15 votes
1 comments
0 shares
Save
1 views
ვიკა ბენია
Tbilisi · 10 months ago

ძალიან მიხარია, რომ გვაქვს ჩვენი, ქართული სოციალური ქსელი❤️ წარმატებებს ვუსურვებ მთელი გულით❤️


ვიკა ბენია
Tbilisi · 10 months ago
Similar Posts
გიორგი წულაია
Zugdidi, Georgia · 1 week ago
„რაც შეიძლება ნაკლები ხარჯებით მიღებული მაქიმალური სარგებელი“
თხა, ერთი შეხედვით ყველასთვის უბრალო, შინაური ცხოველი, რომლის რძეც და რძისგან წარმოებული პროდუქცია, ზოგ ქვეყანაში დელიკატესად არის მიჩნეული. ის ნაკლებად პრეტენზიულია გარემო პირობების მიმართ და მინიმალური ხარჯებით შეიძლება ძალიან ფასეული მეურნეობის შექმნა! თხა ძროხისებრთა ოჯახის წარმომადგენელია. ამ ყველასთვის კარგად ნაცნობი, შინაური ცხოველის წინაპრად კი ნიამორი მიიჩნევა. თხა მსოფლიოს ყველა კუთხეშია გავრცელებული, რაც იმით აიხსნება, რომ ის პრეტენზიული არ არის სხვადასხვა გარემო პირობების მიმართ. თხის რძე სპეციალისტები ამბობენ, რომ თხის რძე შეიცავს ისეთ საკვებ ნივთიერებებსა და ვიტამინებს, რომლებიც სხვაგან იშვიათად მეორდება. დარგის ექსპერტები ხაზს უსვამენ, რომ ამ პროდუქტის ათვისება ორგანიზმს ადვილად შეუძლია. ბასილ ღლიღვაშვილი სოფლის მეურნეობის მეცნიერებათა დოქტორი: თხის რძეში არსებული ცხიმის ბუშტუკები არის ბევრად უფრო მცირე ზომის ვიდრე ძროხის რძეში. ამიტომ ადამიანის ორგანიზმი მას უფრო ადვილად ინელებს, სწორემ ამიტომაც თხის რძეს ბავშვების რაციონში ხშირად შევხვდეით. თუმცა, როგორც პედიატრები გვაფრთხილებენ. ბავშვთა კვებაში თხის რძის გამოყენებამდე აუცილებელია, გარკვეული ზომების დაცვა. ნატო ხატიაშვილი: ბავშვისთვის წლამდე აუცილებელი საკვები არის დედის რძე, მაგრამ თუ დედის რძე არ არის მაშინ ის იგივე თვისებების მქონე საკვებით უნდა ჩანაცვლდეს, ხოლო, რაც შეეხება უშუალოდ ცხოველურ რძეს. მისი მიღება ერთი წლის შემდეგაა დასაშვები. ნედლი რძის მიღებამდე, აუცილებელია მისი ადუღება. მიუხედავად იმისა, რომ ამ პროცესში რძე გარკვეულ სასარგებლო ნივთიერებებს კარგავს, პარალელურად ისპობა ბაქტერიების უმეტესობა და პროდუქტი უფრო უვნებელი ხდება. თხის რძის შემთხვევაში, თუ ის სანდო ფერმერისგან გვაქვს აღებული, საკმარისია მისი პასტერიზება. პასტერიზება: საკვები პროდუქტის გაცხელება იმდენად, რომ დაიღუპოს მავნე მიკროორგანიზმები, მაგრამ შენარჩუნდეს პროდუქტის გემო, ვიტამინები და სხვა სასარგებლო ნივთიერებები. ქართული მეთხევეობის ერთ-ერთ პირველ ამღორძინებელს ქალბატონ ლია ბაღნაშვილს, კახეთიდან ევრონიუსიც კი ესაუბრა და გამოაქვეყნა სტატია სახელად “ ქალი, რომელმაც საქართველოში მეთხევეობა ააღორძინა“ ამ კონკრეტული ინტერვიუდან მხოლოდ ამონარიდს შემოგთავაზებთ: “მიხარია, რომ ასეთი საქმის პირველი მერცხალი ვარ და ქართული მეთხევეობის განვითარებაში მნიშვნელოვანი წვრილი შევიტანე. ადამიანებმა, საქართველოს ყველა კუთხიდან გამოხატეს დაინტერესება და მე მათ დიდი სიამოვნებით ვეხმარები. მჯერა, რომ ნათელ გზას ვადგავარ და მალე უფრო დიდ წარმატებებს მივაღწევ“ - ლია ბაღნაშვილი ამრიგად, თხა და მეთხევეობა საქართველოსთვის უცხო არ არის, და ჩენს ქვეყანას, კონკრეტული ფერმერების საქმიანობიდან გამომდინარე, ნამდვილად აქვს პოტენციალი ააღორძინოს, მეცხოველეობის ეს დარგი და შესაფერისი ადგილი დაიკავოს მსოფლიოში. შინაურიცხოველები ცოტარამთხაზე თხა მეცხოველეობა
Pirveliradio Ge
Tbilisi, Georgia · 2 months ago
ფონდი „ქართუ“ ადგილობრივი წარმოების 4 მილიონ პირბადეს ჯანდაცვის სექტორისთვის შეიძენს
საქართველოს მთავრობის მხარდაჭერით, ქართულმა კომპანიამ სამედიცინო პირბადეების წარმოება დაიწყო. ადგილობრივი წარმოების პირველ 4 მლნ სამედიცინო პირბადეს, ქვეყნის ჯანდაცვის სისტემის მომარაგების მიზნით, ფონდი „ქართუ“ შეიძენს და სახელმწიფოს სრულიად უსასყიდლოდ გადასცემს. ამის შესახებ “ინტერპრესნიუსს” საქართველოს მთავრობიდა აცნობეს. მათი ცნობით, წარმოების დაწყების პროცესს საქართველოს პრემიერ-მინისტრი გიორგი გახარია ჯანდაცვის მინისტრ ეკატერინე ტიკარაძესა და ფონდ „ქართუს“ სამეთვალყურეო საბჭოს თავმჯდომარე ნიკოლოზ ჩხეტიანთან ერთად ადგილზე გაეცნო. მთავრობის მეთაურმა ბიძინა ივანიშვილს და ფონდ „ქართუს“ მადლობა გადაუხადა და აღნიშნა, რომ პირბადეები მოხმარდება სამედიცინო პერსონალს, რომელიც დღეს Covid-19-თან ბრძოლის წინა ხაზზე