6 votes
0 comments
0 shares
Save
9 views
George Toreli
Tbilisi · 9 months ago

შეტყობინება რომ მომდის ხმა არ აქვს და ეს გამოასწორეთ თხოვნა მაქვს!


George Toreli
Tbilisi · 9 months ago
Similar Posts
Headline
Tbilisi, Georgia · 4 months ago
სტატია წავიკითხე, რომელშიც გერმანიის ერთ-ერთ დაწყებით სკოლაში მომუშავე ქართველი ჰყვება იქაური განათლების სისტემის შესახებ. ჩამოვუყევი კომენტარებს და ისეთი ამბავი ხდება, ისე ჰყავთ "აღზრდილ-განათლებულ" ქართველებს მიწასთან გასწორებული ის გოგოც და განსაკუთრებით გერმანიის განათლების სისტემა, სურვილი გამიჩნდა იტალიურ სკოლაზე დამეწერა. პრობლემის მოგვარება, პრობლემის აღიარებით იწყება. უნდა ვაღიაროთ, რომ საქართველოს განათლების სისტემა არის ცუდი და სკოლებში ხდება კატასტროფა. საიდანღაც მაინც უნდა დავიწყოთ ვითარების გამოსწორება, თორემ ისევ ისეთი არასწორი აზროვნების თაობას გავზრდით, რა ხალხიც ზემოთნახსენები სტატიის კომენტარებში ვნახე. ჩემი შვილი, იტალიის ერთ-ერთი სკოლის მაღალ (სრული საშუალო) კლასში სწავლობს და მშობლის პოზიციიდან გეტყვით, რა ხდება იტალიურ სკოლაში ... სწავლა იწყება 8 საათზე და დღეში აქვთ 4/5/6 გაკვეთილი, იმის მიხედვით, სწავლობენ თუ არა შაბათს. ამას კი, წლის დასაწყისში, მოსწავლე თავად ირჩევს. - სკოლა არის 13-წლიანი. 5 წელი - დაწყებითები, 3 წელი - არასრული საშუალო (სავალდებულო), 5 წელი - სრული საშუალო (არასავალდებულო და პროფილური). როგორც კი დაირეკება ზარი, სკოლის კარი იკეტება და იქიდან ბავშვი სწავლის პროცესის დამთავრებამდე, ნაბიჯს ვერ გადადგამს გარეთ, თუ მშობელმა არ მიაკითხა ადრე წასაყვანად. - ბავშვი, სკოლიდან დროზე ადრე შეუძლიათ წაიყვანონ მხოლოდ მშობლებმა, ან სრულწლოვანმა გარეშე პირმა, თუ მას აქვს მშობლის წერილობითი მინდობილობა. მინდობილობასთან ერთად, მიმღებში ამ პირმა უნდა წარადგინოს პირადობის დამადასტურებელი საბუთი. სკოლას აქვს საკუთარი აპლიკაცია, სადაც ავტომატურ რეჟიმში და რეალურ დროში მომდის ინფორმაცია ჩემს შვილზე, თუ რა გაკვეთილები აქვს იმ დღეს, მომდის შეტყობინება 5-წუთიანი დაგვიანების შემთხვევაშიც კი, საუბარი აღარ მაქვს გაცდენაზე. ამავე აპლიკაციით ჩემს შვილზე ადრე ვიგებ, რა ნიშანი მიიღო ამა თუ იმ საგანში. იგივე აპლიკაციით შემიძლია შეხვედრა დავნიშნო ნებისმიერ მასწავლებელთან. თითო მასწავლებელს გამოყოფილი აქვს კვირაში ერთი დღე მშობლებთან შესახვედრად და ამისთვის იყენებენ ე.წ. ფანჯარას. ამასთანავე, კლასის დამრიგებელი, მუდმივად კონტაქტზეა მშობლებთანაც და ბავშვებთანაც. უცხოელი ბავშვებისთვის არის იტალიური ენის შემსწავლელი უფასო კურსები. სკოლა ორგანიზებას უკეთებს ასევე უფასო მოსამზადებელ კურსებს ბავშვებისთვის, რომლებიც იმ სემესტრში რაიმე კონკრეტულ საგანში ჩამორჩნენ. თუ ვინმეს საშემოდგომო გამოყვა და ეს, არც თუ ისე იშვიათად ხდება, რადგან სწავლა მართლა რთულია და თან მასწავლებლები ნიშანს არავის ჩუქნიან, ასევე სკოლა ზრუნავს იმაზე, რომ მოსწავლეს ის საგანი დააძლევინოს და საშემოდგომოს გამოცდისთვის ამზადებს. კლასს ჰყავს ორი წარმომადგენელი (თანაკლასელი), რომლებსაც თავად ბავშვები ირჩევენ და რომლებიც რაიმე პრობლემის ან ინიციატივის შემთხვევაში, მთელი კლასის აზრს წარადგენს დამრიგებელთან, დირექტორთან და ა.