15 votes
0 comments
0 shares
Save
1 views
Current News
Tbilisi · 10 months ago

მამუკა ხაზარაძის საზოგადოებრივი მოძრაობის პრეზენტაცია დღეს, ანაკლიაში გაიმართება!


Current News
Tbilisi · 10 months ago
Similar Posts
Current News
Tbilisi, Georgia · 10 months ago
მამუკა ხაზარაძის და ბადრი ჯაფარიძის განცხადება: ჩვენთვის ცნობილი გახდა, რომ გენერალურმა პროკურატურამ საქართველოში მოქმედი დიპლომატიური კორპუსის წარმომადგენლები 6 სექტემბერს გენერალურ პროკურატურაში დახურულ შეხვედრაზე მიიწვია. შეხვედრაზე დაგეგმილია პროკურატურის მიერ დაქირავებული ორი უცხოელი ექსპერტის მოსაზრებების თუ დასკვნის წარდგენა ხაზარაძე-ჯაფარიძის საქმესთან დაკავშირებით. გვსურს შევახსენოთ პროკურატურას, რომ საქართველოს კონსტიტუციით, ასევე ნებისმიერ სამართლებრივ სახელმწიფოში დადგენილი წესის თანახმად, ერთადერთი ლეგიტიმური სივრცე, სადაც ბრალდების ორგანომ - პროკურატურამ უნდა წარადგინოს მტკიცებულებები და გონივრულ ეჭვს მიღმა სტანდარტით დაამტკიცოს პირის დამნაშავეობა, არის მხოლოდ და მხოლოდ სასამართლო პროცესი. აღნიშნული დახურული შეხვედრა წარმოადგენს საქართველოს კონსტიტუციითა და ცივილიზებულ სამყაროში დადგენილი პრინციპების უხეშ უპატივცემულობას. ჩვენთვის გაუგებარია რას შეიძლება ემსახურებოდეს დახურულ კარს მიღმა მხოლოდ ერთი მხარის მიერ ინფორმაციის მიწოდება კონკრეტულ სისხლის სამართლის საქმეზე (რომელზეც ჯერ სასამართლო განხილვა არც კი დაწყებული) გარდა იმისა, რომ სასამართლო პროცესამდე გაგვასამართლონ და გამოგვაცხადონ დამნაშავეებად. ამგვარი შეხვედრით პროკურატურა ღიად ცდილობს ამ პოლიტიზირებულ საქმეზე, რომელსაც არ გააჩნია არანაირი სამართლებრივი საფუძველი, გადაწყვეტილების პასუხისმგებლობა გადაიტანოს დიპლომატიურ კორპუსზე. ეს მცდელობა აჩვენებს, რომ პროკურატურა გასულია სამართლებრივი ჩარჩოდან და ლეგიტიმაციის მწვავე კრიზისს განიცდის ამ კონკრეტულ საქმესთან დაკავშირებით. ასევე გვინდა თქვენი ყურადღება გავამახვილოთ იმ ფაქტზე რომ აღნიშნულ საქმეზე საჯარო განცხადებებს აქტიურად აკეთებენ მმართველი პარტიის წარმომადგენლები და მედიაში დეტალურად განიხილავენ მიმდინარე სისხლის სამართლის საქმეს. მმართველი პარტიის ეს წარმომადგენლები საქმის სასამართლოში განხილვის დაწყებამდე,ფაქტობრივი გარემოებების გაყალბებულად და დამახინჯებულად გადმოცემით, ცდილობენ სასამართლოს გადაწყვეტილებამდე შექმნას საზოგადოებრივი აზრი ამ საქმესთან დაკავშირებით. ჩვენ მოვითხოვთ საქმის გამჭვირვალედ წარმართვას, საქართველოს კონსტიტუციითა და ადამიანის უფლებათა საერთაშორისო სამართლით გარანტირებული ყველა სტანდარტის დაცვით.თუ ხელისუფლებას აქვს სურვილი, აღნიშნულ საქმეზე ჩართოს საერთაშორისო ექსპერტები, მივიჩნევთ, რომ ეს ექსპერტები უნდა იყვნენ არა პროკურატურის მიერ დაქირავებული იურისტები, მათი კვალიფიკაციის მიუხედავად, არამედ მისგან დამოუკიდებელი საერთაშორისო ავტორიტეტის მქონე იურისტები, რომლებსაც მიეწოდებათ საქმის შესახებ სრული და ყოველმხრივ ინფორმაცია და ექნებათ შესაძლებლობა დამოუკიდებლად ჩამოაყალიბონ აზრი მიმდინარე საქმეზე.
