“1914 წ. I მსოფლიო ომის დასაწყისს ქ. ქუთაისში დავით იოსების ძე მიქაბერიძემ გამოიგონა საკაცეები დაჭრილთათვის (ერთცხენიანი და ორცხენიანი), განსაკუთრებით მოხერხებული სახმარისად მთიან ადგილებში. საკაცეები მოწონებული იქნა ა.კ. ფრონტის სანიტარულ სამმართველოს სპეც. კომისიის მიერ, რომლის სათავეში იდგა ცნობილი ლეჩხუმის დიდი თავადი იასონ გელოვანი. დ. მიქაბერიძემ მიიღო კომისიისაგან შეკვეთა, საკაცეები მზადდებოდა მის მიერ კუსტარულად და იგზავნებოდა კავკასიის ფრონტზე რუსეთ-თურქეთის 1914-16 წწ. ომის დროს. აღნიშნულ საკაცეების ნიმუშები დ. მიქაბერიძემ წარუდგინა, აგრეთვე, პეტერბურგში გენერალურ შტაბს. აქაც მოწონებული იყო, შედეგად დ. მიქაბერიძემ მიიღო მათგან პატენტი და შეკვეთა საკაცეების მასიურ გამოშვებაზე საერთო ფრონტზე გამსოაყენებლად. ეს მოხდა 1916 წელს, თუმცა განზრახვა არ იყო განხორციელებული, ომის დამთავრების და რევოლუციის დაწყების გამო. სურათებზე წარმოდგენილნი არიან წითელი ჯვრის საგანგ. კომისიის წევრები და სხ. საკაცეების გასინჯვაზე. სხვათა შორის თვით გამომგონებელი დ. მიქაბერიძე, კომისიის თავმჯდომარე ი. გელოვანი და სერგო ორჯონიკიძე, რომელიც იმ დროს მუშაობდა სანიტარ. რაზმში ფერშლად" politics news opinion kutaisidaily

ქუთაისის საფიჩხიის მაცხოვრის ამაღლების სახელობის ტაძარი. ქუთაისში, ტაძარს მოკლებულმა საფიჩხიის უბნის მცხოვრებლებმა მე-19 საუკუნის 70-იან წლებიდან დაწყებული, რამდენიმე-გზის ითხოვეს ნებართვა ტაძრის აგებისათვის. 1884 წლის 10 დეკემბერს მიმართეს იმერეთის ეპისკოპოსს წმ. გაბრიელს (ქიქოძე), რათა ნება დაერთო ტაძრის ასაგებად. წმ. გაბრიელ ეპისკოპოსმა ნებართვა გასცა, მაგრამ მშენებლობის დაწყებას ხელს უშლიდა მრევლის სიღარიბე. 1888 წლის ოქტომბერში საქართველოში ჩამოვიდა რუსეთის იმპერატორი ალექსანდრე III. იმპერატორი ქუთაისსაც ეწვია. 13 ოქტომბერს მოილოცა გელათისა და მოწამეთას მონასტრები. 17 ოქტომბერს კი პეტერბურგისაკენ მიმავალი სამეფო მატარებელი გადაბრუნდა ტაგანროგსა და ბორკას სადგურს შორის. იმპერატორი უვნებლად გადარჩა. მხლებლებთაგან 14 ადგილზე გარდაიცვალა. ამ ფაქტის გამო 17 ოქტომბერი საეკლესო დღესასწაულად დადგინდა. 17 ოქტომბრის მოსაგონებლად რუსეთის იმპერიის მრავალ ქალაქში დაიწყეს ტაძრების მშენებლობა. ეს ფაქტი კარგად გამოიყენა წმ. გაბრიელ ეპისკოპოსმა ღარიბ საფიჩხიელთა სასარგებლოდ. 