მოზარდის მშობელი "კურიერთან" ახალ ინტერნეტთამაშზე საუბრობს. მშობელი ყვება, რომ მისი არასრულწლოვანი შვილი ახალი აპლიკაციით რამდენიმე დღის წინ დაინტერესდა და ამის შესახებ დედას უამბო. მშობელი, რომელიც საჯაროდ არასრულწლოვანი შვილის გამო არ ჩნდება, ამბობს, რომ მოზარდი წარსულში სახიფათო ინტერნეტთამაშებით დაინტერესებული იყო და ამიტომ შვილის ინტერნეტთან კონტაქტს განსაკუთრებულ ყურადღებას უთმობს. ახალი ინტერნეტაპლიკაციის ჩამოწერა მხოლოდ ტელეფონიდან შეიძლება, ასაკობრივი ზღვარი 12 წლიდან იწყება, თუმცა გადმოწერის შესაძლებლობა ნებისმიერს აქვს. სახიფათო ინტერნეტთამაში არაბული წარმომავლობისაა და მსოფლიოს მასშტაბით 5 მილიონზე მეტი მომხმარებელი უკვე ჰყავს. თამაშში, ძირითადად კითხვა-პასუხებია, ვირტუალური პერსონაჟი მოთამაშეს კონკრეტულ დავალებებს აძლევს - ეს შეიძლება იყოს მაგალითად, ბნელ ოთახში გასვლა და საშინელებათა ფილმის ნახვა. დავალებები თანდათან რთულდება, ბოლო მისია კი, რომელსაც მოთამაშე ასრულებს, სასაფლაოზე გასვლაა. საქართველოში ახალმა თამაშმა არაერთი მოზარდი უკვე დააინტერესა, ამის შესახებ სამოქალაქო აქტივისტი საუბრობს, რომელიც ამ მიმართულებით უკვე წლებია, მუშობს. ნანა ბერძენიშვილმა თამაშის პრინციპი შეისწავლა. მისი თქმით, გართობის მიზანი არასრულწლოვნის სრულად დამორჩილება და ფსიქიკის შერყევაა, რაც, შესაძლოა, სუიციდით დამთავრდეს. სახიფათო ინტერნეტთამაშების სიმრავლეზე ყურადღებას ფსიქოლოგები ამახვილებენ. მაქსიმალური ნდობა, ყურადღება და მოზარდებში ცნობიერების ამაღლება - ეს ის ძირითადი რჩევებია, რომლებსაც სპეციალისტები მშობლებს აძლევენ. სახიფათო რომ არის, ამაზე უკვე იმ ქვეყანაშიც საუბრობენ, სადაც თამაში შეიქმნა. აპლიკაციის შესახებ სტატიები საერთაშორისო მედიაშიც დაიწერა.

ირანულმა ავიაკომპანია Mahan Air-მა სავარაუდოდ ახლო აღმოსავლეთში კორონავირუსის გავრცელებას შეუწყო ხელი. იმის მიუხედავად, რომ ზოგიერთმა ქვეყანამ ირანთან საჰაერო მიმოსვლა აკრძალა, კომპანიას ფრენები მაინც არ შეუწყვეტია. როგორც ცნობილია, Mahan Air, სახელმწიფო აკრძალვების მიუხედავად, აგრძელებდა ავიამიმოსვლას ერაყის, არაბთა გაერთიანებული საემიროების, სირიის და სხვა ქვეყნების მიმართულებით. ოფიციალურმა თეირანმა 31 იანვარს სრულად შეაჩერა ფრენები ჩინეთის მიმართულებით. თავის მხრივ, ზოგიერთმა სახელმწიფომ თებერვალსა და მარტში, ირანის მიმართულებით ნებისმიერი სახის ავიამიმოსვლა შეაჩერა, მას შემდეგ, რაც ეს ქვეყანა ახალი ტიპის კორონავირუსის გავრცელების მსხვილ კერად იქცა. ზემოხსენებულის მიუხედავად, Mahan Air განაგრძობდა ფრენებს, რითაც საფრთხეს უქმნიდან როგორც მგზავრების, ასევე ეკიპაჟების ჯანმრთელობას. რას წარმოადგენს Mahan Air? - Mahan Air „კერძო“ ირანული ავიაკომპანიაა, რომელიც ფლობს 55 ერთეულ თვითმფრინავს და წლის მანძილზე 5 მლნ. მგზავრის გადაყვანას ახორციელებს მსოფლიოს 66 წერტილიდან. როგორც ცნობილია, Mahan Air ირანის „ისლამური რევოლუციის გუშაგთა კორპუსთან“ არის დაკავშირებული. შეერთებული შტატები 2011 წლიდან ადანაშაულებს კომპანიას სხვადასხვა მიმართულებით იარაღის გადატანასა და „გუშაგთა კორპუსის“ პირადი შემადგენლობის გადაყვანაში, რის გამოც, მას ეკონომიკური სანქციები აქვს დაწესებული. Mahan Air მხარს უჭერს ირანის ოპერაციებს სირიაში, ლიბანსა და ერაყში - ქვეყნებში, სადაც „ისლამური რევოლუციის გუშაგთა კორპუსს“ აქვს კავშირები. სამედიცინო რეკომენდაციების იგნორირება - როგორც ლიბანელ და ერაყელ წყაროებზე დაყრდნობით დადასტურდა, ამ ქვეყნებში COVID-19-ის ინფიცირება სწორედ Mahan Air-ის ფრენების შედეგად გავრცელდა. 19 თებერვალს, ერაყელი სტუდენტი Mahan Air-ის რეისით W55062, თეირანიდან ერაყის ნაჯაფში ჩაფრინდა. 24 თებერვალს, სწორედ ეს პიროვნება გახდა პირველი ოფიციალურად რეგისტრირებული, კორონავირუსით ინფიცირებული შემთხვევა ერაყის ტერიტორიაზე. 20 თებერვალს, ლიბანის მოქალაქე, თეირანიდან სამშობლოში დაბრუნდა Mahan Air-ის რეისით W5112. 21 თებერვალს, სწორედ იგი გახდა პირველი ოფიციალურად რეგისტრირებული ინფიცირებული ლიბანის ტერიტორიაზე. აღნიშნულის მიუხედავად Mahan Air კვლავ აგრძელებდა ავიამიმოსვლებს. ერაყის ხელისუფლებამ ირანთან საჰაერო მიმოსვლა 20 თებერვალს „შეაჩერა“. შეჩერების შემდეგ, ოფიციალური ბაღდადის ნებართვით, კომპანიამ მინიმუმ 15 ფრენა განახორციელა. როგორც ერაყის ხელისუფლება აცხადებდა, აღნიშნული რეისები რეპატრიაციის მიზნით ხორციელდებოდა და აღნიშნული ნებართვა ერაყის სამოქალაქო ავიაციის ორგანოს მიერ იყო გაცემული. აქვე ხაზგასმული იყო, რომ ერაყსა და ირანს შორის კვლავ არსებული ავიამიმოსვლის მიუხედავად, ირანელ მგზავრებს ამ სახელმწიფოში შესვლის უფლება არ ეძლეოდათ. ფრენები ირანსა და ჩინეთს შორის - კორონავირუსული პანდემიის პიკის პროცესში, Mahan Air რეისებს ასრულებდა ჩინეთის 4 დიდი ქალაქის - პეკინის, შანხაის, გუანჟოუსა და შენჩჟენის მიმართულებებით. ეს ნიშნავს იმას, რომ ოფიციალურ თეირანს ნება უნდა დაერთო კომპანიისთვის, დაერღვია 31 იანვარს, მათ მიერ მიღებული ზომები, ჩინეთის მიმართულებით ავიამიმოსვლის აკრძალვაზე. Mahan Air-მა ჩინურ სოციალურ ქსელებში გამოაქვეყნა ფოტომასალა, სადაც მითითებული იყო, რომ იანვრის ბოლოდან 20 აპრილამდე, მათ 6 ფრენა შეასრულეს, რა დროსაც ჰუმანიტარული დახმარება გადაზიდეს. კიდევ 4 ფრენა კი, ავიაკომპანიის განმარტებით, ჩინეთიდან ირანის მოქალაქეების ევაკუაციისთვის იყო განკუთვნილი. ამ მიზნით ბოლო ფრენა მათ 5 თებერვალს შეასრულეს. Mahan Air-ის ოფიციალური განცხადებებისა და ფრენების თაობაზე ინფორმაციის შემდგომი ანალიზის შედარებებისას, ცნობილი გახდა, რომ ჩინეთთან საჰაერო მიმოსვლის აკრძალვის მიუხედავად, 157 ფრენა განხორციელდა. 