#დიზაინი #თანამედროვედიზაინი #დიზაინსიახლეები პროფესიიდან გამომდინარე, გადავწყვიტე ახალი რუბრიკა დავამატო ✨ მომოს ხედვა / ანუ თანამედროვე დიზაინი საქართველოს რეალობაში რას მოიცავს დიზაინი? ვინ არის ინტერიერის დიზაინერი? რა შეცდომები არ უნდა დავუშვა კლიენტმა-დიზაინერთან? გავკადნიერდები და პირველ ნაწილში ჩემზე ძალიან მოკლედ მოგიყვებით, ჩემი ხედვით გაგაცნობთ დღევანდელ დიზაინ-სთორებს. დიზაინერი დღეს-დღეობით ერთ-ერთი ყველაზე მოთხოვნადი და წესით მაღალანაზღაურებადი პროფესიაა. ევროპის ქვეყნებში ერთ-ერთი წამყვანი დარგი. ეს არის პროფესია, რომელიც მრავალმხრივ განვითარებულ გონებას, უდიდეს შრომას, თვითგანვითარებაზე მუდმივად ზრუნვასა და კიდევ უამრავ მნიშვნელოვან კრიტერიუმს მოითხოვს პიროვნებისგან. რას აკეთებს დიზაინერი? დიზაინერი არის ადამიანი რომელიც აზროვნებს, მუდმივად ვითარდება, იღებს გადაწყვეტილებებს, ჭრის პრობლემებს და ქმნის იმ რეალობასა და დროზე მორგებულ პროდუქტს, რომელშიც ვცხოვრობთ. ჩემზე გამარჯობა, მე მარიამი ვარ, ყველა მომოს მეძახის და ვთვლი, რომ ჩემი პროფესიული/პიროვნული უნარებიდან გამომდინარე, დიზაინერი ვარ. რაზე ვმუშაობ დიზაინის სფეროს დღეს-დღეობით უამრავი საინტერესო მიმართულება აქვს, ყველა მათგანი ფიქრს, კრიტიკულ აზროვნებასა და აქტიურ განვითარებას მოითხოვს. მე ინტერიერისა და ავეჯის დიზაინერი ვარ, ადამიანებზე მორგებულ, მაქსიმალურად კომფორტულ გარემოს ვქმნი რას ვაკეთებ შენთვის? ვინაიდან დიზაინი საკმაოდ ფართო სფეროა და მისი ყველა დარგის შესწავლა ერთი ადამიანისთვის თითქმის შეუძლებელია, მეც საკუთარ სფეროდან გამომდინარე, ინტერიერზე მოგიყვებით ამ პოსტში. თქვენი ინტერიერის დიზაინერი თქვენ მაგივრად ფიქრობს რა მოუხერხოს ოთხ კედელს, რომ ის თქვენთვის საყვარელ, მაქსმალურად კომფორტულ ადგილად აქციოს. მე-დიზაინერი, ვარ ადამიანი, რომელიც თქვენთვის საყვარელ, მაქსიმალურად მოსახერხებელ სივრცეს შექმნის 🍃 მე-დიზაინერი დავაგეგმარებ და ლოგიკურად გადავანაწილებ შენს ფართს, მოვარგებ სტილს, რომელიც შენ ძალიან ძალიან მოგეწონება და შევქმნი შენთვის ჯადოსნურ გარემოს. ზოგჯერ გადაკეთებები მოგვიწევს და შეიძლება რეალობაში 3დ პროექტი ზუსტად ვერ გადმოვიდეს, მაგრამ აუცილებლად შევინარჩუნებთ სტილს, რომელიც შენ აირჩიე და ლოგიკურად გადავანაწილებთ ყველაზე პაწაწინა დეკორსაც კი როგორ მოიქცეს კლიენტი? შენ - ჩემი კლიენტი მქირაობ მე-დიზაინერს. შენ ნახულობ ჩემს ნამუშევრებს და წყვეტ ვარ თუ არა შენთვის შესაფერისი დიზაინერი. ერთად ვთანხმდებით პროექტსა და დეტალებზე. შენ ყიდულობ ჩემს გონებასა და უნარებს. 10 მცნება, რომელიც არ უნდა იკადროს კლიენტმა დღევანდელ რეალიბაში დიზაინერი უამრავ პრობლემასა და თავსატეხს აწყდება მუშაობის დროს, შესაბამისად დისკომფორტი პროცესში იწვევს დაბალი ხარისხის შედეგის დადებას. ამ ნაწილში ჩემი, როგორც დიზაინერის სუბიექტურ აზრს გადმოგცემთ. რას ვგულისხმობ? “დავაპუნქტოთ” და თავადაც დამეთამხმებით. 1. დიზაინერი თავისუფალი, მოაზროვნე პიროვნებაა, რომლის ჩარჩოებში მოქცევა და მაქსიმალურად შეზღუდვა სავარაუდოდ ძალიან ცუდ შედეგს მოიტანს. (გამოსავალი? - თავადაც ჩაერთეთ პროცესში, მოიკითხეთ და ხანდახან დაინტერესდით და ნუ ჩაერევით უხეშად,გარდა გამონაკლისი შემთხვევებისა, დიზაინერი ისედაც ითვალისწინებს თქვენს სურვილებს) 2. ნუ მეტყვი რომ ჩემი მომსახურება შენთვის ძალიან ძვირია, ყველა დიზაინერს თავისი ინდივიდუალური ფასი აქვს გამოცდილებიდან, ნამუშევრებიდან გამომდინარე. 3. ნუ გამიფუჭებ პროექტს. კლიენტებს ძალიან უყვართ ჩარევა, მაგალითისთვის,არჩეული სტილისთვის შეუფერებელი ნივთის მორახუნება და ჯიბრში ჩადგომა, ცუდია ეს, ჩვენ ბევრი ვიშრომეთ კარგი შედეგისთვის. 4. არ მომატყუო, პატივი მეცი, მე შენ პატივს გცემ, მე შენთვის ვმუშაობ. 5. არა, ჯიგრულ პონტში ვერ გაგიკეთებ უფასოდ, ბოდიში, მე ამ პროექტებით ვცხოვრობ ფაქტობრივად. 6. მესმის რომ ბრწყინვალე შესაძლებლობები გაქვს, მაგრამ ნუ მეტყვი რომ ამ ერთ კვირიან პროექტს 5წუთში გააკეთებდი, ან შენი მეზობლის ბავშვი გააკეთებდა, დამიჯერე, ვერ გააკეთებდი, დავტესტეთ. 