თბილისის "დინამო" შემდეგ ეტაპზეა! შემდეგი მეტოქე როტერდამის "ფეინოორდია"! ევროპა ლიგის მეორე საკვალიფიკაციო ეტაპის განმეორებით მატჩში "დინამო თბილისმა" აზერბაიჯანული "გაბალა" 3:0 დაამარცხა. "დინამოს" და "გაბალას" ორმატჩიანი დუელი ორი შეხვედრის ჯამში ქართველთა გამარჯვებით 5:0 დასრულდა. ევროპა ლიგის მომდევნო ეტაპზე "დინამო" "ფეინოორდს" დაუპირისპირდება. პირველი მატჩი 8 აგვისტოს, როტერდამში შედგება.

დღეს, 14 აგვისტოს, მიხეილ მესხის სახელობის სტადიონზე საბურთალო მესამე საკვალიფიკაციო რაუნდის განმეორებით მატჩს გამართავს. მისი მეტოქე არარატ-არმენიაა. სომხეთში პირველი შეხვედრა საბურთალომ ანგარიშით 2:1 მოიგო. 🇬🇪

ქართველმა მოჭადრაკე ნანა ძაგნიძემ, რომელი 2017 წელს მსოფლიო ჭადრაკის მმართველი ორგანოს გამოქვეყნებული სიის მიხედვით, მსოფლის 10 საუკეთესო მოჭადრაკეს შორისაა, კიდევ ერთ გამარჯვებას მიაღწია, ის ლოზანაში გამართული მსოფლიო ქალთა გრან პრის მესამე ეტაპის გამარჯებული გახდა. საქართველოს ჭადრაკის ფედერაციის განცხადებით, ქართველმა მოჭადრაკემ პირველობისთვის ბრძოლაში გადამწყვეტი პარტია რუსეთის წარმომადგენელს, ალექსანდრა გორიაჩკინას მოუგო და ტურნირის გამარჯვებული გახდა. მნიშვნელოვანია, რომ ქართველმა მოჭადრაკემ გამარჯვება ახალ კორონავირუსთან მებრძოლ ექიმებს მიუძღვნა და ეს "ფეისბუკის" პირად გვერდზე გამოაქვეყნა: "ლოზანაში გამართული გრან-პრის გამარჯვებას ვუძღვნი ექიმებს, რომლებიც მსოფლიო პრობლემას ებრძვიან ჩვენს ქვეყანაში და განსაკუთრებით ადამიანს ადამიანთა შორის ბატონ ამირან გამყრელიძეს! რომელიც ყოველთვის გვერდით მედგა ჩემთვის მძიმე წუთებში. P.s. სტატია ჩვენ არ გვეკუთვნის. სტატკა გამოქვეყნებულია kvirispalitra.ge-ს მიერ. #news coronavirus #headline

დღეს წარმოგიდგენთ 3 ფეხბურთელს,რომელთაც ოვაციები მოწინააღმდეგე გუნდის გულშემატკივრებისგან დაიმსახურეს! რონალდო: „მანჩესტერ იუნაიტედი“ – „რეალი“ 4:3 (2002-2003 წლების სეზონი, ჩემპიონთა ლიგა) ბრაზილიელმა თავდამსხმელმა „რეალის“ მაისურით ერთ-ერთი საუკეთესო თამაში „ოლდ ტრაფორდზე“ „წითელ ეშმაკებთან“ ჩაატარა. 2002-2003 წლების სეზონის ჩემპიონთა ლიგის მეოთხედფინალის საპასუხო მატჩში რონალდომ ჰეთ-თრიქი შეასრულა და საკუთარ გუნდს, რომელსაც სახლში 3:1 ჰქონდა მოგებული, ნახევარფინალში გაუძღვა. დამარცხებულ მასპინძლებს არ ჰქონიათ პრობლემა, რომ მეტოქე ფეხზე წამომდგარი ტაშით დაეფასებინათ. დიეგო მარადონა: „რეალი“ – „ბარსელონა“ 2:2 (1982-1983 წლების სეზონი, ესპანეთის თასი) „რეალის“ გულშემატკივართა ნაწილი ფეხზე წამოდგა, რომ „სანტიაგო ბერნაბეუზე“ დიეგო მარადონასთვის ტაში მიეგებებინათ, რას შემდეგ, რაც არგენტინელმა დაუვიწყარი გოლი გაიტანა. 