31 იანვრიდან 20 აპრილამდე, Mahan Air იყო ერთადერთი ავიაკომპანია, რომელიც ირანსა და ჩინეთს შორის პირდაპირ ფრენებს აგრძელებდა. კორონავირუსული პანდემიის პიკის დროს, ზემოხსენებული კომპანია მნიშვნელოვან როლს ასრულებდა ირანიდან სხვადასხვა ქვეყნებში მგზავრთა გადაყვანის პროცესში. სირიამ ოფიციალურ დონეზე 8 მარტს შეაჩერა ირანთან ფრენები, თუმცა აკრძალვის შემდეგ, Mahan Air-მა ამ ქვეყანაში კიდევ 8 ფრენა განახორციელა. დამატებით, კომპანიამ 37 ფრენა დუბაის, 19 თურქეთის და კიდევ 18 სხვა მიმართულებით შეასრულა. მომზადებულია რატი ერისთავის მიერ. წყარო: Mahan Air: how with the help of one airline Covid-19 flew around the Middle East (05.05.2020),#coronavirus #Iran #China #Mahan #Air #headline

მუზეუმი ხელოვნებისა და არტეფაქტების შენარჩუნების საქმეში დიდ როლს ასრულებს. ამასთან, ისინი ფუნქციონირებენ, როგორც კულტურული ჰაბი, რომლებიც მიმზიდველია როგორც გასართობი, ასევე განათლების თვალსაზრისით. მსოფლიოში უამრავი მუზეუმი არსებობს, თუმცა, ზოგიერთი მათგანი განსაკუთრებით ცნობილია და წელიწადში ყველაზე მეტი ადამიანიც სტუმრობს. ერმიტაჟი, სანკტ პეტერბურგი ვიზიტორების რაოდენობა წელიწადში - 4 220 000 ერმიტაჟი მსოფლიოს ერთ-ერთი ყველაზე დიდი მუზეუმია. ის სანკტ პეტერბურგში, რუსეთის სიდიდით მეორე ქალაქში მდებარეობს. მუზეუმი 1852 წლს დაარსდა. აქ მთლიანობაში 3 მილიონი ექსპონატია დაცული, მათ შორის ანტიკვარიატი, დეკორატიული ხელოვნების ნიმუშები და ნახატები. ეროვნული სასახლე მუზეუმი - ტაიპეი, ტაივანი ვიზიტორების რაოდენობა წელიწადში - 4 435 000 აქ იმპერიული ხელოვნების ნიმუშები ინახება. არტეფაქტები მოიცავს კერამიკას, ქანდაკებებს, ლითონზე შესრულებულ სამუშაოს, კალიგრაფიის ნიმუშებს. აქ ჩინეთის ისტორიის 8 000 წელია დაცული - 700 000 ნივთი. ეროვნული გალერეა, ლონდონი ვიზიტორების რაოდენობა წელიწადში - 5 229 190 ლონდონის ეროვნულ გალერეაში 2 300 ნივთი ინახება. მათ შორის არის ვან გოგის მზესუმზირები, იან ვან ეიკის არნოლფინების პორტრეტი და ჯონ კონსტაბლის he Hay Wain. ხელოვნების ეროვნული გალერეა, ვაშინგტონი ვიზიტორების რაოდენობა წელიწადში - 5 232 000 ვაშინგტონის ცენტრში განთავსებული შენობა სამი ნაწილისგან შედგება: დასავლეთის და აღმოსავლეთის ნაწილები და ქანდაკებების ბაღი. დასავლეთ ნაწილში ინახება ნამუშევრები, რომლებიც შუა საუკუნეებიდან მე-19 საუკუნემდე პერიოდში შეიქმნა. აღმოსავლეთ ნაწილში ხელოვნების თანამედროვე კოლექციაა. ქანდაკებების ბაღში კი თანამედროვე და გამოყენებითი ხელოვნების ნიმუშებია წარმოდგენილი. The Tate Modern ვიზიტორების რაოდენობა წელიწადში - 5 656 000 შენობაში, რომელშიც ახლა მუზეუმია განთავსებული, 2000 წლამდე ელექტროენერგიის სადგურები იყო. ინდუსტრიული წარსულის თავისებურებებს შენობებში ჯერაც შეამჩნევთ, მათ შორის დიდ საკვამურს და დიდ ჰოლს ტურბინისთვის. ბრიტანული მუზეუმი, ლონდონი ვიზიტორების რაოდენობა წელიწადში - 5 906 715 ბრიტანული მუზეუმი 8 მილიონ ნივთს იცავს. ის 1753 წელს არის დაარსებული. თავდაპირველად აქ მხოლოდ ანტიკვარიატი, მედლები და მონეტები, ისტორიული ნიმუშები და დიდი ბიბლიოთეკა ინახებოდა. ახლა ბრიტანულ მუზეუმში ასევე დაცულია არტეფაქტები მთელი მსოფლიოდან, ქვის იარაღებიდან მე-20 საუკუნის შარვლების ჩათვლით. ვატიკანის მუზეუმები ვიზიტორების რაოდენობა წელიწადში - 8 062 625 ჩინეთის ეროვნული მუზეუმი უპირველეს ადგილად ითვლება ქვეყნის ისტორიის და კულტურის თვალსაზრისით. მუზეუმი 2003 წელს დააარსდა, როდესაც ორი ინსტიტუტი - ჩინეთის რევოლუციის მუზეუმი და ჩინეთის ისტორიის ეროვნული მუზეუმი გაერთიანდა. ამიტომ ის ტექნიკურად მხოლოდ 16 წლისა, თუმცა, მსოფლიოში ერთ-ერთი ყველაზე დიდი და ცნობილი, აქ დაცული 1 050 000 ექსპონატით. ლუვრი, პარიზი ვიზიტორების რაოდენობა წელიწადში - 10.2 მილიონი ლუვრის მუზეუმი მსოფლიოში ყველაზე დიდია და ყველაზე მეტი სტუმარი ყავს. თავიდაპირველად ის ციხესიმაგრე და სასახლე იყო, მუზეუმად კი 1684 წელს გადაკეთდა. ახლა აქ 38 000 ექსპონატი ინახება, მათ შორის ლეონადრო და ვინჩის ლეგენდარული მონა ლიზა, ასევე მიქელანჯელოს მომაკვდავი მონები, პაოლო ვერონეზეს The Wedding Feast at Cana და სხვა #მუზეუმი #10ყველაზენახვადიმუზეუმი #ხელოვნება #ესტეტიკა Tbilisi#ხელოვნება