დგას. „მოგეხსენებათ, Covid -19 არის გლობალური გამოწვევაა, რომელმაც ბევრი ახალი, სამწუხარო სიახლე შემოიტანა ჩვენს ყოველდღიურ ცხოვრებაში. ჩვენ ყველანი, სამწუხაროდ, გარკვეული პერიოდით უნდა მივეჩვიოთ ყოველდღიურად პირბადით, ხელთათმანებით ცხოვრებას. თუმცა, ასევე, ამ გამოწვევის შედეგია, რომ დღეს, ისეთ ელემენტარულ ნივთზე, როგორიცაა სამედიცინო პირბადე, გლობალური დეფიციტია შექმნილი. ქართულმა კომპანიამ მოახერხა და ჩამოიტანა დანადგარი, რომლის საშუალებითაც დღეს უკვე აწარმოებს ერთჯერად სამედიცინო პირბადეს, რომელიც ასე გვჭირდება ჩვენ და ჩვენს მედიკოსებს. კომპანია უახლოეს პერიოდში კიდევ ერთ დამატებით ხაზს აამოქმედებს და შეძლებს დღეში დაახლოებით 250 000 ერთჯერადი პირბადის წარმოებას. მნიშვნელოვანია, ის ფაქტი, რომ „ქართუ“ ჯგუფმა აიღო ვალდებულება და ამ საწარმოში წარმოებულ პირველ 4 მილიონ პირბადეს, სახელმწიფოს, მთავრობას აჩუქებს. რა თქმა უნდა, პირველ რიგში, ეს პირბადეები მოხმარდება ჩვენს სამედიცინო სექტორს, მათ, ვინც წინა ხაზზეა კოვიდ-19-თან ბრძოლაში. მინდა, მადლობა გადავუხადო „ქართუს“. ის, როგორც ყოველთვის, გვერდში უდგას სახელმწიფოს და ყოველთვის გვეხმარება იქ, სადაც ყველაზე უფრო გვჭირდება. მინდა მადლობა გადავუხადო ბიძინა ივანიშვილს, StopCov-ფონდში იმ 100 მილიონის გადმორიცხვისთვის, რომელიც ასევე გამოყენებული იქნება კოვიდ-19-ის წინააღმდეგ ბრძოლაში“,- განაცხადა გიორგი გახარიამ. ქართული კომპანია „რესპირატორი“ დღე-ღამეში საერთაშორისო სტანდარტების, უმაღლესი ხარისხის, სამშრიანი 200 000-დან 250 000-მდე სამედიცინო ნიღბის წარმოებას შეძლებს. როგორც კომპანიის დირექტორმა აღნიშნა, მიუხედავად იმისა, რომ ასეთი სახის პირბადეების დასამზადებლად საჭირო ნედლეული დღეს მსოფლიოში დეფიციტშია, კომპანიამ საქართველოს მთავრობისა და დიპლომატიური კორპუსის მხარდაჭერით, შესაბამისი მასალის საქართველოში ჩამოტანა შეძლო. „ეს მნიშვნელოვნად გააუმჯობესებს საქართველოს მდგომარეობას იმ კუთხით, რაც გამოწვეული იყო მსოფლიო მასშტაბით არსებული პირბადეების ზოგადი დეფიციტით. არ შეიძლება, არ აღინიშნოს ფონდ „ქართუს“ ძალიან დიდი წვლილი. „ქართუ“ დგამს კიდევ ერთ უპრეცედენტო ნაბიჯს და 4 მლნ პირბადეს უსასყიდლოდ გადასცემს სახელმწიფოს, რაც ძალიან მნიშვნელოვნად შეამსუბუქებს იმ ტვირთს, რომელიც დღეს გაგვაჩნია Covid-19-ის ინფექციასთან ბრძოლიდან გამომდინარე“, - განაცხადა ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტმა ეკატერინე ტიკარაძემ. ფონდ „ქართუს“ სამეთვალყურეო საბჭოს თავმჯდომარე ნიკოლოზ ჩხეტიანმა აღნიშნა, რომ სამედიცინო ნიღბების საქართველოში წარმოება სახელმწიფოსა და კერძო სექტორის თანამშრომლობის შედეგად გახდა შესაძლებელი და განსაკუთრებით გაუსვა ხაზი ჯანდაცვის, იუსტიციისა და საგარეო საქმეთა სამინისტროების წვლილს. „დღეს, როდესაც მთელი ქვეყანა ებრძვის ახალ, უხილავ მტერს, მსოფლიო პანდემია Covid-19-ს, გვაქვს შესაძლებლობა, ჩვენი წვლილი შევიტანოთ ამ ბრძოლაში. ფონდმა „ქართუმ“ გადაწყვიტა, შეიძინოს და სახელმწიფოს გადასცეს საქართველოში წარმოებული 4 მილიონი სამედიცინო პირბადე. ეს არის პირველი საწარმო საქართველოში, შპს “რესპირატორი”, რომელმაც მოახერხა ამ ხაზის უმოკლეს დროში გამართვა და მწყობრში მოყვანა. ფონდმა „ქართუმ“, როგორც მოგეხსენებათ, რამდენიმე დღის წინ 100 მილიონი ჩარიცხა, კოვიდ-19-თან ბრძოლის ფონდში და ამასთან ერთად ახორციელებს შემდგომ დახმარებას სახელმწიფოსთვის. ჩვენ ამ საწარმოსგან აღნიშნულ პირბადეებს შევიძენთ და გადავცემთ სახელმწიფოს, რომელიც მას მოიხმარს როგორც ჯანდაცვის, ისე სხვა სასიცოცხლოდ აუცილებელ ობიექტებში. ვიმედოვნებთ, ამით აღმოიფხვრება ის დეფიციტი, რომელიც მთელ მსოფლიოშია და ბუნებრივია, საქართველოშიც გაჩნდა სამედიცინო დაცვის საშუალებებთან მიმართებაში“, - განაცხადა ნიკოლოზ ჩხეტიანმა. უმაღლესი ხარისხის, სამშრიანი სამედიცინო ნიღბები სერტიფიცირებულია დაავადებათა კონტროლის ეროვნული ცენტრის მიერ და სრულ შესაბამისობაშია საერთაშორისო სტანდარტებთან. კომპანია „რესპირატორი“ დაარსა გუნდმა, რომელიც 2017 წლიდან სახელმწიფო პროგრამა „აწარმოე საქართველო“-ს მხარდაჭერით განვითარდა და აქვს ახალი მიმართულება - ციფრული ბეჭდვა UV ტექნოლოგიით, რომლის საშუალებითაც დღეს უკვე უმაღლესი ხარისხის პირბადეებს აწარმოებს.