Pirveliradio Ge
Tbilisi, Georgia · 3 months ago
ფონდმა „მოძრაობა მომავლისთვის” გალის რაიონის სოფელ საბერიოს სავადმყოფოს სამედიცინო ინვენტარი გადასცა
ფონდმა "მოძრაობა მომავლისთვის (მომო)" ოკუპირებულ ტერიტორიაზე მდებარე გალის რაიონის სოფელ საბერიოს საავადმყოფოსთვის სამედიცინო ინვენტარი ჩაიტანა და კლინიკის მედპერსონალს გადასცა - ამის შესახებ "პირველ რადიოს" პოლიტიკური გაერთიანებიდან “ლელო საქართველოსთვის” აცნობეს. გალის საავადმყოფოსთვის შეძენილი იქნა: პილსოქსიმეტრები, 50 ყუთი ნიტრილის ხელთათმანი, 500 ცალი თეთრეულის ნაკრები საავადმყოფოსთვის, 400 ცალი სამედიცინო ხალათი, 28 ყუთი ლატექსის ხელთათმანი. "მოძრაობა მომავლისთვის" განხორციელებული სამედიცინო ინვენტარის გადაგზავნა, პირველი სოციალური კამპანია იყო, რომელიც განხორციელდა ოკუპირებულ ტერიტორიაზე. ტვირთი, რომელიც გაიგზავნა საქართველოს კონტროლირებადი ტერიტორიიდან აფხაზეთის ტერიტორიაზე მცხოვრებ მოქალაქეებს საჭიროებისამებრ მოხმარდება. სამედიცინო ინვენტარის გადანაწილების პროცესს ადგილობრივი ექიმები გააკონტროლებენ. საჭირო ინვენტარის შესაძენად ფონდში მნიშვნელოვანი შემოწირულობა შეიტანა მამუკა ხაზარაძემ და მისმა ოჯახმა. ,,ეს არის პირველი ჰუმანიტარული ტვირთი გალის კლინიკაში, ოკუპირებულ ტერიტორიაზე, სადაც ყველაზე მეტად სჭირდებათ დახმარება ამ რთულ ვითარებაში. იქ არის უმძიმესი მდგომარეობა და ძალიან მნიშვნელოვანია არ დავივიწყოთ ჩვენი მოქალაქეები. მადლობა ყველა ბიზნესს და ადამიანს ვინც ამ საქმეში თავის წვლილს შეიტანს. განსაკუთრებული მადლობა მამუკა ხაზარაძეს და მის ოჯახს ვინც პირველი მნიშვნელოვანი შემოწირულობა გააკეთა მოძრაობის ფონდში და დაეხმარა ოკუპირებულ ტერიტორიაზე მცხოვრებ იმ ადამიანებს ვისაც დღეს ყველაზე მეტად უჭირთ" - განაცხადა "მომოს" დამფუძნებელმა თეონა დოლენჯაშვილმა. ,,გალში ცხოვრობს, 40 000-დან 55 000-მდე საქართველოს მოქალაქე. ეს ხალხი ორჯერაა სახლიდან გამოყრილი და დღემდე მუდმივი ზეწოლის ქვეშ იმყოფებიან... ჩვენამდე მუდმივად მოდიოდა ინფორმაცია, რომ გალის საავადმყოფოები კორონავირუსთან საბრძოლველად არ არიან მზად. ადგილზე არ აქვთ - პირბადეები, ხელთათმანები, სადიზენფექციო საშუალებები და ა.შ. მამუკა ხაზარაძის შემოწირულობით და კიდევ რამოდენიმე ადამიანის დახმარებით, ჩვენ, დღეს ერთი მიკროავტობუსი, შესაბამისი ტვირთით, შევაგზავნეთ გალში. მადლობა მამუკას მხარდაჭერისთვის! ამასთანავე - აფხაზეთი სრულიად მოუმზადებელი ხვდება მოახლოებულ გასაჭირს. შესაბამისად, ჩვენ გავაგრძელებთ მუშაობას და იმედი მაქვს მალე, ამგვარ ტვირთს ისევ გავაგზავნით გალშიც და ამჯერად სოხუმშიც!"- განაცხადა კონფლიქტოლოგმა გიორგი კანაშვილმა.