1983 წელს, კოპა დელ რეის პირველ მატჩში არგენტინელმა დუბლი შეასრულა, მაგრამ „რეალმა“ ჩამორჩენა აღმოფხვრა და თამაში ფრედ დასრულდა. რონალდინიო: „რეალი“ – „ბარსელონა“ 0:3 (2005-2006 წლების სეზონი, ლა ლიგა) „ბარსელონამ“ 2005-2006 წლების სეზონში „ელ კლასიკო“ მადრიდში 3:0 მოიგო. შოუს მთავარი გმირი რონალდინიო იყო, რომელმაც ორი ბრწყინვალე გოლი გაიტანა, რის შედეგადაც, მადრიდული პუბლიკისგან დამსახურებული ტაში მიიღო.

დღეს, 30 ივლისს, ჩემპიონთა ლიგის მეორე საკვალიფიკაციო ეტაპის საპასუხო შეხვედრაში საქართველოს ჩემპიონი "საბურთალო" სტუმრად ზაგრების "დინამოს" დაუპირისპირდება. შეხვედრა თბილისის დროით 22:00 საათზე აიღებს სტარტს და მატჩის ხილვა "პირველ არხზე" იქნება შესაძლებელი.

დღეს, 15 აგვისტოს თბილისის დროით 20:30, თბილისის დინამო არენაზე გაიმართება ევროპა ლიგის მესამე საკვალიფიკაციო რაუნდის განმეორებითი მატჩი თბილსის "დინამოსა" და როტერდამის "ფეინოორდს" შორის. ერთად ვუგულშემატკივროთ დედაქალაქურ გუნდს! 🇬🇪

საქართველოს ეროვნულ ლიგის მიმდინარე სეზონში ბათუმის ''დინამომ'' პირველი გამარჯვება მოიპოვა. მეხუთე ტურის შეხედრაში შავიზღვისპირული გუნდი დედაქალაქში ''ლოკომოტვს'' ესტუმრა და დიდი ანგარიშით 4-1 დაამარცხა. 15-ე წუთზე გეგეჭკორის გადაცემის შემდეგ ფლამარიონმა მეკარე მამარდაშვილს ბურთი თავზე გადაუგდო და ანგარიში გახსნა. 10 წუთში ბრაზილიელმა დუბლი გაიფორმა , ამჯერად მამარდაშვილის შეცდომის შემდეგ ფლამარიონმა ბურთი ცარიელ კარში შეაგორა. 34-ე წუთზე მანჯგალაძემ სჯარიმა ''ლოკომოტივის'' საჯარიმოში ჩააგდო ,სადაც გაგოშიძემ ყველას დაასწორო და პირველი ნახევრის საბოლოო ანგარიში 3-0 დააფიქსირა.59-ე წუთზე თბილისელებმა ანარიში გაქვითეს , გოლი გავაშელაშვილმა გაიტანა. მატჩის საბოლოო ანგარიში კი გაფრინაშვილის გადაცემის შემდეგ ჯიღაურმა დააფქისირა და ბათუმის ''დინამომ'' შეხვედრა 4-1 მოიგო. სადებიუტო მატჩი წარუმატებელი გამოდგა ''ლოკომოტივის'' ახალ მწვრთნელისთვის გიორგი ჭიაბრიშვილისთვის. 5 ტურის შემდეგ გია გეგუჩაძის გაწვრთნილ ''დინამოს'' 7 ქულა აქვს და მესამე პოზიციაზე იმყოფება. შედემ მატჩს ბათუმელები სახლში 18 ივლისს ქუთაისის ''ტორპედოს'' წინააღმდეგ გამართავენ.

