9 votes
1 comments
0 shares
Save
4 views
Current News
Tbilisi · 11 months ago

კოტე აფხაზისა და მიმდებარე ქუჩებზე ზონალურ-საათობრივი პარკირება ამოქმედდა!

კოტე აფხაზისა და მიმდებარე ქუჩები A ზონას განეკუთვნება, სადაც ავტომობილის გაჩერება ერთი საათით 1 ლარი ეღირება. 15 წუთის განმავლობაში კი პარკირება უფასო იქნება. პარკირება უფასოა ასევე აღნიშნულ ქუჩაზე მცხოვრები პირებისთვისაც.


Current News
Tbilisi · 11 months ago
Similar Posts
რადიო თავისუფლება Radio Tavisupleba
Tbilisi · 20 hours ago
ავთანდილ ბილანიშვილი ნიკა გვარამიას ჟურნალისტური ეთიკის ქარტიაში უჩივის
ავთანდილ ბილანიშვილი, რომელიც ტელეკომპანია „მთავარი არხის“ მიერ გავრცელებული ინფორმაციით, 19 წლის ფეხბურთელის, გიორგი შაქარაშვილის გარდაცვალების საქმის ერთ-ერთი მონაწილეა, „მთავარი არხის“ გენერალურ დირექტორს, ნიკა გვარამიას ჟურნალისტური ეთიკის ქარტიაში უჩივის. ბილანიშვილი, მეტსახელად "კაწრო" ნიკა გვარამიას ჟურნალისტური ეთიკის ქარტიის სამი მუხლის დარღვევას ედავება. მათ შორის, ზუსტი და წყაროზე დაფუძნებული ინფორმაციის გავრცელების დარღვევას. როგორც რადიო თავისუფლებას განუცხადეს ჟურნალისტური ეთიკის ქარტიაში, ამ ეტაპზე, ავთანდილ ბილანიშვილის განცხადება დასაშვებობის ეტაპს გადის: „განცხადება შემოსულია. თუმცა, მიმდინარეობს განხილვა და ამიტომ ჯერჯერობით, ვერ გეტყვით, ვცანით თუ არა ის დასაშვებად“, - ეუბნება რადიო თავისუფლებას ქარტიის ხელმძღვანელი მარიამ გოგოსაშვილი. 19 ივნისს, მცხეთაში მომხდარი ინციდენტის შემდეგ, "მთავარმა არხმა" ავთანდილ ბილანიშვილი შაქარაშვილის საქმესთან შემხებლობაში არაერთხელ ახსენა. არხი მას ქუჩის ავტორიტეტად მოიხსენიებდა და აღნიშნავს, რომ მას ხელს აფარებდნენ, რადგან ბიძინა ივანიშვილის შვილის, ბერა ივანიშვილის მეგობარია. არხმა, 7 ივლისს, ასევე გაავრცელა საქმეში არსებული ვიდეოჩანაწერის ფრაგმენტი, სადაც მცხეთიდან ჩამოსული გიორგი შაქარაშვილის მეგობარი, გურამ ამირხანაშვილის დიდუბის მეტროს მიმდებარე ტერიტორიაზე ყოფნაა ასახული. "მთავარი არხის" ვერსიით, ვიდოკადრებში გამოჩენილი კაცი, სავარაუდოდ, ბილანიშვილია და ის 4 წუთის განმავლობაში ამირხანაშვილს ესაუბრება. კადრებში, რომელიც 19 ივნისის სათვალთვალო კამერებით არის გადაღებული, ჩანს, რომ მას შემდეგ, რაც ლუკოილის ბენზინგასამართ სადგურთან გურამ ამირხანაშვილი ტოიოტა კამრიდან გადმოდის, თითქოს ქუჩაზე გადასვლას ცდილობს, შემდეგ კი უკან ბრუნდება. რამდენიმე წუთში ადგილზე მიდის თეთრი მიკროავტობუსი, საიდანაც გადმოდის თეთრპერანგიანი ახალგაზრდა კაცი და მიდის იმ მიმართულებით, სადაც დგას ამირხანაშვილი. მთავარი არხი ვარაუდობს, რომ ის ავთანდილ ბილანიშვილი, იგივე "კაწროა", რომელიც ამირხანაშვილს ოთხი წუთის განმავლობაში ელაპარაკება და, სავარაუდოდ, "ამუშავებს" ამირხანაშვილს ჩვენების მიცემის თაობაზე. ავთანდილ ბილანიშვილი გამოძიებამ 8 ივლისს გამოკითხა. შინაგან საქმეთა სამინისტროს ინფორმაციით, "მთავარი არხის" მიერ შაქარაშვილის საქმეზე გავცრელებულ კადრებში ავთანდილ ბილანიშვილი არ ჩანს. მოგვიანებით, შსს-მ განცხადება გაავრცელა, რომლის მიხედვითაც, 19 ივნისის ღამეს, დიდუბის ტერიტორიაზე გადაღებულ ვიდეოკადრებში ხაშურში მცხოვრები ლაშა ლურსმანაშვილი ჩანს და არა ქუჩის "ავტორიტეტი", ავთანდილ ბილანიშვილი. შსს "მაღალი საზოგადოებივი ინტერესიდან გამომდინარე" აცხადებს, რომ ქუთაისი-თბილისის მიმართულებით მოძრავი თეთრი მიკროავტობუსიდან სწორედ ლურსმანაშვილი გადმოვიდა. თავად ლაშა ლურსმანაშვილმა ოთხსაათიანი გამოკითხვის შემდეგ თქვა, რომ დიდუბეში "პირად საქმეზე" გაჩერდა და გიორგი შაქარაშვილის საქმის მოწმემ, გუკა ამირხანაშვილმა მას დარეკვა სთხოვა.#ახალი_ამბები#twitter #გიორგი_შაქარაშვილის_საქმე
Gode Marr
Tbilisi · 3 months ago
თბილისი ენერჯი განცხადებას ავრცლებს!
კომპანია “თბილისი ენერჯი” განცხადებას ავრცელებს. განცხადების თანახმად, ახალ გაზსადენზე გადართვის მიზნით, 13 აპრილის 10:00 საათიდან, 14 აპრილის 13:00 საათამდე გაზის მიწოდების დროებითი შეწყდება მთაწმინდის რაიონში აბონენტთა ნაწილის. „ძვირფასო აბონენტებო, გვინდა გაცნობოთ, რომ კომპანია „თბილისი ენერჯი“ აგრძელებს ქალაქ თბილისის გაზმომარაგების ქსელის რეკონსტრუქციას. გაზგამანაწილებელი ქსელის ერთერთ მონაკვეთზე, მტკვრის მარჯვენა სანაპიროზე – მშრალი ხიდის მიმდებარედ სრულად შეიცვალა ძველი კოროზირებული მილი. ახალ გაზსადენზე გადართვისთის აუცილებელია 13 აპრილის 10:00 საათიდან, 14 აპრილის 13:00 საათამდე გაზის მიწოდების დროებითი შეწყვეტა მთაწმინდის რაიონში აბონენტთა ნაწილისთის. კერძოდ – გაზის მიწოდება დროებით შეუწყდება ვაკის რ-ში - ბოცვაძის ქ. 2, 8, 10, 14, კოსტავას ქ. 43, 45, 47, 47/57, 49, 85ა, კოსტავას შესახვევში (ვერის შესახვევი) მდებარე კორპ. # 3, 4, 5, 9, 11, კოსტავას II შეს. 2/4 (ახლ. მზია ჯუღელის ქუჩა), კოსტავას I შეს. 33, კოსტავას II შეს. 3, კოსტავას II შეს. 5, კოსტავას II შეს. 9, კოსტავას II შეს. 10, მარჯვენა სანაპირო # 6-ში მდებარე საცხოვრებელი კორპუსების მოსახლეობასა და მიმდებარედ მცხოვრებ კერძო სექტორის აბონენტებს და არასაყოფაცხოვრებო მომხმარებლებს. მთაწმინდის რ-ში - მარჯვენა სანაპირო # 2, 2ა, ბროსეს ქ. 2-ში მდებარე საცხოვრებელი კორპუსის, ბროსეს ქ. 8, 8ა, 8ბ, 12, რუსთაველის გამზ. 1 (I სკოლასა და შევჩენკოს ქუჩას შორის), ბესიკის ქ. 4-ში (შპს ,,ნირან პროპერტის დეველოპმენტი”), გ. ჭანტურიას ქ. 12-ში – შპს ,,ლივინი”-ს, თავისუფლების მოედანი #4 -ში მდებარე საცხოვრებელი კორპუსების მოსახლეობას, ასევე ანტონ ფურცელაძის, სოლიკო ვირსალაძის, გ. ჭანტურიას, ვ. გუდიაშვილის, რ. თაბუკაშვილის, ნატო ვაჩნაძის, ვასო აბაშიძის, ჯორჯაძის, ათონელის, ორბელიანის, ფხოვის, ტელეგრაფის, მტკვრის ქ. 3, 4, 6, ნიკოლოზ ბარათაშვილის ქ. 6, 8, 10, 12, გოგჩის, სულხანიშვილის, პუშკინის, ა.