დღეის მონაცემებით, გორიდან გაგზავნილ ყველა ნიმუშზე ლუგარის ლაბორატორიიდან უარყოფითი პასუხი მოვიდა. აღნიშნულის შესახებ რეგიონის საკოორდინაციო საბჭოს ხელმძღვანელმა, მხარის გუბერნატორმა, გიორგი ხოჯევანიშვილმა განაცხადა. "ბრიგადის მეთაურთან ერთად შემოვიარეთ ხუთივე გამშვები პუნქტი. ამასთან, გუშინ აღებული სინჯებიდან ყველაზე უარყოფითი დასკვნაა მოსული ლუგარის ცენტრიდან. შესაბამისად, ამ დროისთვის რეგიონში ინფიცირებული პაციენტი არ გვყავს" - განაცხადა ხოჯევანიშვილმა. მხარის გუნერნატორის ინფორმაციით, დღის განმავლობაში 7 000-მდე ადამიანი გადის შემოწმებას.#კორონავირუსი #შიდაქართლი #ლუგარისლაბორატორია

ცნობილი ფაქტია, რომ საქართველოში პირველი სელფი ანასტასია რომანოვამ 1912 წელს ბორჯომში გადაიღო. მამისათვის გაგზავნილ წერილში კი აღნიშნა- „საკუთარ თავს სარკეში ეს სურათი გადავუღე. ძალიან რთული იყო რადგან ხელები მიკანკალებდა.“ ცოტა რამ ანასტასიაზე: უყვარდა ხატვა, რაც არც თუ ურიგოდ გამოსდიოდა. სიამოვნებით უკრავდა ძმასთან ერთად გიტარასა და ბალალაიკაზე, ქსოვდა, კერავდა, უყურებდა კინოფილმებს, გატაცებული იყო, იმხანად მოდური, ფოტოგრაფირებით, ჰქონდა საკუთარი ფოტოალბომი. #პირველისელფი #ისტორია #ფოტოგრაფია Borjomi

ბორჯომის რაიონში მდინარე გუჯარეთისწყლის მარჯვენა მხარეს, გვირგვინის ქედის სამხრეთ კალთაზე გაშენებულია სოფელი ტიმოთესუბანი(კიმოთესუბანი). სოფელში შემონახულია XI-XVII საუკუნეების ქართული ხუროთმოძღვრების ძეგლი , დიდი სამონასტრო კომპლექსი , რომლის მთავარი ნეგაბობაა ღვთისმშობლის მიძინების ტაძარი (XII-XIII სს. მიჯნა). ტაძრის მხატვრობა შესრულებულია არა უგვიანეს XIII საუკუნის 20-იან წლებში. მოხატულობაში ცხადად განირჩევა სხვადასხვა ოსტატის ხელწერა. ერთ-ერთ წარწერაში მოხსენებულია XII-XIII საუკუნეების გამოჩენილი ქართველი სამხედრო მოღვაწე შალვა თორელ-ახალციხელი, რომელსაც მიეწერება ტიმოთესუბნის მონასტრის გაფართოება, დიდი ტაძრის აგება და მოხატვა. თორი შუა საუკუნეების საქართველოს ერთ-ერთი მნიშვნელოვანი კუთხე იყო. გეოგრაფიულად იგი მოიცავდა ახლანდელ ბორჯომის მუნიციპალიტეტს. ბორჯომის სამხრეთ-აღმოსავლეთით, 18 კმ-ის მოშორებით, მდინარე თორისწყლის (ამჟამად გუჯარეთისწყალი) მარჯვენა სანაპიროზე, სოფელ ტიმოთესუბანში, მდებარეობს ხუროთმოძღვრების ეს ძეგლი. ამ ადგილას ძველი მონასტრის ნანგრევებზე, XII-XIII საუკუნეების მიჯნაზე შალვა ახალციხელმა ააგო ყოვლაწმინდა ღვთისმშობლის მიძინების სახელობის ტაძარი.#ტიმოთესუბანი #შალვაახალციხელი #თორი #ბორჯომი #ისტორია Borjomi

დღეს ბორჯომის მუნიციპალიტეტში მერის მოვალეობის შემსრულებლის დავალებით, ქალაქის ცენტრში გარე-ვაჭრობა შეიზღუდა. გარე-მოვაჭრეებს მიეცათ მითითება საქმიანობა განახორციელონ მათთვის განკუთვნილ ჯიხურებში და აღარ დაიკავონ აქამდე უნებართვოდ ათვისებული მიმდებარე სავალი ნაწილი, მათ კი ვისაც სავაჭრო ჯიხურები არ აქვთ საქმიანობას გაგრძელება ცენტრალურ აგრარულ ბაზარში მოუწევთ. ქალაქის ცენტრალური ქუჩები ასევე განთავისუფლდა ამორტიზირებული ტრანსპორტისა და სხვადასხვა კონსტრუქციებისგან. აღნიშნული ტერიტორია კი დასუფთავების სამსახურმა მოაწესრიგა. მერის მოვალეობის შემსრულებლის, დავით ზაალიშვილის თქმით, უნებართვო გარევაჭრობაზე მონიტორინგი ყოველდღიურად განხორციელდება, ბორჯომის დასუფთავება-კეთილმოწყობის სამსახურის მიერ ასევე ყოველდღიურ რეჟიმში ჩატარდება სადეზინფექციო სამუშაოები. აღსანიშნავია, რომ მერიის შეზღუდვები გასულ წლებშიც არაერთხელ განხორციელებულა. თუმცა, უნებართვო გარე-ვაჭრობა ქალაქში დღემდე მიმდინარეობდა. #news #გარევაჭრობა #ბორჯომი Borjomi

