➡️ წალენჯიხის მუნიციპალიტეტის მედანის ადმინისტრაციულ ერთეულში საავტომობილო გზის 7 კილომეტიანი მონაკვეთის სრული რეაბილიტაცია დაიწყო. ამ ეტაპზე მიწის ვაკისის მოხსნა მიმდინარეობს. ➡️ სახარჯთაღრიცხვო ღირებულება შეადგენს 4 525 548 ლარს. სამშენებლო სამუშაოებს ტენდერში გამარჯვებული კომპანია პასაჟი-საქართველო ასრულებს. ➡️ პროექტი გააუმჯობესებს ადგილობრივი გზის უსაფრთხოებას და ხარისხს. ➡️ გზების გაუმჯობესება უმნიშვნელოვანესი პროცესია, რადგან ამ ტერიტორიაზე მცხოვრებთ 35 წელია უგზოობა აწუხებთ . ➡️ მიმდინარე სამუშაოები დაათვალიერეს წალენჯიხის მუნიციპალიტეტის მერმა ბესიკ ფარცვანიამ და მერიის ინფრასტრუქტურის, ურბანიზაციისა და მშენებლობის სამსახურის უფროსმა ჯემალ კვარაცხელიამ. ➡️ სამუშაოები რეგიონებში განსახორციელებელი პროექტების ფონდის დაფინანსებით ხორციელდება.

ქუთაისში, ავტოქარხნისა და ნიკეას უბნებში, ორი ახალი სკვერი ეწყობა. მიმდინარე სამუშაოები ქუთაისის მერის მოვალეობის შემსრულებელმა დავით ერემეიშვილმა დაათვალიერა. ავტოქარხნის ახალი სკვერის მოწყობის სამუშაოებს ტენდერში გამარჯვებული შპს "ნიუსთაილი" ასრულებს, რისთვისაც ადგილობრივი ბიუჯეტიდან 277 700 ლარი იხარჯება. ნიკეას ქუჩაზე სკვერის მშენებლობისთვის კი 155 300 ლარია განსაზღვრული, სამუშაოებს შპს "არადანი" აწარმოებს. ორივე სკვერში მოეწყობა თანამედროვე ტიპის საპარკე ინფრასტრუქტურა, საბავშვო, გასართობი და მოსასვენებელი ადგილები. ასევე კეთდება გარე განათება და გამწვანება. ნიკეას და ავტოქარხნის დასახლებებში ახალი სკვერების კეთილმოწყობა აგვისტოში დასრულდება.#საინტერესო #სიახლე #დღისსიახლეები #kutaisidaily #ახალიამბები

წალენჯიხის მუნიციპალიტეტის ჯგალის ადმინისტრაციულ ერთეულში საექიმო ამბულატორიის რეაბილიტაცია მიმდინარეობს. სარეაბილიტაციო სამუშაოებს ტენდერში გამარჯვებული შპს ზანგო-2015 ასრულებს. სახარჯთაღრიცხვო ღირებულება შეადგენს 84`172.00 ლარს. აღნიშნული სამუშაოების მიმდინარეობას წალენჯიხის მუნიციპალიტეტის მერი ბესიკ ფარცვანია ადგილზე გაეცნო . სამუშაოების დასრულების შემდეგ, მოსახლეობას შესაძლებლობა ექნება საჭიროების შემთხვევაში, ადგილზე მიიღონ პირველადი სამედიცინო მომსახურება კომფორტულ და შესაბამისად აღჭურვილ გარემოში.

ქუთაისში სახელოვნებო და მუსიკალური სკოლების სარეაბილიტაციო სამუშაოები მიმდინარეობს. სამუშაო პროცესს მერის მოვალეობის შემსრულებელი დავით ერემეიშვილი გაეცნო. ქალაქის პირველ, მეორე და მესამე სამუსიკო სასწავლებლებში სარემონტო სამუშაოები მიმდინარე წლის აგვისტოს თვეში დასრულდება. პარალელურად, სამუშაოები მიმდინარეობს სახელოვნებო სკოლაშიც. ხელოვნების სკოლის სრული რეაბილიტაციისთვის 370000 ლარზე მეტია გამოყოფილი. გარემონტდება როგორც ფასადი, ასევე შეიცვლება შიდა ინფრასტრუქტურაც. თანამედროვე სტანდარტების შესაბამისი რეაბილიტაცია ჩაუტარდებათ სამუსიკო სკოლებსაც: დამონტაჟდება განათების, წყალგაყვანილობის და ცენტრალური გათბობის ახალი სისტემები. სამუსიკო სკოლების რეაბილიტაციისთვის 600 ათასი ლარი იხარჯება, სამუშაოებს ტენდერში გამარჯვებული ფირმა "კოდორი 2014" ასრულებს.#ქუთაისი #ქუთაისისმერია #ხელოვნება #მუსიკა #kutaisidaily#ახალიამბები

