თიბისი My.ge-ის, დაახლოებით, 19 მილიონად ყიდულობს! ? „თიბისი“ პლატფორმა My.ge-ს საკონტროლო პაკეტს ყიდულობს. როგორც თავად ამბობენ, კომპანიის 65%-იანი წილის შეძენაზე შეთანხმება, ჯგუფის დამფუძნებლებთან, უკვე მიღწეულია. My.ge ჯგუფის შემადგენლობაში შედის: myauto.ge, myhome.ge, mymarket.ge და myjobs.ge, რომლებსაც, ოფიციალური ინფორმაციით, ყოველთვიურად, 1.7 მილიონი უნიკალური მომხმარებელი ჰყავს. 2018 წელს, ჯგუფის აქტივები 3.3 მილიონ ლარს, ამონაგები კი, 4 მლნ ლარს შეადგენდა.