Tbilisi Daily
Tbilisi, Georgia · 4 months ago
საბანკო სექტორიდან პირდაპირ პოლიტიკაში. ხაზარაძის ბიოგრაფიული ბრიფი. მამუკა ხაზარაძის ბიზნეს საქმიანობა 1992 წლიდან იწყება, მაშინ, როდესაც ის ბადრი ჯაფარიძესთან ერთად „თიბისი ბანკი“-ს აარსებს. სამოქალაქო ომის პირობებში, ხაზარაძე ახერხებს და 500$-ად დაწყებული ბიზნესით უზარმაზარ წარმატებას აღწევს. 2019 წლის 8 იანვარს გავრცელდა ინფორმაცია, რომ პროკურატურამ თიბისი ბანკიდან დოკუმენტები ამოიღო. პროკურატურის განმარტებით, "თიბისი ბანკი"-ის 2008 წლის აქტივობები შეიცავდა ფულის გათეთრების ნიშნებს და მასში თიბისის დამფუძნებელი და ამავდროულად სამეთვალყურეო საბჭოს თავმჯდომარე, მამუკა ხაზარაძე და მის მოადგილესთან, ბადრი ჯაფარიძესთან ერთად ფიგურირებდა. გენერალური პროკურატურა ბიზნესმენებს ჯგუფურად 16 664 000 ამერიკული დოლარის უკანონო შემოსავლის ლეგალიზაციას დღემდე ედავება. ბრალდების გაჟღერებიდან მალევე თანმდებობას ორივე დამფუძნებელი ტოვებს, რასაც წინ უძღვის იგივე საკითხთან დაკავშირებით "საქართველოს ბანკი"-ის მოწოდება. ასევე, ცნობილი ხდება, რომ იგივე პერიოდში და შემდგომ, თიბისი ბანკი მომხმარელებს 500-600%-იან ჯარიმ/ საურავებს აკისრებდა. ბოლო გახმაურებული ამბავი, რაც ხაზარაძის სახელს აქტიურად დაუკავშირდა, ეს ანაკლიის პორტი და მასთან დაკავშირებული საკითხებია. არსებობს მოსაზრება რომ სწორედ ამ უკანასკნელმა გამოიწვია გავლენიანი პირების მხრიდან ხაზარაძის მიმართ გარკვეული სახის უკმაყოფილება. აღნიშნულის შემდეგ იწყება მასიური ანტიპიარ კამპანია ხაზარაძის დისკრედიტაციისთვის. Facebook ტროლებმა და სახელისუფლებო გვერდებმა ხაზარაძეს ფაქტობრივად ყველა უწინდელი ცოდვა გაუხსენეს, ბევრიც თავად დაამატეს და საბოლოოდ, დღევანდელი საბანკო სექტორის ერთ-ერთი წარმატებული წარმომადგენლის ისედაც გასვრილი სახელი, კიდევ უფრო მეტად აატალახეს. 2020 წლის 9 იანვარს მთავრობამ გამოაცხადა, რომ „ანაკლიის განვითარების კონსორციუმს“ ხელშეკრულება უწყდება. ვიცე პრემიერის, მაია ცქიტიშვილის განცხადებით, კონსორციუმმა ვერ შეასრულა 2016 წლის 3 ოქტომბრის ხელშეკრულებით ნაკისრი ვალდებულებები. 2016 წლიდან მოყოლებული „ანაკლიის განვითარების კონსორციუმის“ მოთხოვნით, ხელშეკრულებებში 40-ზე მეტი ცვლილება შევიდა. პროექტის დაწყებიდან, სახელმწიფომ კონსორციუმს საკუთარი ვალდებულებების შესრულების დრო 7-ჯერ გადაუვადა. ანაკლიის განვითარების კონსორციუმის გენერალური დირექტორი ბრალდებას უარყოფს და ამბობს, რომ მაშინ როდესაც უკვე 75 მილიონი დოლარი დახარჯულია, აღნიშნული ბრალდებები ყოვლად უსაფუძვლოა. ამ ეტაპზე ანაკლიის პორტის პროექტი შეჩერებულია. ახალი ტენდერის გამოცხადების შემდეგ გახდება ცნობილი, თუ ვინ მოიპოვებს უფლებას, რომ პროექტის მშენებლობას ჩაუდგეს სათავეში. მამუკა ხაზარაძე ბიზნეს საქმიანობის პარალელურად პოლიტიკაშიც ჩაერთო. 2019 წელს საზოგადოებრივი მოძრაობა „ლელო“ დაარსა. სხვადასხვა ბრალდების მიუხედავად, დღეს მამუკა ხაზარაძე თავის პარტნიორ, ბადრი ჯაფარიძესთან ერთად, 2020 წლის არჩევნებისთვის აქტიურ სამზადისშია და როგორც თავად ამბობს ერთმნიშვნელოვნად პოზიტიურ შედეგს უმიზნებს.#თბილისი #თიბისი #მამუკა #ხაზარაძე #ბადრი #ჯაფარიძე #ბიზნესი #საბანკო #სექტორი #პოლიტიკა #tbilisidaily #opinion
Tbilisi Daily
Tbilisi, Georgia · 2 months ago
ახალი კორონავირუსისგან თავდასაცავად მნიშვნელოვანია თამბაქოს ნებისმიერი ნაწარმისგან დისტანცირება
