატიებენ... მე იმას ვამბობ, რაც უეჭველი ვიცი (საიდან, ნუ მკითხავთ) და დაჯერება თქვენი ნებაა... და კვლავ დიდი მოწიწებით გავიმეორებ მაცხოვრის სიტყვებს - "ვისაც ყური აქვს, ისმინოს". 18. დაოსური ფიზიოლოგიის მიხედვით ანუსიდან ხუთი დიაგონალი გამოდის, რომელთა მეორე ბოლო თავის ტვინში, ყიფლიბანდთან იკრიბება, მანამდე გაივლის მთელ ტვინს... დასკვნა თავად გამოიტანე - შესაძლებელია ტვინდაზიანებული კაცი (ანალური სექსი იწვევს ანუსის დაზიანებას და აქედან ტვინის დაზიანებასაც) ნორმალურად აზროვნებდეს?.. 19. ჯერ კიდევ ძველი წელთაღრიცხვით პირველ საუკუნეში ფსევდო-ლონგინე წერდა: შემოქმედება, რომელიც ამაღლებულს არ ემსახურება, შემოქმედება არ არისო. უზნეო შემოქმედება არ არსებობს, უბრალოდ ჩვენზე ასაღებენ ყველანაირ უსულგულო, არაესთეტიურ და უზნეო ნაგავს, როგორც გენიალურს, ჩვენ კი ვეყრდნობით რა ავტორიტეტთა ჭეშმარიტებას, ვღებულობთ და ვაღიარებთ ყოველგვარ ნაგავს და გვავიწყდება, რომ მთავარი ჭეშმარიტების ავტორიტეტულობაა... 20. აშუღურ (ე.წ. ქალაქურ) სიმღერებს გრიგოლ რობაქიძე ასე ახასიათებს - სომეხი მღერის ქართულ ენაზე სპარსულ ბაიათსო... მე დავამატებდი - სპარსული ბაიათის უნიჭო რემიქსს... საუბედუროდ მსგავსი "კულტურითაა" გაჯერებული ე.წ. ქართული შოუ-ბიზნესი... როგორც აზროვნებ, და აზროვნება კულტურაშიც გამოიხატება, ისეთივე ზნეობა და გემოვნება გიყალიბდება, და შენი ყოფიერებაც ისევე სტრუქტურირდება... და თუ რაიმეს შეცვლა გვინდა, პირველ რიგში ცნობიერება უნდა გავათავისუფლოთ პირობითობებისაგან, ან სხვაგვარად, საჭიროა ცნობიერების ტრანსმუტაცია... 21. "სხეულის სანთელი შენი თვალია. როცა შენი თვალი სუფთაა, მთელი შენი სხეულიც ნათელია. მაგრამ როცა იგი ბოროტია, შენი სხეულიც ბნელია." /ლუკა 11.34/ ჰოდა, დააკვირდით თვალებს: ერთი ბოროტია; სხვა შეშინებული; ვიღაც ალალია; ვიღაცის თვალები: ყველაფერი სულ ერთია, მთავარია მე ვიყო კარგად, ჩემს მერე თუნდაც ქვა-ქვაზე ნუ დარჩენილაო - გვეუბნება; ვიღაცის თვალებში სიყალბე ხატია... და კიდევ ბევრი მსგავსი... ჩახედეთ თვალებში, დაუკვირდით... თქვენ ხომ უკვე კარგად გახსოვთ, როგორ იქცეოდნენ ამ თვალების პატრონები,.. ჰოდა, ასევე მოიქცევიან მსგავსი თვალების პატრონები... დაკონკრეტებას არ ვაპირებ, იმედი მაქვს თავად გაავლებთ პარალელებს და დასკვნებსაც თავად გამოიტანთ... დააკვირდით, და არა მარტო თვალებს: ადამიანის გამომეტყველება, მისი სულის ანარეკლია - ფორმას აზრი ჰქმნის... მისმა სიტყვებმა შესაძლებელია მოგხიბლოთ და დაგატყვევოთ, თუმცა სიტყვებს შორისაცაა შესაძლებელი ქვედინებების პოვნა, მაგრამ მისი გამომეტყველება, და განსაკუთრებით მისი თვალები, თუ დაკვირვებულები იქნებით - სიმართლეს ვერ დაგიმალავთ... გააკეთეთ ეს და ნაკლებად მოტყუვდებით... და გადარჩენის შანსიც გაგეზრდებათ: "შეიცნობთ ჭეშმარიტებას და ჭეშმარიტება გაგათავისუფლებთ თქვენ" /იოანე 8.32/.