რეგიონული განვითარებისა და ინფრასტრუქტურის სამინისტრო, ქვეყნის მასშტაბით, განათლების ინფრასტრუქტურის მშენებლობა-რეაბილიტაციას განაგრძობს. გასულ წელს, რეგიონებში განსახორციელებელი პროექტების ფონდის მეშვეობით, 640 სკოლისათვის 40 მილიონი ლარით დაფინანსდა 733 პროექტი: 329 სკოლაში მოეწყო სველი წერტილები, გადაიხურა 94 სკოლა, 62 სკოლაში დამონტაჟდა გათბობის სისტემა, შეიცვალა 74 სკოლის კარ-ფანჯარა, მოეწყო 77 სკოლის ოთახები და დერეფნები, გარემონტდა 59 სკოლის სპორტ-დარბაზი, 38 სკოლაში მოწესრიგდა ელექტრო-სისტემები. ამ მიმართულებით, წელსაც 40 მილიონი ლარია გამოყოფილი და ამ ეტაპზე, განსახორციელებელი პროექტების გეგმა-გრაფიკზე მიმდინარეობს მუშაობა. სრულად, გასულ წელს, განათლების ინფრასტრუქტურის პროექტები, 260 მილიონი ლარით დაფინანსდა. დაწყებულია 59 სკოლის პროექტირება-მშენებლობა და მიმდინარეობს 80 სარეაბილიტაციო სკოლის პროექტირება. ასევე, 20 სკოლაში გრძელდება მუშაობა ენერგო-ეფექტურობის კომპონენტის გაძლიერების მიზნით. 2019 წელს დაიწყო საერთაშორისო სტანდარტების მცირე ზომის 32 საბავშვო ბაღის მშენებლობა და მიმდინარეობს ტიპიური პროექტების შემუშვება საშუალო და დიდი ზომის 24 ბაღისთვის. ამ პროექტების საინვესტიციო ღირებულება დაახლოებით 50 მილიონი ლარია. P.s. სტატია ჩვენ არ გვეკითვნის. სტატია გამოქვეყნებულია bm.ge-ს მიერ. #news #business

კასპის მუნიციპალიტეტის სადგურ მეტეხის დასახლებაში ახალი საბავშო ბაღის მშენებლობა დაიწყო, რომლის სამუშაოები მუნიციპალიტეტის მერის მოვალეობის შემსრულებელმა, თამაზ ტატანაშვილმა და მისმა მოადგილემ ზაზა მარიდაშვილმა დაათვალიერეს. ამჟამად ძველი ავარიული შენობის დემონტაჟი მიმდინარეობს, მისი დასრულების შემდეგ ახალი შენობა აშენდება. 50 აღსაზრდელზე გათვალილი შენობა სრულად დააკმაყოფილებს თანამედროვე სტანდარტებს. პროექტი კეთილმოწყობილი შენობის გარდა, სპორტულ და საბავშო მოედნის კეთილმოწყობას, ასევე ტერიტორიის გამწვანებასაც ითვალისწინებს. დასახლებაში რომელშიც 200 - მდე ოჯახი ცხოვრობს უკვე 25 წელია საბავშო ბაღის შენობა არ ფუნქციონირებს. აღსაზრდელები კასპის #1 საბავშო ბაღში სპეციალურად გამოყოფილი ტრანსპორტით გადაადგილდებიან. ამას მუნიციპალიტეტის მერია აფინანსებს. საბავშო ბაღის სამშენებლო სამუშაოებს ელექტრონულ ტენდერში გამარჯვებული შპს „ბამა“ ახორციელებს. პროექტის სამუშაოები ადგილობრივი ბიუჯეტიდან ფინანსდება და მასზე 965 000 ლარი დაიხარჯება. #კასპი #მშენებლობა #goridaily

პროექტის ღირებულება 1 101 562 ლარია. სამუშაოები ადგილობრივი ბიუჯეტისა და რეგიონებში განსახორციელებელი პროექტების ფონდის თანადაფინანსებით ხორციელდება. საბავშვო ბაღის ორსართულიანი შენობა, სადაც სამი ჯგუფური უჯრედია, ადაპტირებულია. თითოეული უჯრედი მოიცავს სათამაშო ოთახს, გასახდელს, სანიტარულ კვანძსა და საძინებელს. გარდა ამისა შენობაში გათვალისწინებულია სივრცეები შემოქმედებითი და სპორტული აქტივობებისთვისაც. საბავშვო ბაღში სკოლამდელი განათლების მიღებას 100-ზე მეტი ბავშვი შეძლებს. სადგურის დასახლებაში დაახლოებით ორი ათეული წელია საბავშვო ბაღი აღარ ფუნქციონირებს. რის გამოც, ბავშვებს წლების განმავლობაში ქალაქის სხვა უბნებში მდებარე სააღმზრდელო დაწესებულებებში უწევდათ სიარული. ფოტოზე კი ხედავთ , როგორი იქნება დასრულებული ბაღი .#საქართველო #სიახლე #არქიტექტურა #ბაღი #goridaily