თბილელის, გია აბესაძის, ავლევის, აკოფიანის (სულთნიშნის), ასკანის, ახოსპირელის, გომის, ვერცხლის, ლესელიძის (კოტე აფხაზის), იერუსალიმის, კ.ცინცაძის, კუპტინის, ლ. ასათიანის, ა.კათალიკოსის, საიათნოვას, ჩახრუხაძის, ხოდაშენის, ხანძთელის, ჯიბლაძის, ბეთლემის, აბოვიანის, ყავლაშვილის, ნინო და ილია ნაკაშიძეების, ნიშნიანიძის, თონეთის მოედნისა და მიმდებარე ქუჩებზე მცხოვრები კერძო საცხოვრებელი ეზოების კერძო სექტორის მოსახლეობას, აგრეთვე გაზმომარაგება შეუწყდება აღნიშნულ ტერიტორიაზე განთავსებულ მსხვილ და მცირე კომერციულ ობიექტებს, მათ შორის: ოპერისა და ბალეთის თეატრი, გ. რამიშვილის სახელობის # 20-ე სკოლა, სს საზოგადოებრივ საქმეთა ინსტიტუტი ,,ჯიპა”, შსს ქ. თბილისის მთ. სამმართველოს ძველი თბილისის პოლიციის სამმართველო, საქართველოს ეროვნული მუზეუმი, I კლასიკური გიმნაზია, ეკონომიკისა და მდგრადი განვითარების სამინისტრო, ,,ქორთიარდ მერიოტი”, ,,თბილისი მერიოტი” – (შპს ,,ჯი ემ თი” სასტუმროები), რუსთაველის სახელობის დრამატული თეატრი, საქართველოს პარლამენტის აპარატი, კინოთეატრი ,,რუსთაველი”, საქართველოს პარლამენტის ეროვნული ბიბლიოთეკა, ქაშუეთის ეკლესია, გრიბოედოვის სახელობის თეატრი, შპს ,,თბილისი გალერეა”, შპს ,,PP” (ყოფ. პირიმზის შენობა), საქართველოს საპატრიარქო, სიონის საკათედრო ტაძარი, სსიპ იუსტიციის სახლი, სსიპ საჯარო რეესტრის ეროვნული სააგენტო”, სსიპ სახელმწიფო ქონების ეროვნული სააგენტო, სსიპ ,,ნავთობისა და გაზის სახელმწიფო სააგენტო”, საქართველოს განათლების, მეცნიერების, კულტურისა და სპორტის სამინისტრო, შპს ,,ჯი თი ერ” (ამბასადორი), სს ,,სამედიცინო კორპორაცია ევექსი”, და სხვა; ჩუღურეთის რ-ში – ზაარბრიუკენის მოედანზე მდებარე შპს ,,ჯი ემ თი სასტუმროები” და მიმდებარე კომერციულ ობიექტებს. კომპანია თბილისის ენერჯი ბოდიშს გიხდით შექმნილი დისკომფორტის გამო. აღნიშნული სამუშაოები აუცილებელია აღნიშნული რაიონის უწყვეტი და საიმედო გაზმომარაგებითვის”, - ნათქვამია განცხადებაში. #politics #news #opinion Tbilisi
Natia Mikiashvili
Tbilisi · 2 months ago
მალე! ახალი იმუნური პასპორტები იქნება?!
იმუნური პასპორტების შემოღების ინიციატივით გამოვიდა გერმანია, რაც ერთხმად მიიღო პარლამენტმა. გერმანიის მთავრობა მოსახლეობას ტესტირებას გაუკეთებს ორგანიზმში ანტისხეულების არსებობის შესახებ და მხოლოდ მას შემდეგ გასცემს პასპორტებს. ამ ეტაპზე ევროგაერთიანების ქვეყნები იმუნური პასპორტების მიღებისა და რატიფიცირების ფაზაში გადადიან. აღნიშნულ საკითხს განიხილავს ასევე საქართველო. საქმე ის არის, რომ უსიმპტომო მატარებლები შეიძლება გახდნენ დაავადების ახალი აფეთქების მიზეზი, შესაბამისად, სახელმწიფოებმა უნდა აღკვეთონ მეორე ტალღის აღმოცენება – თავდაცვის ერთ-ერთი საშუალება კი მოსახლეობის იმუნური პასპორტიზაციაა. რას ნიშნავს იმუნური პასპორტი? ეს გახლავთ დოკუმენტი, სადაც დადასტურებულია ინფორმაცია იმის შესახებ, ადამიანი კორონავირუსის მატარებელი არის თუ – არა; ანდა არსებობს თუ არა მის ორგანიზმში ანტისხეულები. ასეთი პასპორტის მიღება შეუძლიათ იმათ, ვინც უკვე მოიხადა ვირუსი, ვისაც ბუნებრივი იმუნიტეტი აქვს და ვინც გაიარა ვაქცინირება (ვაქცინის გამოგონების შემდეგ). ეს დოკუმენტი უნდა აღიაროს ყველა სახელმწიფომ. მაგალითად, საქართველოში გაცემულ იმუნურ პასპორტს მოქმედების ძალა ექნება ევროპის ყველა ქვეყანაში. ტურიზმის სფეროს შემცირება ქვეყნების ეკონომიკაზე სერიოზული დარტყმა იქნება, ხოლო იმუნურ პასპორტებს ამ პრობლემის მოგვარება შეუძლია. ბუნებრივია, ევროპა ყველა ღონეს იხმარს, რომ ტურიზმის სფერო არ ჩააგდოს. აღნიშნულ იდეას მხარი დაუჭირა დიდმა ბრიტანეთმა და აშშ-მ. ასე მაგალითად, დიდ ბრიტანეთის ჯანდაცვის მინისტრმა უკვე გასცა ბრძანება ე. წ. იმუნური საბუთების დარიგებისა, რაც, სავარაუდოდ, წინამორბედია იმუნური პასპორტების. პირველი ნაბიჯი ამ მიმართულებით უკვე გადადგა ჩინეთმა – 12 აპრილიდან ყველამ, ვისაც სურს ბინის ყიდვა, ქირაობა, სასტუმროში გაჩერება და ა. შ., უნდა წარადგინოს საბუთი იმის შესახებ, რომ მას არ აქვს კორონავირუსი. რაც მთავარია, ეს საბუთი ერთი კვირით ადრე უნდა გაიცეს. მასზე უნდა იყოს მითითებული სპეციალური კოდი, რომელიც ადასტურებს COVID-19-ის „არარსებობას“ რეციპიენტის ორგანიზმში. ამ ეტაპზე, მთელ მსოფლიოში, მათ შორის, საქართველოში, ქვეყანაში შემოსვლამდე ადამიანმა უნდა წარადგინოს საბუთი, რომელიც ადასტურებს, რომ მას სისხლში არ აქვს COVID-19. იმუნური პასპორტების აღებისას მოსახლეობას თავად მოუწევს მისი საფასურის გადახდა. ეს კი საკმაოდ ძვირი სიამოვნება იქნება. კორონავირუსზე ტესტირება 650 ლარი ჯდება. ასე რომ, თუ რაღაც არ შეიცვალა ან მთავრობამ არ აიღო საკუთარ თავზე ხარჯების ნაწილი, მოსახლეობის დიდი ნაწილი იმუნური პასპორტების გარეშე დარჩება.
Marneuli Daily
Marneuli · 3 weeks ago
რისი ნახვა შეგიძლიათ მარნეულის მუნიციპალიტეტში ?