1889 წლის 28 სექტემბერს მან თხოვნით მიმართა ქუთაისის ქალაქის თავს ლუკა ასათიანს: „გვეძლევა შესანიშნავი შემთხვევა ეკლესიის აგებით გავაკეთოთ ორი კეთილი საქმე: აღმოუჩინოდ უდიდესი სიკეთე ქუთაისის მოსახლეობას და მასთან ერთად ამ ძეგლით გამოვხატოთ ხელმწიფე იმპერატორისადმი სიყვარული და რწმენა. საჭიროა, საჩუქრად გადავცეთ მათ ეკლესიის ასაგებად ადგილი, რომელიც აქამდის სიღარიბის გამო ვერ შეუძენიათ“. პირადად წმ. გაბრიელმა ამ საქმისთვის 500 მანეთი გაიღო. ამავე წლის ოქტომბერში ქალაქის თვითმმართველობამ ტაძრის ასაგებად 4000 კვ. საჟენი მიწა გამოყო თბილისის ქუჩაზე, ძველი „ზასტავის“ ადგილზე. ტაძარს სხვადასხვა დროს თანხები შესწირეს: გიორგი კოსტავამ 400 მანეთი, ლევან ქორქაშვილის მემკვიდრეებმა 400 მანეთი, ქუთაისის საადგილმამულო ბანკის დამფუძნებლებმა 200 მანეთი, დიაკონმა სიმონ კვიკაძემ 300 მანეთი. 1890 წლის 17 ოქტომბერს წმ. გაბრიელ ეპისკოპოსმა მშენებლობასთვის დიდი პარაკლისი გადაიხადა, სადაც შეიკრიბა შემოწირულობა. მშენებლობას ხელმძღვანელობდა სამშენებლო კომიტეტი, მღვდელ გერასიმე აბზიანიძის ხელმძღვანელობით, წევრები იყვნენ: მ. კლდიაშვილი, ლ. ქორქაშვილი, დ. კუპრაშვილი. ტაძარი ააგეს ბერძენმა ოსტატებმა: გიორგი შაბლახოვმა და ქრისტეფორე თოფალოვმა. აგებულია ეკლარის ნათალი ქვით. 1893 წლის 17 ოქტომბერს იმერეთის ეპისკოპოსმა წმ. გაბრიელმა მაცხოვრის ამაღლების სახელზე აკურთხა ტაძარი. 1940 წელს, ამაღლების სახელობის ტაძარი, ათეისტური ხელისუფლების მიერ დაიხურა. მასში სხვადასხვა დროს სპეც. საწყობები განათავსეს, ბოლოს კი ბიბლიოთეკა. 1989 წელს ტაძარს ჩაუტარდა განახლებითი სამუშაოები და ტაძარი ეკურთხა. ფოტოს ავტორი: რევაზ ჯავახაძე წყარო: პარლამენტის ეროვნული ბიბლიოთეკა

✅წონაში კლება/მომატება და ზოგადად ჯანსაღად ცხოვრება, ჯანსაღი, ბალანსირებული კვების გარეშე შეუძლებელია. აუცილებელია სრულფასოვანი კვება, ამისათვის ჩვენ გვესაჭიროება:  წყალი 🌊 - რამეთუ ჩვენი უჯრედები შედგება უმეტესად წყლისგან. ცილები, მინერალური ნივთიერებები 🥦🥚🧀 - როგორც ქსოვილების უჯრედების სამშენებლო მასალა.  ცხიმები, ნახშირწყლები 🧀🥑🍖 - ენერგიის წყარო. ვიტამინები, მიკრო ელემენტები - სწორედ მათი წყალობით ხდება ნივთიერებათა ცვლა.ეს საკვები ნივთიერებები უნდა მიიღოს ორგანიზმმა განსაზღვრული რაოდენობით. ბალანსირებული კვება გულისხმობს გააზრებულ რაციონალურ კვებას. როცა ადამიანი ჭამს არა იმას, რაც ხელთ მოუხვდა და როცა მოუხვდა, არამედ ჯანსაღ საკვებს სათანადო რაოდენობით და საჭირო დროს. დიეტოლოგები იყენებენ კვების პირამიდას და ყოფენ მათ სექციებად. პირამიდის ბოლოში განთავსებულია ის პროდუქტები, რომლებიც ყველაზე მეტად ესაჭიროება ჩვენს ორგანიზმს. მწვერვალზე რაც უნდა მივიღოთ ნაკლები რაოდენობით, ხოლო კენწეროზე კი რაც უმჯობესია რომ სულ არ მივიღოთ.  