საქართველოში COVID 19-ის 15 ახალი შემთხვევა გამოვლინდა

თბილისის ინფექციური საავადმყოფოს სამედიცინო დირექტორის, მარინა ეზუგბაიას განმარტებით, 15 ახალი დადასტურებული შემთხვევის ჩათვლით, ამჟამად საქართველოში 1321 დადასტურებული შემთხვევა აღირიცხება. „15 ახალი დადასტურებული შემთხვევის განაწილება ასეთია: 9 შემთხვევაა მოგზაურობა ეპიდაფეთქების ზონაში, 4 შემთხვევა გახლავთ კონტაქტები მანამდე დადასტურებულ შემთხვევებთან, 1 შემთხვევა შემოტანილია სატვირთო ავტომანქანის მძღოლის მიერ და კიდევ 1 შემთხვევაზე გრძელდება ეპიდკვლევა კონტაქტების მოძიებისა და წყაროს დადგენის თვალსაზრისით“ - განაცხადა ეზუგბაიამ ინფექციურ საავადმყოფოსთან გამართულ ბრიფინგზე. მისი ინფორმაციით, ამ ეტაპისთვის გამოჯანმრთელებულთა რიცხვი 3-ით გაიზარდა და 188-ს შეადგენს. ამასთან, სამკურნალო ცენტრებში კვლავაც რჩება 216 პაციენტი, აქედან კრიტიკულია 6 პაციენტის მდგომარეობა. https://www.radiotavisupleba.ge/a/30785082.html #ახალი_ამბები #twitter