შიდა ტურისტული სეზონი გაიხსნა. მსოფლიო პანდემიის გამო გაჩერებული ტურიზმის სექტორი 15 ივნისიდან ამუშავდა. ჩვენ დავინტერესდით თუ რა ადგილების ნახვაა შესაძლებელი მარნეულის მუნიციპალიტეტში ტურისტებისთვის. მარნეულის მერიის კულტურის სამსახურის სპეციალისტთან ტურიზმის საკითხებში, ელგუჯა კუპატაძე განმარტავს, ამ ეტაპზე, სეზონიდან გამომდინარე, უმჯობესია დამთვალიერებლები წერაქვს, ახკერპსა და ოფრეთს ესტუმრონ. "როგორც ხედავთ, ტემპერატურამ მოიმატა და შესაბამისად, ისეთ ადგილებს უნდა ვირჩევდეთ, სადაც მეტი სიგრილეა. აქედან გამომდინარე, მე მთის ზონას განვიხილავ: სოფელ წერაქვს ახკერპსა და ოფრეთს. იქ შეიძლება პიკნიკის მოწყობაც, კულტურული მემკვიდრეობის ძეგლებიც გვაქვს ბილიკებიც გადის და შესაძლებლობა ექნებათ ნახონ არქიტექტურული ძეგლები და დაისვენონ. შესაძლებელია მოვინახულოთ წერაქვის სამონასტრო კომპლექსი, მიხეილ ჯავახიშვილის მუზეუმი. ასევე ოფრეთშია ნათლისღების ეკლესია, სადაც წყარო ამოდის. ასევე სოფელ ჩანახჩიში არის სომხური არქიტექტურა, ფანტასტიური ძეგლია ხორაკერპის. ბუნებაც ძალიან ლამაზია. ლეხვიანია სოფელი, რომელიც შეგვიძლია მოვინახულოთ იმიტომ, რომ ველობილიკი გადის და მაინც შიდა ტურიზმი ასეა თუ ისეა მუშაობს. შესაძლებელია ვიზიტორებიც კი შეგხვდნენ. იქ ვნახავთ აუცილებლად აგროტურიზმის პრაგმნტებს - მეფუტკრეობას. შესაძლებელია ნატურალური პროდუქტის ყიდვა. თუ ვინმე გერმანული ტურიზმით დაინტერესდება, თამარისში უნდა გავუშვათ. დანარჩენ სოფლეში ძალიან ცხელა, თორე წოფიც საინტერესოა, ხოჯორნიც და ა.შ. თუ რამდენი ტურისტი ესტუმრა გასულ წელს მარნეულს, ამის სტატისტიკური მონაცემები მარნეულის მერიას არ გააჩნია. ეგლგუჯა კუპატაზე სავარაუდო რიცხვად 3000 ასახელებს. როგორც თავად ამბობს, ზუსტი სტატისტიკის გაგება მარნეულის საინფორმაციო ჯიხურის მეშვეობით იქნება შესაძლებელი, რომელიც შესაძლოა ივლისის დასაწყისში გაიხსნას. აღსანიშნავია, რომ მარნულში ტურისტული ცენტრის მშენებლობაზე მუშაობა მარნეულის მერიამ ჯერ კიდევ 2017 წლიდან დაიწყო. თავდაპირველად მერიამ, 2017 წლის 29 დეკემბერს, ტურისტული საინფორმაციო ცენტრის შენობის მოწყობის საპროექტო-სახარჯთაღრიცხვო დოკუმენტაციის შესყიდვის ტენდერი გამოაცხადა. აღნიშნულ დოკუმენტში მერიამ 977 ლარი დახარჯა. #შიდატურიზმი #მარნეული #მგზავრობა #MarneuliDailyწყარო: რადიო მარნეული#მეცნიერება #მოგზაურობა #ახალიამბები
Tbilisi Daily
Tbilisi · 2 months ago
მთაწმინდისა და კრწანისის ქუჩები სადეზინფექციო საშუალებებით მოირეცხა
კორონავირუსის გავრცელების პრევენციისა და მოქალაქეთა უსაფრთხოების მიზნით, სადეზინფექციო საშუალებებით დედაქალაქის ქუჩების დამუშავების პროცესი გრძელდება. გზები ამჯერად მთაწმინდისა და კრწანისის რაიონებში მოირეცხა. ინფორმაციას თბილისის მერია ავრცელებს. მათივე ცნობით, მასშტაბური სადეზინფექციო სამუშაოები შპს „თბილსერვის ჯგუფმა“ შინაგან საქმეთა სამინისტროს საგანგებო სიტუაციების მართვის სამსახურთან ერთად, სპეციალური ტექნიკის გამოყენებით, ამაღლების, იაშვილის, ლერმონტოვის, ლორთქიფანიძის, ასათიანის, კოტე აფხაზის, დადიანის, ტაბიძის, ქიქოძისა და ჩიქობავას ქუჩებზე ჩაატარა. „უწყებათაშორისი საკოორდინაციო საბჭოს რეკომენდაციით, სპეციალური სადეზინფექციო ხსნარებით დედაქალაქის ქუჩები ეტაპობრივად მუშავდება. შესაბამისი სამუშაოები მთელი ქალაქის მასშტაბით დაახლოებით 70 ქუჩაზე ჩატარდება. სპეციალური ხსნარით ირეცხება, როგორც გზის სავალი ნაწილი, ასევე, ტროტუარები და ველობილიკები. ღონისძიებების ფარგლებში, დეზინფექცია ასევე უტარდება საზოგადოებრივი ტრანსპორტის გაჩერებებსა და ნაგავშემკრებ კონტეინერებს“, – აღნიშნულია თბილისის მერიის ინფორმაციაში.
Tbilisi Daily
Tbilisi · 1 week ago
გაქცეულ გიორგი შაქარაშვილს 3 პირი მისდევდა
ფეხბურთელ გიორგი შაქარაშვილის გარდაცვალების საქმეზე გამოკითხული ერთ-ერთი პირის, დაზარალებულ ვახო ახვლედიანის ჩვენების მიხედვით, ხიდიდან გაქცეულ გიორგი შაქარაშვილს 3 პირი მისდევდა. თუმცა, როგორც მისი ჩვენებიდან ირკვევა, აღნიშნული პირების ამოცნობა მას არ შეუძლია. „ინეტრპრესნიუსმა“ ახვლედიანის ჩვენება მოიპოვა, რომელშიც ახვლედიანი დაბადების დღეზე დაწყებულ კონფლიქტსა და შემდეგ უკვე, ხიდთან განვითარებულ მოვლენებს დეტალურად იხსენებს. როგორც დაზარალებულის ჩვენებიდან ირკვევა, იუბილარის დაბადების დღეზე ის მეგობრებთან - გიორგი ქათამაძესთან და დიჯეი კოკო ღიბრაძესთან ერთად წავიდა. „ჩემმა მეგობარმა, ანა გაბეჩავამ მე და ჩვენი საერთო მეგობრები - გიორგი ქათამაძე და კონსტანტინე ღიბრაძე დაგვპატიჟა 2020 წლის 18 ივნისს, თავის დაბადების დღეზე. ანამ გვითხრა, რომ ის დაბადების დღის სუფრას იხდიდა ქალაქ მცხეთაში მდებარე „ლიდერფუდის“ მაღაზიის უკან მდებარე კაფე-ბარში. ანას ჩვენ დავთანხმდით. 