საქართველოს აეროპორტების გაერთიანების ინფორმაციით, პირველი ოქტომბრიდან ქუთაისიდან აბუ დაბის მიმართულებით კვირაში ორი ფრენა შესრულდება. ამ რეისს Wizz Air-ის შვილობილი კომპანია Wizz Air Abu Dhabi შეასრულებს. "8 წლიანი წარმატებული თანამშრომლობის შემდეგ ცენტრალურ და აღმოსავლეთ ევროპის უმსხვილესი დაბალბიუჯეტიანი ავიაკომპანია საქართველოს ავიაბაზარზე გაფართოვებას განაგრძობს. საქართველოსა და არაბთა გაერთიანებულ საამიროებს შორის პირდაპირი რეგულარული საჰაერო მიმოსვლის დაწყება ნიშნავს, რომ ჩვენს ქვეყანას, კონკრეტულად კი იმერეთის რეგიონს, სრულიად ახალ ტურისტულ ბაზრებზე ექნება წვდომა", - განაცხადა საქართველოს აეროპორტების გაერთიანების დირექტორმა, თამარ არჩუაძემ. საქართველოში Wizz Air-მა ფრენები პანდემიის გამო შეაჩერა. კომპანია ასევე დროებით აჩერებს ბაზის მუშაობას. მანამდე კომპანია ქუთაისიდან რამდენიმე 30-ზე მეტი მიმართულებით ასრულებდა ფრენებს. #ახალი_ამბები#twitter

აფხაზეთსა და საქართველოს შორის მჭიდრო კულტურულ-სოციალური ურთიერთობა ორივე ეთნოსის ლიტერატურასა და ენაში მკაფიოდ აისახა. ქართველი მეცნიერების ცნობით, განსხვავებით სეპარატისტულ აფხაზეთში გავრცელებული ინფორმაციისგან, აფხაზური ენა და ლიტერატურა ყველაზე აქტიურად 1938-1954 წლებში ვითარდებოდა, როდესაც ენა მისთვის ყველაზე შესაფერის, ქართულ დამწერლობას გამოიყენებდა. ამავე პერიოდში დაიწერა ბევრი ნაწარმოები, რომელიც ორი ეთნოსის საერთო გასაჭირს- ბოლშევიკურ რევოლუციას უკავშირდება. ქართველებისა და აფხაზების მჭიდრო კავშირია ასახული მრავალ ლიტერატურულ ძეგლში. ლიტერატურული კავშირის ნათელი მაგალითებია: 1933 წლის ლეო ქიაჩელის ნოველა „ჰაკი აძბა“, კონსტანტინე გამსახურდიას „მთვარის მოტაცება“ და სხვა. აფხაზური ლიტერატურაც, პირველად, თბილისში გამოიცა. ამ ფაქტების განხილვის შემდეგ ნათელი ხდება ჩვენსა და აფხაზებს შორის მჭიდრო კავშირი და მისი გაწყვეტის ხელოვნური მცდელობა. უპირველეს ყოვლისა, ენათა შორის კავშირის მაჩვენებელია საერთო დამწერლობა. თავდაპირველად, აფხაზურს დამწერლობა არ გააჩნდა და ლიტერატურულ ძეგლზეც ლაპარაკი ზედმეტი იყო. 1862 წელს პირველი აფხაზური ანბანი ბარონმა პეტრე ფონ უსლარმა შეიმუშავა. თვითონ უსლარი აღნიშნავდა, რომ ქართული დამწერლობა იდეალური იყო არამარტო აფხაზური, არამედ ნებისმიერი ჩრდილოკავკასიური ენისთვის, რადგან მსოფლიოში არსებული 14 დამწერლობიდან ყველაზე ზუსტად გადმოსცემდა ჩრდილოკავკასიელთა ბგერებსა და ენის თავისებურებას. მაგრამ მისივე თქმით, ქართული დამწერლობის გამოყენება საფრთხეს უქადაგებდა რუსეთის იმპერიალისტურ პოლიტიკას, ამიტომაც მან სლავურ დამწერლობაზე დაყრდნობით შეუქმნა აფხაზებს ანბანი. პირველი ანბანი 37 ასოს შეიცავდა და შემდეგ მათი რაოდენობა 55-მდე გაიზარდა. ნიკო მარიც შეეცადა, სრულ-ეყო აფხაზური ანბანი, თუმცა ის ლათინურ დამწერლობაზე დაყრდნობით შექმნა. ნიკო მარის ანბანი 75 ასოს შეიცავდა და აფხაზების მიერ 1926 წლამდე გამოიყენებოდა. მიუხედავად ამისა, ორივე ანბანი სრულიად არ შეესაბამებოდა აფხაზური ენის სპეციფიკას: ერთი ხმოვნის გადმოსაცემად ორი-სამი ასო იყო საჭირო, ხოლო დამატებითი ხმოვნებისთვის არსებული ანბანი საკმარისი არ იყო და ასოების სახეცვლილება უწევდათ. შედეგად, 1937 წელს მოიწვიეს კრება, სადაც განიხილეს ქართული დამწერლობის შემოღების საკითხი. 1922 წელს საბჭოთა კავშირში ლათინიზაციის, ხოლო 1936 წელს- კირილიზაციის პოლიტიკა დაიწყო. როგორც მეცნიერი თეიმურაზ გვანცელაძე აღნიშნავს, აფხაზური ენა გადაურჩა რუსიფიკაციას პოლიტიკური ინტერესების გამო. პირველ რიგში, მოგეხსენებათ, საქართველო თურქეთს ესაზღვრება, თურქეთი კი 30-იან წლებამდე საბჭოთა კავშირის მოკავშირედ ითვლებოდა. 30-იანი წლების შემდეგ ის ნაცისტურ ბლოკს შეუერთდა და საბჭოთა იმპერიის საზღვრებზე არეულობის დაწყების შეეშინდათ. თუკი საქართველოში ხალხს არ გაუჩნდებოდა პრივილეგირებულების მოჩვენებითი განცდა, ისინი კიდევ აჯანყდებოდნენ და მტრის მხარეს გადავიდოდნენ. ამიტომ, ქართული დამწერლობის ასეთი დაწინაურება „მეგობრული“ ჟესტი იყო. მეორე მხრივ, აუცილებელი იყო საქართველოს შეკავება, რათა დამოუკიდებლობის მსურველების რიცხვი არ გაზრდილიყო და ქვეყანას არ დაეტოვებინა კავშირი. ცხადია, „მეგობრული ჟესტები“ ამისთვის არ იყო საკმარისი, ამიტომ საქართველოსა და აფხაზეთს შორის სიტუაციის გამძაფრება მძლავრი მექანიზმი იყო. თუკი საქართველო გამოეყოფოდა კავშირს, აფხაზეთი გამოეყოფოდა საქართველოს. ამ იდეის განსახორციელებლად საჭირო იყო აფხაზებისთვის „ქართული დამწერლობის დაძალება“, რაც ერებს შორის ურთიერთობას დაძაბავდა. 1937 საბჭოთა ხელისუფლებამ თათბირი მოაწყო, სადაც უნდა განეხილათ აფხაზური ენის დამწერლობის საკითხი. თათბირის მონაწილე 33 პირიდან 6 მეცნიერი ეროვნებით ქართველი იყო (თბილისიდან პროფესორები: პეტრე შარია, აკაკი შანიძე, ვარლამ თოფურია, არნოლდ ჩიქობავა, სიმონ ჯანაშია, სოხუმიდან კი ბაგრატ ჯანაშია), 4 მონაწილე რუსი (პროფ, ა. გრენი, ი. ტატიშჩენკო, ზ. მიირინა და ა. ფადეევი), უმრავლესობას კი (23 კაცი) აფხაზი მეცნიერები, მწერლები, ჟურნალისტები და პედაგოგები წარმოადგენდნენ (ს. აქირთავა, აფხაზური სეპარატიზმის მესაძირკვლე სიმონ ბასარია, ნ. ბასილაია, ენათმეცნიერი ხუხუტი ბღაჟბა, ნ. გერია, მწერალი და ჟურნალისტი მიხეილ გოჩუა, გ. გულია, აფხაზური ლიტერატურის ფუძემდებელია დიმიტრი გულია, პარტიული ფუნქციონერი მიხეილ დელბა, ბ. კაცია, ნ კოკოსქერია, ვ. მაანი. ვ. ნაყოფია, აფხაზი განმანათლებელი ნიკოლოზ პატეიფა, ს. სიმონია, ენათმეცნიერი გიორგი შაკირბაი, კ. შაყრილი, გ. ძიძარია, კ. ძიძარია, ნ. ჭოჭუა, მწერალი ვლადიმერ ხარაზია და პოეტი მუშნი ჰაშბა). აღსანიშნავია, რომ რუსი