შ. ასევე მშობლები ვირჩევთ ორ წარმომადგენელს. გვაქვს საერთო ჩათი, სადაც განვიხილავთ პრობლემებს ან ერთმანეთს ვაწვდით ინფორმაციას, რომ ვინმეს რაიმე არ გამორჩეს. ჩვენი წარმომადგენლები, ჩვენი ხმაა სკოლაში. სკოლა, ყოველ წელს, ირჩევს ორ მოსწავლეს, რომელიც დირექციასთან ერთად არიან წარმომადგენლები ქალაქის კომუნაში, განათლების სამინისტროში და ა.შ. სკოლაში ფუნქციონირებს ფსიქოლოგის უფასო მომსახურება მოსწავლისთვისაც და მშობლებისთვისაც. ფსიქოლოგთან შეხვედრაც აპლიკაციის საშუალებით ან პირადად შეგიძლია დანიშნო. მოსწავლეებს აქვთ დღიური, დაახლოებით ისეთი, კომუნისტების დროს რომ იყო, რომელშიც ჩაკრულია მოსწავლის ფოტო და არის მშობლის ხელმოწერა. დღიურში სხვა ინფორმაციასთან ერთად, იწერება ნებისმიერ გაცდენაზე ან დაგვიანებაზე დასტური მშობლის ხელმოწერით. რელიგია არის არჩევითი საგანი. წელიწადში ერთხელ, სკოლა (და არა მშობლები) ორგანიზებას უკეთებს ექსკურსიას, რომელსაც მიყვება ორი მასწავლებელი და არცერთი მშობელი. დამამთავრებელი კლასები ექსკურსიაზე ევროპის სხვა რომელიმე ქვეყანაში მიჰყავთ 3/4 დღით. ორგანიზება უკეთდება ასევე თეატრებში სპექტაკლებზე დასწრებას. ერთ-ერთი სპექტაკლი იყო ინგლისურ ენაზე, ბავშვებში უცხო ენის ცოდნის გამყარების მიზნით. პერიოდულად ტარდება ოლიმპიადები სხვადასხვა საგნებში და სკოლა მსურველებს თავად ამზადებს ოლიმპიადისთვის. სპორტის გაკვეთილი ყოველთვის სკოლის დარბაზში არ ტარდება. მასწავლებელს ბავშვები სპორტულ ცენტრში ან ყინულზე სასრიალოდ მიჰყავს. თუ მოხდა ისე, რომ გაკვეთილი ცდება და ეს ძალიან იშვიათად ხდება, ბავშვებს კლასში მარტო არ ტოვებენ და შედის ასისტენტი, რიგ შემთხვევაში, აყურებინებენ შემეცნებით/დოკუმენტურ ფილმს. წელიწადში ერთხელ სკოლაში ტარდება რამდენიმედღიანი ფორუმი, რომელიც მოსწავლეებს საშუალებას აძლევს, გამოავლინონ საკუთარი თავი და განავითარონ საკუთარი შესაძლებლობები სხვადასხვა სფეროში იქნება ეს სპორტი, ხელოვნება თუ შემეცნებითი აქტივობები. სკოლაში პერიოდულად ტარდება შემეცნებითი გაკვეთილები ბულინგის, დისკრიმინაციისა და სხვა პრობლემური თემების შესახებ. თუ დამრიგებელი ხედავს, რომ ბავშვებს შორის არის დაძაბულობა, იწყებს პრობლემის გარკვევას და ამ პრობლემის მოგვარებაზე ზრუნვას. ბავშვების პირდაპირი დაკითხვის გარეშე, რა თქმა უნდა. და ეს, ყველაფერი არ არის... თანაც მე მაღალ კლასებზე მქონდა აქცენტი, ანუ 14-18 წლის მოზარდებზე, დაწყებით და არასრულ საშუალო სკოლებში, ეს ყველაფერი, კიდევ უფრო მყარად და თამაშის კონტექსტში ხდება. P.s. სტატია ჩვენ არ გვეკუთვნის. სტატია გამოქვეყნებულია kvirispalitra.ge-ს მიერ. #news
რადიო თავისუფლება Radio Tavisupleba
Tbilisi, Georgia · 13 hours ago
კაპანაძე ამბობს, რომ წულუკიანი შენგელიას საქმეზე კანონს არღვევს და პარლამენტში იბარებს