2020 წლის 18 ივნისს მე, გიორგი ქათამაძე და კონსტანტინე ღიბრაძე შევიკრიბეთ ჩემი საცხოვრებელი სახლის ეზოში, საიდანაც ჩვენ სამივენი ტაქსით წავედით ანას დაბადების დღის სუფრაზე - ქალაქ მცხეთაში მდებარე „ლიდერფუდის“ მაღაზიის უკან მდებარე კაფე-ბარში... რომ მივედით, უკვე იყო შებინდებული, ზუსტი საათი არ მახსოვს. სუფრაზე რომ მივედით, ჩვენ იქ დაგვხვდნენ ანა გაბეჩავა და მისი მეგობარი გოგო-ბიჭები, რომლებსაც მე არ ვიცნობდი. სუფრაზე ვიქნებოდით დაახლოებით, 30 ადამიანი. სუფრაზე ყოფნისას მე იქ გავიცანი ანა გაბეჩავას მეგობარი გიორგი შაქარაშვილი. ჩვენ ცოტა დავლიეთ ალკოჰოლური სასმელი და თან ვცეკვავდით და ვერთობოდით. სუფრის მსვლელობისას იქ მყოფ ახალგაზრდებს შორის მოხდა ჩხუბი, ოღონდ თუ რაზე მოხდა მათ შორის ჩხუბი და ვის და ვის შორის მოხდა ჩხუბი, მე არ ვიცი, რადგან როგორც უკვე მოგახსენეთ, მე იქ მყოფთაგან ვიცნობდი მხოლოდ ჩემ მეგობრებს - გიორგი ქათამაძეს, კონსტანტინე ღიბრაძეს, ანა გაბეჩავას და იქ სუფრაზე გავიცანი გიორგი შაქარაშვილი. ჩხუბი და გაწევ-გამოწევა მე შევნიშნე კაფე-ბარის გარეთ ეზოში, როდესაც შემთხვევით გამოვედი გარეთ, ეზოში. ჩხუბი შიგნით კაფე-ბარში არ ყოფილა. ამის შემდეგ ჩხუბი მალევე შეწყდა და ყველანი ჩაჯდნენ ავტომანქანებში და დაიშალნენ. ჩხუბში ან მოჩხუბართა გაშველებაში მე მონაწილეობა არ მიმიღია, რადგან იმ ადგილზე ბნელოდა, მე არ დამინახავს სახეზე, თუ ვინ ჩხუბობდა ერთმანეთში და ვინ იღებდა მონაწილეობას გაშველებაში, არც ის დამინახავს, ვინმეს ჰქონდა თუ არა ჩხუბის შედეგად დაზიანება მიღებული. ამის შემდეგ რამდენიმე წუთის განმავლობაში ვამშვიდებდი ანა გაბეჩავას და მის მეგობარ გოგონებს, რომლებიც ასევე იმყოფებოდნენ იქ სუფრაზე, რის შემდეგაც ზოგიერთი გოგო შევიდა შიგნით კაფე-ბარში, ხოლო ზოგიერთი იყო გარეთ ეზოში. ამასობაში, გავიდა რამდენიმე წუთი, ამის შემდეგ ადგილზე დავრჩით მე, გიორგი ქათამაძე და კონსტანტინე ღიბრაძე, სხვა ბიჭები მე იქ არ მინახავს. მე, გიორგი ქათამაძემ და კონსტანტინე ღიბრაძემ გადავწყვიტეთ, წავსულიყავით სახლში და ცენტრალურ საავტომობილო გზაზე სანამ გამოვიდოდით, „ლიდერფუდთან“ არსებულ კიბეებთან შევნიშნეთ სამი ახალგაზრდა ბიჭი, რომელიც ასევე იმყოფებოდა ანა გაბეჩავას დაბადების დღის სუფრაზე. ამ სამი ახალგაზრდა ბიჭიდან ერთ-ერთი იყო გიორგი შაქარაშვილი. მათ არანაირი სახის დაზიანების კვალი არ ემჩნეოდათ. ჩვენ ექვსივე ერთად გადავედით მცხეთა-თბილისის დამაკავშირებელი ცენტრალური საავტომობილო გზის მეორე მხარეს, ანუ თბილისის მიმართულებით და დავყევით გზას ფეხით თბილისისკენ და თან ხელს ვუქნევდით ავტომანქანებს, რომ ვინმეს გაეჩერებინა ჩვენთვის და წავეყვანეთ ქალაქ თბილისში, თუმცა, ავტომანქანა არავინ გაგვიჩერა. რამდენიმე ასეული მეტრის გავლის შემდეგ, ქალაქ თბილისის მიმართულებით ჩვენ მდინარე არაგვის ხიდზე გადავედით თუ არა, უკანა მხრიდან დაგვეწია მოთეთრო-მოვერცხლისფრო ავტომანქანა, რომლის მარკა, სერია და ნომერი არ მახსოვს. ავტომანქანა გაჩერდა დაახლოებით, 10-15 მეტრით წინ მიმავალ ჩემ მეგობრებთან, გიორგი ქათამაძესთან და კონსტანტინე ღიბრაძესთან. ავტომანქანიდან გადმოვიდა დაახლოებით, 5 ახალგაზრდა მამაკაცი, რომლებმაც ცემა დაუწყეს გიორგი ქათამაძეს და კონსტანტინე ღიბრაძეს, რის შემდეგაც ერთ-ერთი გამოიქცა ჩემკენ და უკან გამოყვნენ დანარჩენებიც და როგორც კი მოვიდნენ ჩემთან, პირველმა, რომელიც გამოიქცა ჩემსკენ და მოვიდა ჩემთან, დამარტყა ხელი სახეში და მივიღე დაზიანება ცხვირის მიდამოში და ვიგრძენი ფიზიკური ტკივილი, რის შემდეგაც მე დავინახე, რომ სხვებიც მოდიოდნენ ჩემსკენ ჩემ საცემად, რის გამოც მე და ჩემ გვერდით მყოფი კიდევ 3 ახალგაზრდა ბიჭი, რომელთაგანაც ერთ-ერთი იყო გიორგი შაქარაშვილი, გავიქეცით უკან, ცენტრალურ საავტომობილო გზაზე, მცხეთის მიმართულებით. რამდენიმე მეტრი რომ გავიქეცით, მდევრებიც გაჩერდნენ, გატრიალდნენ უკან, ჩასხდნენ თავიანთ ავტომანქანაში და წავიდნენ. ამის შემდეგ ჩვენ ისევ გავაგრძელეთ ყველამ ერთად გზა ქალაქ თბილისისკენ, ანუ მე და ჩემმა მეგობარმა გიორგი ქათამაძემ და კიდევ იმ სამმა ახალგაზრდა ბიჭმა, რომლებიც ასევე იმყოფებოდნენ ანა გაბეჩავას დაბადების დღეზე და რომელთაგანაც ერთ-ერთი იყო გიორგი შაქარაშვილი, ხოლო კონსტანტინე ღიბრაძე ამ დროს იქ არ დამინახავს. მე უნდა მეკითხა გიორგი ქათამაძისთვის, კონსტანტინე ღიბრაძე სად არის-მეთქი, რა დროსაც იმავე ხიდზე როგორც კი გადავედით, ჩვენ უკანა მხრიდან დაგვეწია ავტომანქანა, რომლის ფერი, სერია და ნომერი არ მახსოვს, რადგან ვიყავი შეშინებული. აშკარად იყო სხვა ავტომანქანა. ავტომანქანა გაჩერდა ჩვენთან და როგორც კი გაიღო ავტომანქანის კარები და ავტომანქანიდან იქ მჯდომმა პირებმა დააპირეს გადმოსვლა, ჩვენ ყველა ერთად მოვტრიალდით უკან და გავიქეცით ქალაქ მცხეთის მიმართულებით. ისინი, ვინც ავტომანქანიდან გადმოვიდნენ, მოგვსდევდნენ უკან და გვეძახდნენ - გაჩერდით, სად გარბიხართო და გვაგინებდნენ. ჩვენ ყველამ ერთად ხიდზე გადავკვეთეთ გზა, გადავედით საავტომობილო გზის მეორე მხარეს და გავრბოდით. მე ხიდზე როგორც კი გადავედი, იქვე ჩავუხვიე დაბლა და როგორც კი ჩავუხვიე, ეგრევე ვნახე იქვე არსებული ბუჩქები და ჯაგები და გავიქეცი იქითკენ და დავიმალე აღნიშნულ ბუჩქებში, ხოლო სხვები თუ საით და რა მიმართულებით გაიქცნენ, არ ვიცი, რადგან იყო ღამე. მე სანამ ჩავუხვევდი ბუჩქებისკენ, დავინახე, რომ ჩემ წინ მირბოდა გიორგი შაქარაშვილი და მე რომ ჩავუხვიე ბუჩქებისკენ, ისინი, ვინც მოგვსდევდნენ, გაეკიდნენ გიორგი შაქარაშვილის და შემდეგ, თუ ვინ საით გაიქცა, არ დამინახავს. მე ჩუმად ვიჯექი და ვიმალებოდი ბუჩქებში, რა დროსაც საავტომობილო გზის მხრიდან დაახლოებით, 10 წუთი მესმოდა ძახილის ხმა - „სად გაიქეცით, გამოდითო“ და თანაც გვაგინებდნენ. დაახლოებით 10 წუთის შემდეგ, ძახილის ხმა შეწყდა, თუმცა, მე მაინც არ გამოვსულვარ ბუჩქებიდან, სადაც ვიმალებოდი დაახლოებით, 35-40 წუთი. ბოლოს, როცა დავრწმუნდი, რომ საფრთხემ ჩაიარა, მე