იტალია ტურისტებისთვის გაიხსნა

იტალიამ ევროპელი ტურისტებისთვის საზღვრები გახსნა. დღეიდან ევროპელ ტურისტებს იტალიაში მოგზაურობის უფლება კარანტინის გავლის გარეშე აქვთ. "ეს რისკიანი ნაბიჯია, თუმცა რომ არ დაგვეწყო ტურიზმის გახსნა, ამას ვეღარასდროს შევძლებდით", - აღნიშნა იტალიის პრემიერ-მინისტრმა ჯუზეპე კონტემ. ტურიზმი იტალიის GDP-ის 10%-ს შეადგენს და კორონავირუსის გამო, ინდუსტრია ქაოტურ მდგომარეობაში აღმოჩნდა. "ხალხი შეძლებს ყველგან წასვლას. გახსნილია მაღაზიები, რესტორნები და კაფე-ბარები. მათ ასევე შეუძლიათ ეწვიონ მთებს, ტბებს და ზღვის სანაპიროებს", - განაცხადა ჯუზეპე კონტემ. ტურისტების მისაღებად ემზადება ესპანეთიც. "ახალ ტურისტულ აქტივობებს ივნისის ბოლოსკენ დავიწყებთ. ჩვენ უნდა ვაქციოთ ესპანეთი მიმზიდველ ქვეყნად ჯანმრთელობის კუთხითაც" - ეს განცხადება სახელმწიფო მინისტრმა ლუის აბალოსმა მალევე გააკეთა მას შემდეგ, რაც იტალიამ ტურისტებისთვის საზღვრების გახსნის შესახებ გამოაცხადა. news იტალია ესპანეთი ტურიზმისგახსნა TbilisiDaily