"ევროპული საქართველოს" წევრი, სერგი კაპანაძე იუსტიციის მინისტრს, თეა წულუკიანს პარლამენტში იბარებს და ნოტარიუს ბაჩანა შენგელაიას უფლებამოსილების არ აღდგენასთან დაკავშირებით კანონდარღვევაში ადანაშაულებს. კაპანაძემ ამის შესახებ პარლამენტის ბიუროს სხდომაზე ისაუბრა. "ქალბატონი წულუკიანი სასამართლოს ბრძანებას არ ასრულებს, რაც არის პირდაპირ სისხლის სამართლის კოდექსის დარღვევა. ჩვენ მოვითხოვეთ 2 კვირის წინ კომიტეტის სხდომაზე მოსვლა და ამ კითხვებზე პასუხის გაცემა. თხოვნა მაქვს თქვენთან, იქნებ, უზრუნველყოთ, მოვიდეს პარლამენტში და რაც დადასტურებულია, კანონს არღვევს, ამასთან დაკავშირებით გასცეს პასუხი პარლამენტს", - მიმართა სერგი კაპანაძემ პარლამენტის თავმჯდომარე, არჩილ თალაკვაძეს. დეპუტატს მოთხოვნაზე ადამიანის უფლებათა კომიტეტის თავმჯდომარემ, სოფო კილაძემ უპასუხა. მისი თქმით, მათ წულუკიანის პასუხების მოსმენა მოთხოვნის დაყენებამდე რამდენიმე დღით ადრე შეეძლოთ. "მე რამდენადაც ვიცი, გარკვეული ტექნიკური თემებია, რაც შეიძლება მინისტრს პირდაპირ არ ეხებოდეს და მე დარწმუნებული ვარ, კანონი აღსრულდება და სასამართლოს გადაწყვეტილებაც კანონის დადგენილ ფორმაში იქნება აღსრულებული", - თქვა სოფო კილაძემ, რომელსაც კაპანაძემ შეახსენა, რომ შენგელიას თანამდებობაზე აღდგენის საკითხი წულუკიანის პარლამენტში მისვლის შემდეგ დადგა. არჩილ თალაკვაძემ თქვა, რომ მას არ აქვს დეტალური ინფორმაცია შენგელიას საქმეზე სასამართლოს განჩინების შესახებ. მან, ასევე, აღნიშნა, რომ დარწმუნებულია, წულუკიანი მივა პარლამენტში და რეგლამენტის ფარგლებში უპასუხებს კითხვებს. ბაჩანა შენგელია რამდენიმე დღეა იუსტიციის სამინისტროდან უშედეგოდ ითხოვს, რომ მას კვლავ ჰქონდეს ნოტარიუსისთვის საჭირო პლატფორმებზე წვდომა. მას ეს უფლება რამდენიმე კვირის წინ მის წინააღმდეგ დაწყებული ადმინისტრაციული წარმოების ფარგლებში შეუჩერეს. მან ეს დოკუმენტი სასამართლოში გაასაჩივრა და სასამართლომ იუსტიციის სამინისტროს დაავალა შენგელიასთვის პროგრამებზე წვდომა მიეცა. რამდენიმე კვირის წინ ფეისბუკზე გამოქვეყნებული სტატუსის გამო იუსტიციის სამინისტრომ ბაჩანა შენგელიას წინააღმდეგ დისციპლინური წარმოება დაიწყო და საქმიანობა შეუჩერა. თავად შენგელია დისციპლინური წარმოების დაწყებას "ვითომ სამართლებრივ" პროცესს უწოდებდა და დედის, ია კერზაიას საქმეზე გამოძიების დაწყების მოთხოვნას უკავშირებდა. მან ეს საქმე სტრასბურგის ადამიანის უფლებათა სასამართლოშიც წაიღო. ზუგდიდის მე-6 საჯარო სკოლის დირექტორი ია კერზაია 2018 წლის 9 დეკემბერს, ინსულტით გარდაიცვალა. მისი შვილი, ბაჩანა შენგელია გარდაცვალების მიზეზად ასახელებს ჯანმრთელობის გაუარესებას სკოლაში დაწყებული შემოწმების გამო. მისი განცხადებით, განათლების სამინისტროს მხრიდან ინსპექტირების რეალური მიზეზი იყო ია კერზაიას უარი საპრეზიდენტო არჩევნების პერიოდში მმართველი პარტიის მიერ მხარდაჭერილი კანდიდატის სასარგებლოდ მუშაობაზე. საქართველოს პროკურატურა 2019 წლის თებერვლიდან იძიებდა ზუგდიდის მე-6 საჯარო სკოლაში 2018 წლის ნოემბერში ჩატარებული ინსპექტირებისას სავარაუდო კანონდარღვევის ფაქტებს. 23 აგვისტოს კი პროკურატურამ განცხადება გაავრცელა, რომლის თანახმადაც, დანაშაულის ნიშნების არარსებობის საფუძველზე, ზუგდიდის მეექვსე საჯარო სკოლის ინსპექტირებასთან დაკავშირებულ სისხლის სამართლის საქმეზე გამოძიება შეწყდა.#ახალი_ამბები#twitter
Gvantsa Kikvadze
Tbilisi, Georgia · 1 month ago
+18 პოტენციური ადამიანის მკვლელები - სასტიკად ნაწამები ცხოველები.