რას წერს ევროპის პრესა ამაზონის ტყის ხანძარზე? ბრაზილიაში, ამაზონის ტყეში, მძვინვარებს ყველაზე ძლიერი ხანძარი ბოლო წლების განმავლობაში. პრეზიდენტმა ბოლსონარომ ხანძრის გაჩენაში გარემოს დამცველ ჯგუფებს დასდო ბრალი, მკვლევრები კი აცხადებენ, რომ მას შემდეგ, რაც იანვარში ბოლსონარო ხელისუფლებაში მოვიდა, მეცხოველეობის ფერმების წარმომადგენლებმა გაახშირეს ტყის საფარის დაწვისა და იმ ადგილებში კულტივირებული მცენარეების მოყვანის პრაქტიკა. რისი გაკეთება შეუძლია მსოფლიოს? „ბრაზილია საფრთხეში აგდებს პლანეტის მწვანე ფილტვს“, - წერს პოლონეთში გამომავალი, ყოველკვირეული კათოლიკური გამოცემა „ტიგოდნიკ პოვშეხნი“ 22 აგვისტოს და განაგრძობს: „მსოფლიოს უდიდესი ტროპიკული ტყის მიმართ ბრაზილიის პრეზიდენტის დამოკიდებულება არ არის მხოლოდ სამხრეთ ამერიკის პრობლემა, ის პლანეტაზე მცხოვრებ შვიდ-ნახევარ მილიარდ ადამიანს ეხება. ამაზონი მსოფლოში ტყის საფარით დაფარული უდიდესი ტერიტორიაა, ის არეგულირებს კონტინენტზე წვიმას და წარმოადგენს ნახშირბადის გიგანტურ ნიჟარას. ... აქ, ატლანტის ოკეანის მეორე მხარეს, ჩვენი საგაზეთო სათაურები არ უნდა იყოს მოცული დონალდ ტრამპის უახლესი ექსცენტრული გამონათქვამებით (მაგალითად, გრენლანდიის შესყიდვის წინადადებით).უნდა ვწერდეთ ბრაზილიის მთავრობისა და მრეწველობის ჩუმ ომზე მსოფლიოს ფილტვის წინააღმდეგ. გლობალური დიპლომატიის უდიდესი გამოწვევა ახლა ბოლსონაროს ქმედებების მოთოკვაა“. „ევროკავშირი ბოლსონაროს ეფოფინება“ - წერს შვედეთში გამომავალი მემარცხენე-ცენტრისტული ორიენტაციის ყოველდღიური გაზეთი „აფტონბლადეტი“ 23 აგვისტოს და განაგრძობს: „როგორია შვედეთისა და ევროპის დამოკიდებულება ბოლსონაროსთან? ევროკავშირის ვაჭრობის კომისარმა სესილია მალმსტრომმა ახლახან ხელი მოაწერა თავისუფალი ვაჭრობის ახალ ხელშეკრულებას, რომელიც კიდევ უფრო მეტად წაახალისებს ბრაზილიის ხორცის წარმოებას - ეს კი, თავის მხრივ, ბიძგს აძლევს გაკაფვა-გადაწვის წესით წარმოებულ მიწათმოქმედებას, ანუ ტყის მონაკვეთების დაწვას და იმ ადგილებში კულტივირებული მცენარეების მოყვანის პრაქტიკას. ევროკომისარი ირწმუნება, გარანტიები მივიღე, რომ ბრაზილია დაიცავს პარიზის ხელშეკრულებას კლიმატის შესახებო. მოსაზრება, რომ ზედმეტსახელად „კაპიტან ბენზოხერხად“ წოდებული ჟაირ ბოლსონარო კლიმატს დაიცავს, თავისთავად მომხიბვლელია, მაგრამ, ამავე დროს, საო პაულოს თავზე ცა უფრო და უფრო მუქდება“. „გაღიზიანებულებმა ფაქტები უნდა გადაამოწმონ“, - აცხადებს გერმანიაში გამომავალი