თამბაქოს კონტროლის კანონის აღსრულება 2018 წლის პირველ მაისს დაიწყო. საზოგადოებრივი თავშეყრის ადგილებში მოწევის აკრძალვიდან ორი წელი გავიდა. თამბაქოს კონტროლის ალიანსი თარიღთან დაკავშირებით განცხადებას ავრცელებს, რომელშიც აღნიშნულია, რომ ახალი კორონავირუსისგან თავდასაცავად მნიშვნელოვანია არა მხოლოდ ფიზიკური, არამედ თამბაქოს ნებისმიერი ნაწარმისგან დისტანცირება. „2017 წელს, ჯანდაცვის კომიტეტის ხელმძღვანელობით, ფაქტობრივად, პარლამენტის სრულმა შემადგენლობამ მხარი დაუჭირა საზოგადოების გაჯანმრთელების ინტერესს და თამბაქოს კონტროლის კანონი მიიღო. ამ ნაბიჯით პარლამენტმა აღმასრულებელი ხელისუფლების ეკონომიკური გუნდის მიერ თამბაქოს ინდუსტრიის ლობირება დაძლია და პროტესტი გამოუცხადა თამბაქოს მოხმარების შედეგად ადამიანების სიკვდილს. ჯანმრთელობის მსოფლიო ორგანიზაციის იმდროინდელი მონაცემებით, საქართველოში ყოველწლიურად, თამბაქოს მოხმარების შედეგად გამოწვეული დაავადებებით 11 400 ადამიანი იღუპებოდა. მათ შორის, 3 000-მდე პასიური მოწევის მსხვერპლი იყო. თამბაქოს კონტროლის კანონის აღსრულება 2018 წლის პირველ მაისს დაიწყო. ამაო აღმოჩნდა თამბაქოს ინდუსტრიის მცდელობა, საზოგადოება დაერწმუნებინა, რომ კანონის აღსრულება სამასპინძლო ბიზნესს გააკოტრებდა. არათუ არ გაკოტრდა, კაფეებში, რესტორნებში და მსგავს დაწესებულებებში სტუმართა რაოდენობა გაიზარდა, მშობლები მცირეწლოვან შვილებთან ერთად სტუმრობენ. სამასპინძლო ბიზნესში მოწევის აკრძალვა, ფაქტობრივად სანიმუშოდ, 96 პროცენტით სრულდება. კანონის აღსრულების მუდმივი მონიტორინგის ფარგლებში, დამრღვევებზე ეფექტური რეაგირება ხდება. სამწუხაროდ, აღსანიშნავია, რომ დამრღვევთა მცირე პროცენტში საჯარო სამსახურები და სამედიცინო დაწესებულებები ლიდერობენ. აღსრულების პროცესში სრული ეფექტის მისაღწევად მნიშვნელოვანია, თითოეულმა მოქალაქემ გაითავისოს საკუთარი როლი და დარღვევის დაფიქსირებისას, სადაც არ უნდა იყოს, კაფეში, რესტორანში, საავადმყოფოში, პარლამენტში, მთავრობის კანცელარიაში, თუ ნებისმიერ სხვა, საჯარო სამსახურში, 112-ზე დარეკვის ან სპეციალური მობილური აპლიკაციის საშუალებით, დაუყოვნებლივ აცნობს შესაბამის აღმასრულებელს, საპატრულო პოლიციას ან შემოსავლების სამსახურს და მოითხოვოს კანონის დაცვა. დღეს, სხვადასხვა, მასშტაბური კვლევების შედეგად მიღებული მონაცემების საფუძველზე (რომელთა პრეზენტაცია სავარაუდოდ, „კოვიდ-19“-ის პანდემიის ჩაცხრობისთანავე გაიმართება), თამამად ვამბობთ, დახურულ სივრცეში მოწევის და თამბაქოს კონტროლის კანონით გატარებული მთელი რიგი აკრძალვებისა და სხვადასხვა ღონისძიებების საფუძველზე საზოგადოების ჯანმრთელობის და ეკონომიკური მაჩვენებლები მნიშვნელოვნად შეიცვალა. უახლოეს წლებში, თამბაქოს კონტროლის კანონის აღსრულების შედეგები სპეციალური კვლევების გარეშეც თვალშისაცემი იქნება და საზოგადოება მომენტალურად იგრძნობს სიკეთეს, რომელსაც თამბაქოს მოხმარების შემცირება იწვევს. ამასთან, ვიმედოვნებთ, რომ მსოფლიოს ახალი დღის წესრიგი, რომელსაც ახალი კორონავირუსული დაავადება განაპირობებს, საქართველოს მოსახლეობას კიდევ უფრო ცხადად დაანახებს თამბაქოს მოწევაზე უარის თქმის აუცილებლობას. იმის გამო, რომ „კოვიდ-19“-ის მნიშვნელოვანი სამიზნე ადამიანის ფილტვებია, დღეს, ერთადერთი და სწორი გამოსავალია თამბაქოს ნებისმიერი პროდუქტის (მათ შორის ელ. სიგარეტის, ვაპოვაიზერის, აიქოსის, ჩილიმის და ა.შ.) და მარიხუანას მოხმარებაზე უარის თქმა. ამიტომაც, ახალი კორონავირუსისგან თავდასაცავად მნიშვნელოვანია არა მხოლოდ ფიზიკური, არამედ თამბაქოს ნებისმიერი ნაწარმისგან დისტანცირება. #არ მოწიო, დარჩი ჯანმრთელი!“ – აცხადებენ თამბაქოს კონტროლის ალიანსში.#თამბაქო #არმოწიო#დარჩისახლში #tbilisidaily
Current News
Tbilisi, Georgia · 11 months ago
მამუკა ხაზარაძის განცხადებით, ის და ბადრი ჯაფარიძე თავიანთ აქციებს „ანაკლიის კონსორციუმში“ სამართავად გადასცემენ საერთაშორისო სატრასტო ფონდს, ვიდრე არ გაქარწყლდება მათ წინააღმდეგ წარდგენილი უსაფუძვლო ბრალდებები.