როდემდე შეიძლება გაგრძელდეს ასე?! როდის იმოქმედებს კანონი, ასეთი უსისხლო და უსულო ადამიანებისათვის? ყოველდღე ახლა-ახალი პოსტი იდება, საქართველოში ამა და ამ ადგილას აწამეს ძაღლი, კატა, ჩიტი.... როდის უნდა ამოქმედდეს უმწეო ცხოველებისათვის აწ უკვე დაწერილი კანონი, რომელსაც ჩირის ფასი აქვს?? მშობლები როდის უნდა მოვიდნენ გონს და შვილები კი არ გაზარდონ, არამედ, აღზარდონ, ასწავლონ სიყვარული, აუხსნან რა შეიძლება, რა - არა, რა არის სადიზმი, რა არის მკვლელობა. შესავალს დავძენ იმას რომ ცნობილი სერიული მკვლელები,როგორებიც არიან - დეივიდ ბერკოვიცი, ჯეფრი დალმერი, ალბერტ დესალვო, თედ ბუნდი და ა.შ. დაიწყეს ცხოველების წამებით და დაასრულეს ათობით ადამიანის სასტიკი მკვლელობით. ახლა კი გიამბობთ ფოტოების ისტორიებსაც. პირველ ფოტოზე გამოსახულია ძაღლი, რომელიც 24 მაისს რაჭიდან, კონკრეტულად ონიდან თამაზ ელიზბარაშვილის თავშესაფარში ჩამოიყვანეს ტყვიით დაჭრილი. ცუგოს გადარჩენა ვერ შეძლეს. ჩაუტარდა ექსპერტიზა, რომელმაც საშინელ ფაქტებს მოჰფინა ნათელი. ძაღლა აღენიშნებოდა ზედა და ქვედა ყბის მექანიკური დაზიანება, ცხვირის ღრუსა და ბრონქების მექანიკური დაზიანება, შინაგანი ორგანოების დაზიანება, კუჭი შეიცავდა სისხლოვან სითხე. (ეს მოკლე მიმოხილვაა ექსპერტიზის) მეორე ფოტოზე ნაჩვენებია ძაღლი, რომელზეც გუშინ დაპოსტა ერთ-ერთმა კეთილმა ადამიანმა, რომელმაც ცუგოს დახმარება გაუწია და გვერდიდან არ მოშორებია. "ქობულეთში ამ ღამით ვიღაცამ მანქანა გააჩერა და ქუჩაში ძაღლს ესროლა,ხმა გავიგე გავიქეცი მაგრამ ვერმიუსწარი ვინიყო,წავიდა და დაიძინა თავის ოჯახთან ერთად!!! მეკი სისხლში ვარ ამოსვრილი და ძაღლს თავთან უზივარ როგორ გადაიტანს,ყველა ადამიანი თავისი ცოდვის მიხედვით ისჯება!!!ვიღაცამ მითხრა ქათმებს დაზდევენ და მაგიტომ ესვრიანო,არმესმის ამხელა აგრესია,თუმცა მესმის უბედურება რატომ გადადის შთამომავლობით!!ასეთ დღეში ჩააგდო ღმერთმა!!რატომ ვერვესწრები ასეთ ფაქტებს რატომ ვერვასწრებ ასეთ ადამიანებს დანაშაულის დროს..მადლობა გიორგი კალანდაძე რომელმაც ამღამე გამიწია დახმარება,რომლის იმედი მუდამ მაქვს!!!" - წერს ქალბატონი რუსო. მესამე და მეოთხე ფოტო რეალურად ვიდეოს სქრინებია. ეს ამბავი გუშინ მოხდა. ორი გერმანული ნაგაზის პატრონი, არასრულწლოვანი ბიჭი (სახელსა და გვარს შეგნებულად არ ვასახელებ) თავის ძაღლს მოუწოდებს უმწეო ცუგოს დახრჩობისა და მოკვლისაკენ. ვიდეოში შემზარავი, ამაზრზენი სიტყვები და განწირული ძაღლის უკანასკნელი ტირილი შემაძრწუნებელია! ნანახის შემდეგ სიტყვები არ მყოფნის, არ ვიცი საერთოდ კანონი რისთვისაა?! ფარატინა ფურცელზე აბზაცები ადამიანებისათვის არ იწერება?! მე-5 ფოტოს ისტორიაც ახლახანს მოხდა. საგარეჯოში ძაღლს ჯერ კიდურები დააჭრეს, შემდეგ კი დაწვეს... რა დავამატო არ ვიცი.. ბოლო ფოტოზე, როგორც ხედავთ ფისოა, რომელსაც რეალურად პატრონი ჰყავდა. სამსახურიდან დაბრუნებულს კი თავისი ორი კატა ნაწამები დახვდა. ეს ფისო კი განსაკუთრებული ტანჯვით გარდაიცვალა. ამ დანაშაულშიც არასრულწლოვნები არიან გახვეულები. ფისოს კიდურები დააჭრეს, საბოლოოდ კი იძულებულები გახდნენ დაეძინებინათ, ვინაიდან კატა იტანჯებოდა. ეს ის კატაა, რომელიც პატრონმა კნუტობიდან გამოზარდა, უყვარდა, უვლიდა, ერთ დღესაც კი მომაკვდავი დახვდა. კიდევ ბევრი შემთხვევაა, დიახ, არის და იქნება, მანამ სანამ ხმას არ ამოვიღებთ, რათა დაისაჯოს თითოეული ცივსისხლიანი ადამიანი, არ მაინტერესებს ის იქნება სრულწლოვანი, თუ მოზრდილი პირი. ცხოველები ვერ საუბრობენ, ამიტომ მათი ხმა ჩვენ უნდა ვიყოთ, ისინი ვერ მივლენ სასამართლოში საჩივარზე და ვერ დაიწუწუნებენ უფლებებს მირღვევენო, მაწამებენო, ირღვევა მათი ბაზისური უფლება - სიცოცხლის უფლება. #ახალიამბები #news #ცხოველები #animals #tbilisidaily