საძირკველი-ბურღულეული ბალანსირებული კვების საფუძველია ბურღულეული. აქ შედის: ფაფები,ბრინჯი,პური,მაკარონის ნაწარმი. მარცვლოვანები შეიცავს ბევრ მინერალებს, ვიტამინებს, ნაშირწყლებს. ეს პროდუქტები უნდა მივიღოთ ყოველდღიურად მაგრამ ზომიერების ფარგლებში. სხვა შემთხვევაში თუ მხოლოდ ფაფეულზე და ცომეულზე ვიქნებით ზედმეტი წონა გარანტირებულია. დღიურად შესაძლებელია დილას 100გრ. ფაფა პურის გარეშე და დღის განმავლობაში 5 ნაჭერი პური. აუცილებელია ხილი და ბოსტნეული ეს ძალიან ფასეული საკვები პროდუქტებია. ისინი შეიცავენ არა მხოლოდ ვიტამინებს, მინერალებს ასევე უჯრედისს. შეგიძლიათ მიირთვათ ხილი 2-4 პორციამდე და ბოსტნეული 3-5 პორციამდე. თითო პორცია გულისხმობს 2 ერთეულ ხილს ან ბოსტნეულს. ხორცი უმჯობესია უცხომო ბალანსირებული კვების მესამე სექციაა ცხოველური წარმოშობის პროდუქტები. აქ შედის ხორცი,რძის პროდუქტი, ფრინველი, თევზეული, კვერცხი. ისინი შეიცავს: ცილებს, რკინას, კალციუმს და ბევრ ორგანიზმისთვის საჭირო ნივთიერებებს. ვინაიდან ცხოველური წარმოშობის პროდუქტები შეიცავს ნაჯერ ცხიმებს, მათი ბოროტად გამოყენება არ შეიძლება, დღეში 2-3 პორცია საკმარისია. რძის პროდუქტების ერთი პორციაა: 1 ჭიქა რძე, 50გრ. ხაჭო ან 60 გრ. ყველი, 125გრ. იოგურტი. ხორცის 1პორცია: დაახლოებით 60-90 გრ. ხორცი. ტკბილეული მხოლოდ იშვიათ შემთხვევებში ,უქმეებზე როგორც ავღნიშნე პირამიდის კენწეროში მოქცეულია დესერტი, ასევე სოუსები, ცხიმი, ტკბილი სასმელი. ეს ყოველივე რაც შეიძლება იშვიათად და მცირე რაოდენობით. ასევე შეამცირეთ მინიმუმამდე მარილი, შაქარი, ალკოჰოლი. სწორი კვებისას აუცილებლად უნდა იყოს გათვალისწინებული ადამიანის ასაკი და სამსახურეობრივი სფერო. წონის კორექციისას კი აუცილებელია ბალანსის დაცვა. მიღეულმა კალორიებმა არ უნდა გადააჭარბონ ჩვენს მიერ დახარჯულ ენერგიას ##ახალიამბები ##სპორტი ##ჯანსაღიცხოვრება ##კულინარია

HBR-ის კონტრიბუტორი, სტიუარტ ფრიდმანი გვიყვება, რომ მისი ბავშვობის ოცნება ბრიუს სპრინგსტინად გახდომას უკავშირდებოდა: 62 წლის ასაკში, მის შესახებ ვწერ, მის შოუებს ვესწრები, მანქანაში მის მუსიკას ვყვები ხოლმე და შვილებს მასზე წარმოუდგენელ ისტორიებს ვუზიარებ. ჩემს კურსებშიც კი მეხმარება ეს ადამიანი. მაგრამ მიუხედავად ჩემი ადრეული სურვილებისა, წარმატებული მუსიკალური შემსრულებლის ცხოვრებით მეცხოვრა, არ ახდა. იმიტომ, რომ სპრინგსტინი არ ვარ და არც არასდროს ვიქნები. და ეს სრულიად