The Daily Georgia
Tbilisi, Georgia · 11 months ago
თბილისის სახელმწიფო უნივერსიტეტი „თიბისისთან“ თანამშრომლობას წყვეტს რატომ აიღებენ ხელფასს უნივერსიტეტის თანამშრომლები "თიბისის" ნაცვლად "საქართველოს ბანკში" თბილისის სახელმწიფო უნივერსიტეტი „თიბისი ბანკთან“ თანამშრომლობას წყვეტს. აღნიშნულის შესახებ შეტყობინება უნივერსიტეტის თანამშრომლებს ელექტრონული ფოსტით დაეგზავნათ. როგორც შეტყობინებაშია აღნიშნული, უნივერსიტეტის თანამშრომლები ხელფასს აგვისტოდან „საქართველოს ბანკში“ აიღებენ. ამასთან, მათივე ცნობით, ბანკის მომსახურების შეცვლასთან დაკავშირებით, საინფორმაციო შეხვედრა 26 ივლისს გაიმართება, სადაც თანამშრომლებს საშუალება ექნებათ ახალი ბანკის შეთავაზებებსა და პირობებს გაეცნონ. თავად უნივერსიტეტში კი განაცხადეს, რომ აღნიშნული მამუკა ხაზარაძის და ბადრი ჯაფარიძის ირგვლივ მიმდინარე პროცესებს არ უკავშირდება. მათივე ცნობით, "თიბისისთან" ხელშეკრულების ვადა ამოიწურა, რის გამოც მაისში სხვადასხვა ბანკებთან დაიწყო მოლაპარაკებები. "შემოთავაზებული პირობები "საქართველოს ბანკს" უკეთესი ჰქონდა და სწორედ ამიტომ მოხდა ბანკის ცვლილება. რაც შეეხება "თიბისის" მასთან მრავალწლიანი ურთიერთობა გვაკავშირებს და ახლაც არაერთ პროექტში, მათ შორის "წერე ქართულად" და ა.შ. ვთანამშრომლობთ მათთან,"-აცხადებენ უნივერსიტეტში.
Tbilisi Daily
Tbilisi, Georgia · 2 days ago
ვანო ჩხარტიშვილი: ადეიშვილმა მითხრა, ზურაბ ნოღაიდელი უნდა დავაკავოთ და ცრუ ჩვენება მოგვეციო
15-წლიანი დუმილის შემდეგ ბიზნესმენი ვანო ჩხარტიშვილი დუმილს „ღამის კურიერთან“ არღვევს. მისი თქმით ჟურნალისტის კითხვებს, ბოლოს რამდენიმე წლის წინ უპასუხა. რატომ და რა მიზეზით დატოვა ქვეყანა ბიზნესმენმა, ჟურნალისტთან საუბარი სწორედ ამ ისტორიის მოყოლით დაიწყო. „ძალიან დიდი ხანი ვფიქრობდი არ გამოვსულიყავი საჯაროდ. დაახლოებით 15 წელია დავტოვე პოლიტიკა. მიმაჩნია, რომ პარლამენტში ყოფნის პერიოდი, ჩემთვის ყველაზე ცუდი პერიოდი იყო. დღესაც ვფიქრობ, რომ პოლიტიკაში ბიზნესმენები არ უნდა იყვნენ. პოლიტიკა უნდა აკეთონ პროფესიონალმა პოლიტიკოსებმა, რომლებიც წლების განმავლობაში დააგროვებენ გამოცდილებას იმისთვის, რომ ქვეყნისთვის წერონ კანონები. ამიტომ გავეთიშე ამ პროცესებს. ბოლო პერიოდში განვითარებულმა მოვლენებმა არ მომცეს საშუალება, რომ არ ვთქვა ორიოდე სიტყვა. ვგულისხმობ მამუკა ხაზარაძის ბოლო გამოსვლებს, რომელმაც საზოგადოებაში გააჩინა კითხვები. მინდა დავაფიქსირო კონკრეტული ფაქტები, თუ რასთან გვაქვს საქმე, რა იყო რეალურად და საიდან მივედით ხაზარაძის ინცინდენტამდე. 2010 წელს მომიწია წასვლა საქართველოდან. ეს იყო ჩემთვის, ჩემი ოჯახისთვის და ჩემი გარემოცვისთვის ურთულესი პერიოდი. გენერალური პროკურორის კაბინეტიდან პირდაპირ აეროპორტში წავედი და დავტოვე საქართველო. ამ ყველაფერს კი წინ უძღოდა ერთი ისტორია. სანამ პროკურატურაში დამიბარებდნენ, წინა დღეს ჩემს ოფისში დატოვეს ვიდეო ფირი. რეკავს ადეიშვილის თანაშემწე და მეუბნება, რომ იქნებ ნახოთ ეგ ფირი, საღამოს ადეიშვილი დაგირეკავთო. წინა დღეს ჩემი რიგითი თანამშრომელი დაიჭირეს და ამ ფირზე მისი ე.