+4
Kutaisi Daily
Kutaisi, Georgia · 2 months ago
მეტი ყურადღება აბიტურიენტს - ქუთაისელი სკოლის მოსწავლე განათლების სამინისტროსგან პასუხებს ელის
დღეს ცვლილება შევიდა ბრძანებაში (დადგენილება N181), სადაც აღნიშნულია, რომ საგანმანათლებლო დაწესებულებებში საგანგებო მდგომარეობის მოქმედების ვადით სასწავლო პროცესი შეჩერებული იქნება. ჯერჯერობით უცნობია აბიტურიენტების ბედი - ჩატარდება თუ არა ერთიანი ეროვნული გამოცდები ან განახლება თუ არა სასწავლო პროცესი ? ბრძანებაში ამ საკითხზე ყურადღება არ მახვილდება. ამის ფონზე სოციალურ ქსელ „ფეისბუქზე“ აბიტურიენტები თავიანთ სათქმელს ერთი ჰეშთეგის ქვეშ აერთიანებენ - #მეტიყურადღებააბიტურიენტს. ფეისბუქზე ამავე სახელწოდებს ივენთიც გამოჩნდა, რომელსაც უფრო და უფრო მეტი მე-12 კლასელი უერთდება. ინიციატივის ავტორი ქუთაისელი ლუი კაცაძეა. ის kutaisidaily-ს თანატოლების პრობლემებზე ესაუბრა და გულისტკივილიც გაუზიარა, მისივე თქმით, ონლაინ სწავლებას თან ახლავს კომუნიკაციის პრობლემა, რაც პროცესს ნაკლებშედეგიანს ხდის: პირველ რიგში, ონლაინ სწავლება დაკავშირებულია ხარვეზებთან, რაც გამოიხატება ინტენეტთან წვდომის დროს შეფერხებებიში - ხშირად არ სჩანს გამოსახულება, კარგად არ ისმის ხმა. რთულია ტექნიკური საგნების ონლაინ შესწავლა, განსაკუთრებული პრობლემების წინაშე აღმოჩნდნენ აბიტურინტები. მათი დიდი ნაწილი აღნიშნავს, რომ მიუხედავად იმისა, რომ შეგვიძლია იმაზე მეტჯერ ჩავატაროთ ონლაინ გაკვეთილები, ვიდრე რეპეტიტორტან დავდიოდით, ეს მაინც არ გვაძლევს ხარისხიანი სწავლის საშუალებას. მით უფრო თუ ეს ეხება უცხო ენას და ტექნიკურ საგნებს. რთულია ეროვნული საგამოცდო ტესტებზე მუშაობა. ზოგ აბიტურიენტს არ აქვს კომპიუტერი და გაკვეთილებს ტელეფონის საშუალბით ესწრება. ის აბიტურინტები, რომლებიც ქალაქგარეთ არიან მათთვის უფრო რთულადაა საქმე, რადგან საერთოდ არ აქვთ ინტერნეტთან წვდომა. სწორედ ამ მიზეზების გამო ვფიქრობ, რომ ონლაინ სწავლება გაუმართავია. ვფიქრობ, ჩვენი განათლების სისტემა არ იყო მზად მსგავსი გაკვეთილების ჩატარებისთვის. - რა არის შენი „ფეისბუქ ივენთის“ მიზანი? მქონდა ინიციატივა, რომ განათლების სამინისტროთვის და ეროვნული საგამოცდო ცენტრისთვის მიგვეწვდინა ჩვენი ხმა. ეს იდეა გავაჟღერე სოციალურ ქსელ „ფეისბუქის“ ერთ-ერთ ჯგუფში „აბიტურინეტები 2020“, სადაც ძალიან მოეწონათ იდეა. ბევრ სხვა ჩემს თანატოლსაც სურს გაიგოს, როდის და რა ფორმით ჩატარდება ერთიანი ეროვნული გამოცდები. ეს საკითხი ნამდვილად ყურადსაღებია. ვფიქორბთ, რომ იმ პრობლემების გათვალისწინებით, რაც ონლაინ გაკვეთილებს აქვს უნდა იყოს გათვლისწინებული, გამოცდების ჩატარების დრო. ჩვენ ჩევქმენით ჰეშთეგი #მეტიყურადრებააბიტურიენტს და შემდგომ განვათვასე ღონისძიება სოციალურ ქსელში, რომელსაც დრო და დრო მეტი აბიტურიენტი უერთდება. ლუის კიდევ ერთი ინიციატივა