მისაღებია“. ბავშვობისას ხშირად მოვისმენთ ხოლმე ფრაზას: „შეგიძლია, გახდე ის, ვინც გინდა“. მაგრამ რაღაც დროს, ზრდასრულობის ბილიკზე ყოფნისას, აღმოვაჩენთ ხოლმე, რომ რეალობა სხვანაირია და ვერ ვხდებით კალათბურთელი, ან ასტრონავტი, პრეზიდენტი თუ როკვარსკვლავი… და ამის ძალიან ბევრი ობიექტური მიზეზი შეიძლება, არსებობდეს: იქნებ, არ მაქვს ამისკენ მისწრაფება, ჟინი, ან კიდევ, უნარები, რომ ჩემი ბავშვობის ფანტაზია რეალობად ვაქციო?! და როდესაც ამ ბავშვობის ოცნებებს „ვეწირებით“, მთავარი, რაც გვავიწყდება ხოლმე არის იმის გააზრება, რომ მოწიფულობა საკუთარი თავის ცოდნას, ჩვენი ძლიერი მხარეებისა და საზღვრების ცნობას ნიშნავს. მაშინ, როდესაც ჩვენს კარიერაზე პასუხისმგებლობის აღება გვიწევს, ხშირად წინააღმდეგობაში მოვდივართ რეალობასთან და ამ დროისთვის, ბავშვური ოცნებები – პრინცესობა და პრეზიდენტობა, შეგვიძლია, გვერდზე გადავდოთ, მაგრამ ვერ ვწყვეტთ ფიქრს წარმატებაზე, ცნობადობაზე, დაწინაურებაზე… ანუ, სწორებას სხვების შეფასებებზე – ანუ, საწყისშივე არასწორზე ვაკეთებთ და ვცდებით რეალურ მიზეზებს, რატომ ვერ ვივარგებთ, ვთქვათ, CEO-დ, ან რატომ ვერ ვაფუძნებთ ჩვენი ოცნების კომპანიას… შეიძლება, ეს განათლების ბრალიც იყოს, ან გამოცდილების, უნარების, თუნდაც, რესურსების, რომელიც ადრეული ოცნებების აღსრულებაში უნდა დაგვეხმაროს. და რა ხდება მაშინ, როცა როცა რეალობასთან დაჯახება პირისპირ გვიწევს და ვაანალიზებთ, რომ ბავშვობის ოცნებას ვერასდროს ავისრულებთ? პირველ რიგში, რეაქცია, შესაძლოა, იყოს უარყოფა მოცემულობისა და ბრაზი – გარშემომყოფების მიმართ, მაგალითად, ზემდგომების დადანაშაულება, რომ ისინი კეთილგანწყობილები არ იყვნენ შენ მიმართ, ან ავლენდნენ რასიზმს, სექსიზმს და ა.შ. და მიუხედავად იმისა, რომ ეს შეფასებები შეიძლება, ჩვენს სამუშაო გარემოს ზუსტად აღწერდეს, რეალობის მიღება მაინც მოგვიწევს. შემდეგი ეტაპისთვის კი, სევდა და დეპრესიაც შეიძლება, დაგვემართოს. გამოსავალი ასე გამოიყურება: იმისთვის, რომ გქონდეს ცხოვრება, როგორიც გინდა, ცენტრალური იდეაა, გაიგო, რისი გაკეთება შეგიძლია და დაისახო მიზნად, რომ სწორედ ამის კონტროლი შეძლო. აღმოაჩინო – რა არის ნამდვილად მნიშვნელოვანი შენს ცხოვრებაში. აქცენტი პოზიტიურ ქმედებებზე გააკეთე – რა შეგიძლია და რა არის ყველაზე უფრო ახლოს შენს ღირებულებებთან. ფაქტების მიღება და რეალობის სწორი ასღქმა არის პირველი ნაბიჯი, რაც პოზიტიური ცვლილებებისთვის ბიძგს მოგცემს. შემდეგ კი, თავიდან განსაზღვრე, რა უფრო მნიშვნელოვანია შენთვის: მართლა