Giorgi Diasamidze
Tbilisi, Georgia · 1 year ago
პირველ რიგში მოგესალმებით ! ქართული სოციალური ქსელის არსებობა ძალიან მახარებს ! წარმატებებს ვუსურვებ იდეის ავტორებს 👏👍 აქტუალურობიდან გამომდინარე წონის პრობლემას და ორგანიზმის კვლევის ახალ მეთოდს შევეხები. Body Composition ინოვაციური კვლევაა რომელიც დენსიტომეტრის საშუალებით ტარდება და ადამიანს აწვდის ზუსტ ინფორმაციას პროცენტულად თუ რა რაოდენობის ცხიმებს, წყალს, კუნთებსა და ძვლებს შეიცავს სხეული. შესაძლებელია ინფორმაციის მიღება კონკრეტულ მიდამოებზე. გამოკვლევის დასრულების შემდეგ დასკვანსთან ერთად აპარატი სპეციალურ სხეულის რუქას ადგენს რომელზეც პაციენტს თავად შეუძლია ვიზუალურად შეაფასოს ზემოთხსენებული ერთეულების გადანაწილება. უფრო ვრცლად მალე პროფესიონალები მოგაწვდიან ინფორმაციას 😍🙏🎉 #ახალისოციალურიქსელი #სხეულისშემადგენლობისახალიკვლევისმეთოდი
Batumi Daily
Batumi, Georgia · 2 months ago
როგორ ჩავაბაროთ ამერიკაში? ნაწილი I: SAT-ი
იქიდან გამომდინარე, რომ კორონავირუსმა ყველას სახლში დარჩენა გვაიძულა, დრო ბევრი გვაქვს. ამ დროს როგორ გამოვიყენებთ, უკვე ჩვენი საქმეა. თუ ხართ ახალგაზრდა, მე-9, მე-10, ან მე-11 კლასის მოსწავლე და გსურთ, სწავლა ამერიკულ უნივერსიტეტებში გააგრძელოთ, BatumiDaily სტატიების ახალ სერიას გთავაზობთ. მე, დავით ჯინჭარაძე, ნიუ-იორკის უნივერსიტეტის სტუდენტი, მოგიყვებით საზღვარგარეთ ჩასარიცხად საჭირო ყველა კომპონტენტის შესახებ. დღეს დავიწყებთ SAT-ით. Scholastic Aptitude Test (SAT), მარტივად რომ ვთქვათ, ქართული უნარების გამოცდას ჰგავს. უფრო სწორედ, უნარები SAT-ის მოძველებული ვერსიაა. ამერიკულ უნივერსიტეტში საბაკალავრო დონეზე ჩასარიცხად, უნივერსიტეტების აბსოლუტური უმრავლესობა ითხოვს SAT-ს. ტესტის მაქსიმალური ქულა 1600-ია. ტესტი ორად იყოფა: ინგლისურის სექცია (800 ქულა) და მათემატიკის სექცია (800 ქულა). ტესტი, უმეტესწილად, გთხოვთ 5-დან ერთი სავარაუდო პასუხი ამოირჩიოთ. რა დონეზე უნდა ვიცოდეთ ინგლისური ტესტის დასაწერად? რაც უფრო კარგად ვიცით ინგლისური, მით უკეთესი. მაღალი B2 ან C1 დონე იდეალური იქნება. გაითვალისწინეთ, რომ ყველა მოსამზადებელი მასალა ინგლისურადაა და ისე უნდა მოემზადოთ, ვითომ მხოლოდ ინგლისური იცით. ტესტის ჩაბარება რამდენჯერმე შეიძლება და ამერიკელებიც მინიმუმ 2-3-ჯერ აბარებენ. ამიტომ, კარგია თუ მომზადებას 9-10 კლასებში დავიწყებთ, 11-12 კლასების მანძილზე კი რამდენჯერმე ჩავაბარებთ. ეს ტესტი ინტელექტს არ ზომავს, უფრო იმის განმსაზღვრელია, რამდენად წარმატებით შეგიძლიათ ტესტებისთვის მომზადება და მათი დაწერა. რა ითვლება კარგ შედეგად? საერთოდ, რაც უფრო პრესტიჟულ უნივერსიტეტში აბარებთ, მით უფრო დიდი ქულაა საჭირო. ეცდეთ, იყოთ მაქსიმალისტები და 1400-1500 ქულაზე გქონდეთ სწორება. როგორც წესი, მათემატიკის სექციასთან უცხოელ მოსწავლეებს ნაკლები პრობლემა ექმნებათ. პროგრამა მეტ-ნაკლებად ფარავს ქართული სკოლის 9-10 კლასების მასალას. ტესტის ნაწილში სამეცნიერო კალკულატორის გამოყენებაცაა დაშვებული. ინგლისურის სექციაში კი წაკითხული ტექსტის გააზრებისა და უცნობი სიტყვების მნიშვნელობის გარდა, ხშირად მთავარ სირთულეს შეცდომების გასწორებაც წარმოადგენს. უნარების სავარჯიშოსგან განსხვავებით, ამერიკულ უნარებში შეცდომის სავარაუდო ადგილი გახაზულია. მოსწავლემ ან უნდა შეასწოროს ეს ადგილი, ან აღნიშნოს, რომ წინადადება სწორადაა დაწერილი. სტატისტიკურად, ამ სავარჯიშოს მეტ-ნაკლებად წარმატებით შესასრულებლად ინგლისური გრამატიკის 10-12 წესის ცოდნა საკმარისია. წესების კარგი და მოკლე მიმოხილვა შეგიძლიათ იხილოთ, თუ აკრეფთ “10 grammar rules for SAT” - Google-ში. ტესტის მთელი შინაარის ერთ სტატიაში გადმოცემა ძალიან რთულია, თუმცა მოკლედ გეტყვით, როგორ მოემზადოთ SAT-ისთვის. პირველ რიგში, გჭირდებათ კარგი სახელმძღვანელო. ბევრი რესურსი ონლაინ ხელმისაწვდომია, პანდემიის დროს კი რამდენიმე წიგნსაცავმა ონლაინ წიგნების ნაწილი უფასოც გახადა. ამიტომ გირჩევთ, კარგად დაგუგლოთ ხელმისაწვდომი რესურსები. ჩემი რჩევაა, მიყვეთ Princeton Review-ს, ეს სახელმძღვანელო ძალიან მარტივად ხსნის ტესტის სპეციფიკას და ბევრ სავარჯიშოსაც გვთავაზობს. უფრო რთული, მაგრამ არანაკლებ სასარგებლოა Barron-ის სახელმძღვანელო. ბევრი კარგი რესურსი ხელმისაწვდომია ბათუმის ამერიკულ კუთხეშიც (საჯარო ბიბლიოთეკაში მდებარეობს). წიგნებთან ერთად, აუცილებელია სავარჯიშო ტესტების