დელეგაცია არ იღებდა ხმას, ხოლო აფხაზები და ქართველები დიდი ინტერესით მონაწილეობდნენ დისკუსიაში. ს. ჯანაშიამ პირველივე გამოსვლისას განაცხადა, რომ აფხაზური დამწერლობა მხოლოდ აფხაზეთის საზოგადოების საქმეა და ქართველი მეცნიერები აქ კონსულტანტებად არიან მოწვეულნი. ამ ფრაზით მან ქართული დამწერლობის შემოღების არაძალადობრივ მეთოდს გაუსვა ხაზი. საკითხი კი ყველა აკადემიური ნორმის დაცვით განიხილეს. საბოლოო ჯამში, აფხაზეთის დელეგაცია მხარს უჭერდა ქართულ დამწერლობაზე დაყრდნობილ პროექტებს. წარმოდგენილი იყო 4 პროექტი და აქედან ორი აფხაზეთის ინიციატივით შეიმუშავეს. საბოლოოდ, გადაწყდა, რომ აფხაზური ენა ქართულ დამწერლობას გამოიყენებს, რომელსაც რამდენიმე ასო ( ჲ, ჳ, ჷ, გუ, ძუ, კუ, ყუ, ღუ, ხუ, გჲ, ქჲ, კჲ, ყჲ, ღჲ, ხჲ) დაემატება. ბოლოს, აფხაზმა მეცნიერებმა მადლობაც კი გადაუხადეს თბილისიდან მოწვეულ პროფესორებს. სეპარატიზმის გაზრდისას და ხრუშჩოვის ხელისუფლებაში მოსვლის შემდეგ ამ შეთანხმებებს ხაზი გადაესვა. 1958 წელს ქართველებისგან დისტანცირების მიზნით აფხაზური ისევ „კირილიცაზე“ გადავიდა, რის შემდეგადაც არაერთი რუსიზმი შემოვიდა აფხაზურ ენაში. მეტიც, რუსული მხარე მოითხოვდა რუსიზმების ზედმიწევნით კალკირებას, მაშინ როდესაც ქართული ენიდან შემოსული სიტყვები მცირერიცხოვანი იყო და ისინი აფხაზური ენის ნორმების შესაბამისად იწერებოდა (მაგალითად, სიტყვები აგჲამა ”გემო”, აკჲატ ”კეტი”, აუათახ ”ოთახი”, აწას ”წესი”, ამაწაფა ”მოწაფე”). ქართული დამწერლობის არსებობის პერიოდში კი აფხაზურ ენაში სხვა ენებიდან ყველაზე ნაკლები ბარბარიზმი შემოვიდა. არცერთ წერილობით წყაროში არ დასტურდება, რომ 1906 წლამდე ვინმეს შეექმნას მხატვრული ტექსტი აფხაზურ ენაზე. ამასთანავე, გიორგი შარვაშიძე, ეროვნებით აფხაზი, აფხაზეთის მთავრის უკანასკნელი ვაჟი და ილია ჭავჭავაძის თანამოაზრე იყო მწერალი და პუბლიცისტი, რომელიც ქართულ და აფხაზურ ენებზე წერდა ნაშრომებს. თავის წერილებში ის აფხაზეთსა და საქართველოს განუყრელ ნაწილად თვლის. ცნობილია მისი მკაფიო პოზიცია ერების ერთიანობის შესახებ. თავის ერთ-ერთ წერილში ის წერს: „…ჩვენს სამშობლო ივერიას ყოველგვარი დიდი კულტურული განცდა გამოუვლია. მაგრამ ჩვენი წარსული ისეთ ჟამს გაშეშდა, რომ დაგვებნა ბუნებრივი ევოლუციის შარა და კანონი. დიაღ, ჩვენ შეგვიძლია თამამადაც ვთქვათ, რომ იღბალის უკუღმართობას ხელი არ შეეშალა, ევროპის წინათაც ვიქნებოდით ჩვენ დღეს; ვინაიდან როდესაც ანდრია მოციქული აქ ქრისტეს მცნებას გვიქადაგებდა, ევროპაში თვით დუკებსაც კამეჩის ტყავი ეცვათ ტანზე და ფეხშიშველა, შუბებით ხელში ნადირობდნენ ტყეებში…“. 1917 წელს ის მონაწილეობდა სახალხო შეკრებაში, სადაც ანტიქართულად განწყობილმა აფხაზებმა ისურვეს „კავკასიით მთიელთა რესპუბლიკაში“ გაწევრიანება და აფხაზეთის გამიჯვნა საქართველოსგან. გიორგი შარვაშიძემ მათ აფხაზურ ენაზე მიმართა: “თქვენ თქ­ვენს უფროს ძმებს მიჰყევით, მათთან ერთად იმოქმედეთ და იბ­რ­ძოლეთ თავისუფლების მო­­საპოვებლად და შესანარჩუნებლად. ვიცი, ზოგი­ერ­თებს არ მოეწო­ნე­ბათ ჩემი ასეთი აზ­­რი, რადგან ისინი მოსკოვისაკენ იყურებიან, მე კი – თბილი­სი­საკენ. სხვა გზა არ არის და არც ყოფილა აროდეს აფხაზეთისათვის, გარ­და საქართ­ვე­ლოსთან მჭიდრო კა­ვ­­შირისა და მასთან ყოფნისა განუყრელად ჭირ­ში და ლხინში” აღსანიშნავია კიდევ ერთი აფხაზი მწერლის, დიმიტრი გულიას შემოქმედება. მისი ლექსების კრებული იყო პირველი აფხაზურად დაბეჭდილი წიგნი, რომელიც, ამასთანავე, პირველად თბილისში გამოიცა. მისი ლექსები აგებულია აფხაზურ ფოლკლორზე, თუმცა იგრძნობა ქართული მოწინავე ლიტერატურის დიდი გავლენა. ის აღწერს მოშაირე ქალ-კაცს, აფხაზურ ხუმრობებს ადამიანის ნაკლოვანებაზე, აფხაზების გმირ აბრსკილის ეპოსსა და მრავალ სხვა სიუჟეტს. ნათელია მის ლექსებზე ილია ჭავჭავაძის, აკაკი წერეთლის, მამია გურიელის და ვაჟა-ფშაველას გავლენა. არაერთი ანალოგიის გავლება შეიძლება შემდეგ ქართულ ნაწარმოებთან: “ყაყაჩოსა სიწითლითა”, “მიყვარს ფაცხა მე მეგრული”, “ომში წასვლა მას უხარის”, “ჩიტო, ჩიტო, ჩიორა”. ამრიგად, დიმიტრი გულიას ლექსები კიდევ ერთი უტყუარი მტკიცებულებაა ქართულ-აფხაზური ლიტერატურული კავშირის. 1992 წელს ანდრეი ჭოჭუას მიერ შექმნილი „აფხაზური ანბანი“ ზუსტად იაკობ გოგებაშვილის „დედაენაზე“ დაყრდნობით გამოიცა და დღესაც მცირეოდენი ცვლილებებით ისწავლება აფხაზეთის სკოლებში. ამრიგად, შეგვიძლია ვთქვათ, რომ აფხაზური განათლებას ემყარებოდა საქართველოში არსებულ სისტემას და დღესაც, აფხაზი სეპარატისტებისთვის შეუმჩნევლად, იჩენს თავს. ასევე, ანდრეი ჭოჭუას ეკუთვნის იაკობ გოგებაშვილის საბავშვო თხზულებების თარგმანი. საყმაწვილო ლიტერატურის მეორე ფუძემდებელი- ანტონ ჩუკბარი, ასევე თბილისში მოღვაწეობდა და მისი წიგნები „ აფხაზური ენა აფხაზთა სკოლებისათვის“ და „მახლობელი ცხოვრება“ აქვე დაიბეჭდა. 