გამოვედი ბუჩქებიდან და გამოვედი ცენტრალურ საავტომობილო გზაზე. გზაზე რომ გამოვედი, მე დავურეკე ჩემი მობილური ტელეფონიდან ჩემს მეგობარ გიორგი ქათამაძეს მობილურ ტელეფონზე, რომლის სიმ ბარათის ნომერი არ მახსოვს და ვკითხე, სად მიდიხარ-მეთქი, რა დროსაც გიორგი იქვე საიდანღაც ბუჩქებიდან გამოვიდა საავტომობილო გზაზე, ხოლო ის სამი ახალგაზრდა ბიჭი, რომელთაგანაც ერთ-ერთი იყო გიორგი შაქარაშვილი, თუ სად წავიდნენ და სად იყვნენ, არ ვიცი, რადგანაც ისინი იმ დროს უკვე იქ არ ყოფილან. ამის შემდეგ მე დავურეკე ჩემს მეგობარ ლუკა ბეჟანიშვილის, რომლის ტელეფონის ნომერი არ მახსოვს და ვთხოვე, მოსულიყო ჩვენთან და წავეყვანე სახლში. რამდენიმე წუთში ჩვენთან მოვიდა ჩვენი მეზობელი კახა, რომლის გვარი არ ვიცი, თავისი ავტომანქანით, რომელმაც გვითხრა, რომ ლუკამ გამოგვგზავნა თქვენთანო, რის შემდეგაც ჩვენ, ანუ მე და გიორგი ქათამაძე ჩავჯექით კახას ავტომანქანაში და წავედით სახლში. უბანში რომ მივედით, იქ დაგვხვდა ჩვენი მეგობარი კონსტანტინე ღიბრაძე, რის შემდეგაც ჩვენ დავიშალეთ და წავედით სახლში. მეორე დილით მე ანა გაბეჩავამ „ინსტაგრამზე“ მომწერა, გიორგი შაქარაშვილი არ ჩანს და ხომ არ იცი, სად არისო, რაზედაც მე ვუპასუხე, რომ არ ვიცოდი. სწორედ მაშინ გავიგე ანასგან, რომ გიორგი შაქარაშვილი იყო დაკარგული. კითხვაზე გიპასუხებთ, რომ მე შემიძლია ამოვიცნო ის ბიჭი, რომლებიც გიორგი შაქარაშვილთან ერთად იყვნენ, ხოლო იმ ბიჭებს, რომლებიც ჩვენ გამოგვეკიდნენ და გვცემდნენ, ვერ ამოვიცნობ, რადგან ისინი კარგად არ მინახავს. კითხვაზე გიპასუხებთ, რომ მე არ ვიცი, ვის და ვის შორის და რა მიზეზით მოხდა ჩხუბი კაფე-ბარში, ანა გაბეჩავას დაბადების დღეზე. კითხვაზე გიპასუხებთ, რომ მომხდარი ჩხუბის დროს მე სახეში ცხვირის მიდამოში მივიღე დაზიანება და მე თანახმა ვარ, ჩამიტარდეს ექსპერტიზა. კითხვაზე გიპასუხებთ, რომ მე შემიძლია ამოვიცნო ის ორი ახალგაზრდა ბიჭი, რომლებიც გიორგი შაქარაშვილთან ერთად იმყოფებოდნენ და რომლებთან ერთადაც ჩვენ წავედით ქალაქ თბილისისკენ, მე მათი ამოცნობა შემიძლია სახეზე და ფიზიკურად. კითხვაზე გიპასუხებთ, რომ როდესაც მე ჩემს უბანში მივედი და იქ დამხვდა კონსტანტინე ღიბრაძე, რომელსაც მე ვკითხე, შენ რითი წამოხვედი-მეთქი, რაზედაც მან მიპასუხა, რომ გზაზე ხელი გავუქნიე შემთხვევით გამვლელ ავტომანქანას და იმან გამომიყოლა ქალაქ თბილისშიო. კითხვაზე გიპასუხებთ, რომ როდესაც გავიგე ანა გაბეჩავასგან, გიორგი შაქარაშვილის გაუჩინარების შესახებ, მე არ მიკითხავს არც ჩემს მეგობრებში და არც არავისთან გიორგი შაქარაშვილის გაუჩინარების შესახებ, რადგანაც ვიფიქრე, რომ ალბათ, გამოჩდება-მეთქი. კითხვაზე გიპასუხებთ, რომ მე შემიძლია ამოვიცნო გიორგი შაქარაშვილი... კითხვაზე გიპასუხებთ, რომ ის ახალგაზრდა ბიჭი, რომელმაც მე მომაყენა ფიზიკური შეურაცხყოფა, რა დროსაც დაზიანება მივიღე ცხვირის მიდამოში, იყო ოდნავ გრძელი თმებით, საშუალო სიმაღლის და საშუალო აღნაგობის, რომლის ამოცნობაც მე შემიძლია. კითხვაზე გიპასუხებთ, რომ ზემოთაღნიშნული ჩხუბის დროს მე მეცვა თეთრი ფერის გრძელსახელოიანი „საროჩკა“ და ლურჯი ფერის ნაჭრის შორტები. როდესაც მე მომაყენეს ფიზიკური შეურაცხყოფა, მაგ დროს ასევე შემომეხა „საროჩკა“, რომელიც მეცვა და რადგანაც იგი იყო გახეული, ქალაქ თბილისში ჩამოსვლისას ჩემ უბანში მდგარ ურნაში გადავაგდე, ხოლო შორტები მე გამოვიცვალე ჩემ სახლში და ამჟამად ვინახავ ჩემ საცხოვრებელ სახლში. კითხვაზე გიპასუხებთ, რომ მე თანახმა ვარ, მონაწილეობა მივიღო საგამოძიებო ექსპერიმენტში“, - აცხადებს ახველედიანი ჩვენებაში.
Kutaisi Daily
Kutaisi · 16 hours ago
პასუხები ყველაზე ხშირად დასმულ კითხვებზე ფრენების აღდგენასთან დაკავშირებით
საქართველოს მთავრობამ საზღვრის კვეთასთან დაკავშირებით ხშირად დასმულ კითხვებს უპასუხა. კითხვები ეხება საქართველოს მოქალაქეებისთვის სავალდებულო კარანტინს, სპეციალურ ელექტრონული ანკეტის შევსებას, აეროპორტში ტესტირებას, ქვეყნიდან გამგზავრებასა და სხვა საკითხებს. პასუხსებს უცვლელად გთავაზობთ რომელი ქვეყნებისთვის იხსნება საქართველოს სახელმწიფო საზღვარი? ამ ეტაპზე, ევროკავშირის 27 წევრი სახელმწიფოდან 5 ქვეყნისთვის (გერმანია, საფრანგეთი, ესტონეთი, ლატვია და ლიეტუვა) საქართველოს სახელმწიფო საზღვარი იხსნება უპირობოდ. ზემოჩამოთვლილი 5 ქვეყნის მოქალაქეებს/მუდმივი ბინადრობის ნებართვის მქონე პირებს შეეძლებათ ყველა სახის ვიზიტით საქართველოში მხოლოდ საჰაერო გზით ჩამოსვლა, მითითებული 5 ქვეყნიდან გამომგზავრების შემთხვევაში. მაგ: ლატვიის მოქალაქე/ბინადრობის უფლების მქონე პირი გერმანიიდან უპირობოდ შემოვა საქართველოში. საქართველოს საზღვრის გადმოკვეთამდე, მათ უნდა შეავსონ საგანგებოდ შემუშავებული სპეციალური, ელექტრონული ანკეტა, სადაც უნდა მიუთითონ საქართველოში შემოსვლამდე ბოლო 14 დღის განმავლობაში მოგზაურობის ისტორია, საქართველოში ვიზიტის დროს განსაზღვრული ადგილსამყოფელი, საკონტაქტო ინფორმაცია და სხვ. მათივე თანხმობის შემთხვევაში, აეროპორტში მათ ჩაუტარდებათ PCR ტესტი (სახელმწიფოს ხარჯით). საზღვარზე თერმოსკრინინგის გავლის შედეგად, 37 გრადუსზე მაღალი ტემპერატურის დაფიქსირების შემთხვევაში პირი გადაყვანილი იქნება სამედიცინო დაწესებულებაში. ევროკავშირის ქვეყნების (იტალია, კვიპროსი, საბერძნეთი, ესპანეთი, შვედეთი, ლუქსემბურგი, ნიდერლანდები, პოლონეთი, პორტუგალია, რუმინეთი, ხორვატია) მოქალაქეებს, რომლებმაც საქართველო შეიყვანეს ე.