დაწერა. როდესაც თვლით, რომ ტესტი კარგად გაითავისეთ, შეგიძლიათ ამ ტესტებში მოსინჯოთ თავი. ჯერ გააკეთეთ პრინსტონისა და ბარონის წიგნის ტესტები. სულ ბოლოს კი შეგიძლიათ, SAT-ის ოფიციალურ საიტზე გამოქვეყნებული 10 ოფიციალური სავარჯიშო ტესტი დაწეროთ. ეს ტესტები ძალიან ახლოსაა რეალურ ტესტთან, ამიტომ ბოლოსთვის შემოინახეთ. დანიშნეთ 3 საათი და ზუსტად ისე მოიქეცით, როგორც რეალური ტესტის დროს. ითვლება, რომ მაქსიმალური ეფექტისთვის, თითოეული ტესტი მხოლოდ ერთხელ უნდა გაიაროთ. ტესტის ბოლოს კი სავარაუდო ქულის გამოთვლა შეგიძლიათ. ტესტები იხილეთ აქ: ტესტის ჩაბარება საქართველოში შესაძლებელია. ყველა ცენტრისა და ქალაქის ინფორმაციის სანახავად, უნდა გადაამოწმოთ ოფიციალური საიტი (collegereadiness.collegeboard.org), ერთ-ერთი ორგანიზაცია, რომელიც ამ ტესტს საქართველოში ატარებს არის ამერიკული საბჭოები (). ოფიციალურ საიტზე იპოვით ტესტის ფასის, თარიღებისა და ადგილების შესახებ დეტალურ ინფორმაციას. როგორც ადრე აღვნიშნე, ინგლისურის მაღალი დონე აუცილებელია ტესტის კარგად დასაწერად. თუმცა, თუ ხართ მე-9 ან მე-10 კლასში და ჯერ B1 დონე გაქვთ, ახლა კარგი დროა, რომ მომზადება დაიწყოთ. სანამ უშუალოდ ტესტის სპეციფიკას გაეცნობით, საჭიროა ინგლისურში კითხვის დონე აიმაღლოთ. ტესტისთვის აუცილებელია სწრაფად იკითხოთ და ზოგადი აზრი გამოიტანოთ. გირჩევთ, ბევრი ამერიკული ლიტერატურა იკითხოთ სხვადასხვა ჟანრში (ტესტის დროს 4-5 ტექსტის გააზრება მოგიწევთ, სხვადასხვა სფეროდან). სამეცნიერო და სოციალური საკითხების დასახვეწად კარგია The New York Times, The LA Times, Washington Post და სხვა ამერიკული მედია იკითხოთ. ნიუ-იორკ თაიმსის უპირატესობა ისაა, რომ ცალკე სექციები აქვთ მეცნიერების, სოციალური საკითხების, პოლიტიკისა და პოპ-კულტურს მიმართულებით. ერთი სიტყვით, იკითხეთ ბევრი. თუ უკვე მე-11 კლასში ხართ ან მე-12-ში გადადიხართ, ტესტის წარმატებით დასაწერად საჭიროა ყოველ დღე გამოყოთ 2-3 საათი. ამ დროის განმავლობაში გაეცანით ტესტს, ივარჯიშეთ და წარმატებას აუცილებლად მიაღწევთ!
Tbilisi Daily
Tbilisi, Georgia · 1 month ago
შეზღუდვების ვადაზე ადრე მოხსნის მიზეზები პრემიერმა განმარტა
დაავადებათა კონტროლის ეროვნული ცენტრის ინფორმაციის შესაბამისად, დღეს ინფიცირებულთა ახალი შემთხვევა გვაქვს 3 და სამივე არის საკარანტინე ზონებიდან. ფაქტობრივად, ვირუსის გავრცელება ქვეყანაში ექვემდებარება კონტროლს და ამის დასტურად შეგვიძლია გამოვიყენოთ რამდენიმე ფაქტი: ინფიცირებულთა ახალი შემთხვევები, ძირითადად, მომდინარეობს საკარანტინე ზონებიდან, რაც ადასტურებს, რომ კარანტინის ფორმა იყო სწორი გადაწყვეტილება; მეორე - ინფიცირებულების ახალი შემთხვევები გავქვს მხოლოდ უკვე ჩვენთვის ცნობილი კლასტერებიდან და მესამე რისკის შემცველი ჯგუფი ეს გახლავთ საერთაშორისო სატვირთო გადაზიდვები, რომელზეც აქტიურად მუშაობს საკოორდინაციო საბჭოს შტაბი და კონტროლი არის გამკაცრებული. ეს ნიშნავს იმას, რომ ქვეყანაში ინფექციის, პანდემიის გავრცელება ექვემდებარება კონტროლს, რაც ჩვენს საზოგადოებასთან ერთად, ერთობლივი შრომის შედეგია. ჩნდება ახალი ამოცანა - ეს გახლავთ ეკონომიკის უფრო სწრაფი ამოქმედება. მოგეხსენებათ, ჩვენ წარმოვადგინეთ ეკონომიკის გახსნის გეგმა, რომელიც ითვალისწინებდა კონკრეტულ ღონისძიებებს, დღეს შეგვიძლია ვთქვათ როგორც ფაქტი, რომ ჩვენს გვაქვს შესაძლებლობა ეს გეგმა ცოტა უფრო ავაჩქაროთ, - ამის შესახებ საქართველოს პრემიერ-მინისტრმა გიორგი გახარიამ წყებათაშორისი საკოორდინაციო საბჭოს სხდომაზე განაცხადა. მთავრობის მეთაურის თქმით, აჩქარების საფუძველია ის, რომ ინფექციის გავრცელება კონტროლს ექვემდებარება და, აგრეთვე, დაავადებათა კონტროლის ეროვნული ცენტრის მიერ მოწოდებული სეროპრევალენტობის კვლევა, რომელიც კიდევ ერთხელ ადასტურებს რომ ქვეყანაში შიდა გავრცელების მასშტაბი არის მცირე, ამავდროულად შემცირებულია რისკები. „აჩქარების საშუალებას გვაძლევს გარდა ჩამოთვლილი გარემოებებისა, რომ კონტროლს ექვემდებარება ინფექციის გავრცელება, დღეს დაავადებათა კონტროლის ეროვნული ცენტრის მიერ მოწოდებული სეროპრევალენტობის კვლევის შედეგები, რომელიც კიდევ ერთხელ ადასტურებს, რომ ქვეყანაში შიდა გავრცელების მასშტაბი არის ძალზედ მცირე და რისკები შემცირებულია. შესაბამისად, მიუხედავად იმისა, რომ ვირუსი ჯერ არ დაგვიმარცხებია, რომ ვირუსი დღეს რჩება ჩვენთან ერთად და აუცილებლად უნდა დავიცვათ უსაფრთხოების