დაწინაურება? ოჯახი? მეგობრები? იქნებ, საკუთარი ჯანმრთელობა და კეთილდღეობა? შეიქმენი შენი მიკროსამყარო, რომელშიც იქნები ის, ვინც ხარ და რაღაცნაირად ასე, მსოფლიოც უფრო უკეთესი ადგილი გახდება საცხოვრებლად. ზოგიერთი ადამიანი ღრმა კმაყოფილებას განიცდის ძალისხმევაში, როგორიცაა: ხელოვნება, წერა, სულს რომ კვებავს, ის საქმიანობა. ზოგისთვის – ეს ინვესტიციაა ოჯახისა და მეგობრების ბედნიერებისთვის ჩადებული. ან საქველმოქმედო ორგანიზაციის წევრობა… შეიძლება, ეს იყოს ახალი ოცნებაც. ნუ გრცხვენია იმის, თუ ბავშვობის ოცნებებს ვერ აღწევს… პირიქით, მათი დათმობა, დიდი ალბათობით, ზრდასრულობაში ბედნიერების პოვნის წინაპირობად შეიძლება, იქცეს. ამიტომ, გამოუშვი ბრაზი გარეთ, გათავისუფლდი წარსულისგან და იცხოვრე აწმყოთი… მიიღე ისეთი, როგორიც არის. წყარო:marketer #ფაქტები #სიახლე #ბავშვობა#ახალიამბები #ხელოვნება #ჯანსაღიცხოვრება #მეცნიერება

საქართველოში წმინდა ცეცხლს, Georgian Airways-ის თელ ავივი-თბილისის სპეცრეისით ჩამოიტანენ. საქართველოში წმინდა ცეცხლი ტრადიციულად Georgian Airways-ის რეისით ჩამოჰქონდათ, თუმცა COVID-19 პანდემიის გამო ისრაელის მიერ, ისევე როგორც საქართველოს მიერ რეგულარული ფრენები შეჩერებული იყო. როგორც ირკვევა, ავიარეისი 18 აპრილს, საღამოს შესრულდება, რომელიც საქართველოში წმინდა ცეცხლს ჩამოიტანს. სპეცრეისით სამშობლოში საქართველოს მოქალაქეებიც დაბრუნდებიან, რომელთაც ქვეყანაში დაბრუნება სურთ. აღნიშნულ ავიარეისებზე ბილეთები გაიყიდება რეისის თარიღამდე 2 დღით ადრე, კომპანიის ვებ-გვერდზე, ბილეთის ფასი განსაზღვრულია 199 ევრო. ​როგორც რამდენიმე დღის წინ საქართველოში ისრაელის ელჩმა რან გიდორმა სოციალურ ქსელში დაწერა, ისრაელის საელჩო, საქართველოს ხელისუფლება და საპატრიარქო ინტენსიურად თანამშრომლობენ, რათა მოხდეს წმინდა საფლავის ტაძრის ცეცხლის ჩამობრძანება ქართველ მორწმუნეებთან. “წელს, მაცხოვრის საფლავის ტაძარში, წმინდა ცეცხლის გარდამოსვლის დღესასწაული განსხვავებულ პირობებში გაიმართება. ღვთისმსახურებას 15-მდე აღმოსავლეთ მართლმადიდებლური ეკლესიების წარმომადგენელი დაესწრება, ხოლო წმინდა ცეცხლის გაგზავნა მართმადიდებლურ ქვეყნებში მოხდება შესაბამისი დელეგაციებისა დ ისრაელის პოლიციის ესკორტის დახმარებით. გაცნობებთ, რომ ისრაელის საელჩო, საქართველოს ხელისუფლება და საპატრიარქო ინტენსიურად თანამშრომლობენ, რათა მოხდეს წმინდა საფლავის ტაძრის ცეცხლის ჩამობრძანება ქართველ მორწმუნეებთან”, დაწერა ელმა. ისრაელის ხელისუფლების გადაწყვეტილებით, იერუსალიმში