9 votes
comments
shares
Save
4 reads
The Daily Georgia
Tbilisi · 1 year ago

საქართველოს მთავრობა რუსეთიდან სატრანზიტო ფრენებს დააფინანსებს

საქართველოს მთავრობა რუსეთიდან სატრანზიტო ფრენებს 600 ათას ევრომდე თანხით დაასუბსიდირებს.

მთავრობის დადგენილებით, ეს შეეხება ფრენებს რუსეთიდან ერევნის გავლით თბილისისა და ბათუმის მიმართულებით.

სტიმულირების პროგრამის ფარგლებში შესაბამის ხელშეკრულებას „საქართველოს აეროპორტების გაერთიანება“ გააფორმებს. საუბარია თითო მგზავრზე არა უმეტეს 90 ევროს ანაზღაურებაზე.

დადგენილებაში არ არის დაკონკრეტებული, რომელ ავიაკომპანიასთან იგეგმება ხელშეკრულების გაფორმება. თუმცა, ამ ეტაპზე რუსეთიდან ერევნის გავლით სატრანზიტო ფრენებს მხოლოდ „ჯორჯიან ეარვეისი“, სომხეთში პარტნიორი ავიაკომპანიის ხელშეწყობით ახორციელებს.

8 ივლისიდან რუსეთის პრეზიდენტის, ვლადიმერ პუტინის ბრძანებით, რუსულ ავიაკომპანიებს საქართველოში მოქალაქეების გადაყვანა აეკრძალათ. რუსული ავიაკომპანიები საქართველოს მიმართულებით ფრენების აკრძალვის გამო 3 მილიარდი რუბლის (47 266 00 დოლარი) ზარალს ელოდებიან.

სუბსიდირების შესახებ ინფორმაციას 1tv.ge ავრცელებს.


The Daily Georgia
Tbilisi · 1 year ago
9
Write a comment