ელემენტარული ნორმები, როგორიცაა პირბადე, სოციალური დისტანცია, ჰიგიენის ელემენტარული წესები, ჩვენი მოქალაქეების ეკონომიკური და სოციალური ინტერესების გათვალისწინებით გადაწყვეტილება მივიღეთ გადაწყვეტილება შემდგომი შემსუბუქებების დაწესების თაობაზე,“- აღნიშნა პრემიერმა. გიორგი გახარიამ იმ შემსუბუქებებზე ისაუბრა, რომლებიც ეტაპობრივად განხორციელდება. „29 მაისიდან გაიხსნება ყველა სახის მუნიციპალური ტრანსპორტი, მათ შორის, მეტრო და ეს მოხდება მხოლოდ და მხოლოდ კონკრეტული წესების დაცვით, აუცილებელი გახლავთ პირბადის ტარება და ამაზე პასუხისმგებლები იქნებიან მუნიციპალური ტრანსპორტის ხელმძღვანელი ორგანიზაციები ან კერძო ტრანსპორტის მფლობელები. ორშაბათიდან, 1-ლი ივნისიდან გაიხსნება და მუშაობას შეძლებს ყველა სახის ღია მაღაზია, მათ შორის მოლებიც, ღია და დახურული ყველა სახის ბაზრობები და ღია სივრცის მქონე რესტორნები. 8 ივნისიდან, შემდეგი ორშაბათიდან, გაიხსნება ყველა სახის მომსახურეობა რესტორნებში, რაც ნიშნავს იმას, რომ რესტორნებს სრულად შეეძლებათ იმოქმედონ, იმუშაონ. 8 ივნისიდან, აგრეთვე, გაიხსნება სასტუმროები, თუმცა მხოლოდ ის სასტუმროები, რომელთაც კონკრეტულად გავლილი ექნებათ ჯანდაცვის სამინისტროს შესაბამისი უწყებების შემოწმება და ექნებათ ამაზე კონკრეტული სახის ნებართვა და საქალაქთაშორისო ტრანსპორტიც,“ - განაცხადა მთავრობის მეთაურმა. პრემიერ-მინისტრის თქმით, ეს გადაწყვეტილებები მიღებულია მოქალაქეთა სოციალური და ეკონომიკური ინტერესების გათვალისწინებით, თუმცა აუცილებელია ელემენტარული წესების და რეკომენდაციების დაცვა, რათა თავიდან ავიცილოთ დაავადების გავრცელების რისკი. „ეს ნაბიჯები, პირველ რიგში, მიღებულია ჩვენი მოქალაქეების სოციალური და ეკონომიკური ინტერესების გათვალისწინებით, თუმცა ყველას უნდა გვახსოვდეს, რომ აუცილებელი პირობა, ამ ნაბიჯის შემდგომ შევინარჩუნოთ ეპიდემიის გავრცელების ის ტემპი, რომელიც გვაქვს დღეს, არის პირბადეების ტარება, საზოგადოებრივი თავშეყრის ყველა ადგილზე. თითოეულმა ჩვენგანმა უნდა ატაროს პირბადე. ამ გადაწყვეტილებებს უფრო დეტალურად ნორმებით, კონკრეტული ვალდებულებებით დღესვე, უახლოეს პერიოდში გამცნობთ საქართველოს მთავრობის ადმინისტრაცია. ამ გადაწყვეტილების მიღების საშუალებას გვაძლევს ჯანდაცვის სამინისტროს და დაავადებათა კონტროლის ცენტრის ის გეგმა, რომელიც წარმოდგენილია ტესტირების რაოდენობის გაზრდასთან დაკავშრებით. ოქროს სტანდარტის PCR ტესტებზეა საუბარი. დღეს ჩვენ უკვე თვალნათლივ ვხედავთ უახლოეს თვეებში და მეორე ტალღის მოლოდინში შემოდგომამდე, როგორ იმუშავებს ლაბორატორიათა მთელი ქსელი, რომელიც უზრუნველყოფს ქვეყანაში ინფექციის გავრცელების კონტროლს. აქვე მინდა ხაზგასმით აღვნიშნო, რომ ეს ნაბიჯები მიღებულია იმ საუკეთესო და აუცილებელი ინტერესის გათვალისწინებით ჩვენი ქვეყნის ეკონომიკის განვითარებისთვის, როგორიც გახლავთ 15 ივნისიდან შიდა ტურიზმის გახსნა, ხოლო 1-ლი ივლისიდან გარე ტურიზმის გახსნა. ეს ყველაფერი კრიტიკულად მნიშვნელოვანია ჩვენი ეკონომიკის სწრაფი აღდგენისთვის, მაგრამ აქ სრულად უნდა გვესმოდეს, რომ პასუხისმგებლობა არის საერთო - მთავრობა, ბიზნესი, ჩვენი მოქალაქეები და როგორც აქამდე, ჩვენ ერთობლივად, მოქალაქეობრივი შეგრძნების უდიდესი პასუხისმგებლობით უნდა გავაგრძელოთ ბრძოლა ვირუსთან ორივე ფრონტზე - როგორც ჯანმრთელობის დაცვის, ასევე ეკონომიკური განვითარების,“- აღნიშნა პრემიერმა. #news #TbilisiDaily #შეზღუდვებისმოხსნა #საზოგადოებრივიტრანსპორტი #სასტუმრო #რესტორანი
Tbilisi Daily
Tbilisi, Georgia · 3 months ago
ქართული წარმოების პირბადე 50 თეთრი ეღირება
ეკონომოკის და მდგრადი განვითარების მინისტრის, ნათია თურნავას განცხადებით, საწყსზე ეტაპზე 400 ათასი პირბადე წამყვან სააფთიაქო ქსელებში უკვე გაშვებულია. "დღეიდან ჩვენი ქართული წარმოების პირბადეები უკვე გავუშვით სააფთიაქო ქსელებში, საწყის ეტაპზე 400 ათასი პირბადე. დაახლოებით2 დღე იქნება საჭირო იმისთვის, რომ მთელი საქართველოს მასშტაბით წამყვან სააფთიაქო ქსელებში გადანაწილდეს ეს პირბადეები. აქ საუბარი გვაქვს წამყვან სააფთიაქო ქსელებზე: ავერსი, ჯი-პი-სი, პსპ და ფარმადეპო. ეს ოთხი ქსელი არის ყველაზე ფართოდ წარმოდგენილი და სწორედ მათთან თანამშრომლობით დავიწყეთ ჩვენი პირბადეების გადანაწილება და მოსახლეობისთვის მიწოდება. ყველაზე გვიან შაბათ დღეს ამ ქსელებში შესაძლებელი იქნება ჩვენი ქართული წარმოების მრავალჯერადი