მემარცხენე-ცენტრისტული „ზიუდდოიჩე ცაიტუნგი“ 22 აგვისტოს და განაგრძობს: „პირველ რიგში, კრიტიკას იმსახურებს კაცი, რომელსაც ეკისრება პასუხისმგებლობა ამ ხანძრებზე. პრეზიდენტი ჟაირ ბოლსონარო მეთოდურად უთხრის ძირს ბრაზილიაში გარემოს დაცვას. მისი ხელისუფლების პირობებში სრული თავისუფლება აქვთ დიდძალი ქონების მფლობელებს და მიწის გადამყიდველებს. მათ შეუძლიათ რამდენსაც მოისურვებენ, იმდენი ტროპიკული ტყე გაჩეხონ და „კონტროლირებული“ ხანძრებით ნიადაგი მოასუფთაონ. ... მაგრამ მნიშვნელოვანი ასპექტი ის არის, რომ ყოველივე ეს წარსულშიც ხდებოდა. იყო წლები, როცა იჭრებოდა თითქმის იმდენივე ხე, რამდენიც ახლა, ბოლსონაროს პირობებში. მაგრამ [გარემოსდამცველების], გრეტა ტუნბერგისა და კამპანიის „პარასკევები მომავლისთვის“ გამოჩენამდე ამით დიდად არავინ დაინტერესებულა. მეტიც, სურათები, რომლებიც ახლა მილიონობით ვრცელდება ინტერნეტში, ყალბია ან მოძველებული. ამაღლებულ პოზიციებზე ახლა შემომჯდარმა ხალხმა ფაქტები უნდა გადაამოწმოს“. ბრიტანული „გარდიანი“ 23 აგვისტოს აქვეყნებს ბრაზილიელი ჟურნალისტის, მწერლისა და დოკუმენტური კინოს რეჟისორის, ელიან ბრუმის, წერილს. „შეიძლება მოგეჩვენოთ, რომ ეს ტროპიკული ტყე ძალიან შორსაა, მაგრამ ის პლანეტის გულია. და ახლა მას, როგორც არასდროს, ისე უტევენ“, - წერს ის და განაგრძობს: „ამაზონი მსოფლიოს ცენტრია. ახლა, როცა ჩვენი პლანეტა კლიმატის კოლაფსს განიცდის, ამაზე მნიშვნელოვანი ადგილი არ არსებობს. ამას თუ ვერ დავინახავთ, გამორიცხულია გამოწვევას გავუმკლავდეთ. ის უკვე 500 წელია ნგრევის ადგილია. ჯერ ევროპელთა შემოჭრით, რომელმაც მოიტანა ცივილიზაციის განსაკუთრებით დესტრუქციული ფორმა - ასიათასობით მკვიდრი კაცისა და ქალის სიკვდილი და ათობით ხალხის განადგურება, უფრო ახლახან - ტყის მასშტაბური მონაკვეთებისა და მასში მყოფი მთელი სიცოცხლის განადგურებით. ახლა, 2019-ში, ახალ კატასტროფულ ეტაპს ვხედავთ. გაჩანაგებული ხეების რაოდენობა წელს მნიშვნელოვნად გაიზარდა. დეფორესტაციის ინტენსივობა ივლისში უტოლდებოდა მანჰეტენის ზომის ტერიტორიას ყოველდღიურად და დიდი ლონდონის ტერიტორიას ყოველ სამ კვირაში. მიმდინარე თვეში ამაზონს ცეცხლი რეკორდული სისწრაფით მოედო, რაც, თითქმის დარწმუნებით შეგვიძლია ვთქვათ, შედეგია ტერიტორიის მოსუფთავების მიზნით განზრახ გაჩენილი ხანძრებისა. და რატომ ხდება ეს ახლა? ხელისუფლების ცვლილების გამო. პოლიტიკის მტაცებლურმა ფორმამ, რომელსაც ბოლსონარიზმი ჰქვია, ბრაზილიაში თითქმის ტოტალური და ტოტალიტარული ძალაუფლება მოიპოვა“. წყარო: radiotavisupleba.ge