აღდგომის კვირაში ღვთისმსახურების ცერემონიები შეზღუდვებით წარიმართება. აღდგომის კვირა კათოლიკური ეკლესიისთვის წელს 5 აპრილიდან, მართლმადიდებელი ეკლესიისთვის, ასევე სომხური, კოპტური, სირიული კოპტური და ეთიოპიური ეკლესიებისთვის კი, 12 აპრილიდან იწყება. უცხოური მედია ისრაელის საგარეო საქმეთა სამინისტროზე დაყრდნობით წერს, რომ ამ დროისთვის ჯერ ზუსტად გაწერილი არ არის მექანიზმები, თუ როგორ წარიმართება ცერემონიები, თუმცა უკვე ცნობილია, რომ 18 აპრილს, წმინდა ცეცხლის გარდამოსვლის რიტუალის დროს, აღდგომის ტაძარში სხვადასხვა ქვეყნის მართლმადიდებელი ეკლესიის მხოლოდ 10-დან 12-მდე წარმომადგენელი დაიშვება, რომლებიც შემდეგ წმინდა ცეცხლს პოლიციის ესკორტის თანხლებით, ბენ-გურიონის აეროპორტში გადაიტანენ. აღსანიშნავია, რომ ცეცხლის წასაღებად იერუსალიმში ჩასულ სხვადასხვა ქვეყნის წარმომადგენლებს არ ექნებათ თვითმფრინავის დატოვების უფლება. მათ ცეცხლს თვითმფრინავში მიაწვდიან. წმინდა ცეცხლის გარდამოსვლის რიტუალი პირდაპირი ეთერით გადაიცემა. #news #opinion #events #religion#სიახლე#სიახლეები#რელიგია

ვინც კარგად მიცნობს, ყველამ იცის, რომ ყავა განსაკუთრებულად მიყვარს. გემოებით თამაში და მაიმუნობები ძალიან მომწონს და ხან რას ვაყრი ხოლმე ამ ჩემს ყავას და ხან - რას. ჰოდა, ამაზე გამახსენდა. კაიროში რომ ვცხოვრობდი, იქაურმა მეგობარმა მითხრა, რომ კაიროს ცნობილ ყავახანაში წამიყვანდა და უგემრიელეს ყავას გამასინჯებდა. რა თქმა უნდა, გავყევი. პატარა ყავახანა იყო. სხვადასხვა ფერის ყავის მარცვლები ეყარა კედელზე ჩამოკიდებულ ქილებში. ყველა ქილას ეწერა, რომელი ქვეყნის მოსავალიც იყო. ცალკე ეწყო დარიჩინით, თხილითა და სხვა უცნაური მცენარეებით სავსე პატარა ყუთები, დანამატისათვის. ყველაზე მეტად საშუალო სიმსუბუქის ხსნადი ყავა მომწონდა, დაფქული თხილის არომატით. არომატი კი ნამდვილად საოცარი იყო. სხვადასხვა ყავის სურნელი ისე ირეოდა ერთმანეთში, როგორც კი ყავახანაში შედგამდი ფეხს, თავი რომელიღაც ჯადოსნურ ქვეყანაში გეგონებოდა. არომატს ქუჩის კუთხეშიც კი გრძნობდი და უკვე ზუსტად იცოდი, რომ სწორ ადგილას მიდიოდი. ხშირად ვფიქრობ ხოლმე ამ ადგილზე. ხშირად მენატრება ხოლმე ეგ ყავახანა. წეღან მიხაკ-დარიჩინი ჩავყარე ჩემს ყავის ფინჯანში. დიდი ვერაფერი. ჰოდა, დავსევდიანდი :დ ზუსტად ვიცი, რომ კაიროში აუცილებლად დავბრუნდები. არა პირამიდების, არა მუზეუმების ხათრით, არამედ პაწაწინა ყავახანების, ქაოსური ბაზრების, ქოშარის, სირიული შაურმისა და უგემრიელესი ყავის გამო. პანდემია და კარანტინი მალე დასრულდება, მანამდე კი თითებს ვაჯვარედინებ და საკუთარ თავს პაწაწინა სურვილებს ჩავუთქვამ 🤞#ამბავი #ისტორია #ყავა #კაირო #ეგვიპტე #ყავახანა #თავგადასავალი #მოგზაურობა #არომატი