წ. მწვანე სიაში (გარდა ზემოთ ჩამოთვლილი 5 ქვეყნისა) ან დაუწესეს სხვადასხვა სახის შეზღუდვები, საქართველოში შემოსვლა შეეძლებათ 14 დღიანი სავალდებულო კარანტინის პირობით, რომლის ხარჯებსაც თავად დაფარავენ. იმ შემთხვევაში, თუ ზემოაღნიშნული 5 ქვეყნის მოქალაქე/მუდმივი ბინადრობის უფლების მქონე პირი საჰაერო გზით ჩამოდის ევროკავშირის იმ ქვეყნიდან, რომელთანაც საქართველო დათქმით ხსნის საზღვარს (იტალია, კვიპროსი, საბერძნეთი, ესპანეთი, შვედეთი, ლუქსემბურგი, ნიდერლანდები, პოლონეთი, პორტუგალია, რუმინეთი, ხორვატია) ან იმ ქვეყნებიდან, რომელთანაც საქართველოს არ აქვს საზღვარი გახნილი, აგრეთვე თუ ბოლო 14 დღის განმავლობაში აქვს მოგზაურობის ისტორია ხსენებული 5 ქვეყნის გარდა სხვა ქვეყნებში, ექვემდებარება 14 დღიან სავალდებულო კარანტინს, საკუთარი ხარჯით. ევროკავშირის წევრ სხვა ქვეყნებთან მიმართებით, (სლოვენია, ავსტრია, ბელგია, ბულგარეთი, დანია, მალტა, სლოვაკეთი, ფინეთი, უნგრეთი, ჩეხეთი, ხორვატია), რომელთაც საქართველოსთან არ გახსნეს საზღვარი, ჩვენი მხრიდანაც ნარჩუნდება დღეს მოქმედი რეჟიმი. აღსანიშნავია, რომ საქმიანი ვიზიტები მსოფლიოს ყველა ქვეყნიდან შეუფერხებლად განხორციელდება წინასწარ, შესაბამისი ფორმის შევსებისა და შესაბამის დარგობრივ უწყებასთან შეთანხმებით. საქმიანი ვიზიტით საქართველოში ჩამოსულ სტუმრებს ეკისრებათ ვალდებულება, ყოველ 72 საათში ერთხელ, საკუთარი სახსრებით ჩაიტარონ კოვიდ19-ზე PCR ტესტი, ან გაიარონ სავალდებულო 14 დღიანი კარანტინი, ასევე საკუთარი სახსრებით. აღნიშნული არ ეხებათ ევროკავშირის წევრი იმ 5 ქვეყნის მოქალაქეებს/ბინადრობის ნებართვის მქონე პირებს, რომლებთანაც საქართველო უპირობოდ ხსნის საზღვრებს. საქართველოს ხელისუფლება აგრძელებს ევროკავშირის წევრ, პარტნიორ ქვეყნებთან აქტიურ თანამშრომლობას და რეკომენდაციის შესაბამისად, ორ კვირაში ერთხელ მოხდება როგორც საქართველოში შემომსვლელთა, ისე საქართველოს მოქალაქეების ამ ქვეყნებში შესვლის პირობების ერთობლივად გადახედვა. ავსებენ თუ არა საქართველოს მოქალაქეები ელექტრონულ ანკეტას? ავსებენ მხოლოდ საქართველოს ის მოქალაქეები, რომლებიც ფლობენ ზემოაღნიშნული 5 ქვეყნის მუდმივი ბინადრობის მოწმობას/ ან არიან ორმაგი მოქალაქეები. ავსებენ თუ არა ევროკავშირის იმ სახელმწიფოს მოქალაქეები/ბინადრობის ნებართვის მქონე პირები ელექტრონულ ანკეტას, რომელთანაც გარკვეული დათქმით იხსნება საზღვარი? არ ავსებენ, ვინაიდან მათთვის სავალდებულოა 14-დღიანი კარანტინის გავლა. სად არის ხელმისაწვდომი ელექტრონული ანკეტა? ელექტრონული ანკეტა ხელმისაწვდომია საქართველოს მთავრობის მიერ საგანგებოდ შექმნილ ვებგვერდზე არის თუ არა აუცილებელი, საქართველოში გამგზავრებამდე წინასწარი PCR კვლევის ჩატარება? არ არის აუცილებელი. საზღვარგარეთ ჩატარებული ლაბორატიული კვლევის ამსახველი დასკვნა არ მიიღება საქართველოში აუცილებელი პრინციპით ჩასატარებელი PCR კვლევის ან/და სავალდებულო 14 დღიანი კარანტინის შემცვლელ პირობად. ევროკავშირის რომელი ქვეყნის მოქალაქეებს/ბინადრობის ნებართვის მქონე პირებს მოუწევთ 14 დღიანი კარანტინის გავლა საკუთარი სახსრებით საქართველოში შემოსვლის შემთხვევაში? იტალია, კვიპროსი, საბერძნეთი, ესპანეთი, შვედეთი, ლუქსემბურგი, ნიდერლანდები, პოლონეთი, პორტუგალია, რუმინეთი, ხორვატია. რა მიდგომა ვრცელდება ევროპის იმ ქვეყნებთან მიმართებით, რომლებიც არ არიან ევროკავშირის წევრები? ასეთი ქვეყნებისთვის საქართველოს სახელმწიფო საზღვარი არ იხსნება, გამონაკლისს წარმოადგენს მხოლოდ საქმიანი ვიზიტები. რა მიდგომა ვრცელდება გერმანიის, საფრანგეთის, ესტონეთის, ლიეტუვისა და ლატვიის მოქალაქეების შემოსვლაზე ევროკავშირის იმ წევრი ქვეყნებიდან, რომელთანაც შესაბამისი დათქმით იხსნება სახელმწიფო საზღვარი? აღნიშნული ქვეყნებიდან შემოსული პირები ექვემდებარებიან 14 დღიან სავალდებულო კარანტინს, საკუთარი სახსრებით. რა მიდგომა ვრცელდება გერმანიის, საფრანგეთის, ესტონეთის, ლიეტუვისა და ლატვიის მოქალაქეების ევროკავშირის იმ წევრი ქვეყნებიდან შემოსვლაზე, რომელთანაც საქართველოს არ აქვს საზღვარი გახსნილი? აღნიშნული ქვეყნებიდან შემოსული პირები ექვემდებარებიან 14 დღიან სავალდებულო კარანტინს, საკუთარი სახსრებით. რა მიდგომა ვრცელდება ევროკავშირის არაწევრი ევროპის და სხვა კონტინენტების ქვეყნებიდან გერმანიის, საფრანგეთის, ესტონეთის, ლიეტუვისა და ლატვიის მოქალაქეების შემოსვლაზე? ექვემდებარებიან 14 დღიან სავალდებულო კარანტინს, საკუთარი სახსრებით. რა მიდგომა ვრცელდება საქართველოს მოქალაქეების შემოსვლაზე ევროკავშირის ქვეყნებიდან? სხვა ქვეყნებიდან? საქართველოს მოქალაქეები ექვემდებარებიან სავალდებულო 14 დღიან კარანტინს. გამონაკლისს წარმოადგენენ საქართველოს ის მოქალაქეები, რომლებიც ფლობენ საფრანგეთის, გერმანიის, ესტონეთის, ლატვიის ან ლიეტუვის მუდმივი ბინადრობის უფლების დამადასტურებელ დოკუმენტს ან ამავდროულად ფლობენ აღნიშნული ქვეყნების მოქალაქის სტატუსს. რა მიდგომა ვრცელდება საქართველოს მოქალაქეზე, რომელიც ფლობს საფრანგეთის, გერმანიის, ესტონეთის, ლატვიის ან ლიეტუვის მუდმივი ბინადრობის უფლების დამადასტურებელ დოკუმენტს? აღნიშნულ პირზე სავალდებულო 14 დღიანი კარანტინი არ ვრცელდება. აღნიშნული ქვეყნების მოქალაქეების მსგავსად, ზემოჩამოთვლილი 5 ქვეყნის მუდმივი ბინადრობის