პირბადეების შეძენა. რაც შეეხება ფასებს - იცით, რომს სახელმწიფო და ჩვენი სამინისტრო ახდენს ნედლეულის მობილიზებას. ჩვენთვის ნედლეულის მოწოდება ხდება სხვადასხვა ქვეყნიდან. მიუხედავად იმისა, რომ მთელი რიგი სამკერვალო კომპანიები უსასყიდლოდ გვიკერავენ პირბადეებს, თვითონ ნედლეულის ღირებულებიდან გამომდინარე, სახელმწიფოს 1 პირბადის შეკერვა უჯდება1 ლარზე მეტი. იქიდან გამომდინარე, რომ გვინდა რაც შეიძლება ხელმისაწვდომი გახდეს ჩვენი პირბადე მოსახლეობისთვის, მივიღეთ გადაწყვეტილება, რომ ქსელებში აფთიაქებში გაიყიდოს 50 თეთრად თითო ცალი. სახელმწიფო მოახდენს სუბსიდირებას,“ - განაცხადა ეკონომოკის და მდგრადი განვითარების მინისტრმა ნათია თურნავამ.#ნათიათურნავა #პირბადე #კორონავირუსი #აფთიაქები #tbilisidaily
Pirveliradio Ge
Tbilisi, Georgia · 3 months ago
ქართული წარმოების პირბადეები აფთიაქებში დღეიდან, ცალი 50 თეთრად გაიყიდება
აქართველოში წარმოებული სამედიცინო პირბადეები დღეიდან სააფთიაქო ქსელებში გაიყიდება, - ამის შესახებ ეკონომიკისა და მდგრადი განვითარების მინისტრმა, ნათია თურნავამ საკოორდინაციო საბჭოს სხდომის შემდეგ განაცხადა. მისი თქმით, დაახლოებით ორ დღეში აღნიშნული პროდუქცია წამყვან სააფთიაქო ქსელებში მთელი ქვეყნის მასშტაბით გადანაწილდება, საუბარია – „ავერსზე“, „ფარმადეპოზე“, „პეესპესა და „ჯიპისიზე“. „დღეიდან ქართული წარმოების პირბადეები სააფთიაქო ქსელებში უკვე გავუშვით, 400 ათასი პირბადე საწყის ეტაპზე. დაახლოებით ორი დღე იქნება საჭირო, რომ მთელი საქართველოს მასშტაბით განაწილდეს წამყვან სააფთიაქო ქსელებში პირბადეები. აქ საუბარი გვაქვს „ავერსზე“, „ფარმადეპოზე“, „პეესპეზე“ და „ჯიპისიზე“, ეს ოთხი ქსელი არის ყველაზე ფართოდ წარმოდგენილი და სწორედ მათთან თანამშრომლობით დავიწყეთ ჩვენი პირბადეების განაწილება და მოსახლეობისთვის მიწოდება. ყველაზე გვიან, შაბათ დღეს ამ აფთიაქებში იქნება შესაძლებელი მრავალჯერადი, ქართული წარმოების პირბადეების შეძენა“, – განაცხადა მინისტრმა. რაც შეეხება ფასს, ნათია თურნავას განცხადებით, სახელმწიფოს თითო პირბადის დამზადება ერთ ლარზე მეტი უჯდება, თუმცა აფთიაქებში ცალი 50 თეთრად გაიყიდება. „სახელმწიფო და ჩვენი სამინისტრო ახდენს ნედლეულის მობილიზებას. ნედლეულის მოწოდება ჩვენთვის ხდება სხვადასხვა ქვეყნიდან, ამას თავისი ღირებულება აქვს. მიუხედავად იმისა, რომ მთელი რიგი სამკერვალოები უფასოდ გვიკერავენ პირბადეს, თვითონ ნედლეულის ღირებულებიდან გამომდინარე, სახელმწიფოს თითო პირბადის შეკერვა უჯდება ერთ ლარზე მეტი. თუმცა გამომდინარე იქიდან, რომ გვინდა, მეტად ხელმისაწვდომი გახდეს პირბადე მოსახლეობისთვის, მივიღეთ გადაწყვეტილება, რომ ქსელებში, აფთიაქებში პირბადეები გაიყიდება თითო ცალი 50 თეთრად. ეს არის სუბსიდირებადი ფასი, სახელმწიფო მოახდენს სუბსიდირებასა და პრაქტიკულად, ნახევარი თვითღებულბით, 50 თეთრად იქნება ხელმისაწვდომი. მნიშვნელოვანია, რომ ამ პროცესში გვეთანამშრომლებიან აფთიაქები. 50 თეთრი არის ის ფასი, რა ფასადაც მოქალაქეებს შეუძლიათ, შეიძინოთ პირბადე. იმისთვის, რომ პირბადე რაც შეიძლება მეტი ადამიანისთვის გახდეს ხელმისაწვდომი, საწყის ეტაპზე შევთანხმდით, რომ თვითონ აფთიაქები დაარეგულირებენ, რა რაოდენობა შეიძლება, თითო მოხმარებელზე გაიცეს, რომ რაც შეიძლება მეტმა ადამიანმა შეიძინოს. ჩვენ ვსაუბრობთ მრავალჯერადი გამოყენების დოლბანდზე. ეს ნიშნავს, რომ დელიკატური რეცხვის შემთხვევაში, რამდენიმე კვირაც შეიძლება, მოქალაქემ თითო პირბადე იმყოფინოს. შესაბამისი ინსტრუქცია მოყვება. ასევე მათ შეუძლიათ, აფთიაქებში იკითხონ მოხმარების წესები“, – განაცხადა ნათია თურნავამ. ამასთან, მისი თქმით, გაუგებრობის თავიდან ასაცილებლად, პარალელურად, აფთიაქებში გაიყიდება სხვა წარმოების, კომერციული პირბადეები, რომელსაც შეიძლება, განსხვავებული ფასები ჰქონდეს, ასევე იმპორტული პირბადეები. „ადამიანებს შეუძლიათ, თავისუფლად მოიკითხონ დოლბანდის პირბადე და ეს იქნება სწორედ ის პირბადე, რომელიც პროგრამა „აწარმოე საქართველოში“ პროექტის ფარგლებში იწარმოება და 50 თეთრად იქნება ხელმისაწვდომი. ვინაიდან, მარნეულსა და ბოლნისის ზონაში და ახლა უკვე ვანის მუნიციპალიტეტში არის განსხვაებული ეპიდსიტუაცია, ყველაფერს გავაკეთებთ, რომ დღეს, დღის პირველ ნახევარში სწორედ ამ რეგიონების სააფთიქო ქსელებს მიეწოდოს ეს პირბადეები“, – განაცხადა ეკონომიკის მინისტრმა საკოორდინაციო საბჭოს სხდომის შემდეგ.