აქვს. მისი შეთავაზება ყველა მეთორმეტე კლასელს ეხება: „ყველაზე გულსატკენი ისაა, რომ ბოლო ზარი და ბანკეტი არ გვექნება, მაისურებს წარწერებით ვერ ავაჭრელებთ, ვერ დავრეკავთ ბოლოჯერ ზარს. ალბათ, ერთადერთი გამოშვება ვიქნებით 2020 წლის მე-12 კლასელები, რომლებიც მიუხედავად იმისა, რომ უკვე წლებია ველოდებით ამ ბოლო ზარსა და ბანკეტს, სკოლას სახლში დავსრულებთ და ერთი მოგონებაც არ დაგვრჩება. მაქვს ასეთი ინიციატივა- თუ ახლა მე-12 კლასელებს არ გვაქვს ბოლო ზარი, მომავალი სასწავლო წლის დასაწყისში მივიდეთ უკვე სკოლადამთავრებულები სკოლაში თეთრი მაისურებით და ის პირვლკლასელები, რომელბიც სკოლას ახლა იწყებენ გავაცილოთ ცოდნის გზაზე. მათი პირველი ზარი სკოლაში იქნება ჩვენი ბოლო ზარი", - ამბობს ლუი. #მეტიყურადღებააბიტურიენტს #ლუიკაცაძე #განათლებისსამინისტრო #kutaisidaily
Tbilisi Daily
Tbilisi, Georgia · 3 weeks ago
სრული აბსურდი და დეზინფორმაცია!!!-გერმანიაში მყოფი ქართველი ექიმი მედიას მიმართავს
#სრული #აბსურდი და #დეზინფორმაცია!!! - ასე მიმართავს ქართველი ექიმი თამარ ჟამურაშვილი მედიას. ის წლებია გერმანიაში მუშაობს და პანდემიის პერიოდში უშუალოდ კოვიდინფიცირებულებს მკირნალობს. ქართველი ექიმი არასეორი ინფორმაციის გავრცელებას აპროტესტებს, რომლის მიხედვითაც თითქოს გერმანელმა ექსპერტებმა კვლევებისას დაადგინეს, რომ კორონავირუსით გამოწვეული სიკვდილიანობა მხოლოდ 0.03% -ია. ‼️ასეთ რთულ სიტუაციაში არ ვიცი, რომელი უფრო დანაშაულია, ექიმმა რომ პაციენტს შხამი მისცეს წამლის ნაცვლად თუ ჟურნალისტებმა სენსაციური დეზინფორმაცია ავრცელოთ?? მე ერთი შემომაკვდება და თქვენ ალბათ მილიონი!!! ❗️❗️❗️❗️❗️ ყველა ჟურნალისტს არ ეხება საბედნიეროდ❗️❗️❗️❗️❗️ ‼️ჟურნალისტებო ექიმების შემდეგ პირველები ხართ ასეთ სიტუაციაში, ვინც ხალხს ეხმარება ან აზარალებს და თუ ასე გააგრძელებთ პანდემიის ბოლოს ფსიქიკა შერყეული ერი გვეყოლება!!! ‼️ თუ ასე გააგრძელებთ, ხალხს ძალიან გაუჭირდება სიმართლის და ტყუილის გარჩევა, უკვე ბევრს უჭირს და ასეთ შემთხვევაში რაიმე ღონისძიების გატარება შეუძლებელი გახდება. ამის მაგალითები უხვად გვაქვს ახლო სამეზობლოშიც! ‼️ ჟურნალისტებო სენსაციური სათაურების დრო არ არის, უფრო სწორად სირცხვილი და ხალხის ღალატია!! ✅ ეხლა კი რაც კონკრეტულად ამ სტატიას შეეხება: მოძველებული ინფორმაციის შესახებ გსმენიათ რაიმე? ეს მარტის დროინდელი ინფორმაციაა და მაშინაც კი გერმანიაში არავის გაუზირებია! პროფ. შტრიკის აზრებს გერმანიაში ზოგადად ამ პანდემიის მართვაში არანაირი მნიშვნელობა არ ენიჭება! ბევრად კომპეტენტური ხალხია ჩართული და მათი აზრები რომ გეთარგმნათ ბევრად სასარგებლო იქნებოდა... ❗️1. ტყუილია რომ გაკვეთის შედეგად ვირუსის აღმოჩენა ვერ მოხერხდა!!! ვირუსი მიკროსკოპულად ყველა ორგანოში, ქსოვილსა თუ სითხეშია აღმოჩენილი (გული, თირკმელი, ტვინი, ფილტვი, კუჭ-ნაწლავი, შარდი, განავალი, სპერმა), ყველგან!!! ❎ რაც შეეხება ბ-ნი შტრიკის იმ განცხადებას, რომ მის მიერ გაკვეთილ გვამებში ვირუსი ვერ ინახა, შეგახსენებთ ეს მხოლოდ დასაწყისში რამოდენიმე გაკვეთაზეა საუბარი. ამასაც აქვს ლოგიკური ახსნა! ვირუსი შეიჭრება ორგანიზმში, გამოიწვევს კოვიდ-19-ს და რამდენიმე დღეში ორგანიზმში აღარ არის, თუმცა მის მიერ გამოწვეული პროცესები და დაავადება გრძელდება. თუ ასეთი