1919 წლიდან სოხუმის საოსტატო სემინარიაში შეიქმნა აფხაზური სალიტერატურო წრე და ჟურნალი „შარფიეწვა“ (ცისკრის ვარსკვლავი) რომელიც, აფხაზური ლიტერატურის განვითარებასთან ერთად, მიზნად ისახავდა ქართული ლიტერატურის თარგმნას. გადმოცემით, სოხუმის სემინარიის წევრები სოფლებში დადიოდნენ და ქართულიდან ნათარგმნ პიესებს დგამდნენ აფხაზურ ენაზე, ადგილობრივი მოსახლეობისთვის. აფხაზეთისა და საქართველოს ლიტერატურის ურთიერთქმედებას ხელი ვერ საბჭოთა ხელისუფლებამ შეუშალა- 1928 წლიდან აფხაზური ჟურნალები „აფსნი ყაფშ“ (წითელი აფხაზეთი) და „ეწვაჯაა“ (ხომალი) თბილისში იბეჭდებოდა და მიზნად ისახავდა ახალბედა აფხაზი მწერლების ხელშეწყობას. ყოველივე ეს ხელს უწყობდა მომავალი მწერლების ჩამოყალიბებას. საინტერესოა, რომ ახალი თაობის აფხაზი მწერლები ქართველთა გმირობებს აღწერდნენ. მაგალითად, ივა კოღონია. მის კალამს ეკუთვნის რუსული ცარიზმის საწინააღმდეგო პოემა “სვანი მურზაყანი”, რომელიც მიეძღვნა კონსტანტინე დადეშქელიანს, ვინც 1857 წელს მოკლა ქუთაისის გენერალ-გუბერნატორი ა. გაგარინი. 1920-1930 წლისთვის კი აფხაზურად „ვეფხისტყაოსანი“ ითარგმნა. წყარო: postal cat#აფხაზეთი #ლიტერატურა #ოკუპაცია #პოლიტიკა #sokhumidaily

ქუთაისის საერთაშორისო აეროპორტის არსებობის მანძილზე პირველად, ახლო აღმოსავლეთში რეგულარული პირდაპირი რეისებით მოხვედრა იქნება შესაძლებელი. 1 ოქტომბრიდან მგზავრები მგზავრობას დავით აღმაშენებლის სახელობის აეროპორტიდან არაბთა გაერთიანებული საამიროების დედაქალაქში კვირაში ორჯერ - ხუთშაბათსა და კვირას შეძლებენ. აბუ დაბის მიმართულებით პირდაპირ რეგულარულ რეისებს უნგრული დაბალბიუჯეტიანი ავიაკომპანია ვიზეარის მიერ ახლახანს დაფუძნებული ავიაკომპანია Wizz Air Abu Dhabi შეასრულებს. ეს არის პირველი ავიაკომპანია, რომელიც Wizz air-მა ევროპის გარეთ შექმნა. ეკონომიკისა და მდგრადი განვითარების სამინისტროს ,,საქართველოს აეროპორტების გაერთიანებამ“ მოლაპარაკებები კომპანიასთან უმოკლედ ვადებში წარმატებით დაასრულა. ,,საქართველოს აეროპორტების გაერთიანების“ დირექტორის, თამარ არჩუაძის განცხადებით, ქუთაისის საერთაშორისო აეროპორტიდან სრულიად ახალი, არაევროპული მიმართულების დანიშვნა ცხადყოფს, რომ Wizz air-ს საქართველოს ბაზარზე გრძელვადიანი გეგმები აქვს. ,,მოხარულები ვართ, რომ ავიაკომპანია Wizz air-მა კიდევ ერთხელ დაადასტურა, რომ ჩვენი სანდო და მნიშვნელოვანი პარტნიორია. 8 წლიანი წარმატებული თანამშრომლობის შემდეგ ცენტრალურ და აღმოსავლეთ ევროპის უმსხვილესი დაბალბიუჯეტიანი ავიაკომპანია საქართველოს ავიაბაზარზე გაფართოვებას განაგრძობს. საქართველოსა და არაბთა გაერთიანებულ საამიროებს შორის პირდაპირი რეგულარული საჰაერო მიმოსვლის დაწყება ნიშნავს, რომ ჩვენს ქვეყანას, კონკრეტულად კი იმერეთის რეგიონს, სრულიად ახალ ტურისტულ ბაზრებზე ექნება წვდომა. გვიხარია, რომ ავიაკომპანიასთან ერთად ამ მნიშვნელოვან წამოწყებაში ქუთაისის აეროპორტიც საკუთარ წვლილს შეიტანს,-‘’აღნიშნა თამარ არჩუაძემ. ქუთაისიდან აბუ დაბის მიმართულებით პირდაპირი რეგულარული რეისები Airbus A321neo შესრულდება.

2019 წლის განმავლობაში საქართველოს სადაზღვევო სექტორის მიერ მოზიდულმა სადაზღვევო პრემიამ პირდაპირი დაზღვევის საქმიანობიდან 625 მილიონი ლარი შეადგინა. ამავე პერიოდის შედეგებით, მზღვეველების სადაზღვევო მოგებამ 157 მილიონი ლარი შეადგინა, ხოლო სადაზღვევო კომპანიების წმინდა მოგება თითქმის განახევრდა და 25 მილიონ ლარს გაუტოლდა. სადაზღვევო კომპანიების აქტივების ჯამური მოცულობა 799 მილიონ ლარს, ხოლო კაპიტალი 235 მილიონ ლარს შეადგენდა. აღსანიშნავია, რომ 2018 წელს კომპანიების წმინდა მოგება 42.19 მილიონ ლარს, აქტივები - 743.22 მილიონ ლარს, ხოლო კაპიტალი 221.64 მილიონ ლარს შეადგენდა. „სადაზღვევო ასოციაციის“ ხელმძღვანელმა დევი ხეჩინაშვილმა „კომერსანტთან“ საუბრისას აღნიშნა, რომ სექტორის ზრდისთვის აუცილებელია საქართველოს იურიდიული და ფიზიკური პირების მიერ დაზღვევის პროდუქტების მოხმარება გაიზარდოს, ეს კულტურა კი ძირითადად სავალდებულო დაზღვევის მეშვეობით ინერგება, არა იმიტომ რომ ესაა მიზანი, არამედ ამ დროს მთავრობა დაზღვევის მეშვეობით რისკებს მართავს. „2019 წელს სადაზღვევო სექტორის წმინდა მოგება თითქმის განახევრდა, ეს გამოიწვია იმან, რომ ბაზარზე კონკურენცია იზრდება და ის რაც წინა წელს მომგებიანობის ძირითადი განმსაზღვრელი იყო, მაგალითად, უცხო ქვეყანაში რეგისტრირებული მანქანების დაზღვევის სისტემა, უკვე რეალობაში ჩაჯდა. გარდა ამისა, ზარალიანობამ იმატა, მათ შორის, ისეთი უმნიშვნელოვანესი მიმართულებით, როგორიცაა ჯანმრთელობის დაზღვევა, რასაც ბაზრის ნახევარი უჭირავს, ასევე მაღალი იყო აგროდაზღვევის ზარალი. თუმცა, ყველაზე მთავარი პრობლემა ის არის, რომ ბაზარი არ იზრდება ანუ სადაზღვევო მოცვა არ იმატებს, არ შემოდის სავალდებულო დაზღვევები, რომელიც ბევრჯერ ითქვა, თუნდაც, ავტომფლობელებთან მიმართებაში, ასევე არ ვითარდება ეკონომიკაც ისე, რომ ბუნებრივი ზრდა ამის ხარჯზე ხდებოდეს. მცირე ოდენობის ბუნებრივი ნამატი არის, მაგარამ მთავარია, რომ საქართველოს იურიდიული და ფიზიკური პირების მიერ დაზღვევის პროდუქტების მოხმარება გაიზარდოს, ვიცით ეს როგორ უნდა მოხდეს და რაზე არის დამოკიდებული, ეს კულტურა ძირითადად სავალდებულო დაზღვევის მეშვეობით ინერგება, არა იმიტომ რომ ესაა მიზანი, არამედ ამ დროს მთავრობა დაზღვევის მეშვეობით რისკებს მართავს. ჩვენთან ასე არ ხდება, ამიტომ გვქონდა ასეთი 2019 წელი“,- აცხადებს დევი ხეჩინაშვილი. „სადაზღვევო ასოციაციის“ ხელმძღვანელი იმ უარყოფით შედეგებზეც საუბრობს, რის წინაშეც