7. მეც ადამიანი ვარ, დასვენების დღეებში ვისვენებ და ლანჩზე - მივირთმევ. პლიუს, ღამით მძინავს ნუ მომთხოვ 24 საათი ვიმუშავო. 8. არა, დღეს აღებული პროექტი დღესვე მზად არ იქნება, ყველაფერს თავისი დრო აქვს 9. ეცადე მაქსიმალურად კარგად ჩამოაყალიბო შენი სურვილები, ადამიანისა და განწყობის ფსიქოლოგიაში კარგი ვარ, მაგრამ ექსტრასენსობებში, ნაკლებად. 10. მე -დიზაინერს მიყვარს ჩემი პროფესია და მიყვარს ის, რასაც ვაკეთებ. მე შენთვის მაქსიმალურად დავიხარჯები და ვეცდები საუკეთესო შედეგი დავდო. იმედი მაქვს სწორად გადმოგეცით ჩემი ფიქრები ✨ რჩევები, კარგი სურვილები, პრეტენზია, საყვედური და დანარჩენები - კომენტარებში გისმენთ 🥰 გავაგრძელოთ? თუ მოგეწონა ჩემი ამბები, გამიზიარე შენი აზრი და დამაფოლოვე, რომ არაფერი გამოგეპაროს 🤗 მომო ფეიჯი - პორტფოლიო - #ხელოვნება #დიზაინი #დიზაინერი #ინტერიერი #ინტერიერისდიზაინი #ინტერიერისხელოვნება #კლიენტი #რჩევები #პროფესია #მცნება #ახალიამბები #საინტერესო #რჩევა #კაიამბები #მომო #მომოდიზაინი #Momo #MomoDesign #ჩემიაზრი #ჩემიფიქრები

დაავადებათა კონტროლისა და საზოგადოებრივი ჯანდაცვის ეროვნული ცენტრის ხელმძღვანელის მოადგილის პაატა იმნაძის განცხადებით, ალექსანდრე დიუმას ნაწარმოების „სამი მუშკეტერის“ დევიზი უფრო მოსწონს. ამის შესახებ მან დაავადებათა კონტროლის ეროვნული ცენტრის მიერ ორგანიზებულ ონლაინბრიფინგზე განაცხდა, შესაბამისი კითხვის პასუხად. „უფრო დევიზი მომწონს - ერთი ყველასათვის, ყველა ერთისათვის“, - თქვა პაატა იმნაძემ. „სამი მუშკეტერიდან“ რომელ პერსონაჟთან ხედავს მსგავსებას - ამ კითხვის პასუხად ამირან გამყრელიძემ თქვა, რომ ყველა მათგანის ბავშვობის საყვარელი წიგნია „სამი მუშკეტერი“, მაგრამ „რომელი უფრო ვართ, არ ვიცი, მაგრამ დარტანიანი ვიცი, ვინც არის“, - განაცხადა ამირან გამყრელიძემ. გასულ კვირაში BBC-მ, საქართველოში კორონავირუსის გავრცელების თვალსაზრისით არსებული მდგომარეობის შესახებ მომზადებულ სტატიაში - „როგორ დაეხმარა „სამი მუშკეტერი“ საქართველოს ვირუსის წინააღმდეგ ბრძოლაში“, დაავადებათა კონტროლის ცენტრის ხელმძღვანელი ამირან გამყრელიძე, მისი მოადგილე პაატა იმნაძე და შიდსისა და კლინიკური იმუნოლოგიის სამეცნიერი პრაქტიკული ცენტრის ხელმძღვანელი თენგიზ ცერცვაძე სამ მუშკეტერს შეადარა, რომლებიც კორონავირუსს ებრძვიან.#ახალი_ამბები#twitter

ბულგარეთი საქართველოს კორონავირუსთან საბრძოლველად საჭირო სპეციალურ აღჭურვილობებს უგზავნის ბულგარეთის საგარეო საქმეთა მინისტრი და სამართლებრივი რეფორმების საკითხებში ვიცე-პრემიერი ეკატერინა ზაჰარიევა ქართველ კოლეგას, დავით ზალკალიანს ბულგარეთის მხრიდან ახალი კორონავირუსის დასამარცხებლად საქართველოსთვის გამოგზავნილ ჰუმანიტარულ დახმარებასთან დაკავშირებით წერილს უგზავნის, სადაც აღნიშნავს, რომ ამ ბრძოლაში ერთიანობა უმნიშვნელოვანესია. „კოვიდ-19“-ის პანდემია ჯანდაცვის გლობალური კრიზისია, რომელმაც მთელი მსოფლიო უპრეცედენტო გამოწვევების წინაშე დააყენა და ძირეული ზიანი მიაყენა საზოგადოებებს. ჩვენ ყველამ კარგად გავაცნობიერეთ, რომ პანდემიის შედეგებთან წარმატებით გამკლავების ერთადერთი გზა გაერთიანება და ერთობლივი მოქმედებებით სოლიდარობის გამოვლენაა. დღეს ბულგარეთის დევიზი – „ძალა ერთობაშია“, ჭეშმარიტია როგორც არასდროს!“, – ნათქვამია წერილში. მინისტრის თქმით, მიუხედავად ბულგარეთში არსებული მრავალი სირთულისა, ქვეყნის მთავრობა არ აპირებს ამ რთულ დროს თავისი პარტნიორების მიტოვებას და მიიღო გადაწყვეტილება, რომ საქართველოს გადმოსცეს ჰუმანიტარული დახმარება სამედიცინო მარაგების სახით, რომელიც მოიცავს 500 შეკვრა სპეციალურ აღჭურვილობას კორონავირუსთან ბრძოლაში ფრონტის წინა ხაზზე მყოფი პირებისთვის. წერილში აღნიშნულია, რომ დახმარება არის ევროკავშირის ინიციატივის, „ევროპის გუნდისთვის“ ბულგარეთის მხარის კონტრიბუცია, რომელიც განკუთვნილია აღმოსავლეთ პარტნიორობის ქვეყნების მხარდასაჭერად პანდემიასა და მის შედეგებთან საბრძოლველად. „ვიყენებ ამ შესაძლებლობას და თქვენ და ქართველ ხალხს ჯანმრთელობასა და კეთილდღეობას გისურვებთ“, – წერს ზაჰარიევა. ინფორმაციას საქართველოს საგარეო საქმეთა სამინისტროს პრესსამსახური ავრცელებს.

