ორ წონაში UFC-ის ყოფილი ჩემპიონი, კონორ მაკგრეგორი ქველმოქმედებაში ჩაერთო. ირლანდიელმა მებრძოლმა კორონავირუსის პანდემიის დასამარცხებლად 1 მილიონი ევრო გამოჰყო. აღნიშნული ინფორმაცია კონორმა ტვიტერის საკუთარ გვერდზე გაავრცელა. სპორტსმენი ამ თანხით სამშობლოში არსებულ საავადმყოფოებს დაეხმარება. მაკგრეგორმა ირლანდიის ფინანსთა მინისტრთან, პასკალ დონოჰიუსთან მიმოწერის ფოტოებიც გამოაქვეყნა. "დღეს ერთი მილიონი ევროს ღირებულების ინდივიდუალური დაცვის საშუალებებს ვიყიდი, მათ ლენსტერის რეგიონში არსებულ კლინიკებში მოიხმარენ. ამ მომენტისთვის ყველაზე მეტად ამ რეგიონმა იზარალა", - დაწერა მაკგრეგორმა. შეგახსენებთ, კორონავირუსით გარდაცვლილთა რიცხვმა 19 000-ს გადააჭარბა.#მაკგრეგორი #კორონავირუსი #ირლანდია #პანდემია #სპორტი #mcgregor #ufc #mma #sport #coronavirus #ireland #news #business

📌 დღეს დილიდან ჯგალში მანქანების ნაკადი არ წყდება. მოსახლეობა ცდილობს, ყველა საჭირო პროდუქტი 12:00 საათამდე მოიმარაგოს. 🏪 განსაკუთრებული ხალხმრავლობაა სურსათის მაღაზიასა და აფთიაქში, საიდანაც მოსახლეობას რამდენიმე დღის სამყოფი პროდუქტი და წამლები გააქვს. 🚗 შეგახსენებთ, რომ დღეიდან, ქვეყანაში სრულად იკრძალება მსუბუქი ავტომობილების მოძრაობა.

📌 სამეგრელო-ზემო სვანეთის ყველა მუნიციპალიტეტში, კორონავირუსის შესაძლო გავრცელების პრევენციული ღონისძიებების ფარგლებში, მოხალისეთა ჯგუფები შეიქმნა. 🖇 საჭიროების შემთხვევაში მოხალისეები შეასრულებენ სხვადასხვა დავალებებს, მათ შორის სოციალურად დაუცველ ხანდაზმულებს, ვინც ვერ ახერხებს უფასო სასადილოში მისვლას, ბინაზე მიართმევენ საკვებსა და სხვა საჭირო ნივთებს. 📍 ასევე, რეგიონის მუნიციპალიტეტებში დაწყებულია მოხალისეთა მეორე ჯგუფის დაკომპლექტება, რომლებშიც გაწევრიანება ნებისმიერ სრულწლოვან მსურველს შეუძლია. რეგისტრაცია შეგიძლიათ მუნიციპალიტეტებში არსებული ცხელი ხაზის მეშვეობით. (მუნიციპალიტეტების ცხელი ხაზი იხილეთ ამ ბმულზე: ) #news

🌺 ჯგალში ადგილობრივი მთავრობის წევრებმა ფაშიზმზე გამარჯვების დღესთან დაკავშირებით, მეორე მსოფლიო ომში დაღუპული გმირების მემორიალი ყვავილებით შეამკეს. 🖇 1945 წლის 8 მაისს, გერმანიის მიერ კაპიტულაციის გამოცხადების შემდეგ, მეორე მსოფლიო ომი დასრულდა. 9 მაისი კი, ფაშიზმზე გამარჯვების დღედ გამოცხადდა. მეორე მსოფლიო ომმა საქართველოზე უმძიმესი კვალი დატოვა – ჩვენმა ქვეყანამ 300 000-მდე ჯარისკაცი დაკარგა.

📢 წალენჯიხელი ოჯახი, სადაც სტუმრად კორონავირუსით ინფიცირებული სპორტსმენი იმყოფებოდა, კარანტინშია გადაყვნილი. 📍 ახალგაზრდა მამაკაცი თანმხლებ პირთან ერთად, წალენჯიხის სოფელ ლიაში ოთხი დღე იმყოფებოდა და არაერთ ადამიანთან ჰქონდა კონტაქტი. 🖇 ძალოსნის საკონტაქტო წრე საკმაოდ ფართოა. ეპიდემიოლოგები სპორტსმენის კონტაქტებს იკვლევენ.#დარჩისახლში

📢სპორტსმენი, რომელსაც კორონავირუსი დაუდასტურდა, წალენჯიხის სოფელ მიქავადანაა. 📌 როგორც "ჯგალი ნიუსისთვის" გახდა ცნობილი, მამაკაცი ერთ კვირაზე მეტი იმყოფებოდა მშობლიურ სოფელში და ამ დროის განმავლობაში კონტაქტი ჰქონდა, როგორც ადგილობრივებთან, ისე წალენჯიხის სხვა რაიონების მცხოვრებლებთან. 🦠 ჩვენი ინფორმაციით, მამაკაცი სოფ.მიქავას გარდა, სტუმრად იმყოფებოდა ლიაში, დეიდასთან, წალენჯიხაში ჩხოროწყუსა და ზუგდიდში. 🔗ასევე, როგორც მიქავას მკვიდრმა გვითხრა, მამაკაცი საზღვარგარეთ არ იმყოფებოდა, თუმცა მას უცხოელთან ჰქონდა კონტაქტი. ისინი ერთად ვარჯიშობდნენ. ✅ როგორც მიქავას მკვიდრმა "ჯგალი ნიუსს" განუცხადა, სოფელში უკვე აღრიცხეს ის ადამიანები, რომელთანაც ინფიცირებულს ჰქონდა კონტაქტი.

📍 კალისტრატე სალიას სახელობის ჯგალის საჯარო სკოლაში კორონავირუსის პრევენციისა და პროფილაქტიკის მიზნით, სადეზინფექციო სამუშაოები მიმდინარეობს. 🖇 სადეზინფექციო სამუშაოები სოფლის სააღმზრდელო და საგანმანათლებლო, ადგილობრივ თვითმმართველობასა და სხვა დაწესებულებებშიც ჩატარდება. 🗓 ამასთან, დღეს ცნობილი გახდა, რომ საქართველოს მასშტაბით სასწავლო დაწესებულებებში გამოცხადებული არდადეგეგები პირველ აპრილამდე გახანგრძლივდა.