წ. აღიარებითი ბუნდოვანი ჩვენება იყო ჩაწერილი. საღამოს მირეკავს ადეიშვილი და მეუბნება, რომ უნდა მოგვცე ჩვენება იმ თემაზე, რომელიც ბუნებაში არ არსებობდა. და ამ ჩვენების საფუძველზე უნდა დავაპატიმროთ იმ დროინდელი პრემიერი ზურაბ ნოღაიდელიო. ნოღაიდელის შეთხზულ საქმეში მოწმე უნდა ვყოფილიყავი. ჩემსა და ადეიშვილს შორის მძიმე საუბარი გაიმართა. იმ შემთხვევაში, თუ ჩემგან სასურველ ჩვენებას ვერ მიიღებდნენ, აღძრავდნენ სისხლის სამართლის საქმეს. სწორედ ამიტომ გავხდი იძულებული რომ დამეტოვებინა საქართველო, რომელიც არ იყო ადვილი გადაწყვეტილება. 23 დღის განმავლობაში ჩემი ოჯახის არცერთ წევრს არ აძლევდნენ ქვეყნის დატოვების უფლებას იმ მიზეზით, რომ მე უნდა დავბრუნებულიყავი თბილისში. ამის შემდეგ ყველა ქონებას, რომელიც ირიცხებოდა ჩვენს ჰოლდინგში, დაადეს ყადაღა.“ – განაცხადა ვანო ჩხარტიშვილმა.
Pirveliradio Ge
Tbilisi, Georgia · 4 days ago
საქართველოში კორუფცია მძვინვარებს და დღეს ბიზნესი „ქართული ოცნების" მარწუხებშია მოქცეული - ხაზარაძე
საქართველოში კორუფცია მძვინვარებს და დღეს ბიზნესი „ქართული ოცნების" მარწუხებშია მოქცეული - აღნიშნული განცხადებით, „ლელო საქართველოსთვის“ თავმჯდომარე მამუკა ხაზარაძე საერთაშორისო გამჭვირვალობის მიერ გამოქვეყნებულ კვლევას ეხმაურება, სადაც აღნიშნულია, რომ პარტიებიდან ყველაზე მეტი დაფინანსება „ქართულ ოცნებას“ აქვს მიღებული. კვლევის თანახმად, პარტია კომპანიების საშუალებით იღებს დაფინანსებას, რომლებიც დაკავშირებული არიან ხელისუფლებასთან. მამუკა ხაზარაძის განცხადებით, კვლევა ცხადყოფს, რომ საქართველოში კორუფცია მძვინვარებს და „ქართული ოცნება“ კორუფციულ სქემებს ყველა სფეროში ადგენს. „საქართველოში მძვინვარებს კორუფცია და ეს არის პირდაპირი კორუფციული სქემები, სადაც ტენდერების 50%-ში ერთი კომპანია იღებს მონაწილეობას და, შესაბამისად, ის იგებს. ასეთი პრეცედენტი, რომ ტენდერების გარეშე პირდაპირი შესყიდვა ჩატარდეს, არცერთ ნორმალურ ქვეყანაში არ არსებობს. ჩვენი ხელისუფლებაში მოსვლისთანავე გავაუქმებთ ამ მანკიერ სტრუქტურას. ყველა ტენდერი, რომელიც ჩვენი ქვეყნის ბიუჯეტის 40%-ს წარმოადგეს, დიდ თანხებს უკავშირდება და ყველაფერი ჩატარდება გამჭვირვალედ,“- განაცხადა მამუკა ხაზარაძემ. „ლელოს“ ლიდერის თქმით, როდესაც მაჟორიტარები იგებენ, ტენდერს და ვითომდა პარტიას სწირავენ თანხას, ღია კორუფციაა, რომელშიც მმართველი გუნდი პირდაპირი სახით ერევა. „საქართველომ ერთხელ და სამუდამოდ უნდა გამიჯნოს ერთმანეთისგან სუფთა და წესიერი ბიზნესი და პოლიტიკის ცნება. დღეს, სამწუხაოდ, ბიზნესი არის „ ქართული ოცნების“ მარწუხებში მოქცეული და ქვეყანაში თუ ვინმე ფიქრობს, რომ თავისუფალ ბიზნესს აკეთებს, ძალიან ცდება. თუ გვინდა თავისუფალი, გამარჯვებული საქართველო, საბჭოთა მენტალობის სტრუქტურები უნდა დავშალოთ და შევქმნათ თანამედროვე,“-აცხადებს ხაზარაძე.
Tbilisi Daily
Tbilisi, Georgia · 3 weeks ago
კესარია აბრამიძე ლელოში წევრიანდება?