შულავრის ცენტრში 7 სოფლის მოსახლეობა დღეს, 22 აპრილს, დილიდან, მძიმე სოციალური პირობების გასაპროტესტებლად შეიკრიბა. აქციის მონაწილეების ერთი ნაწილი ითხოვს, რომ მსუბუქ ავტომობილებზე აკრძალვა გაუქმდეს, მეორე ნაწილის მოთხოვნა კი სოფლის მეურნეობის პროდუქტების რეალიზების ალტერნატიული გზების ძიებაა. აქციის მონაწილეები ამბობენ, რომ ვერ ყიდულობენ თავიანთ პროდუქტებს, მარნეულის მერია ამ საკითხზე ყურადღებას არ ამახვილებს. მათივე თქმით, ადგილობრივი ხელისუფლება არ ეხმარება პროდუქტების გატანაში და იძულებულები არიან პროტესტი ამ ფორმით გამოხატონ. ადგილზე ქვემო ქართლის რწმუნებული შოთა რეხვიაშვილი, რეგიონული განვითარების საკითხებში პრემიერ-მინისტრის მრჩეველი სოზარ სუბარი, მარნეულის მერი ზაურ დარგალი და "ევროპული საქართველოს" წევრი ახმედ იმამყულიევი იმყოფებია. აქციის დროს პარტია "ევროპული საქართველოს" წევრ ახმედ იმამყულიევსა და ქვემო ქართლის რწმუნებულ შოთა რეხვიაშვილს შორის ერთგვარი სიტყვიერი დაპირისპირება მოხდა. ხელისუფლების წარმომადგენლები აქციაში პოლიტიკურ ნიშნებს ხედავენ. რწმუნებულმა პროცესს ახმედ იმამყულიევის "დადგმული სპექტაკლი" უწოდა. " ჩვენ ვცდილობთ , მარნეულში და საერთოდ ქვეყანაში კორონოვირუსი დავამარცხოთ . მაგრამ , როგორც ჩანს ზოგ ძალებს უნდათ , რომ ქვეყანაში არსებული სიტუაცია გაუარესდეს."- აცხადებს რწმუნებული აქციის დროს ,მონაწილეების ნაწილის დევიზი იყო "მიშა ", "მიშა " რეხვიაშვილი კი მონაწილეების დევიზს ასე გამოეხმაურა. " დაე , დაელოდნენ მიშას კიდევ 50 წელი " აქციის მონაწილეები აგრეთვე აპროტესტებენ არსებულ ჯარიმებს. საზოგადოებამ დიალოგის დროს რწმუნებულს უთხრა რომ საკარანტინე პირობებში, ფაქტობრივად მშიერი დარჩა. აღინიშნა ფაქტი, როდესაც პურის საყიდლად მაღაზიაში გასული 3000 ლარით დააჯარიმეს. „მე პოლიტიკა საერთოდ არ მაინტერესებს. არც ბიძინა, არც სააკაშვილი არ მაინტერესებს. მაღაზიაში ვიყავი გასული და დამაჯარიმეს 3000 ლარით. დედაჩემი ძალიან ცუდად იყო, სასწრაფო გვყავდა მოყვანილი. პური არ გვჭირდება? მშივრები უნდა მოვკვდეთ სახლში? თქვენ მშიერი დარჩებით?! - უთხრა შოთა რეხვიაშვილს აქციის მონაწილემ. მარნეულის მერი აქციის მონაწილეებს დაჰპირდა , რომ ხვალიდან შეძლებენ თავიანთ პროდუქტებს რეალიზებას. მაგრამ მოსახლეობა ამ შეთავაზებით არ დაკმაყოფილდა და განაცხადეს რომ, ზუსტად დღეს უნდა დაიწყონ შესაბამისი ღონისძიებების ჩატარება. რადგან მოსახლეობას არ სჯერა , რომ თუ ახლავე არ მოხდა რეაგირება, ისინი შემდგომ ვერ შეძლებენ პროდუქტის რეალიზებას.#აქცია #პროტესტი #მანიფესტაცია #MarneuliDaily

უმწვავესი შეტევა ბიძინა ივანიშვილზე და მორიგი სკანდალური წერილი შეერთებვული შტატებიდან. რესპუბლიკელი სენატორები, საგარეო ურთიერთობათა კომიტეტის წევრები, ტედ კრუზი და ჯონ კორნინი, კონგრესმენები ჯუდი არინგტონი და მარკვეინ მალინი, აშშ-ის სახელმწიფო და ხაზინის მდივნებს მაიკ პომპეოს, და სტივ მნუჩინს საქართველოში ამერიკული ბიზნესის დაცვასა და ივანიშვილის რუსეთსა და ირანში კავშირების შეფასებას სთხოვენ. სენატორები შეშფოთებული არიან საქართველოში მმართველობის პრობლემების, კერძოდ „ამერიკის მეტოქეებთან და მტრებთან, მათ შორის ირანთან საქართველოს უკანონო ფინანსური კავშირების“ გამო, რაც საფრთხეს უქმნის აშშ-ის ეროვნული უსაფრთხოებისა და ბიზნესის ინტერესებს. საუბარია ამერიკული ნავთობმომპოვებელი კომპანიის, ფრონტერას ინტერესებზე, რომელთანაც კონტრაქტი საქართველოს ნავთობისა და გაზის სახელმწიფო სააგენტომ, საარბიტრაჟო