ადამიანი თვეების შემდეგ გარდაიცვლება, რა თქმა უნდა მის ორგანიზმში ვირუსი აღარ იქნება! ❗️2. ხშირად მომდის კითხვა, თვეების წინ თუ კორონა ჰქონდა და ეხლა გარდაიცვალა, კორონას რატომ მიაწერეს? აქვე განვმარტავ: კორონა, უფრო სწორად SARS-CoV-2 არის ვირუსი, რომელიც ორგანიზმში შეჭრის შემდეგ იწვევს ორგანოების დაზიანებას, ყვეეეელა ორგანო შეიძლება დაზიანდეს და ამ მდგომარეობას ჰქვია CoViD-19 ანუ Corona (Co) Virus (Vi) Diseases (Di) ქართულად დაავადება. ანუ კორონა ვირუსის მიერ გამოწვეული დაავადება არის კოვიდ-19. აქედან გამომდინარე თუ ადამიანს მარტში შეხვდა კორონა ვირუსი, რომელმაც კოვიდ-19 გამოიწვია და ეს ადამიანი ივნისში გარდაიცვალა, რა თქმა უნდა გარდაცვალების მიზეზი კოვიდ-19-ია! ❗️3. ადამიანებს, რომლებსაც სხვა დაავადებები აქვთ და შეხვდებათ კორონა ვირუსი, მაღალი რისკი აქვთ კოვიდ-19-ის რთული ფორმა განუვითარდეთ. ეს კი არამც და არამც (!!!) არ ნიშნავს, რომ ეს ადამიანები იმიტომ გარდაიცვალნენ, რომ არტერიული ჰიპერტონია ან დიაბეტი ჰქონდათ, არა (!!) ამ ადამიანებს შეხვდათ ვირუსი და ამ ქრონიკული დაავადებების გამო განუვითარდათ კოვიდ-19-ის რთული ფორმა. ანუ ვირუსი რომ არ შეხვედროდათ ათწლეულები იცხოვრებდნენ იმ დიაბეტით და ჰიპერტონიით. ამიტომ აქაც გარდაცვალების მიზეზი არის, რა თქმა უნდა კოვიდ-19!!! ✅ დიდი ხანია ამ სტატიას გვერდს ვუვლი, მაგრამ საკუთარი დედაც რომ გამოგიგზავნის, გერმანელი პროფესორი ამბობსოოო, ძნელია იგნორირება... 😔 -წერს თამარ ჟამურაშვილი ფეისბუქში
Tbilisi Daily
Tbilisi, Georgia · 2 days ago
ვანო ჩხარტიშვილი ხაზარაძესთან და ივანიშვილთან შეხვედრაზე
“მე ორი სასამართლო მაქვს მოგებული და მე რატომ უნდა მივსულიყავი ბატონ ბიძინასთან და მე რატომ უნდა მეთხოვა შეხვედრის ორგანიზება?! თხოვნა მოდიოდა ხაზარაძის მხრიდან”, – ამის შესახებ ბიზნესმენმა ვანო ჩხარტიშვილმა “ლელოს” ლიდერ მამუკა ხაზარაძეზე საუბრის შესახებ “ღამის კურიერში” განაცხადა. მისი თქმით, იქ იყო მეგობრული გარჩევა თუ ამას გარჩევა შეიძლება ეწოდოს. ამბობს, რომ ამ შეხვედრაზე პროკურორს ხმაც კი არ ამოუღია. თუ რამე თქვა, გამოდის, რომ პროკურორიც მის საზიანოდ მოქმედებდა. “მე ორი სასამართლო მაქვს მოგებული და მე რატომ უნდა მივსულიყავი ბატონ ბიძინასთან და მე რატომ უნდა მეთხოვა შეხვედრის ორგანიზება?! თხოვნა მოდიოდა ხაზარაძის მხრიდან. ამბობდა, რომ თითქოს ერთ მოსამართლეს ეწერებოდა. ორივე საქმე, “თიბისი ბანკთან” და წისქვილომბინატის საქმე მოსამართლემ ერთი შინაარსის საქმედ ჩათვალა და დაიწყო განხილვა. შეხვედრა, რომელიც შედგა, იყო შეცდომა. იქ მსხდომმა ადამიანებმა ნათლად დაინახეს, ვისკენ იყო სიმართლე. იქ იყო მეგობრული გარჩევა, თუ მას გარჩევას დავარქმევთ. ამ შეხვედრაზე პროკურორს ხმაც კი არ ამოუღია. თუ რამე თქვა, გამოდის, რომ პროკურორიც ჩემდა საზიანოდ ყოფილა. ამ შეხვედრაზე გადაწყვეტილებები არ ყოფილა მიღებული. მოსმენილი იყო ეს ინფორმაცია. მე შეხვედრაზე მისვლა მთხოვა ბატონმა ბიძინა ივანიშვილმა. კიშეხვედრის მიზანი ვიცოდი, რომ ხომ არ შეიძლებოდა ეს საკითხი მოლაპარაკებით. ჩემი პირადი გადაწყვეტილება იყო სარჩელის გამოტანა, რადგან საბანკო სექტორი საფრთხის წინაშე იყო და მისი რღვევა დაიწყებოდა. არ მინდოდა ამ კრიზისის ინიციატორი ვყოფილიყავი”, – განაცხადა ვანო ჩხარტიშვილმა.