ვისაც გაინტერესებთ, გიორგი წერეთლის საინტერესო კვლევაზე გიამბობთ, თავის დროზე რომ ძალიან გამაოცა. არ ვიცი, შეგიმჩნევიათ თუ არა, მაგრამ გამოთქმა „სევდისა მუფარახი“ "ვეფხისტყაოსანში" ორჯერ გვხვდება: 1. „რა შეატყო მოჯობება მან, სევდისა მუფარახმან, განანათლა პირი-ვარდი სიხარულმან დაუსახმან“ ამ შემთხვევაში შოთა რუსთაველი ავთანდილს ეპითეტით მოიხსენიებს. 2. „უბრძანა: „შვილო, რაზომცა მჭირს საქმე სავაგლახია, შენი ჭვრეტა და სიახლე ლხინადვე დამისახია, მომქარვებელი სევდისა, მართ ვითა მუფარახია. ვეჭვ, რა სცნა, შენცა მამართლო, ჩემი სულთქმა და ახია.“ აქ როსტევანი თინათინს ეუბნება, რომ მისი ჭვრეტა და მასთან სიახლოვე ლხინია და რომ ეს არის სევდის გამქარვებელი, როგორც მუფარახი. ჩანს, რომ სიტყვა "მუფარახი" არის რაღაც, სევდის გამქარვებელი საშუალება, მაგრამ რა არის თავად სევდა?! აი, აქედან იწყება ყველაზე საინტერესო აბზაცი :დ "სევდა" დღეს აღნიშნავს „მწუხარებას“, „დარდს“, „ნაღველს“, „კაეშანს“... თუმცა იგი არაბული სიტყვაა და ნიშნავს "შავს". გარდა ამისა, როგორც სამედიცინო ტერმინს, მას „მელანქოლიის“ მნიშვნელობაც აქვს. ძველი ბერძნული მედიცინის მიხედვით მელანქოლიის გამომწვევად ივარაუდებოდა შავი ნაღველით მოწამვლა. ქართულ ენაში ეს სიტყვა სამედიცინო მნიშვნელობით არ გამოიყენება და "ვეფხისტყაოსანშიც" იგი მწუხარების სინონიმია, გარდა იმ შემთხვევებისა, როცა "სევდა" "მუფარახთან" კავშირშია გამოყენებული. სიტყვა "მუფარახი" მომდინარეობს არაბული სიტყვიდან "მუfარრიჰ" და ნიშნავს "გამამხიარულებელს". მაგრამ "მუfარრიჰ" ასევე ბოტანიკური ტერმინიც იყო და აღნიშნავდა მცენარეს, რომელსაც გამოიყენებდნენ მელანქოლიის სამკურნალო საშუალებად. შესაბამისად, შოთა რუსთაველი ჭკვიანურად თამაშობს სიტყვებით. მან იცის ამ ტერმინთა თავდაპირველიც და თანამედროვე მნიშვნელობაც და ტექსტში ორივე მათგანს ძალიან ოსტატურად იყენებს. პირველად რომ ამის შესახებ წავიკითხე, აი, იმ მიმებში წარმოვიდგინე თავი, ბოლოს რომ ტვინი გასხივოსნდება. :დ#ამბავი #ისტორია #კვლევა #ვეფხისტყაოსანი #არაბული #ქართული #თარგმნა #წიგნი #აღმოსავლეთი #ბოტანიკა #სიტყვები #საინტერესო