ტრიბუნალის გადაწყვეტილების შემდეგ გადაწყვიტა; ქართული მხარე აცხადებდა, რომ არბიტრაჟის დადგენილებით, „ფრონტერა რისორსიზ ჯორჯია კორპორეიშენ”-მა არსებითად დაარღვია კონტრაქტი, რაც სახელმწიფოს კონტრაქტის შეწყვეტის უფლებას ანიჭებდა. სახელმწიფო მდივნისა და ხაზინის მდივნის მისამართით გაგზავნილ წერილში ასევე ნახსენებია ანაკლიის პორტის და ამერიკული "კონტი ჯგუფის" საკითხიც ”ჩვენ ვწერთ, რათა გამოვხატოთ ჩვენი შეშფოთება საქართველოში კარგი მმართველობის გაუარესებისა და პოტენციური უკანონო ფინანსური საქმიანობის თაობაზე... გასული წლის განმავლობაში, უცხოური პირდაპირი ინვესტიციები საქართველოში შემცირდა თითქმის 50% -ით, ხოლო გადასახადები და ბიუროკრატიული ბარიერები გაიზარდა დასავლური ბიზნესისათვის... როგორც კი ლეგალური ბიზნესი განიდევნა, მისი ადგილი უკანონო ვაჭრობამ დაიკავა“.. - ნტაქვამი წერილში წერილში სენატორები მიუთითებენ, ამერიკული კომპანია „ფრონტერა“, გახდა შეზღუდვებისა და რეგულაციების სამიზნე საქართველოს მთავრობის მხრიდან, და ამჟამად შესაძლო ექსპროპრიაციის წინაშე დგას. ხოლო 2019 წელს "კონტი ჯგუფი" განიდევნა ანაკლიაში პორტის მშენებლობის პროექტიდან, რომელიც ამ ეტაპზე შეჩერებულია. წერილში საუბარია, რომ საქართველო, ხელს უშლიდა ირანზე დაწესებული აშშ-ის სანქციების სრულად ამოქმედებას და მაგალითად მოყვანილია 2013 წელს საქართველოში ირანის სამი მოქალაქის მიერ მცირე ზომის ბანკის ოპერირება, რომელიც ფინანსურ გადარიცხვებთან და სხვადასხვა კომპანიის ჩართულობასთან ერთად მოიცავდა ავიაკომპანიასაც. წერილში ასევე ნახსენებია ბათუმის პორტი, როგორც ირანის „უკანონო სანავთობო აქტივობების“ სამიზნე. წერილით სენატორები ითხოვენ მათ ინფორმირებას იმის შესახებ, რამდენად არის: საქართველოს ამჟამინდელი ხელისუფლება, რომელსაც ხელმძღვანელობს ქართული ოცნება, გარეული იმ ამერიკული ბიზნესების გაძევების მცდელობებში, რომლებიც საქართველოს ეკონომიკასა და მომავალში ინვესტიციას დებენ; ასეთი მოქმედებები მოტივირებული გეოპოლიტიკური მოსაზრებებით და მათ შორის, ბიძინა ივანიშვილის რუსეთის მთავრობასთან სავარაუდო კავშირებით; შავი ზღვის პორტთან დაკავშირებული აქტივობები საქართველოში საფრთხის შექმნელი კრიტიკულად მნიშვნელოვანი ამერიკული ინტერესისთვის, მათ შორის: -პორტის პროექტიდან ამერიკული კომპანიების წინასწარგამიზნული გაძევება უკავშირდება საქართველოში მიმდინარე პროცესებზე რუსეთის გავლენების დაცვას. -ამერიკული სანქციების აღსრულებასთან დაკავშირებულ ხარვეზებს, კონკრეტულად, პორტების კონტექსტში. საქართველო არის მნიშვნელოვანი სტრატეგიული პარტნიორი კავკასიაში და აქვს მისწრაფება გახდეს ნატოში მოკავშირე - წერენ ამერიკელი სენატორები და კონგრესმენები. „სამხედრო თვალსაზრისით, ქართველები დაეხმარნენ ჩვენი მისიას ავღანეთში. გეოგრაფიულად, ქვეყანა წარმოადგენს სავაჭრო და ენერგორესურსების მნიშვნელოვან მარშრუტს კასპიის ზღვიდან აღმოსავლეთ ევროპამდე. აშშ-საქართველოს პარტნიორობა არის აუცილებელი ამერიკული ინტერესებისთვის, რაც თავის მხრივ მოითხოვს, რომ საქართველო დაუბრუნდეს და განამტკიცოს კარგი მმართველობა“- ნათქვამია წერილში, რომელსაც ხელს აწერენ. რესპუბლიკელი სენატორები, საგარეო ურთიერთობათა კომიტეტის წევრები- ტედ კრუზი და ჯონ კორნინი, კონგრესმენები ჯუდი არინგტონი და მარკვეინ მალინი