Pirveliradio Ge
Tbilisi, Georgia · 2 months ago
„ნაციონალურ მოძრაობას“ არასოდეს გვიმართავს არც ერთი გვერდი, რომელიც დეზინფორმაციას გაავრცელებდა
„ნაციონალურ მოძრაობას“ არასოდეს გვიმართავს არც ერთი გვერდი, რომელიც დეზინფორმაციას გაავრცელებდა ან სიძულვილის ენისკენ იქნებოდა მიმართული - ამის შესახებ, პირველ არხს „ნაციონალური მოძრაობის“ წევრმა, ხატია დეკანოიძემ განუცხადა. „ახალი არაფერი არ მომხდარა კოკა ყანდიაშვილთან დაკავშირებით, რომელიც „ქართული ოცნების“ ერთ-ერთი სერიოზული პროპაგანდისტია. დღეს, მამუკა მდინარაძემ მისი არსებობა უარყო, რაც სასაცილოა. „ფეისბუქმა“საქართველოში სოციალური ქსელი ბევრჯერ გაწმინდა, მათ შორის პირდაპირ იყო მითითება, რომ ანტიდასავლურ პროპაგანდას ავრცელებდნენ „ქართულ ოცნებასთან“ დაკავშირებული და აფინირებული საიტები. კოკა ყანდიაშვილისა და შალვა რამიშვილის ტრიო რომ დაკავშირებულია „ქართულ ოცნებასთან“, ამაში ეჭვი არავის ეპარება. ტროლები, ბოტები და საჯარო მოხელეები სერიოზულ სიძულვილის ენას და ანტიდასავლურ პროპაგანდას ავრცელებენ.რამდენიმე დღის წინ, ჩემს პირად გვერდზე თავად გავხდი საჯარო მოხელეების მხრიდან სერიოზული შეტევის მსხვერპლი, ისინი ტროლებივით მობილიზდნენ. ეს ახალი არ არის, ეს არის „ქართული ოცნების“ ხელწერა“, – აღნიშნავს დეკანოიძე. დეკანოიძის თქმით, პარტია მიესალმება ნებისმიერი სახის დეზინფორმაციული და სიძულვილის ენის გამავრცელებელი გვერდების გაუქმებას. „რაც შეეხება ჩვენს პოზიციას იმის თაობაზე, რომ ვითომ „ნაციონალურ მოძრაობასთან“ აფილირებული გვერდი გაუქმდა, მინდა, გითხრათ, რომ ასევე გაუქმდა რამდენიმე ადამიანის პირადი გვერდი. ალბათ, ამას თავად გაარკვევენ, რადგან ეს ადამიანები ტროლები და ბოტები არ არიან, ჩვეულებრივი სუბიექტები არიან, ზოგი პარტიის წევრია, ზოგი აქტვისტია, ვინც ხელისუფლების მიმართ რეალურად კრიტიკას გამოხატავდა. სრული პახუხისმგებლობით ვაცხადებ, რომ მივესალმებით ნებისმიერი სახის დეზინფორმაციული და სიძულვილის ენის გამავრცელებელი გვერდების გაუქმებას. მნიშვნელოვანია, რომ წინასაარჩევნოდ სოციალური ქსელი თავისუფალი აზრის გამოთქმის პლატფორმა იყოს. ჩვენ არასოდეს არ გვიმართავს არც ერთი გვერდი, რომელიც დეზინფორმაციას გაავრცელებდა ან იქნებოდა სიძულვილის ენისკენ მიმართული. ჩვენ ვფიქრობთ, რომ ძალიან მნიშვნელოვანია საჯარო პოლიტიკის წარმოება დემოკრატიული წესებით, რითაც მთელი ამ ხნის მანძილზე ვიბრძვით. „ქართული ოცნების“ ხელწერა გასაგებია, მაგრამ სოციალურ ქსელში რაც უფრო მეტი ასეთი გვერდი გაუქმედება, მეტ სივრცეს მოგვცემს იმისთვის, რომ წინასაარჩევნო კამპანია სიძულვილის ენისგან თავისუფალი იყოს. ასეთ კამპანიაში არც ერთი თეთრი არ დაგვიბანდებია და არც დავაბანდებთ, პირიქით, სოციალური ქსელის ადმინისტრაცია რაც უფრო რადიკალური იქნება, უკეთესია. როგორც ჩანს, „ფეისბუქი“ საქართველოს წინასაარჩევნო გარემოთი დაინტერესებულია, რაც ჩვენთვის მნიშვნელოვანია განსაკუთრებით იმ ფონზე, რომელიც „ქართულმა ოცნებამ“ შექმნა“, – განაცხადა ხატია დეკანოიძემ.
