ლაგოდეხის ნაკრძალში ხის კენწეროების ბილიკის მშენებლობა იწყება მომავალი წლიდან ლაგოდეხის ნაკრძალში ხის კენწეროების ბილიკის მშენებლობა დაიწყება. ამის შესახებ კახეთის გუბერნატორმა ირაკლი ქადაგიშვილმა BM.GE-სთან საუბრისას განაცხადა. პროექტი უკვე დამტკიცებულია და მომავალი წლიდან მშენებლობის ფაზაში შევა. მომავალი წლის ბოლოსთვის კი უკვე იმედია დასრულდება”-აცხადებს კახეთის გუბერნატორი. ხის კენწეროების ბილიკები მოიცავს კოშკურებს, საჰაერო ბილიკს, ხიდებს, საგანმანათლებლო და საინტერპრეტაციო ინტერაქტიულ პორტალებს. მსგავსი ბილიკები მხოლოდ მსოფლიოს წამყვან ეროვნულ პარკებშია. აღნიშნული ბილიკი, კი წინასწარი გათვლებით 1 წლის განმავლობაში 60 000 – 100 000 ადამიანის მასპინძლობას შეძლებს.