მსოფლიოში ერთ-ერთი წამყვანი ანალიტიკური ცენტრის, ვაშინგტონის ახლო აღმოსავლეთის ინსტიტუტის ევროპული სამეზობლო ინიციატივის ფარგლებში ონლაინ პანელზე საქართველო COVID-19-ის გავრცელების წინააღმდეგ ბრძოლაში როგორც წარმატებული ქვეყნის მაგალითი წარადგინეს. ამის შესახებ ინფორმაციას საქართველოს ტურიზმის ეროვნული ადმინისტრაცია ავრცელებს. პანელური დისკუსია სახელწოდებით „COVID-19 შავიზღვისპირა რეგიონში: პოტენციური საფრთხეები და რეგიონული კოორდინაცია“ შავი ზღვის რეგიონში ჯანდაცვის, ეკონომიკისა და უსაფრთხოების სფეროში COVID-19-ის ვირუსით გამოწვეული პრობლემებისა და რეგიონული კოორდინაციის შესახებ 2 აპრილს მოეწყო. ტურიზმის ადმინისტრაციის ინფორმაციით, საერთაშორისო პანელურ დისკუსიაზე საქართველო, როგორც განსაკუთრებული ქეისის მქონე ქვეყანა მიიწვიეს. ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის ხელმძღვანელმა მარიამ ქვრივიშვილმა მსოფლიოში წამყვან ექსპერტებს ახალი კორონავირუსის წინააღმდეგ ბრძოლაში საქართველოს მთავრობის მიერ გატარებული ღონისძიებები გააცნო. პანელში საქართველოს ტურიზმის ეროვნული ადმინისტრაციის ხელმძღვანელთან ერთად ახლო აღმოსავლეთის ინსტიტუტის, ჯონ ჰოპკინსის საერთაშორისო პოლიტიკის ინსტიტუტის, ბოსტონის უნივერსიტეტის საერთაშორისო მკვლევარები და უკრაინის ჯანდაცვის ყოფილი მინისტრი მონაწილეობდნენ. პანელის მოდერატორი ახლო აღმოსავლეთის ინსტიტუტის პრეზიდენტი იყო. „ახალი კორონავირუსის გავრცელების შესაკავებლად საქართველოს მთავრობამ ეფექტური და რაც მთავარია, მყისიერი რეაგირება მოახდინა. მთავრობამ ქვეყანაში ვირუსის შემოღწევამდე ძალიან მჭიდრო თანამშრომლობა დაიწყო მსოფლიო ჯანდაცვის ორგანიზაციასთან. მიღებულმა ზომებმა ჩვენი ყოველდღიური ცხოვრება შეცვლა. საქართველოს მთავრობამ მყისიერად შეაჩერა პირდაპირი საჰაერო მიმოსვლა იმ ქვეყნებთან, რომლებიც ახალი კორონავირუსის გავრცელების ცხელ წერტილებად გამოცხადნენ. შეიქმნა საკარანტინო ზონები, სადაც 14 დღის განმავლობაში გადაგვყავს თითოეული მგზავრი, რომელიც საქართველოს საზღვარს კვეთს. საქართველო აქტიური ტურისტული ქვეყანაა და შედეგად სასტუმროებში შექმნილ საკარანტინო ზონაში მყოფი მოქალაქეები თავს კომფორტულად გრძნობენ. საქართველო მთავრობამ გამოაცხადა საგანგებო მდგომარეობა, მკაცრი აკრძალვები დაწესდა გადაადგილების, ტრანსპორტის, შოპინგის და სხვა მიმართულებით. აღსანიშნავია, რომ მსოფლიო ჯანდაცვის ორგანიზაციამ საქართველოს ბრძოლა კორონავირუსის გავრცელების წინააღმდეგ ძალიან პოზიტიურად შეაფასა“, – განაცხადა მარიამ ქვრივიშვილმა. მისი თქმით, საქართველო მობილიზებულია და მთავრობას აქვს მყარი სტრატეგია, თუ როგორ შემცირდეს ახალი კორონავირუსის გავრცელება. „მოლოდინია რომ დაინფიცირების ციფრები გაიზრდება, თუმცა საქართველოს ხელისუფლება ყველაფერს აკეთებს, რათა მაქსიმალურად შეანელოს ზრდის ტემპი. საქართველოს მთავრობა აქტიურ საკომუნიკაციო კამპანიას ახორციელებს, რომ მოქალაქეებს ჰქონდეთ სწორი, მკაფიო ინფორმაცია, თუ რა არის მნიშვნელოვანი და რას უნდა მივაქციოთ ყურადღება, რადგან COVID-19-თან ბრძოლაში საჭიროა ორმხრივი პასუხისმგებლობა. მთავრობას აქვს სტრატეგია, რა უნდა გაკეთდეს, მაგრამ ამავდროულად, მოსახლეობამაც უნდა აიღოს პასუხისმგებლობა და დაიცვას სოციალური დისტანციის სტრატეგია, რომელიც მნიშვნელოვანია კორონავირუსის სამომავლო გავრცელების პრევენციისთვის“, – განაცხადა დისკუსიისას მარიამ ქვრივიშვილმა. ვაშინგტონის ახლო აღმოსავლეთის ინსტიტუტის ევროპული სამეზობლო ინიციატივის ფარგლებში საერთაშორისო ონლაინ პანელის მსვლელობისას ქვრივიშვილმა ექსპერტებს საქართველოს ხელისუფლების მიერ გატარებული ღონისძიებების სრულად გააცნო. ახლო აღმოსავლეთის ინსტიტუტი ვაშინგტონში 1946 წელს დაარსდა. ანალიტიკური ცენტრი საერთაშორისო ექსპერტებს აერთიანებს.#tourism #georgia #washingtondc #usa #georgia #coronavirus #covid19 #stopcovid19

