votes
comments
shares
Save
მადლობას ვუხდი ჩვენს ამერიკელ პარტნიორებს საქართველოში დემოკრატიის კონსოლიდაციის მხარდაჭერისთვის - ზალკალიანი
36 reads
აჭარის ტელევიზია Ajara Tv
Batumi · 1 month ago

„მადლობას ვუხდი ჩვენს ამერიკელ მეგობრებსა და პარტნიორებს საქართველოში დემოკრატიის კონსოლიდაციის მხარდაჭერისა და ამ პროცესში ჩართულობისთვის“ - ასე ეხმიანება საგარეო საქმეთა მინისტრი დავით ზალკალიანი აშშ-ის სახელმწიფო მდივნის მაიკ პომპეოს კომენტარს, რომელიც მან საქართველოს პარლამენტის მიერ საკონსტიტუციო ცვლილებების დამტკიცებასთან დაკავშირებით გააკეთა.

ზალკალიანის თქმით, საქართველოსა და ამერიკის შეერთებულ შტატებს შორის სტრატეგიული პარტნიორობა არასდროს ყოფილა ისეთი ძლიერი, როგორიც დღეს არის.

„ერთობლივი მუშაობით, ჩვენ კიდევ უფრო გავაღრმავებთ იმ მჭიდრო თანამშრომლობას, რომელიც ჩვენს ქვეყნებს შორის ყველა პრიორიტეტულ სფეროში არსებობს“ - წერს ზალკალიანი ტვიტერის გვერდზე.

ამერიკის შეერთებული შტატების სახელმწიფო მდივანმა მაიკ პომპეომ საქართველოსთან დაკავშირებით დღეს კომენტარი გააკეთა და მიესალმა საკონსტიტუციო ცვლილებების დამტკიცებას.


აჭარის ტელევიზია Ajara Tv
Batumi · 1 month ago
Write a comment