თაკო ბეროძე
Tbilisi, Georgia · 4 days ago
მიხეილ ცაგარელმა უცხოპლანეტელთა მიზანმიმართულ კამპანიას ფარდა ახადა
ჯერ კიდევ მაშინ, როცა მსოფლიო კოვიდ-19-ის დამარცხებასა და ვაქცინის შექმნას ცდილობდა, უცხოპლანეტელებმა ადამიანთა მოდგმის დამორჩილებისთვის კამპანია დაიწყო. 2019 წლის 31 დეკემბერს ჩინეთში ოფიციალურად დადასტურდა კორონა ვირუსი, რომელმაც მსოფლიო ასპარეზზე იდეალურად მოიკიდა ფეხი. უამრავი კითხვა გაჩნდა, თუ რამ გამოიწვია უცნობი ვირუსის გავრცელება და 200-ზე მეტი ქვეყნის დაინფიცირება. კორონა ვირუსის დამარცხებამდე სოციუმში მუსირებდა აზრი, რომ სი ძინპინი ადამიანთა მოდგმის გაკონტროლებასა და მათზე ძალაუფლების მოპოვებას უხანის ლაბორატორიაში ხელოვნურად გამოყვანილი კოვიდ-19-ის საშუალებით ახერხებდა, თუმცა კორონა ვირუსის დამარცხებიდან ერთი დღე გავიდა და ეს საკმარისი აღმოჩნდა სიმართლის გასამჟღავნებლად. როგორც მიხეილ ცაგარელი აცხადებს, მან უცხოპლანეტელები ჯერ კიდევ მაია ჯაბუას კონცერტზე ნახა 90-იან წლებში. გამორიცხული არ არის, რომ კოვიდ-19-ის შექმნაში მათი ხელი ერიოს. ერთ-ერთი უცხო პლანეტელი ასტროლოგთან ამბობს: ,,ამოვწურეთ მთლიანი ტერიტორიული რესურსი ჩვენ სამყაროში, დედამიწა ძალიან საინტერესო და კომფორტული ზონაა, თუმცა აქედან წასვლას ვაპირებთ, რათა ცოცხლები გადავრჩეთ“ . როგორც ჩანს, ნიკა გვარამიას მიერ ,,წმინდა ძროხებად“ წოდებულმა გამყრელიძემ, იმნაძემ და ცერცვაძემ შეძლო ადამიანთა მოდგმის გადარჩენა და დედამიწაზე მეოცე საუკუნის ბოლოს გადმოსახლებული უცხოპლანეტელები უკან მოუხედავად გააქცია. ჩვენ კი გამოკარანტინებულები გამოვდივართ გამოქვაბულიდან მზის გულზე. თვეების განმავლობაში ადამიანური საწყისების შენარჩუნებას შეძლებისდაგვარად ვახერხებდით. საგულდაგულოდ ვიკეთებდით მაკიაჟს, ვიცმევდით გამოსასვლელ კაბასა და მაღალქუსლიან ფეხსაცმელებს, ხელში ვიჭერდით ნაგვის პარკს და რამდენიმე წუთიანი გასეირნება ნაგვის ურნამდე მთელი დღის რუტინას სასიამოვნოდ ცვლიდა. რომ არა სოციალური ქსელი, ჩვენი საკარანტინე მერომელიღაცე დღის გაზიარება ,,ქრუდსების პრეისტორიული ოჯახის“ მსგავსად, ქვაზე პორტრეტების ხატვით შემოიფარგლებოდა, თითქოს ეს რამდენიმე თვე ზეზვასა და მზიას გარეგნობით ყოფნა არ გვაკლდა. როგორც ჩანს, ფემინისტ ქალბატონებს ამ საკითხში იდეალურად გაუმართლათ, თუმცა არც კოვიდ-19-ის გავრცელებამდე წარმოადგენდა დაბრკოლებას ემილი რატაჯკოვსკისთვის თმიანი სხეულით ეპოზიორა კამერის წინ. როგორც თავად დასძენს, თმის გაზრდა თავს სექსუალურად აგრძნობინებს. მაშასადამე, ეს რამდენიმე თვე ემილისთვის სექსუალურად გაბრწყინებისა და თვითშეფასების ამაღლების საუკეთესო პერიოდი ყოფილა, რასაც იმავეს ვერ ვიტყვით მიხეილ ცაგარელზე, რომელიც რამდენიმე თვიან ზამთრის ძილს კოსმიურ გამოცდას უწოდებს. -კოსმიური კანონი დაირღვა-აცხადებს მიხეილ ცაგარელი-შავი მთვარე აგრესიულ პლანეტაში გადავიდა საინტერესოა, ასტროლოგის რომელი მოსაზრება წარმოადგენს რეალობას, კოსმოსის დარღვეული კანონები თუ უცხოპლანეტელების მიზანმიმართული კამპანია. მაგრამ ერთი რამ ცხადზე ცხადია: მიხეილ ცაგარელმა ორივე ვარიანტში ფარდა ახადა. სტატია ყვითელი პრესისთვის მოამზადა თაკო ბეროძემ#ასტროლოგია #საინტერესო #საინტერესოამბები #საინტერესოფაქტები #მეცნიერება #კორონავირუსი #კორონა #კორონაწადი #კორონავირუსი #უცხოპლანეტელები #თბილისიდეილი #თბილისი #ყვითელიპრესა#ასტროლოგია #მეცნიერება #მოდა #ახალიამბები
Tbilisi Daily
Tbilisi, Georgia · 3 months ago
,,ბიბლუსი” რეორგანიზაციიის პროცესსა და მაღაზიათა ქსელის შემცირებას იწყებს
,,ბიბლუსი ჯგუფში” შემავალ კომპანიებს ეკონომიკური საქმიანობის უფლება სრულად შეეზღუდა, რის გამოც კომპანია რეორგანიზაციის პროცესს და მაღაზიათა ქსელის შემცირებას იწყებს როგორც თბილისში, ასევე რეგიონებშიც. ,,ბიბლუსის” ფეისბუქის გვერდზე გამოქვეყნებულ განცხადებაში აღნიშნულია, რომ მიუხედავად იმისა, რომ კომპანია რამდენიმე დღის წინ ჯანდაცვისა და ეკონომიკის სამინისტროების წარმომადგენლების მიერ შემოწმდა და სიტყვიერად დადებითი შეფასებაც დაიმსახურა, ,,ბიბლუსის” წარმომადგენლებს ონლაინგაყიდვების განსაახლებლად კვლავაც არ მიუღიათ ოფიციალური ნებართვა. ,,ასევე, მოკლებული ვართ შესაძლებობას, პროდუქცია მივაწოდოთ ჩვენს პარტნიორ სუპერმარკეტის ქსელებს. ჯგუფში შემავალი კომპანიების საქმიანობა სრულად არის პარალიზებული. არსებული რთული სიტუაციიდან გამომდინარე, კომპანია იძულებულია დაიწყოს რეორგანიზაციის პროცესი და მაღაზიათა ქსელის შემცირება, როგორც თბილისში ასევე რეგიონებში,” - წერია განცხადებაში. ,,ბიბლუსის” ცნობით, რეორგანიზაცია შეეხება ჯგუფში შემავალ სამივე ქსელს: ბიბლუსი, პეპელა და XS სათამაშოები. ,,ამ ეტაპზე კომპანიის უმთავრესი ამოცანაა, მაქსიმალურად შეინარჩუნოს ყველა თანამშრომელი და ქსელი, რომელსაც მრავალი წლის განმავლობაში ავითარებდა, თუმცა არსებული რეალობა აღარ გვაძლევს ამის შესაძლებლობას. მთელი ჩვენი გუნდი მოწოდებულია იმისათვის, რომ გავაკეთოთ მაქსიმუმი და მინიმალური დანაკარგებით შევხვდეთ არსებულ გამოწვევებს. იმედი გვაქვს, მთავრობა მოკლე დროში გადადგამს კონკრეტულ ნაბიჯებს ბიზნესის დასახმარებლად ამ ყველასათვის რთულ პერიოდში. დიდი მადლობა ყველა ჩვენს გულშემატკივარს, ჩვენს მკითხველს, ჩვენთვის ძალიან მნიშვნელოვანია თქვენი თანადგომა და მხარდაჭერა, რაც ასე მკაფიოდ ვიგრძენით ბოლო პერიოდში. იმედს ვიტოვებთ, რომ მალე დაგიბრუნდებით. გისურვებთ ჯანმრთელობას”, - ნათქვამია გავრცელებულ ინფორმაციაში.#ბიბლუსი #რეორგანიზაცია #ეკონომიკა #მთავრობა #tbilisidailyy