"ირანთან საჰაერო მიმოსვლის შეზღუდვით საქართველომ შესაძლოა, დაახლოებით 70 მილიონ აშშ დოლარს დაკარგოს", - ამის შესახებ „ფეისბუქის“ საკუთარ გვერდზე ეკონომისტი ვახტანგ ჭარაია წერს. „ბიზნესპრესნიუსი“ ჭარაიას პოსტს უცვლელად გთავაზობთ: “ჩინეთთან საჰაერო მიმოსვლის აკრძალვას უკვე ირანიდან ფრენების აკრძალვა მოჰყვა. თუ ვირუსი უახლოეს თვეებში კონტროლს არ დაექვემდებარა შესაძლოა, გაიზარდოს ჩაკეტილი ქვეყნების და შესაბამისად მიუღებელი შემოსავლის მოცულობაც. კერძოდ, მომდევნო მაგალითად 4 თვეში თუ საკითხი არ დასტაბილურდა: - მხოლოდ ჩინეთიდან პირდაპირი საჰაერო ფრენების აკრძალვით, წინა წლის ანალოგს თუ დავეყრდნობით (პოტენციური ზრდის დინამიკის გარეშე), შესაძლოა, დავკარგოთ დაახლოებით 13-14 ათასი ვიზიტორი, რაც ფინანსურ გამოსახულებაში თითო ჩინელი ვიზიტორის მიერ საშუალოდ დახარჯული 2 253 აშშ დოლარის გათვალისწინებით, დაახლოებით 30 მილიონს უდრის. - იგივე პირობით ირანთან მიმართებაში საქართველომ მომდევნო 4 თვის განამავლობაში მხოლოდ საჰაერო მიმოსვლის შეზღუდვით შესაძლოა, 26-27 ათაში ვიზიტორი დაკარგოს, რაც ამ კატეგორიის ვიზიტორების საშუალო ხარჯის 2 715 აშშ დოლარის გათვალისწინებით, დამატებით დაახლოებით 70 მილიონი აშშ დოლარის დანაკლის ნიშნავს. ჯამში, მხოლოდ ჩინეთის და ირანის, მხოლოდ 4 თვის და მხოლოდ საჰაერო გზით დაბლოკვის შემთხვევაში, საქართველო ტურიზმიდან ვერ მიიღებს მოსალოდნელ 100 მილიონ აშშ დოლარს. ერთი შეხედვით ეს 100 მილიონი არც ისე ბევრია, თუმცა თუ 4 თვის შემოსავლებთან მიმართებაში შევხედავთ წინა წლის ანალოგების გამოყენებით, ტურიზმის სექტორში ეს შემოსავლების დაახლოებით 10%-იან კლებას ნიშნავს, მთლიანად ეკონომიკისთვის კი ტვირთი რა თქმა უნდა, მნიშვნელოვნად დაბალია. სამწუხაროდ, ეს არის ფასი, რომელიც ქვეყანამ უნდა გაიღოს, მხოლოდ სიფრთხილის გამოჩენისთვის.იმედს ვიტოვებ ამ სიას არ შეემატება იტალიაც, სადაც ვირუსი ბოლოს დროს შედარებით გააქტიურდა ან/და ირანის და საქართველოს რომელიმე საზიარო მეზობელი ქვეყანაც... ამასთან ერთად გასათვალისწინებელია, რომ მხოლოდ პირდაპირი საჰაერო ფრენების შეზღუდვაც რისკ მთლიანად არ აგვარებს, მოკლედ საკმაოდ რთული პრობლემის წინაშე ვდგავართ“, - წერს ჭარაია. P.s. სტატია ჩვენ არ გვეკუთვნის. სტატია გამოქვეყნებულია bpn.ge-ს მიერ. #news #business

1917 წლის 28 ნოემბერს ლენინმა „სმოლნის“ სასახლეში კომუნისტური პარტიის (ბოლშევიკთა) პოლიტბიუროს გაფართოებული სხდომა მოიწვია, რომელსაც სპეციალური სტატუსით პოლიტბიუროს არაწევრებიც ესწრებოდნენ. იმ პერიოდში რუსეთის დედაქალაქი ჯერ კიდევ პეტროგრადში მდებარეობდა და ახალი რევოლუციური მთავრობა სწორედ იქ იყო დაბანაკებული. ამ სხდომის მთავარი საკითხი მთავრობის ფორმირება გახლდათ და პოლიტბიუროს არაწევრებიც ამიტომ ესწრებოდნენ. ლენინის წინადადებით, რომელიც ერთხმად იქნა მიღებული, შეიქმნა სახალხო კომისიათა (მინისტრთა) საბჭო. ასევე, ერთხმად დაამტკიცეს ამ ორგანოს თავმჯდომარედ ლენინი, ხოლო სახალხო კომისართა (მინისტრთა) დამტკიცებისას, დამსწრეთა ხმები გაიყო. მწვავე დისკუსია გაიმართა, რომელიც ლამის ხელჩართულ ბრძოლაში გადაიზარდა და რომ არა ლენინის ავტორიტეტი, ვინ იცის, რა მოხდებოდა. მწვავე კამათის პირველი მიზეზი ლევ ტროცკის სამხედრო საქმეთა სახალხო კომისრის პოსტზე