დღეს ბორჯომში 9 აპრილის მემორიალი ქალაქის პირველმა პირებმა ყვავილებით შეამკეს. აქვე აღევლინა დაღუპულთა სულებისთვის მოსახსენიებელი პანაშვიდი. დღეს 9 აპრილის ტრაგედიიდან 31 წელი შესრულდა. 9 აპრილს, გამთენიისას თბილისში, რუსთაველის გამზირზე, საბჭოთა კავშირის სადამსჯელო სამხედრო ნაწილებმა მშვიდობიანი საპროტესტო აქცია დაარბიეს, რის შედეგადაც 21 უდანაშაულო ადამიანი დაიღუპა. ასობით ათასი კი მძიმედ დაშავდა. აქციის მონაწილეები საქართველოს თავისუფლებას ითხოვდნენ.#9აპრილი #მემორიალი #საქართველო Borjomi

მსოფლიო პანდემიის ფონზე, ხვალ, ბზობის ბრწყინვალე დღესასწაულზე, საქართველოში, ზოგიერთ ტაძარში, ბზა არ გაიყიდება. დღეს ცნობილი გახდა, რომ ახალი კორონა ვირუსის გავრცელების პრევენციისთვის, ზოგიერთი ტაძრის წინამძღვარმა გადაწყვიტა, რომ ხვალ ტაძრებში ბზა არ გაიყიდოს. მრევლს ბზა უსასყიდლოდ გადაეცემა. თუმცა, აღსანიშნავია, რომ ეს გადაწყვეტიკელება ყველა ტაძრის მოძღვარს არ მიუღია. შეგახსენებთ, ხვალ მართმადიდებლური სამყარო, ბზობის ბრწყინვალე დღესსწაულს აღნიშნავს.#ბზობა #პანდემია #კორონავირუსი #ეკლესია Borjomi

ბორჯომის ცენტრალურ ისტორიულ პარკში ყველას გინახავთ წყლის მთავარი ბიუვეტი. ეკატერინეს წყარო, ასე ჰქვია მთავარ ბიუვეტს ქალაქში. ბორჯომის მინერალურ წყალს უძველესი დროიდან მოიხმარდნენ, როგორც სასმელად ასევე აბაზანების სახით. მიწიდან ამოსული თბილი წყალი, აღმოჩნდა რომ სხვადასხვა სნეულებებს კურნავდა. მალე ისე გაითქვა სახელი, რომ რუსეთის მეფისნაცვალმა გოლოვინმა თავისი დასნეულებული ქალიშვილი ეკატერინე ბორჯომში ჩამოიყვანა და წყლით მკურნალობა დაუწყო. შედეგმა მოლოდინს გადააჭარბა! ასე გაჩნდა ბორჯომის პარკის ტერიტორიაზე "ეკატერინეს წყარო", "ევგენის წყარო" საოცარი განკურნების აღსანიშნავად და სამახსოვროდ.#ეკატერინესწყარო 💧 #ბორჯომისპარკი🌳 #ისტორია📜 Borjomi

ბორჯომში მოქალაქე, რომელიც 16 მარტს, მეზობელი ქვეყნიდან დაბრუნდა, თვითიზოლაციის წესების დარღვევისთვის დააკევეს. პირი მოქალაქეების მითხოვნის საფუძველზე დააკავეს და საკარანტინო ზონაში გადაიყვანეს. ბორჯომის მუნიციპალიტეტში აცხადებენ, რომ მას კორონა ვირუსის სიმპტომები არ აღენიშნებოდა.#coronavirus #თვითიზოლაცია #ბორჯომი Borjomi

ბორჯომის მუნიციპალიტეტის მერიის ინიციატივით, ბორჯომ-ბაკურიანის ეპარქიის ტაძრებს, ხმის გამაძლიერებელი აპარატურა გადაეცათ. მერის მოვალეობის შემსრულებელმა დავით ზაალიშვილმა და საკრებულოს თავმჯდომარის მოვალეობის შემსრულებელმა ოთარ არბოლიშვილმა შესაბამისი ტექნიკა ბორჯომისა და ბაკურიანის ეპისკოპოსს ლაზარესა და სამღვდელო პირებს პირადად გადასცეს. აღნიშნული ინიციატივა კორონავირუსის გავრცელების პრევენციის მიზნით განხორციელდა. ხმის გამაძლიერებლების დახმარებით, ღვთის მსახურების მოსმენა მრევლისთვის ტაძრის ეზოში და უფრო შორ დისტანციაზეც იქნება შესაძლებელი. აღსანიშნავია, რომ ეპარქიის მიერ ტაძრების ეზოებში ადგილებიც მონიშნა, სადაც მორწმუნეებს შეუძლიათ თანაბარი მანძილით ერთმანეთისაგან დისტანცირებულად დგომა. სულ ცოტა ხნის წინ მუნიციპალიტეტის დავალებით, სადეზინფექციო სამუშაოები ეპარქიის ყველა ტაძარში ჩატარდა. #news #ბორჯომბაკურიანისეპარქია #ეკლესია #კორონავირუსი Borjomi

ბორჯომში ფართის სურვილი ვის გაქვთ