პირველკლასელთა რეგისტრაციის IV ეტაპის დაწყების თარიღი შეიცვალა. ინფორმაციას ამის შესახებ საქართველოს განათლების სამინისტრო ავრცელებს. მინისტრის, მიხეილ ჩხენკელის ბრძანებით, 2020-2021 სასწავლო წლისთვის საჯარო სკოლებში პირველკლასელთა რეგისტრაციის IV ეტაპის ვადები შეიცვალა. შედეგად, 20 აგვისტოს ნაცვლად პირველკლასელთა რეგისტრაციის IV ეტაპი 13 ივლისიდან დაიწყება და 31 აგვისტოს დასრულდება. „ახალი კორონავირუსის პანდემიისა და ეპიდემიურად არაკეთილსაიმედო მდგომარეობის გათვალისწინებით, როგორც ცნობილია, საჯარო სკოლის პირველ კლასში მოსწავლის ჩასარიცხად ელექტრონული რეგისტრაციის და აუცილებელი დოკუმენტების წარდგენის ვადები გახანგრძლივდა. კერძოდ, პირველი, მეორე და მესამე ეტაპების დასრულების შემდეგ, სკოლებში დოკუმენტაციის წარდგენის პერიოდი 5 ივლისამდე გაგრძელდა. მეოთხე ეტაპის რეგისტრაციისა და დოკუმენტების წარდგენის ვადად კი 20 აგვისტოდან 10 სექტემბრამდე პერიოდი დადგინდა. თუმცა, სამინისტროში დიდი რაოდენობით შემოსული მოქალაქეთა განცხადებების გათვალისწინებით, რომელთა შვილები ელექტრონული რეგისტრაციით ვერ მოხვდნენ სასურველ ან ვერცერთ ახლომდებარე სკოლაში და გაურკვეველ მდგომარეობაში იმყოფებიან, სამინისტრომ მიზანშეწონილად ჩათვალა დაჩქარდეს რეგისტრაციის IV ეტაპის დაწყება, რათა დარჩენილ ადგილებზე, სკოლებს დროულად მიეცეთ შესაძლებლობა რეგისტრაციის გარეშე დარჩენილი ბავშვები ჩარიცხონ. სწორედ ამიტომ, რეგისტრაციის IV ეტაპი 13 ივლისიდან დაიწყება და 31 აგვისტოს დასრულდება. ✔ შეგახსენებთ, რომ IV ეტაპზე გამოთავისუფლებულ/ვაკანტურ ან დარჩენილ თავისუფალ ადგილებზე მოხდება იმ მოსწავლეთა რეგისტრაცია, რომლებიც I, II და III ეტაპებზე ვერ დარეგისტრირდნენ ან სურთ რეგისტრაციის შეცვლა. მოსწავლის რეგისტრაციას ამ ეტაპზე უზრუნველყოფს საჯარო სკოლა მშობლის ან კანონიერი წარმომადგენლის მიერ წარდგენილი აუცილებელი დოკუმენტაციის საფუძველზე. ქვეყანაში ახალი კორონავირუსის გავრცელების პრევენციის მიზნით: სკოლებში მოქმედებს საქმისწარმოების ახალი წესი, რომლის თანახმად, მშობლებს შეუძლიათ ელექტრონულად გადააგზავნონ განცხადებები თანდართულ დოკუმენტებთან ერთად, ან სკოლის მიერ დადგენილი წესით უსაფრთხოების ნორმების დაცვით, მატერიალურად ჩააბარონ სკოლის ადმინისტრაციას; სკოლა ორი დღის ვადაში დაუდასტურებს მშობელს ელექტრონულ ფოსტაზე განცხადებისა და დოკუმენტაციის მიღებას. ყველა მოთხოვნილი დოკუმენტის ელექტრონულად