წარდგენა იყო. ის იაკობ სვერდლოვმა წარადგინა, რაზეც, მართალია, უხალისოდ, მაგრამ ლენინიც დაეთანხმა. თუმცა, იმ პერიოდში ტროცკისთან დაპირისპირებულმა კამენევმა და ზინოვიევმა, ტროცკის ამ პოსტზე დანიშვნაზე სასტიკი უარი განაცხადეს და ეს ლევ ბრონშტეინის (ტროცკის) გამოუცდელობით ახსნეს. თან, შემხვედრი წინადადება შემოიტანეს, რომ მის მაგივრად სტალინი აერჩიათ. – ტროცკი რომ ამერიკაში ცხოვრობდა და თქვენ, ვლადიმირ ილიჩ (კამენევმა ლენინს მიმართა), მისი არსებობის შესახებაც კი არაფერი იცოდით, მაშინ კობა (სტალინი) რევოლუციურ რაზმებს ბარიკადებზე მიუძღოდა, რევოლუციურ მოძრაობას სიცოცხლეს სწირავდა და სწორედ ის უნდა ჩაუდგეს სათავეში ბოლშევიკურ არმიას, – თქვა კამენევმა, რაშიც ზინოვიევიც დაეთანხმა. ორჯონიკიძემ კი ქართულად ჩაილაპარაკა: ბრონშტეინი ისეთივე სარდალია, როგორც თელავში გაზრდილი ვირი – მოჭადრაკეო. ლენინმა ბოლომდე მოუსმინა კამენევს და სიტყვის თქმა დააპირა, მაგრამ მას სტალინმა მოუბოდიშა, სიტყვა ითხოვა და თქვა: – ამხანაგ კამენევს მადლობას ვუხდი ჩემი შეფასების გამო, თუმცა არ ვეთანხმები ამხანაგ ტროცკის მიმართ გამოთქმულ აზრში და მიმაჩნია, რომ ლევ დავიდოვიჩს ორგანიზატორობის დიდი ნიჭი აქვს. ჩვენ კი სწორედ ასეთი ადამიანი გვჭირდება ბოლშევიკური არმიის შესაქმნელად. ბრძოლაში კი ჯარისკაცებს პროფესიონალი სამხედროები წარუძღვებიან და იმედია, ამხანაგი ტროცკი სწორად შეარჩევს კადრებს. ამიტომ, მე ვეთანხმები ამხანაგ სვერდლოვის წინადადებას და ტროცკის არჩევას მხურვალედ ვუჭერ მხარს. ტროცკისა და სვერდლოვს სტალინის მხარდაჭერამ წამხდარი ხასიათი გამოუსწორა. ლენინმა კი თავშეკავებით თქვა: – ამხანაგებო, რადგან ამ საკითხთან დაკავშირებით აზრები გაიყო. მოდი, ამხანაგი სტალინიც წარვადგინოთ ამ პოსტზე და ეს საკითხი უბრალო კენჭისყრით გადავწყვიტოთ. ტროცკისა და სვერდლოვს კვლავ წაუხდათ გუნება, რადგან იცოდნენ, რომ ასეთ შემთხვევაში, სტალინი გაიმარჯვებდა. ეს იცოდა სტალინმაც და თქვა: – ბოდიშს გიხდით, ვლადიმირ ილიჩ, მაგრამ მე ამ პოსტზე ჩემი კანდიდატურის წინააღმდეგი ვარ. კენჭისყრა კი აუცილებლად ჩავატაროთ, რადგან ამას პროცედურა მოითხოვს. ლენინმა, როგორც სხდომის თავმჯდომარემ, ტროცკის დანიშვნის საკითხი ღია კენჭისყრაზე დააყენა. თორმეტი არ დაეთანხმა, ექვსმა თავი შეიკავა (მათ შორის ლენინმაც) ხოლო ცამეტმა კი თანხმობა განაცხადა და სწორედ სტალინი იყო ის მეცამეტე წევრი, რომელმაც ტროცკის გზა გაუხსნა სამხედრო მინისტრობისკენ. შესვენებამდე სტალინი ერთხმად აირჩიეს ეროვნებათა საქმის სახალხო კომისრად და ლენინმა ერთსაათიანი შესვენების გამოცხადების შემდეგ, პირველმა დატოვა ოთახი. ტროცკი და სვერდლოვი კი ისე გავიდნენ, რომ არათუ მადლობა უთხრეს სტალინს, არამედ არც კი შეუხედავთ მისთვის. სტალინი და ორჯონიკიძე გვერდიგვერდ ისხდნენ. კამენევი და ზინოვიევი კი ოდნავ მოშორებით. ისინი ქართველებს მიუახლოვდნენ და ერთხმად უთხრეს სტალინს: – ჭკვიანი კაცი ხარ, კობა და ასეთ ინტრიგანსა და ამპარტავანს მხარი როგორ დაუჭირე, – შემდეგ გაბრაზებული ტანდემი ოთახიდან გავიდა, ორჯონიკიძემ კი უკვე ქართულად უთხრა წამომდგარ სტალინს: – მართლები არიან. რა ბუზმა გიკბინა და ამ ამერიკელს ამხელა ძალა როგორ დააპატრონებინე, შენთვის კი სასაცილო თანამდებობა აირჩიე? სტალინი და ორჯონიკიძე ძალიან ახლო მეგობრები იყვნენ – ერთმანეთთან შეხუმრებულები და ზოგჯერ არც უხეშ გამოთქმებს ერიდებოდნენ ერთმანეთის მიმართ. ამიტომ, სტალინს ეშმაკურად ჩაეცინა და ქართულადვე მიუგო ორჯონიკიძეს: – შენი თქმის