პოლიტიკური მოძრაობა „ლელოს“ დამფუძნებლის მამუკა ხაზარაძის განცხადებას კესარია აბრამიძე პასუხობს: ხაზარაძემ „ტვ პირველის“ ეთერში განაცხადა, რომ ერთსქესიანთა ქორწინებას მხარს არ უჭერს: “უმცირესობების უფლებები ქვეყანაში კარგად არის დაცული.” მამუკა ხაზარაძის ეს განცხადება „პრაიმტაიმთან“ მოდელმა კესარია აბრამიძემ შეაფასა: – მამუკა ხაზარაძე თავის ქალიშვილს ვერ გაათხოვებს იმდენჯერ, რამდენჯერაც მე გავთხოვდი. საერთოდ არსად არ დამჭირდა წასვლა. თმაშეღებილი ბიჭები უფრო მოთხოვნადები არიან დღეს, ვიდრე შეუღებავი. რა წერია კანონით ფურცელზე, ერთსქესიანთა ქორწინების შესახებ, მაგას არც ვკითხულობ და არც არავის ვეჭიდავები. მე შესანიშნავად ვგრძნობ თავს. მე ათი წლის წინ ვთქვი, ახლა ვართ უმცირესობა და ათ წელში უმრავლესობა ვიქნებით-მეთქი და ნამდვილად ასეა უკვე. – ორი წლის წინ, დაწერეთ, რომ პოლიტიკაში გეგმავთ მოსვლას, ისევ ამ აზრზე თუ ხართ და რომელი პარტიით ისურვებდით პოლიტიკაში ყოფნას? – მამუკა ხაზარაძის გუნდში გავწევრიანდებოდი დიდი სიამოვნებით და ცოტა აზრზზე მოვიყვანდი. უფრო განვანათლებდი და საინტერესოს გავხდიდი მის პარტიას.”#ახალიამბები #პოლიტიკა
Pirveliradio Ge
Tbilisi, Georgia · 1 month ago
პირობას ვდებ, რომ ოქტომბერში "ქართულ ოცნებას" გავისტუმრებთ და აუცილებლად დავიწყებთ საუკუნის პროექტს
პირობას ვდებ ქართველი ხალხის წინაშე, რომ ოქტომბერში ჩვენ ,,ქართულ ოცნებას" გავისტუმრებთ და საუკუნის პროექტს დავიწყებთ აუცილებლად, რასაც ანაკლია და ანაკლიის ქალაქი ჰქვია - ამის შესახებ განცხადება, პოლიტიკური გაერთიანება "ლელო საქართველოსთვის" ლიდერებმა მამუკა ხაზარაძემ საერთაშორისო ექსპერტის, პოლინ დევიდის დასკვნასთან დაკავშირებით გამართულ პრესკონფერენციაზე საუბრისას გააკეთა. გაერთიანება "ლელო საქართველოსთვის" ლიდერებმა მამუკა ხაზარაძემ და ბადრი ჯაფარიძემ პრესკონფერენცია გამართეს საერთაშორისო ექსპერტის, პოლინ დევიდის დასკვნასთან დაკავშირებით. მამუკა ხაზარაძის განცხადებით, ყველა დასკვნა მიუთითებს ერთსა და იმავე ფაქტს, რომ ხაზარაძე-ჯაფარიძე-წერეთლის საქმე არის პოლიტიკურად მოტივირებული და საქმეში არანაირი დანაშაული არ იკვეთება. "მე მგონია, რომ უკვე არ დარჩა დედამიწის ზურგზე ქვეყანა, ექსპერტი და ადამიანები, რომლებიც არ არიან ინფორმირებული ბადრი ჯაფარიძის და მამუკა ჯაფარიძის ე.წ. საქმესთან დაკავშირებით, რომელიც უკვე ბოლო 2 წელია, მიმდინარეობს ჩვენ წინააღმდეგ პოლიტიკურად მოტივირებულად. დღეს ჩვენ მოვისმინეთ და მინდა ხაზი გავუსვა, რომ ჩვენც დღეს წავიკითხეთ ეს დასკვნა, რომელიც დამოუკიდებელი ექსპერტის მიერ არის მომზადებული. ეს გახლავთ ავსტრალიელი ექსპერტი, რომელიც 30 წელია, ამ სფეროში მოღვაწეობს და ეს არის უკვე მერამდენე დასკვნა იმისა, რომ არათუ ფულის გათეთრებას, არამედ არანაირ დანაშაულს არ ჰქონია და ვერ ექნებოდა ბუნებაში ადგილი 12 წლის წინანდელ საქმეზე. კიდევ ერთხელ ვაცხადებთ, რომ ეს არის ბიძინა ივანიშვილისა და მისი პროკურატურის მიერ დასმული მოსამართლეების და საერთოდ, მართლმსაჯულების გაუკუღმართებული სისტემის პოლიტიკურად მოტივირებული