წარდგენის შემთხვევაში, სკოლა არ მოითხოვს დოკუმენტებს მატერიალური სახით და კანონმდებლობით დადგენილ ვადებში დაადასტურებს მოსწავლის ჩარიცხვას. ზოგადსაგანმანათლებლო დაწესებულებებმა უნდა იხელმძღვანელონ „საქართველოს ზოგადსაგანმანათლებლო დაწესებულებაში მოსწავლის ჩასარიცხად წარსადგენი აუცილებელი დოკუმენტების ნუსხის დამტკიცების შესახებ“ საქართველოს განათლებისა და მეცნიერების მინისტრის 2007 წლის 16 აგვისტოს N675 ბრძანებით და მოსწავლის პირველ კლასში ჩასარიცხად არ მოითხოვონ დამატებით სხვა დოკუმენტები, რაც არ არის განსაზღვრული აღნიშნული ბრძანებით. საქართველოს ზოგადსაგანმანათლებლო დაწესებულებაში მოსწავლის პირველ კლასში ჩასარიცხად წარსადგენი აუცილებელი დოკუმენტების ნუსხა: მოსწავლის კანონიერი წარმომადგენლის განცხადება, რომელიც უნდა შეიცავდეს კანონიერი წარმომადგენლის საცხოვრებელი ადგილისა და ტელეფონის ნომრის თაობაზე ინფორმაციას და უნდა აკმაყოფილებდეს საქართველოს ზოგადი ადმინისტრაციული კოდექსის 78-ე მუხლით დადგენილ სხვა მოთხოვნებს, კანონიერი წარმომადგენლის პირადობის დამადასტურებელი მოწმობის ასლი და საქართველოში ბინადრობის დამადასტურებელი დოკუმენტის ასლი (ასეთის არსებობის შემთხვევაში). დოკუმენტების უცხოურ ენაზე წარდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე. მოსწავლის დაბადების მოწმობის ან პირადობის დამადასტურებელი დოკუმენტის ასლი და საქართველოში ბინადრობის დამადასტურებელი დოკუმენტის ასლი (ასეთის არსებობის შემთხვევაში). დოკუმენტების უცხოურ ენაზე წარდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე“, - აღნიშნულია ინფორმაციაში.

"მანჩესტერმა“ 3 ან მეტი ბურთის სხვაობით ინგლისის ჩემპიონატში, ზედიზედ მეოთხე შეხვედრა მოიგო, რაც პრემიერ ლიგის ყველა დროის რეკორდია, - ამის შესახებ ინფორმაციას ESPN ავრცელებს. ოლე გუნარ სოლსკიაერის გუნდმა სტუმრად „ასტონ ვილას“ 3:0 მოუგო და გუნდის ფრანგმა ნახევარმცველმა პოლ პოგბამ წლევანდელ სეზონში სადებიუტო ბურთი გაიტანა. თითო გოლი კი მეისონ გრინვუდის და ბრუნო ფერნანდეშის ანგარიშზეა, რომელმაც თავი თერთმეტმეტრიანი საჯარიმო დარტყმით გამოიჩინა. წლევანდელ სეზონში „იუნაიტედს“ ყველაზე მეტი, ცამეტი პენალტი დაუდეს, რაც ასევე საუკეთესო მაჩვენებელია. 34 ტურის შემდეგ „მანჩესტერი“ 58 ქულით პრემიერლიგის სატურნირო ცხრილში მეხუთე ადგილზეა და მეოთხე პოზიციაზე მყოფ „ლესტერს“ მხოლოდ ქულით ჩამორჩება. მომდევნო თამაშს „იუნაიტედი“ 13 ივლისს, საკუთარ მოედანზე „საუთჰემპტონთან“ ჩაატარებს.