ფოტოგრაფირების ძველებური ხერხი; სურათს იღებდნენ იოდოვანი ვერცხლით დაფარულ ლითონის ფირფიტაზე. ლუი ჟაკ მანდე დაგერი (დ. 18 ნოემბერი. 1787, კორმეიზ-ან-პარიზი, სენა და უაზი — გ. 10 ივლისი. 1851, ბრი-სიურ-მარნი), ფრანგი გამომგონებელი ფოტოგრაფიის დარგში, პროფესიით მხატვარი. 1822 შექმნა პირველი დიორამა, შეიმუშავა ფოტოგრაფირების ხერხი - დაგეროტიპია. იცოდით ამის შესახებ?🤓 პასუხი კომენტარებში გაგვიზიარეთ. თუ მოგწონთ ჩვენი გვერდი გამოგვიწერეთ.🤓

სილამაზის დედოფლად აღიარებულ ამ ქალბატონს ქუთაისში „გვირილობის“ დღესასწაულის დამაარსებლად მიიჩნევენ. მისი თაოსნობით მაისის პირველი ორი დღის განმავლობაში „გიმნაზისტკები“ ქველმოქმედების მიზნით გვირილებს ყიდდნენ და აღებული შემოწირულობებით ტუბერკულოზით დაავადებულებს ეხმარებოდნენ. საშა ჩიქოვანი გიმნაზიელებს საკუთარი ხელით ურიგებდა ცოცხალ გვირილებს. ამბობენ, რომ გიმნაზიელები ჩუმად იხსნიდნენ მიმაგრებულ ყავავილებს, რომ ხელახლა შეხვედროდნენ საშა ჩიქოვანს. საკინძეზე მიმაგრებული ყვავილი შემდეგ ქუთაისის სიმბოლოდ იქცა. საშა (ალექსანდრა) ჭილაია 16- 17 წლის გოგონა ყოფილა, როცა თავად ჩიქოვანს მშობლიური სოფლიდან ჩამოუყვანია, მისთვის კარგი განათლება მიუცია, ინტელიგენტ ქალად უქცევია და შემდეგ ცოლადაც შეურთავს. სილამაზის და განათლების წყალობით საშამ მალევე დაიკავა შეუცვლელი ადგილი ქუთასისის საზოგადოებაში. სწორედ ის იყო ერთ-ერთი იმ ქუთაისელ ქალბატონთაგანი, რომელზეც ამბობდნენ - პარიზში როცა ახალი კაბის მოდელი შემოვიდოდა, ერთ კვირაში ეს კაბა ქუთაისელ ქალებს ეცვათო. სწორედ ასეთი ძვირფასი პარიზული ნაჭრით შეუკერავს ერთხელაც კაბა საშას, მორიგი მეჯლისისთვის. სხვა ქალსაც, საშას ჯიბრზე, იმავე ქსოვილისგან შეუკერავს კაბა. საშამ ეს გაიგო და როცა ეს მოქიშპე ქალბატონი და სხვა სტუმრები მიღებაზე მივიდნენ, ეს ქსოვილი შპალერად გაკრული დახვედრიათ#საინტერესო #ისტორია #პიროვნება #kutaisidaily #ხელოვნება

“საბერძნეთმა აღდგომის დღესასწაული გ ა დ ა დ ო ! ! ! 3 დღე უწყვეტად წვიმდა ათონზეო… 6 აპრილს მონასტრებისკენ მიმავალი გზის ჩამტვრევით დასრულდა! ვიფიქროთ?! თქვენი არვიცი და სხვა არ მეფიქრება – უფლისკენ მიმავალი გზა ჩატეხა საბერძნეთმა?! შედეგზე მეტად მიზეზი მამწუხრებს! დედაღვთისა გვაფრთხილებს … გ ვ ა ფ რ თ ხ ი ლ ე ბ ს ! ! ! და ვიდრე გონი შეგვრჩენია ვიფრთხილოთ და ნუღარ გავანაწყენებთ! გილოცავთ ხარების დღესასწაულის დადგომას და ქრისტიანად ყოფნას გინატრით ! მტკიცედ იდექით ! ! ! მარტო არა ვართ! მთავარანგელოზ მიქაელის დასში გვეღვაწოს! გილოცავთ ქრისტეს შვილებო და მეგობრებო!” - სოციალურ ქსელში წერს და ფოტოებს აქვეყნებს ემიგრანტი, ლანა ტუღუში.#news#events#opinion#greece#სიახლე#სიახლეები#აღდგომა#საბერძნეთი