არსებული პანდემიის პირობებში შესაძლოა სადაზრვევო სექტორი აღმოჩნდეს. მისივე თქმით, მიუხედავად იმისა, რომ წელს დიდი გეგმები ჰქონდათ, კორონავირუსმა სიტუაცია რადიკალურად შეცვალა. „რაც შეეხება წლევანდელ წელს, დიდი მოლოდინები და გეგმები გვქონდა, მაგრამ კორონავირუსის ფონზე გაზრდის ნაცვლად, კიდევ უფრო დიდ შემცირებას ველოდებით, განსაკუთრებით შემდეგ თვეებში. საცალო ბაზარო, რომელიც ძალიან ძლიერი არ იყო, მაგრამ ასე თუ ისე ვითარდებოდა უკან იხევს და ეკონომიკის შემცირებასაც ველოდებით, რაც რა თქმა უნდა ჩვენზეც დიდ გავლენას მოახდენს. დაზღვევის კულტურის ნაკლებად მქონე საზოგადოებაში როგორც ჩვენია, ეს მოლოდინები უფრო მეტად უარყოფითია“, - განმარტა დევი ხეჩინაშვილმა. აღსანიშნავია, რომ საქართველოს მოსახლეობის 16% სარგებლობს კერძო სამედიცინო დაზღვევით, ასევე საქართველოში რეგისტრირებული ავტომობილების მხოლოდ 7%-ია დაზღვეული. 2019 წელს 602,833 სამედიცინო დაზღვევის პოლისები იყო მოქმედი. ავტოდაზღვევის კუთხით კი, 95,758 პოლისი იყო გაყიდული. #news

ისრაელი-საქართველოს თანამშრომლობა გლობალური პანდემიისას განათლების მიმართულებით კიდევ უფრო გამყარდა. საქართველოში ისრაელის საელჩოს ინფორმაციით Tech Touch-ის მიერ ორგანიზებულ ონლაინ კონფერენციაზე, რომელიც 29-31 მაისს ჩატარდება, მონაწილეობას მიიღებს ისრაელის ორი მსოფლიო დონის სპიკერი და ადგილობრივ აუდიტორიას გაუზიარებენ საკუთარ გამოცდილებასა და ცოდნას. კონფერენცია გაგრძელდება სამი დღე, სადაც თავს მოიყრიან ბიზნესმენები, დეველოპერები, მარკეტერები და სხვები, რომ განიხილონ მიმდინარე გამოწვევები და პრობლემების გადაჭრის პოტენციური გზები, რათა გადალახონ არსებული კრიზისი. IT კომპანიები, დეველოპერები, ტექნიკური პროფილის სტუდენტები, პროექტისა და პროდუქტის მენეჯერები, ინჟინერები, ხელოვნური ინტელექტის მკვლევარები და მასზე დაფუძნებული სტარტაპების ხელმძღვანელები - ყველა მიიღებს უახლეს ცოდნას ინტერნეტ სამყაროში, ინდუსტრიის 4.0 ეპოქაში არსებული უკანასკნელი ტრენდების შესახებ. ისრაელის საელჩოს და საქართველოს ინოვაციების და ტექნოლოგიების სააგენტოსთან დახმარებით მაურველებს უფასოდ შეეძებათ Front-End კურსის გავლა Html, Css და JavaScript-ში ამ სფეროში ერთერთი წამყვანი ინსტიტუტის Developers.Insitute-ის პროგრამით. Developers.Insitute ცნობილია თავისი ინოვატორული მიღწევებით თანამედროვე ტექნოლოგიების სფეროში. ის ორიენტირებულია ისრაელის ახალი თაობის დეველოპერების აღზრდაზე და სტუდენტებს სთავაზობს იმ ცოდნასა და უნარ-ჩვევებს, რაც აუცილებელია, რომ ამ სფეროში წარმატებით დასაქმდნენ. Olmait ისრაელის პროგრამული უზრუნველყოფის კომპანიაა, რომელიც ორიენტირებულია მონაცემთა ბაზების დამუშავებაზე. კომპანია დაფუძნებულია ნიცან ვაისმანის მიერ და ოპერირებს თბილისში. Olmait-ში დასაქმებულია ქართველი პროგრამისტების, დეველოპერებისა და სხვა კომპიუტერული მეცნიერებების წარმომადგენელთა გუნდი, რომელსაც მნიშვნელოვანი ადგილი უკავია ადგილობრივი ეკო-სისტემის განვითარებაში. Olmait -ს საკვანძო როლი აქვს პროექტში, რომელსაც ხელმძღვანელობს ამერიკული კომპანია და რომელიც მიზნად ისახავს COVID-19-ის ტესტირებისათვის ნოვატორეული ხელსაწყოს შექმნას. პროექტის ხელმძღვანელი კომპანია, SKC - Sensor-Kinesis Corp მსოფლიო ლიდერია ბიოლოგიური და ციფრული სფეროების ინტეგრირებაში. The SKS –ის მისიაა, რომ სამედიცინო დიაგნოსტიკა და მისი შესაბამისი ტექნოლოგიური პლატფორმები დააკვშიროს ციფრულ სამყაროს, ასევე cloud ტექნოლოგიით ადამიანის ბიოლოგიური ინფორმაციის ბაზა დააკავშიროს მილიარდობით მომხმარებელს და ამ ინფორმაციის ანალიზი გამოიყენოს სამედიცინო დიაგნოსტიკისა და მკურნალობის გასაუმჯობესებლად. სწორედ ამ მიზნით SKS –მა განავითარა Opticus-ის უნიკალური პლატფორმა. ხოლო Olmait-ი ჩართულია Opticus-cloud API - ის პროგრამირების დასრულებაში, რათა მოხდეს JSON-ის მონაცემების უსაფრთხოდ გადატანა არსებული სამედიცინო პროტოკოლის გამოყენებით. SKC-ის ეს პროექტი, რომელიც დაფუძნებულია Omait-ის ტექნოლოგიებზე, მოგვცემს საშუალებას, რომ პაციენტისთვის ტესტის ჩატარება და შედეგების კლინიკისთვის გადაცემა მოხდეს დისტანციურად. შესაბამისი სამედიცინო პროვაიდერი მყისიერად მიიღებს დიაგნოზისა და მკურნალობისათვის აუცილებელ მონაცემებს. ტესტირების ეს რევოლუციური მეთოდი შესაძლებელია გამოყენებულ იქნას როგორც COVID-19-ის, ასევე გულისა და სხვადასხვა ფიზიოლოგიური დაავადებების დიაგნოსტიკის დროს. აღნიშნული მოწყობილობა იქნება იაფი და ადვილად გამოსაყენებელი და ის მოგვცემდა საშუალებას, რომ უმოკლეს დროში ჩაუტარდეს ტესტირება მილიონობით ადამიანს მსოფლიოს ნებისმიერ წერტილში. როგორც ნიცან ვაისმანი აღნიშნავს, ამ პროექტში საქართველოს ჩართვა არის ადგილობრივი ეკო-სისტემის დიდი პროგრესის დასტური. ბატონი ვაისმანი 2011 წლიდან აქტიურ საქმიანობას ეწევა საქართველოში, არის ერთე-რთი გამორჩეული კონსულტანტი, როგორც საერთაშორისო კომპანიებისათვის, ასევე ადგილობრივი სამთავრობო სააგენტოებისათვის. როგორც Olmait-ის თავმჯდომარე ის მუდმივად მიშაობს, რომ გააფართოვოს Olmait-ის პოტენციალი და გადააქციოს ის საკვანძო ინოვატორ მოთამაშედ როგორც საქართველოში, ასევე რეგიონსა და საერთაშორისო ბაზარზე. ისრაელის ელჩი საქართველოში, რან გიდორი აბობს, რომ საქართველო-ისრაელის თანამშრომლობა შესაძლოა იყოს სასარგებლო არა მხოლოდ ჩვენი ორი ქვეყნისთვის, არამედ მთელი საერთაშორისო საზოგადოებისათვის. #news Israel Georgia #თანამშრომლობა #tbilisidaily #dailynews