Pirveliradio Ge
Tbilisi, Georgia · 3 months ago
იმნაძემ და გამყრელიძემ მკაცრად უნდა შეაფასონ რელიგიური ორგანიზაციებიც-ბოკერია
"ევროპული საქართველოს" ერთ-ერთი ლიდერის, გიგა ბოკერიას თქმით, პოლიტიკური ჯგუფის მიმართ ზუგდიდში პირბადეების წესების დარღვევით დარიგების გამო კრიტიკა დამსახურებული იყო. ამავდროულად, ბოკერია დაავადებათა კონტროლის ეროვნული ცენტრის თავმჯდომარეს, ამირან გამყრელიძესა და მის მოადგილეს, პაატა იმნაძეს მოუწოდებს, რელიგიური ორგანიზაციები ისევე მკაცრად შეაფასონ, როგორც ზუგდიდში მომხდარი ინციდენტი შეაფასეს. "თხოვნა მაქვს მათთან, რომ იყვნენ თანმიმდევრული - როდესაც ასე მკაცრად დამსახურებულად აფასებენ ამას, ასეთივე მკაცრი შეფასება ჰქონდეთ რელიგიური ორგანიზაციების, ნებისმიერი, მათ შორის მართლმადიდებლური ეკლესიის მიმართ, სადაც რისკები ბევრად მეტია, როცა საუბარია ერთი კოვზით ზიარებაზე. აქ ჩვენ ასეთი მყარი გზავნილი ვერ მოვისმინეთ და ეს ცუდია", - თქვა გიგა ბოკერიამ. ბოკერიას ასევე აღნიშნა, რომ ინციდენტი სახელისუფლებო პროპაგანდამ ამ პოლიტიკური გუნდისა და მთლიანად ოპოზიციის წინააღმდეგ კამპანიისთვის გამოიყენა. "ევროპულ საქართველოს ჰყავს 50 მოხალისე, რომლებმაც გაიარეს ძალიან მკაცრი ტრენინგი ლუგარის ლაბორატორიის რჩევების მიხედვით. იქ ჩვენმა ტრენერებმა თვითონ გაიარეს ტრენინგი", - თქვა ბოკერიამ. გიგა ბოკერიას თქმით, კარგია, რომ ნაციონალური მოძრაობის ლიდერებმა შეცდომა სწრაფადვე აღიარეს, თუმცა "ცუდია, რომ ქვეყნის ფარგლებს გარეთ მყოფმა ლიდერმა დაიწყო საუბარი რაღაც შეთქმულებასა და პროვოკაციაზე." "გასაგებია სხვადასხვა ჯგუფის მხრიდან სურვილი, რომ დაეხმარონ ჩვენს ქვეყანას, რაც ნორმალური კი არა, საჭიროც არის. ბუნებრივია, ეს დახმარება არ შეიძლება, რომ იქცეს საფრთხედ", - თქვა ბოკერიამ.
თიკო ბერულავა
Khoni, Georgia · 3 months ago
#movies #quotesადამიანის გონება ვერასდროს შეძლებს უსასრულობის შეცნობას, ისევე როგორც ჭეშმარიტი სიყვარულის...ყველაფერს თავისი აზრი აქვს...არაა გამორიცხული,რომ დაბადებისას სიცოცხლესთან ერთად,ჩვენ უკვდავების ნიჭსაც ვიძენთ...ალბათ,მკითხავ,მაინც რატომ ვკვდებით?!... იმიტომ,რომ ჩვენი სიცოცხლის განმავლობაში მხოლოდ ერთ შეცდომას ვუშვებთ...მხოლოდ ერთს...მაგრამ სწორედ ის გვართმევს უფლებას ვიცოცხლოთ მარადიულად...უკვე მესმის შენი კითხვა : ,,მაინც რა შეცდომაა ეს?''....წინასწარ არავინ იცის მაგრამ ,როგორც კი ერთხელ დაუშვებ ამ შეცდომას,მაშინვე მოკვდავი ხდები...ო,რასაკვირველია,მაშინვე არგუმენტს მომიყვან,რომ ჯერ არავის უცხოვრია ისე დიდხანს,რომ ჩემი თეორიის ჭეშმარიტება დაემტკიცებინა და მართალიც იქნები,მაგრამ სამაგიეროდ სიმართლეა ისიც ,რომ ჯერ არავინ ყოფილა გამონაკლისი ამ წესიდან...ლოგიკა...ლოგიკა...მე მივხვდი რა იყო ჩემი შეცდომა...ეს ყველას არ შეუძლია ,მაგრამ მე მივხვდი...ჩემი შეცდომა ის იყო ,რომ ადრე არ შეგხვდი და უფრო დიდხანს ვერ ვიცხოვრე შენთან ერთად...ვფიქრობ,საკმაოდ კარგი მიზეზი იყო იმისთვის ,რომ უკვდავების ნიჭი ჩამოერთმიათ ჩემთვის....მე მინდოდა ჭკვიანური,ღრმა აზრით დამესრულებინა...მაგრამ...აზრად მხოლოდ ერთი რამ მომდის... მე შენ მიყვარხარ!.............. The Correspondence მიმოწერა