არ იყოს, თელავში გაზრდილი ვირი მოჭადრაკე ვერ გამოვა და ახლა სწორედ იმ ვირს ჰგავხარ. – რატომ? – შეცბა ორჯონიკიძე. – იმიტომ, სერგო, რომ წინ ვერ იხედები და მოვლენების განჭვრეტის უნარი მოგიჩლუნგდა, – თქვა სტალინმა და პაპიროსი გააბოლა, – ჩვენ მრავალეროვან ქვეყანას ვაყალიბებთ და ჩემი თანამდებობა, სწორედაც რომ, მნიშვნელოვანია ამ საქმისთვის. ტროცკი კი უფსკრულის პირას დგას. მსოფლიო ომს შიდა ომი შეცვლის და ისე განვითარდება მოვლენები, რომ სამხედრო კომისარს თავბედს აწყევლინებს თავისი თანამდებობა. ავტორიტეტს დაუგდებს და როცა მიხვდება, თუ რა სისულელე ჩაიდინა, უკვე გვიან იქნება. თანაც, ნუ ფიქრობ, რომ ხიშტიანი ჯარისკაცია ქვეყნისა და პოლიტიკის მთავარი დამცველი... უფრო ძლიერი ორგანო გაჩნდება, რომელიც უკვე ჩვენს ხელში იქნება, – თქვა სტალინმა და კარისკენ გაემართა. მოგვიანებით, სერგო ორჯონიკიძის მეუღლე თავის გამოუქვეყნებელ მემუარებში, რომელიც დახურულ არქივებში აღმოჩნდა, წერდა: „სიკვდილამდე ერთი კვირით ადრე, სერგომ სტალინთან 1917 წლის 28 ნოემბრის საუბარი გაიხსენა და მითხრა: – ახლაღა მივხვდი, რომ კობა ჯერ კიდევ მაშინ უმზადებდა მყარ ფუნდამენტს თავის მომავალ, ურყევ ხელისუფლებას და ჯერ კიდევ მაშინ არყევდა პატივმოყვარე, ამპარტავანი ტროცკის ავტორიტეტს. სწორედ კობამ შეაგდო ტროცკი იმ ცეცხლში, რომელმაც ბრონშტეინის (ტროცკის) ავტორიტეტიდან ფერფლიღა დატოვა. ტროცკიმ, მართალია, შექმნა წითელი არმია, მაგრამ მისმა სისასტიკემ სახალხო სიძულვილი და უკურეაქცია გამოიწვია. იმავდროულად კი, სტალინისა და ძერჟინსკის მიერ შექმნილ „ჩეკას“ მიზანში ჰყავდა ამოღებული ტროცკი, მისი გუნდი და აკონტროლებდა მათ. ყოველივე ამის პარალელურად, ერთი შეხედვით, ეროვნებათა საქმეთა უბრალო კომისარი სტალინი, მყარ ურთიერთობებს ამყარებდა სხვადასხვა ერებთან და ბოლოს მათი მმართველი, მათი მეფე გახდა. კობა, ძალიან ვერაგი და ეშმაკი კაცია და მე მეშინია მისი...“ ერთ-ერთი ვერსიით, სერგო ორჯონიკიძის თვითმკვლელობა სტალინთან წარმოქმნილი კონფლიქტის შედეგი იყო. ეს კონფლიქტი კი იმან გამოიწვია, რომ ორჯონიკიძეს უახლოეს პოლიტბიუროს სხდომაზე სტალინის მხილება უნდოდა ძველი ბოლშევიკების განადგურების საქმეში. სტალინმა კი ეს გაიგო. დაიბარა და უთხრა, ასეთი რამ არ გაეკეთებინა. წყარო : ნიკა ლაშაური

„საქართველოს ეკონომიკამ თებერვალში ტურიზმის პოტენციური შემოსავლის 3-9% უკვე დაკარგა“ - ამის შესახებ აისეტის კვლევითი ინსტიტუტის პუბლიკაციაშია აღნიშნული. პუბლიკაციაში მათ შორის საუბარია,ცალკეულად ტურიზმის სექტორზე. კერძოდ, კვლევის ავტორთა შეფასებით, საგულისხმოა, რომ სიფრთხილის ზომების გამკაცრების შედეგად საერთაშორისო მოგზაურობის აკრძალვა მკვეთრად შეამცირებს ტურისტების შემოსვლასა და მათგან მიღებულ შემოსავლებს. „ჩვენი წინასწარი გათვლებით, საქართველოს ეკონომიკამ თებერვალში ტურიზმის პოტენციური შემოსავლის 3-9% უკვე დაკარგა. ვინაიდან ქვეყნის მშპ-ის 6% ტურიზმის სექტორზე მოდის (საქართველოს ტურიზმის ეროვნული ადმინისტრაცია, 2018წ.), პირდაპირი დარტყმა ამ ინდუსტრიაზე სერიოზულ ზიანს მიაყენებს ქვეყნის ეკონომიკასაც,“-აღნიშნულია კვლევაში. P.s. სტატია ჩვენ არ გვეკუთვნის. სტატია გამოქვეყნებულია bpn.ge-ს მიერ. #news #business

ეეეს არის ძიუდოს კლუბი ,,ჯორჯია,, ჩემი შვილის კლუბია დღეს საქართველოს 8 საუკეთესო კლუბიდან მესამე ადგილი მოიპოვეს(ბევრი უსამართლობა რომ არ ყოფილიყო პირველზეც გვექნებოდა პრეტენზია...) მოგვილოცეთ და გვისურვეთ წარმატებები უუუუძალიანმაგრესი ბიჭებიიი 💖💖💖