დავიწყოთ იმით, რომ ყველა და ყველაფერი ერთი მთელის ნაწილს წარმოადგენს, რომლისგანაც შედგება ეს მთელი და, ბუნებრივია, ერთი დეტალი მეორე დეტალზე და ზოგადად მთელზე, როგორც საათის მექანიზმის კბილანები, მიზეზ-შედეგობრივად, ზუსტად ასე ზემოქმედებენ და მუშაობენ ერთმანეთზე... გამომდინარე აქედან, ოკულტური სფეროს კონკრეტული მეცნიერება, რომელსაც ასტროლოგია ჰქვია, შეისწავლის კოსმოსში არსებულ ენერგოინფორმაციულ ნაკადებს კონკრეტულ პერიოდებთან დაკავშირებით, თუ როდის როგორი ინფორმაციული ნაკადი შემოდის პლანეტა დედამიწაზე და როგორ აისახება კონკრეტულ ინდივიდებზე, სახელმწიფოებზე და მოვლენებზე... ესე იგი, საქმე გვაქვს ჩვენგან დამოუკიდებლად, ჩვენი ნების გარეშე სამყაროში აღძრულ ტენდენციებთან, რომლებიც ჩვენს აღქმაში აფორმირებენ მოვლენათა და ჩვენსავე ინდივიდუალრ მდგომარეობათა მიმართ კონკრეტულ ინტერპრეტაციებს, ჩვენში უკვე არსებული აღქმის დიაპაზონებიდან გამომდინარე, რომელი დიაპაზონებიც, დაბადების მომენტში ისევ სამყაროში არსებულმა ინფორმაიცულმა ნაკადმა წარმოქმნა და განაპირობა... ესე იგი, ჩვენ დაბადებიდან გაგვაჩნია გონებრივ შესაძლებლობათა ის კომპლექტი, რომელიც ზუსტად დაბადების მომენტში ჩვენს ინდივიდუალურ სიხშირულ ველში, როგორც პრიზმაში სხივი, ისე გატყდა და მოახდინა ამ შესაძლებლობათა კომპლექტის ფორმირება... ზემოთქმულიდან გამომდინარე, შეიძლება ითქვას, რომ აზრები, რომლებიც ადამიანებს მოსდით გონებაში და ბევრს გონია, რომ ეს მისი აზრია, სინამდვილეში, არის ენერგოინფორმაციული ტოტალური, პლანეტარულ და ზოდიაქალურ განლაგებათა დინამიკიდან გამომდინარე წარმოქმნილი მუდმივცვალებადი ტალღა, რომელიც ინტენსიურად შემოედინება დედამიწაზე და რომელ დედამიწასაც, ზუსტად ისეთივე ინდივიდუალური სიხშირული პრიზმა გააჩნია, როგორიც ნებისმიერ ადამიანს და ისევე აძლევს ინტერპრეტაციას ამ ტალღას, როგორც ნებისმიერი ინდივიდუალური ადამიანი თავისი დაბადების მონეტში „დანათლებული“ თუ აღზრდის პროცესში შეძენილი ფასეულობათა სისტემებიდან გამომდინარე. დიახ, აქ საუბარი გვაქვს კოსმოსიდან შემოსული ტალღის გადამამუშავებელ ფილტრზე, პრიზმაზე, ასე ვთქვათ, რომელიც ამ ერთ პლანეტას თავისი ერთი ცალი გააჩნია, რომელი ამ ერთი ცალი პრიზმის სიხშირულ ველში 7 მილიარდზე მეტი ინდივიდუალური სიხშირული ფილტრის მქონე ადამიანი ცხოვრობს... ახლა ვთქვათ, თუ რა სიხშირულ ფილტრზე, პრიზმაზე გვაქვს საუბარი,ესაა: ინფორმაციის მიღებისა და გადამუშავების ინდივიდუალური მანერა, ინდივიდუალური სიმძლავრე, თუ წამში რამდენი „ტერაბაიტის“ მიღება და გადამუშავება როგორ და, შემდგომ, რა შედოგობრივი გამოყენების პერსპექტივით შეუძლია ადამიანის ან პლანეტის გონს („პროცესორს“) და მათ მთლიან სქემასა და ინდივიდუალურ ორგანულ შემადგენლობას... ახლა განვიხილოთ ადამიანის სიცოცხლის ფორმის ბუნებრივი მენტალური ენერგო სტრუქტურა, თუ რა შეუძლია მას: კერძოდ, ლოგიკურად თუ ვიმსჯელებთ, რაზეც ზემოთ ვისაუბრეთ და სწორად გავაანალიზებთ,მივხვდებით, რომ ნებისმიერი კონკრეტული ფიზიკური ობიექტი, რომელსაც, ლოგიკურად გააჩნია თავისი ნატიფი მენტალური (ობიექტის იდეა, აზრი, გონი) ენერგოსტრუქტურა, შემძლეა წარმოქმნას კონკრეტული სიხშირული ენერგოინფორმაციული ტალღა, რომელი ტალღაც, დროთა განმავლობაში, მყარდება და იძენს ხილული მატერიის ან მოვლენის ფორმას. ეს ფორმებია, ასე ვთქვათ (უკვე ზემოთ განვიხილეთ, თუ რაზეა საუბარი): ✔ხილული პროცესები. ✔ფსიქიკური მდგომარეობები და მეტიც - ნატიფი პროგრამული სახის ტალღა ზემოქმედებს ელექტროტექნიკაზე, ამინდზე, სეისმურ აქტივობაზე და ხილული რეალობის უამრავ დეტალზე... სამყაროში არსებული ნებისმიერი ობიექტის ეს შესაძლებლობა, რა თქმა უნდა, მოაზროვნე არსებას, ადამიანსაც გააჩნია და მეტიც - მას გარეშე ფაქტორების ზემოქმედების მიუხედავადაც შეუძლია წარმოქმნას დამოუკიდებელი მენტალური სქემა, პროგრამა ასე ვთქვათ, რომელიც სურვილის ენერგიით, ემოციური მუხტით იძენს სიცოცხლისუნარიანობას და მიილტვის აგრეთვე მყარ მატერიაში რეალიზაციისკენ... ამას, მოაზროვნე გამცნობიერებელი არსების, ადამიანის შემთხვევაში, ჰქვია მაგიური შესაძლებლობა, რომლითაც ყველა იბადება ხოლმე... ჩვენ მიმოვიხილეთ აზრების და არა მხოლოდ აზრების წარმომავლობა და თვისობრიობა, რომლის დამახასიათებელიცაა გონებაში წარმოსახული ან იდეაში წარმოქმნილი/არსებული სქემის პროგრამულობა, პროგრამა, როგორც წინასწარი გეგმა რაიმე მდგომარეობის, ან მოვლენისა, რომელიც აუცილებლად უნდა აღსრულდეს და სრულდება კიდეც... აქედან გამომდინარე, უკვე თავისუფლად შეგვიძლია ვაცნობიერებდეთ, რომ 1) ადამიანები დაბადებიდანვე არიან ბუნებით მაგები, რომლებიც ქმნიან მენტალურ პროგრამებს და ემოციური მუხტით სისრულეში მოყავთ გონებაში წარმოდგენილი სქემა მყარ მატერიალურ დონეზე. 2) პირველ პუნქტში აღწერილი მოვლენა, ხშირ შემთხვევაში, ადამიანებს გაუცნობიერებლად, შეუგნებლად გამოსდით, რაც ცხოვრებაში თავიანთი ბედის მწერლებად აქცევთ... 