ნებართვის მქონე საქართველოს მოქალაქეებმა საქართველოს საზღვრის გადმოკვეთამდე უნდა შეავსონ საგანგებოდ შემუშავებული სპეციალური ანკეტა, სადაც უნდა მიუთითონ საქართველოში შემოსვლამდე ბოლო 14 დღის განმავლობაში მოგზაურობის ისტორია, საქართველოში ვიზიტის დროს განსაზღვრული ადგილსამყოფელი, საკონტაქტო ინფორმაცია და სხვ. მათივე თანხმობის შემთხვევაში, აეროპორტში მათ ჩაუტარდებათ PCR ტესტი (სახელმწიფოს ხარჯით). საზღვარზე თერმოსკრინინგის გავლის შედეგად, 37 გრადუსზე მაღალი ტემპერატურის დაფიქსირების შემთხვევაში პირი გადაყვანილი იქნება სამედიცინო დაწესებულებაში. იმ შემთხვევაში, თუ ზემოაღნიშნული 5 ქვეყნის მუდმივი ბინადრობის უფლების მქონე საქართველო მოქალაქე საჰაერო გზით ჩამოდის ევროკავშირის იმ ქვეყნიდან, რომელთანაც საქართველო დათქმით ხსნის საზღვარს (იტალია, კვიპროსი, საბერძნეთი, ესპანეთი, შვედეთი, ლუქსემბურგი, ნიდერლანდები, პოლონეთი, პორტუგალია, რუმინეთი, ხორვატია) ან იმ ქვეყნებიდან, რომელთანაც საქართველოს არ აქვს საზღვარი გახსნილი, აგრეთვე თუ ბოლო 14 დღის განმავლობაში აქვს მოგზაურობის ისტორია ხსენებული 5 ქვეყნის გარდა სხვა ქვეყნებში, მაშინ საქართველოს მოქალაქე ექვემდებარება 14 დღიან სავალდებულო კარანტინს, საკუთარი ხარჯით. რა მიდგომა ვრცელდება საქართველოს მოქალაქეზე, რომელიც ფლობს ევროკავშირის წევრი ქვეყნების (გარდა ზემოთ ჩამოთვლილი 5 ქვეყნისა) ბინადრობის უფლების დამადასტურებელ დოკუმენტს? აღნიშნულ პირზე ვრცელდება სავალდებულო 14 დღიანი კარანტინი. ევროკავშირის წევრი იმ ქვეყნის მოქალაქეებს, რომელთათვისაც საქართველოს საზღვარი იხსნება, შეეძლებათ თუ არა ქვეყანაში სახმელეთო საზღვარით შემოსვლა? სახმელეთო სასაზღვრო გამშვები პუნქტები რჩება დახურული. ტესტირება რა სახის/მეთოდის კვლევა ტარდება აეროპორტში? აეროპორტებში ტარდება PCR ტესტირება. რა შემთხვევაში დაექვემდებარება მგზავრი აეროპორტში PCR კვლევას? აეროპორტში PCR კვლევას ექვემდებარება ევროკავშირის 5 ქვეყნის მოქალაქე/ბინადრობის ნებართვის მქონე პირი, იმ შემთხვევაში თუ მას წინასწარ (აპლიკაციაში) აქვს გამოხატული ნება ტესტირების გავლაზე. როდის იქნება ცნობილი კვლევის შედეგი? PCR-კვლევის პასუხი ცნობილი იქნება მაქსიმუმ 24 საათში, რეკომენდირებულია კვლევის პასუხის მიღებამდე პირი იყოს თვითიზოლაციაში. როგორ იგზავნება ინფორმაცია კვლევის შედეგის შესახებ? კვლევის შედეგთან დაკავშირებით, ინფორმაციას პირი მაქსიმუმ 24 საათის განმავლობაში მიიღებს ელექტრონული ფოსტის საშუალებით. დადებითი პასუხის შემთხვევაში, განხორციელდება სატელეფონო კომუნიკაციაც NCDC-ის მიერ. ინფიცირებული პირი გადაყვანილი იქნება შესაბამის სამკურნალო დაწესებულებაში. რა დრო იქნება საჭირო PCR კვლევისთვის საჭირო ნიმუშის ასაღებად? ერთი ადამიანის PCR კვლევისთვის ნიმუშის აღების პროცედურა 5-10 წუთის ფარგლებში მერყეობს. ფასიანია თუ არა კვლევის ჩატარება? აეროპორტში PCR კვლევის საფასურის გადახდას სახელმწიფო უზრუნველყოფს მხოლოდ იმ 5 სახელმწიფოს მოქალაქეებისთვის და ამ ქვეყნებში მუდმივი ბინადრობის ნებართვის მქონე პირისთვის, რომელთანაც საქართველო უპირობოდ ხსნის საზღვრებს. ________________ თქვენ ამ სტატიას კითხულობთ პლატფორმა Feedc -ზე. Feedc არის ახალი მედია პლატფორმა, სადაც შეგიძლიათ გაეცნოთ ჩვენს სტატიებს. აპლიკაციის გადმოსაწერად დააჭირეთ ამ ბმულს: download.feedc.com #საინტერესო #სიახლე #ფრენები #kutaisidaily #ახალიამბები
აჭარის ტელევიზია Ajara Tv
Batumi · 17 hours ago
ვითხოვთ ქუჩის რეაბილიტაციას, აუტანელი სიტუაციაა, ფანჯრებს ვერ ვაღებთ - ჯავახიშვილის ქუჩის მცხოვრებლები
ჯავახიშვილის პირველი და მეორე შესახვევის მცხოვრებლები ქუჩის რეაბილიტაციას ითხოვენ. მათი განცხადებით, ქუჩაზე წლებია მოუწესრიგებელია კანალიზაციის სისტემა, სანიაღვრე არხები, ამორტიზირებულია ასფალტის საფარი, რის გამოც ქუჩაზე დგება წყალი. მოსახლეობა ამბობს, რომ განსაკუთრებით რთული სიტუაცია წვიმის შემდგომაა, როცა იტბორება ეზოები და პირველი სართულები. ადგილობრივთა თქმით, ახლოს არც რეკრეაციული ზონაა, ამიტომ იძულებულნი არიან ბავშვებმა ქუჩაში ასეთ ვითარებაში ითამაშონ. მოსახლეობა, ქუჩაზე დამდგარი წყლის გამო, მწერების სიმრავლესაც უჩივის. 'აუტანელი სიტუაციაა, ფანჯრებს ვერ ვაღებთ. მოდიან, წამლავენ, მაგრამ რამდენიმე საათიანი ეფექტი აქვს. როგორც კი ფანჯრებს გავაღებთ, სახლი კოღოებით ივსება, სავარაუდოდ, წამალია უხარისხო. წვიმის შემდეგ წყალი ქუჩაზე რამდენიმე დღის განმავლობაში დგას და არ შრება'-ამბობს ერთ-ერთი მოსახლე. ბათუმის მერიის კეთილმოწყობის სამსახურში აცხადებენ, რომ რამდენიმე ქუჩაზე, პანდემიის გამო, რეაბილიტაცია შეფერხდა. სულხან ევგენიძის განმარტებით, წლის ბოლომდე აღნიშნულ ქუჩებზე დასრულდება წყლისა და კანალიზაციის სისტემის რეაბილიტაცია, რის შემდეგაც დაიგება ასფალტის საფარი. მერიის 'სანდასუფთავების' სამსახურში მოსახლეობის პრეტენზიას არ იზიარებენ, ამბობენ, რომ წამალი, რომლითაც სადარბაზოებისა და ტერიტორიების დამუშავება ხდება, ლაბორატორიულად შემოწმებულია. უწყების განმარტებით, ბათუმის სხვადასხვა უბნებში დეზიფენქცია-დერატიზაციისთვის წლის განმავლობაში 400 000 ლარამდეიხარჯება. სამსახურის უფროსის განმარტებით, სასურველი შედეგი იმიტომ არ არისო, რომ შესაწამლად მისულ თანამშრომლებს სარდაფები ხშირად დაკეტილი ხვდებათ და შეწამლვას ვერ ახერხებენ.