საქმე ჩვენ წინააღმდეგ. მოვუწოდებთ ყველას, რომ სასწრაფოდ შეწყდეს ეს საქმე. მამუკა ხაზარაძის თქმით, ,ქართულმა ოცნებამ" იმასაც მიაღწია, რომ საერთაშორისო პარტნიორებმა უკვე ხმამაღლა თქვეს ის, რაც ხდება ჩვენს ქვეყანაში. ჩვენ ვძლიერდებით, ვიზრდებით და ეს იმის დასტურია, რომ მათ ეშინიათ და ამ შედეგს ჩვენ მათ ვაჩვენებთ ოქტომბერში, როცა ,,ქართულ ოცნებას" გავისტუმრებთ ხელისუფლებიდან. იმიტომ რომ ჩვენს ქვეყანას აქვს უზარმაზარი პერსპექტივა და ბოლო 8 წელიწადია, ჩვენი ქვეყანა არის დამუხრუჭებული. საზოგადოება არის პოლარიზებული, მიმდინარეობს პოლიტიკურად მოტივირებული საქმეები. ,,ქართულმა ოცნებამ" იმასაც მიაღწია, რომ ჩვენმა საერთაშორისო პარტნიორებმა უკვე ხმამაღლა თქვეს ის, რაც ხდება ჩვენს ქვეყანაში. შესაბამისად, კიდევ ერთხელ ვიმეორებ, რომ ძალიან ნელა, რა თქმა უნდა, სამართალი ურმით მოძრაობსო, როგორც ქართული ანდაზა გვეუბნება, მაგრამ სამართალი აუცილებლად იზეიმებს და უკვე იზეიმა. მათ ვერ მოახერხეს ჩვენი დისკრედიტაცია ვერანაირად და ვერც მოახერხებდნენ. ბოლოს, მინდა ვთქვა, რომ ეს ყველაფერი მიმართული იყო იმისკენ, რომ ჩვენი ქვეყნისთვის საუკუნის პროექტი - ანაკლიის პროექტი გაჩერებულიყო. და ამის გზად აირჩიეს ჩემი და ბადრი ჯაფარიძის - ამ პროექტის ერთ-ერთი მთავარი აქტორების დისკრედიტაცია, რაც მათ არ გამოუვიდათ. მე პირობას ვდებ ქართველი ხალხის წინაშე, რომ ოქტომბერში ჩვენ ,,ქართულ ოცნებას" გავისტუმრებთ და საუკუნის პროექტს დავიწყებთ აუცილებლად, რასაც ანაკლია და ანაკლიის ქალაქი ჰქვია" - განაცხადა მამუკა ხაზარაძემ. პრესკონფერენციაზე ბადრი ჯაფარიძემ განაცხადა, რომ პანდემიით სარგებლობს ხელისუფლება, ის ცდილობს, თავისი პოლიტიკური დივიდენტების მისაღებად გამოიყენოს და გააგრძელოს რეპრესიები პოლიტიკური ოპონენტების მიმართ. ,,ერთხელ და სამუდამოდ ჩვენს ქვეყანაში უნდა დასრულდეს მართლმსაჯულების პოლიტიკური მიზნით გამოყენება. უნდა დასრულდეს ეს იმისათვის, რომ ჩვენმა ქვეყანამ შეძლოს ნორმალური განვითარება. ყველაზე დიდი პრობლემა დღეს, რა თქმა უნდა, არის ის, რომ პანდემიასთან ბრძოლაში ჩვენ მოვახერხოთ კარგი შედეგების შენარჩუნება, მაგრამ ძალიან დიდი პრობლემა არის ის, რომ პანდემიით სარგებლობს ხელისუფლება, ცდილობს, ის თავისი პოლიტიკური დივიდენტების მისაღებად გამოიყენოს და ცდილობს, გააგრძელოს რეპრესიები პოლიტიკური ოპონენტების მიმართ. ამიტომ ეს ძალიან მნიშვნელოვანია, რომ ამ დროს სრულიად დამოუკიდებელმა ცნობილმა ექსპერტმა გააკეთა დასკვნა, სადაც ამხილა პრაქტიკულად ეს 2 წლიანი პროცესი, რომელიც ჩვენ წინააღმდეგ მიმდინარეობს. ყველა სახელმწიფო ინსტრუმენტის გამოყენება ხდებოდა 2 წლის განმავლობაში ჩვენ წინააღმდეგ, მაგრამ რაც მთავარია, დღეს ჩვენ ვართ იმ ეტაპზე, როდესაც უნდა დავიწყოთ ამ მანკიერი სისტემის ნელ-ნელა გასტუმრება და ჩვენ უნდა ერთხელ და სამუდამოდ მივაღწიოთ ჩვენს ქვეყანაში კანონის უზენაესობას. ეს არის მთავარი მიზანი, ეს არის თავისუფლების ძირითადი წყარო - კანონის უზენაესობა და ჩვენ ამას უნდა მივაღწიოთ ჩვენი ქვეყნის საკეთილდღეოდ"- განაცხადა ბადრი ჯაფარიძემ.