3) შესაძლებელია ზემოთა პირველ 2 პუნქტში მოცემული პროცესი ადამიანმა შეგნებულად და გაცნობიერებულად აღძრას, რაც მას საკუთარი ბედის გემოვნებიან შემოქმედად აყალიბებს... ამ ყოველივე ზემოთქმულის რეალურობაში დასარწმუნებლად გთავაზობთ სულ რაღაც 9 წლის წინანდელ ისტორიულ მოვლენას ამერიკულ კინოინდუსტრიაში: 2010 წელს მსოფლიომ იხილა ფილმ „2012“-ის პრემიერა სხვადასხვა ქვეყნის მრავალ კინოთეატრში ერთდროულად, ხოლო შემდეგი თვეების განმავლობაში ის კიდევ მეტ და მეტ კინოთეატრში, ტელევიზიებში თუ ინტერნეტსივრცეში ტრიალებდა. შეგახსენებთ ფილმის სიუჟეტს - მაიას ტომის ე.წ. კალედრის თანახმად, „მსოფლიოს აღსასრული“ უნდა დამდგარიყო 2012 წლის 21 დეკემბერს, რის შესახებაც, ფილმის რეჟისორმა კომპიუტერული სიმულაციის გზით ამ „აღსასრულის“ აზრფომები, სცენები შექმნა. ამ სცენებში ხდება მიწისძვრები, ვულკანის დიდი უზარმაზარი ამოფრქვევა, რაც მთელს პლანეტაზე იწვევს ცუნამებს და ტოტალურ ნგრევას, მსხვერპლს... ეს წარმოდგენილი სიუჟეტი ადამიანთა დიდმა რაოდენობამ ერთდროულად და გარკვეული დროის (თვეების) მანძილზე ინტენსიურად წარმოიდგინა მენტალურ სივრცეში, გონებაში, რომელზეც ფილმში მიმდინარე მოვლენების მიმართ შიში და ემოციური განცდები, შერძნებები აღეძრათ. ფაქტიურად, რა სქემაზეც ჩვენ ზემოთ ვისაუბრეთ, მოხდა ეს: მრავალი ადამიანის გონებაში ერთდროულად წარმოიქნა სქემა, რომელიც ემოციამ გააცოცხლა და შეიქმნა მაგიური პროგრამა... გადის 1 წელი და, ზუსტად ფილმში აღწერილი სიუჟეტი რეალიზდება იაპონიაში ცნობილი ტრაგედიის სახით. მაშინ, 2011 წელს იაპონოაში ვულკანისა და სეისმური აქტივობის შედეგად დაზიანდა უამრავი მოქალაქე, წარმოქმნილმა ცუნამმა დაძირა ქალაქები და საფრთხე შეუქმნა ატომური ელექტროსადგურის მუშაობას, რასაც, შესაძლოა, რადიაციული გაჟონვის შედეგად, ბირთვული კატასტროფა გამოეწვია (გემახსოვრებათ, ალბათ, ატომური ელექტრისაქდგურის „ფოკუშიმას“ მაშინდელი კრიტიკული მდგომარეობა) და მაგ დროს, დედამიწის ღერძი კიდევ 8 სანტიმეტრით გადაიხარა... ...კიდევ ბევრი მაგალითის ჩამოთვლა შეიძლება და თქვენც შეგიძლიათ გაიხსენოთ - თქვენს ცხოვრებაში რამდენჯერ ყოფილა, რომ რაზეც გიფიქრიათ და შეგშინებიათ გონებაში წარმოდგენილი შესაძლო რეალობისა, იმდენჯერ ერთი ეთში მომხდარა... ასე რომ, აქ უკვე უნდა დავფიქრდეთ და მეტი დრო დავუთმოთ თვითშემეცნების პროცესს: ვინ ვართ? რა შეგვიძლია? და როგორ მოხერხდეს ისე, რომ რაც ჩვენთვის მისაღებია მივიღოთ და, რაც მიუღებელია - გავუშვათ... სწორედ აქ, შეიძლება ითქვას, რომ უზენაესი შემოქმედის მსგავსი ქმნილება, რომლის შვილიც ადამიანია, შემძლეა შექმნას რეალობა, მართოს ის სასურველი მიმართულებით და გახდეს თავისივე ბედის გემოვნებიანი შემოქმედი... ავტორი ლაშა ჩხენკელი

ევროკავშირის ქვეყნებში ნებისმიერი მიზნით ვიზიტის შემდგომ, სამშობლოში უკან დაბრუნებისას გაივლიან სავალდებულო 14 დღიან კარანტინს. მნიშვნელოვანია, ჩვენმა მოქალაქეებმა ასევე გაითვალისწინონ ევროკავშირის წევრი ქვეყნების ზემოთ ჩამოთვლილი მიდგომები საზღვრების გახსნასთან დაკავშირებით. ამასთან, ევროკავშირის იმ 5 ქვეყნის მიმართულებით, რომლებთანაც ჩვენ უპირობოდ ვხსნით საზღვრებს, საავიაციო მიმოსვლის და რეგულარული რეისების აღდგენის მიზნით, მოლაპარაკებები მიმდინარეობს საერთაშორისო ავიაკომპანიებთან. მათ შორის, ავიაკომპანია Lufthansa-სთან უკვე მიღწეულია შეთანხმება მიუნხენის მიმართულებით 2020 წლის აგვისტოდან კვირაში 2 რეისის განხორციელებასთან დაკავშირებით, ასევე ვმუშაობთ AirBaltic-სა და AirFrance-თან. აქვე, კიდევ ერთხელ ხაზგასმით აღვნიშნავთ, რომ საზღვარგარეთ მყოფი საქართველოს მოქალაქეების სამშობლოში ორგანიზებულად დასაბრუნებლად, ივლისის განმავლობაში, ავიაკომპანიები – Wizzair-ი და Myway Airlines-ი შეასრულებენ შემდეგ ავიარეისებს: 13 ივლისი – ვარშავა, 15 ივლისი – ბარსელონა, 17 ივლისი – რომი, 22 ივლისი – პარიზი, 28 ივლისი – ათენი. აღნიშნულ რეისებზე ბილეთის ფასი საქართველოს მოქალაქეებისთვის არ იქნება 200 ევროზე მეტი. ასევე, როგორც მოგეხსენებათ, კომერციულ ჩარტერულ რეისებს ახორციელებს ქართული ავიახაზები (აირზენა) შემდეგ დედაქალაქებში: ვენაში, ამსტერდამსა და თელავივში. აქვე, გაცნობებთ, რომ უახლოეს დღეებში, ერთჯერად შესრულდება კატარის ავიახაზების კომერციული ჩარტერული რეისი, დედაქალაქ დოჰადან, საიდანაც სამშობლოში საქართველოს 105 მოქალაქე დაბრუნდება. აღსანიშნავია, რომ საქართველოს სახმელეთო საზღვრებზე შენარჩუნდება დღეს მოქმედი რეგულაციები. საქართველოს ხელისუფლება აგრძელებს ევროკავშირის წევრ, პარტნიორ ქვეყნებთან აქტიურ თანამშრომლობას და რეკომენდაციის შესაბამისად, ორ კვირაში ერთხელ მოხდება როგორც საქართველოში შემომსვლელთა, ისე ჩვენი მოქალაქეების ამ ქვეყნებში შესვლის პირობების ერთობლივად გადახედვა. ჩვენთვის უმთავრესი პრიორიტეტია მოქალაქეების ჯანმრთელობა და უსაფრთხოება, შესაბამისად, თითოეული გადაწყვეტილება სწორედ აქედან გამომდინარე მიიღება. ჩვენ ყველაფერს გავაკეთებთ, რათა საქართველოში როგორც ჩვენი მოქალაქეების, ისე ჩვენი ქვეყნის სტუმრების, ჯანმრთელობა მაქსიმალურად იყოს დაცული. წყარო: მე მოგზაური#მოგზაურობა #ახალიამბები #travel #travelwithme #news