Keso Bigvava
Tbilisi · 3 months ago
5 უფასო აპლიკაცია, რომელიც იზოლაციისას მედიტაციისა და მღვიძარების მიღწევაში დაგეხმარებათ
სოციალური დისტანცირებისა და იზოლირების საჭიროებებიდან გამომდინარე, ცოტა ხნით, ჩვენი ცხოვრების წესი შეიცვალა, რაც ერთგვარ შფოთვას უკავშირდება. ის აქტივობები, რომელიც ჩვენს ყოველდღიურობას აქამდე აწესრიგებდა, რუტინულსა და განჭვრეტადს ხდიდა მას, ფაქტობრივად, აღარ არსებობს. ჩვენ ვეღარ დავდივართ ოფისებში, ბარებში, კლუბებსა თუ ბიბლიოთეკებში. ვეღარ ვნახულობთ მეგობრებს, ვეღარ გავდივართ ლანჩზე საყვარელ კაფეში და ა.შ. მიუხედავად იმისა, რომ ყველამ ვიცით ამ შეცვლილი ყოველდღიურობის დროებითობა, მაინც ვერ ვგრძნობთ თავს კომფორტულად და კმაყოფილების განცდის მიღწევაც სულ უფრო რთული ხდება, მიუხედავად იმისა, თუ რამდენად კარგად ვიხარჯებით გონებრივად/შემოქმედებითად. სწორედ ამიტომ, საჭიროა ვიყოთ მღვიძარებაში (მაინდფულნესი), რაც ნიშნავს, რომ შევძლოთ სიფხიზლით შევხედოთ ჩვენს განცდებს, ჩვენს თავს და გავაცნობიეროთ ის, თუ რას ვგრძნობთ კონკრეტულ მომენტში. კორონავირუსის პანდემია და მისი თანმდევი დისკომფორტები ადამიანებზე სხვადასხვაგვარად მოქმედებს, თუმცა სტრესი და შფოთვა უმეტესობისთვის დამახასიათებელი სიმპტომებია. სოციალური ქსელების სქროლვა სიმშვიდესა და მღვიძარებას ვერ მოგიტანთ, ამის მიღწევისთვის, აუცილებელია საკუთარ თავზე გარკვეული პასუხისმგებლობის აღება. იმის გაცნობიერება, რომ თუ განჭვრეტადობის განცდის შემქმნელ რიტუალებს თვითონ არ შევქმნით, ახალ მოცემულობაში ადაპტირება უფრო რთული იქნება. ამ კუთხით, არსებობს დამხმარე აპლიკაციები, რომლებსაც შეუძლიათ ყოველდღიური, ფსიქიკისთვის საკეთილდღეო პრაქტიკების შემუშავებასა და დანერგვაში დაგვეხმარონ. ქვემოთ, ჩამონათვალის სახით შემოგთავაზებთ 5 აპლიკაციას, რომელთა უმეტესობამაც, კორონავირუსის გავრცელების საფრთხისა და თვითიზოლაციის საჭიროების კვალდაკვალ, უფასო გახადა რიგი სერვისები და ამასთან, შეიმუშავა სპეციალური პროგრამები COVID-19-თან დაკავშირებული შფოთვის შესამცირებლად. Ten Percent ეს არის შესაფერისი აპლიკაცია, თუ მინიმალური დოზით აპირებთ დაიწყოთ. აპლიკაციას აქვს პრემიუმ ვერსიაც, თუმცა ბაზისური კურსი, რომელიც მოიცავს ვიდეობსა და სესიებს, უფასოა. აქ შეგიძლიათ აირჩიოთ მედიტაციის გაკვეთილი იმის მიხედვით, თუ რამდენი დროის გამოყოფას აპირებთ ამისთვის – რამდენიმე წუთიდან რამდენიმესაათიან მედიტაციამდე, ინსტრუქტორთან ერთად. აქვეა უფასო ყოველდღიური კონტენტი, რომლის გამოყენებაც დამოუკიდებლად შეგიძლიათ. მათ შორის, სპეციფიკური და ერთ-ერთი ახალი მიმართულება არის კორონავირუსით გამოწვეულ შფოთვასთან გამკლავება. აპლიკაციაში შეხვდებით უფასო მედიტაციის კურსებს, რომლებიც განსაკუთრებით, სამედიცინო პერსონალისთვისაა განკუთვნილი. ამ უკანასკნელებში, ანუ მათში, ვინც კორონავირუსის მქონე პაციენტების მკურნალობასა და მოვლაში არიან ჩართულები, COVID-19-ით გამოწვეული სტრესი და შფოთვა გაცილებით დიდია, ვიდრე იზოლაციაში მყოფ ადამიანებში. iOS-ისა და Android-ის ოპერაციულ სისტემებზე მომუშავე მოწყობილობებისთვის, აპლიკაციის გადმოსაწერ ბმულს აქვე დაგიტოვებთ – App Store, Google Play Headspace შეგვიძლია ვთქვათ, რომ ეს არის აბონიმენტი თქვენი გონების სავარჯიშოდ. აპლიკაციაში ყველასთვის არსებობს განყოფილება რამდენიმე უფასო მედიტაციის სახელმძღვანელოთი, ასევე სპეციალიზებული რესურსები მუშაობისა და განათლების მიმართულებით. თუმცა, ეს აპლიკაცია უფრო მეტ შესაძლებლობას ჯანდაცვის სფეროს წარმომადგენლებს სთავაზობს. კერძოდ, იმ ადამიანებს, რომლებიც აშშ-ში კორონავირუსთან ბრძოლაში არიან ჩართულები, იქნება ეს მედპერსონალი, თუ ექიმები. მათ აქვთ უფასო წვდომა აპლიკაციის პრემიუმ ვერსიაზე. უნდა აღინიშნოს ის, რასაც კომპანიაში ამბობენ – ისინი ეძებენ გზებს, აშშ-ს ფარგლებს გარეთაც შეძლონ ამ სერვისის უფასოდ მიწოდება ჯანდაცვის სფეროში მომუშავე ადამიანებისთვის. აქვეა აპლიკაციის გადმოსაწერი ბმულები – App Store, Google Play Calm ეს არის ერთ-ერთი პოპულარული აპლიკაცია მედიტაციისა და მღვიძარების (მაინდფულნესის) მიმართულებით. ეს არის ონლაინ რესურსი, რომლის გუნდმაც მიიღო გადაწყვეტილება, COVID-19-ის გავრცელების პერიოდში, მისი ყველა მიმართულება უფასო ყოფილიყო. მეტიც, ამ რესურსზე შეგიძლიათ წვდომა გქონდეთ მაშინაც კი, თუ არ გადმოწერთ აპლიკაციას, ან არ შეხვალთ თქვენს ანგარიშში, ანუ ვებგვერდზეც. მღვიძარებისა და მედიტაციის სავარჯიშოები სხვადასხვა ხანგრძლივობისაა, აქვეა ერთგვარი გაწელვის სავარჯიშოები „მშვიდი სხეულისთვის“. ამ სავარჯიშოების გამოყენება შეგიძლიათ მაშინ, როცა სამსახურიდან სახლში ბრუნდებით. უფრო სწორად, იზოლაციისას, თუ დისტანციურად მუშაობთ, სამუშაო დრო მთავრდება, თქვენ უნდა დაკეცოთ ლეპტოპი და შექმნათ ერთგვარი რიტუალი, რომელიც თქვენთვის როგორც ფიზიკურ, ასევე გონებრივ დონეზე, სამსახურიდან სახლში დაბრუნებას მოასწავებს. Calm-ზე ასევე შეხვდებით რესურსებს ბავშვებისთვის, აქვე შეძლებთ „დაესწროთ“ „ჭამე, ილოცე, შეიყვარეს“ ავტორის – ელიზაბეტ გილბერტის საუბრებს შემოქმედებითობაზე, აქვეა მოწოდებები ნახევარსაათიანი ძილის ვარჯიშის შესახებ და ა.შ. რესურსი ხელმმისაწვდომია ინგლისურ, ესპანურ, გერმანულ, ფრანგულ, კორეულ და პორტუგალიურ ენებზე. აპლიკაციის გადმოწერა კი შემდეგი ბმულებიდან შეგიძლიათ – App Store, Google Play. ეს აპლიკაცია, დასაწყისისთვის, ბავშვებისთვის და მათი მშობლების/მასწავლებლებისთვის შეიქმნა. თუმცა, ახლა ეს არის უფასო და ყოვლისმომცველი რესურსი ყველასთვის. ის მოიცავს 41 სესიას, მღვიძარების 10 მოდულის გათვალისწინებით.Tbilisi #android #apple
Mediamall
Tbilisi · 3 months ago
სასულიერო პირები თბილისის ქუჩებს აკურთხებენ
დღეს, 13:00 საათზე, სამების საკათედრო ტაძრიდან სასულიერო პირები ქალაქის ცენტრალური ქუჩებისკენ დაიძვრებიან და მას აკურთხებენ. ამის შესახებ პატრიარქის ბრძანება სამების საკათედრო ტაძარში მრევლს კვირას არქიდიაკონმა დემეტრემ (დავითაშვილი) გააცნო. ასევე მან აღნიშნა, რომ ყოველდღიურად დღეში სამჯერ მრევლმა კონკრეტული ლოცვები უნდა წაიკითხოს. "მოგეხსენებათ, რა მდგომარეობაა დღეს ჩვენს ქვეყანაში და ზოგადად მსოფლიოში. ამიტომ სახელმწიფო იღებს გარკვეული სახის ზომებს. ეკლესიამაც გადაწყვიტა რ გარკვეული სახის ზომები მივიღო,ვიღაც გამოიხატება ლოცვაში. ერთი ლოცვა დღეს შესრულდა 12:00 საათზე და უნდა დაირეკოს ზარები ყველა ტაძარში. ითქვას საერთო ლოცვით "მამაო ჩვენო" , "ღვთისმშობელო ქალწულო" და "მოწყალებისა კარი განგვიღე". იგივე ლოცვები ყოველდღიურად უნდა იქნეს წაკითხული სამგზის. ასევე ყოველდღიურად უნდა იყოს წაკითხული ყოვლადწმინდა ღვთისმშობლის დაუჯდომელი, რომელიც იწყება ღვთისმშობლის კონდაკით - -"ზესთამბრძოლისა ჩემისათვის და მოღვაწისა უძლეველისა". ეს დაუჯდომელი უნდა იქნეს წაკითხული ყოველდღე თითოეული ჩვენგანის მიერ თავის კანონთან ერთად. ყოველი წირვის შემდეგ მოხდება ნაკურთხი წყლის სხურება ტაძრის გარშემო და მიმდებარე ქუჩებზე რომელი ქუჩები აკრავს ამა თუ იმ ტაძარს. ხოლო სამშაბათს, ზეგ სამების ტაძრიდან 13:00 საათისთვის დაიძვრება რამდენიმე მანქანა სხვადასხვა მიმართულებით და სამღვდელოების მიერ იკურთხება და ისხურება ქალაქის ძირითადი ქუჩები",- განაცხადა არქიდიაკონმა დემეტრემ.#georgia #tbilisi