დღეს, 27 მაისს, წალენჯიხის მუნიციპალიტეტის მერმა ბესიკ ფარცვანიამ და მერის პირველმა მოადგილემ ცოტნე შონიამ ქალაქ წალენჯიხაში გაზიფიცირებასთან დაკავშირებით მიმდინარე სამუშაოები დაათვალიერეს. პროექტს შპს „ ექსპრესსერვისი-2008“ ახორციელებს. პროექტის ფარგლებში მიწისქვეშა და მიწისზედა გაზსადენის მონტაჟთან ერთად რეგულატორებისთვის ინდივიდუალური განშტოებების მოწყობა განხორციელდება. აღნიშნული პროექტი მიმდინარე წლის 26 მაისს დაიწყო და 2019 წელს ქალაქის სრულ დაქსელვას ითვალისწინებს.

თბილისის მერმა კახა კალაძემ გლდანში სფფ-ის საფეხბურთო ცენტრის მშენებლობა ფეხბურთის ფედერაციის პრეზიდენტ ლევან კობიაშვილთან ერთად მოინახულა. „საფეხბურთო ცენტრის მშენებლობის პროექტს თბილისის მერია საქართველოს ფეხბურთის ფედერაციასთან ერთად ახორციელებს. მსგავსი პროექტი ვარკეთილში უკვე განვახორციელეთ, სადაც საფეხბურთო ცენტრი უკვე დატვირთულია და ძალიან ბევრი ბავშვი სარგებლობს თანამედროვე ინფრასტრუქტურით. მაღალი დონის ინფრასტრუქტურით ახლა უკვე გლდანში მცხოვრები ბავშვები და ახალგაზრდები ისარგებლებენ. ძალიან მნიშვნელოვანია, რომ ეს ყველაფერი საფეხბურთო სკოლებისთვის სრულიად უფასო იქნება“, – აცხადებს თბილისის მერი. კახა კალაძის თქმით, საფეხბურთო ინფრატსრუქტურული პროექტები ქართული ფეხბურთის მომავალს წაადგება: „დარწმუნებული ვარ, რომ ამ საფეხბურთო ცენტრით ძალიან ბევრი ახალგაზრდა ისარგებლებს. ჩვენი მთავარი მიზანია, რომ მსგავსი პროექტები თბილისის ყველა რაიონში განვახორციელოთ. დიდი მადლობა ფეხბურთის ფედერაციას იმისთვის, რომ ჩვენთან თანამშრომლობით ასეთი კარგი პროექტები ხორციელდება“. გლდანის საფეხბურთო ცენტრის მშენებლობა 2019 წლის 8 ნოემბერს დაიწყო. ტერიტორიაზე მოეწყობა ხელოვნურსაფარიანი სტანდარტული და მინი-მოედნები, ტრიბუნითა და ადმინისტრაციული შენობით. დასრულებულია ტერიტორიის შემოღობვა, დამონტაჟებულია განათების ანძები და მიმდინარეობს ადმინისტრაციული შენობის მშენებლობა. სპორტულ კომპლექსს ქალთა და მოყვარულ ფეხბურთელთა გუნდებთან ერთად ადგილობრივი საფეხბურთო სკოლები სრულიად უსასყიდლოდ გამოიყენებენ. საფეხბურთო ცენტრის მშენებლობა, რომელიც საქართველოს ფეხბურთის ფედერაციისა და ფიფა-ს პროგრამა „ფორვარდის“ დაფინანსებით მიმდინარეობს, 2020 წლის შემოდგომაზე დასრულდება.

⭕ქალაქ წალენჯიხაში, სოხუმის ქუჩაზე საავტომობილო გზის რეაბილიტაცია მიმდინარეობს. ⭕აღნიშნულ სამუშაოებს ტენდერში გამარჯვებული შპს"წალენჯიხის საგზაო სამმართველო"ასრულებს. სახარჯთაღრიცხვო ღირებულება 900 848 ლარს შეადგენს . ⭕მოსახლეობას წლების მანძილზე არსებული პრობლემა მოუგვარდება და გრუნტის ნაცვლად, მოწესრიგებული გზით ისარგებლებენ.