საქართველო ფრენბურთში ევროპის ჩემპიონატს უმასპინძლებს

2022 წელს, 18-წლამდელ ფრენბურთელთა ევროპის ჩემპიონატი საქართველოში გაიმართება. გადაწყვეტილება ევროპის ფრენბურთის კონფედერაციის საბჭომ მიიღო. საბჭოს წევრებმა აღნიშნეს, რომ საქართველოს ფრენბურთის ფედერაციას ანალოგიური გამოცდა უკვე ჩაბარებული აქვს - 2017 წელს, საქართველომ უმაღლეს დონეზე უმასპინძლა ქალთა შორის ევროპის ჩემპიონატის ფინალურ ეტაპს. ასევე კარგად იყო ორგანიზებული ბოლო წლებში, კლასიკური, საპლაჟო და თოვლის ფრენბურთის შეჯიბრებები. 18-წლამდელთა ევროპირველობის დეტალები - ჩატარების თარიღი, ადგილი და მონაწილე ქვეყნების ჩამონათვალი ჯერ არ დაზუსტებულა.     https://www.radiotavisupleba.ge/a/30728928.html #ახალი_ამბები #twitter